Hebreos 13:9 - Nuevo Testamento Toba Sombrero Negro

⁹ Qama'le ena'te auajeñeta ta'le ami qoyauequeteda'alo gaa'me napaĝaguenataĝanaĝaco jo'ne yodapecache 'me ja qoyateto'n. Nach'edata da'me lañoqotaĝanaĝac joñe'me Dios jo'ne yataqata 'yañaqate't naa'me mach'e adai'lidi'. Chane'eja ena'te oqui'teguelo naa'me namaĝajoĝonaĝaco jo'ne qoye'n ladiquiyaĝac da'me niqui'yaĝac, qa'a jogaa'me jo'ne quetede'egue da'me dojo' qaya'te ta'le 'uo ga'me naueguedela't.

Nuevo Testamento Toba Sur

⁹ Qataq sa ishit qome da chochi qami' ÿauecta'pe na ÿotta'a't napaxaguenataxanaxacpi mayi sa qaÿauanapega. Qaq nachaqdata da ÿataqta ÿaconguet qome da qadquiyaqteÿaxaqui da l'añaxac mayi chigaqaigui da lsoxoyic ñi Dios, mayi saq 'en'am da lataxac naua nalli'c da huo'o na qanallic qataq na sa qanallic. Cha'ayi de'eda lataxac da sa qanallica'acda', nam ÿataqta quetegue da i'ot, qalaq sa ishit da huo'o ca nshapeque.

La'aqtaqa Ñim Lo'onatac 'Enauacna 2013

⁹ Qaq ỹoqo'oye saishet da qauqocheetega na napaxaguenataxanaxacpi maye sa qaỹauanapega, maye ỹataqta sa nateneguet dam qomi' ỹapaxagueneque So Jesucristo. Ỹactec da 'onaxaic da saconaxaguet da qara'añaxac maye nachera da lsoxoyec Ñim Lo'onatac 'Enauacna, qaq saishet da nachena na qalapaqtañipi maye ỹa'axat cam qanallec qataq cam saishet da qanallec, cha'aye damaye qaica ca ltaunaxanaxac.

Hebreos 13:9 Referans Kwoze

Efesios 4:14

Male ja jenaqa'ama gaa'me ñoqolqa jo'ne nejouoĝodiñe nale daa'me lelnataĝaco qama'le ena'am ta'le ga'me layat yayoĝo'n. Da'me qo'mi qamqa'me male ja jaconaĝagueta gaa'me lapaĝaguenataĝanaĝaco gaa'me qovinaĝanaĝayaqa jo'ne ch'e yoqovi'n jena'me layi qaedi yejomaĝana'ape.

Efesios 5:6

Ena'te anejeñeta ta'le ami qoyoqovi'n da'me qom ami qoyanema gaa'me 'naqataqa jo'ne ja ejoda, qa'a chiyaqayilo naa'me naajo' noqovinaĝaco, joñe'me Dios dalemata'yalo jo' qomle gaa'me ja yoqochideta.

Romanos 14:6

Joga'me jo'ne yamaqaten da'me 'uo joga'me nolo' jo'ne yataqata yiyamaĝatetac, qama'le naq'aeta da'me 'nonaĝachigui joñe'me Dios. Nach'e ena'am joga'me jo'ne yema yalic nale nataq'aen yi'yoĝoden joñe'me Dios qama'le yatem da'me lamaic joñe'me, nach'e ena'ama jogaa'me nale yejamaĝa't da'me yalic na'me nanal jala, nataq'aen yi'yoĝoden joñe'me Qadet'a Dios nataq'aen yatem joda'me netonaĝac joñe'me.

1 Juan 4:1

Ami yaqaya'olqa, ena'te anaqapaĝañiyegueta gaa'me jo'ne ami yapaĝague'n, dite da'me cha'li auapiyeñi jogaa'me, qom eja chiyoqodayi joñe'me Dios. Qa'a uo'oe gaa'me qayoĝode' jo'ne ueda'a jena'me aleua, jo'ne qovinaĝanaĝaiquipi jo'ne enapega'ajalo 'yaĝatetedac joñe'me Dios.

Hechos 20:30

Chayovida'a mach'e ami uo'oe qomle gaa'me 'ñedijeguem qama'le dapaĝaguenataĝatec daa'me loqovinaĝanaĝaco qaedi ga'me p'etaqadaiquipi male qodiguelo.

Judas 1:12

Jogaa'me yataqata yauote da'me adepocoĝoqui nale yalegouelo gaa'me adiqui'yaĝaqui' 'me a'nonaĝachiguilo, qa'a ja yiyamaĝatetedac, dite da'me ch'e deque'y nataq'aen ch'e niyo'm. Ja yaloĝo'n ga'me lepocoĝo'j, qalaĝaja eetapela'ajalo made'tape, qa'a nach'egaua jo'ne najoĝola'te jo'ne mach'e netelela'ajalo. Nach'egaua yataqachiñe ja 'noe'n, qama'le ena'ama gaa'me piyem loje' jo'ne ja chiyaqayi ga'me uotep, qa'a ch'e layat layoĝonataqa. Nataq'aen ena'ama gaa'me ep'a 'me ja yauote jala nale yovita ga'me laloqo', yataqachiñe qaqa'te' qa'a joote ja netayelo gaa'me patadi.

1 Timoteo 6:20

Am yaqaya Timoteo, yataqata adetela da'me dojo' am qoyanem jo'ne am qo'yamaqatenec. Ena'te anaquiaĝanalo jogaa'me jiyaĝa'u jo'ne ja 'noe'n gaa'me 'laqataqa, jo'ne ye'uetedac joñe'me Dios nataq'aen yataqata ochichiguilo. Nach'egaua eetapela'ajalo yatenaĝanaĝayaqa, qalaĝaja ja naq'aeta.

Judas 1:3

Ami yaqaya'olqa, jayem jalcote da'me yamaic ta'le jediñe joda'me lajoĝoc da'me qat'oyaĝac 'me dalaĝaic jo'ne joote ena'uaque qo'mi uetauelo. Qalaĝaja nayi male jela'a da'me qoyouetaque da'me ami jamaĝalo da'me dojo' qaedi ami ñachoĝodenouelo da'me aueloquiaĝanaĝañi da'me adepi'i, da'me jo'ne qoye'uauaĝanouelo joca'li ga'me lec'oqo'tepi joñe'me Dios.

2 Ts 2:17

ñachoĝodenoqoto joñaa'me qaedi e'n jaqachiguilo naa'me adai'lidi' da'me adamaiqui, nataq'aen qaedi ami yanema da'me at'añaĝaqui, qaedi nach'e eta't a'uaĝachetac jena'me jenjo' 'noota nataq'aen da'me yataqata a'vichi na'me.

Mateo 24:24

Qa'a novi't qom'te gaa'me pecayaqa jo'ne eetapela'ajalo Dios liquiyaqa, nataq'aen gaa'me qovinaĝanaĝayaqa jo'ne eetapela'ajalo Dios 'laqataĝanaĝanaqa; qama'le nach'egaua yauo'oe gaa'me 'lanaqa nataq'aen gaa'me lañoqotaĝanaĝaco jo'ne p'ajodaye qaedi doqovinaĝa'n, da'me jetaque yañoĝo't chayovida'alo gaa'me Dios lec'oqo'tolqa jo'ne mach'e liquiyaqa.

Mateo 24:4

Jesús 'yategueta joga'me: —'Noota qom achiya'aguet ta'le 'uo gamachaqaega ami yoqovi'n.

Colosenses 2:4

Qama'le ami ja'aĝatema da'me dojo' qaedi qaya'te ami yoqovineque qomle gaa'me 'laqataqa qaedi ami 'naĝa't.

2 Corintios 1:21

Dios nach'eñe qo'mi 'yañaqate't qaedi ja jaĝanaĝaye ñe'me Cristo, da'me jenaqa'ta nataq'aen ami nataq'aen ja qo'mi 'te 'nalo'te q'ae'n da'me qo'mi yiyota'alo.

1 Corintios 8:8

Qalaĝaja da'me chiyaqayi da'me Dios qo'mi yaconegueta ja yajouaĝat ga'me jo'ne jaliguinaq; ja naqaeda ta'le qo'mi lama'ajoda ja 'noe'n ta'le jaliguinaq, uotaĝa yataqachiñe qo'mi 'noote' ta'le jaliguinaq.

Romanos 14:17

Joda'me lejaliaĝa ñe'me Dios ja qoyelo'ogue joga'me niqui'yaĝac uotaĝa joga'me qoniyomigui, nach'edata da'me yataqata qoyen p'ajaye da'me qoye'et joda'me 'noota nataq'aen da'me 'uo da'me 'nemaĝac choqoda'me namaic 'me chiyoqo'ot joñe'me Dios Lepaqal.

Romanos 14:2

Jenjo' laloĝoiqui uo'oe jogaa'me eetedapega 'uañaĝayaqa qama'le 'yamaqate'n da'me 'noota ta'le yema yali'j ga'me yauata. Qalaĝaja joga'me qaya'te 'lañaĝac yejamaĝa't da'me yalic joga'me nanal jala.

Hechos 20:32

“Nayi, ami yaqaya'olqa, ami jepotanouelo da'me letelaĝac ñe'me Dios qaedi auacoñiyeguet da'me 'laqataĝanaĝac jo'ne 'yaĝatetac da'me mach'e lichoĝodenataĝanaĝac. 'Uo da'me lañoqotaĝanaĝac ñe'me qaedi en nichiquetajeguem da'me adepi'i nataq'aen ami yanema yema ga'me jo'ne joote 'yaĝatema gaa'me ja 'nalo'te 'me c'oqo'tepi.

2 Ts 2:2

da'me ena'te aueñetapega aĝañiñi jena'me jenjo' auenachitapega. Nataq'aen ena'te at'oiyi qom 'uo ga'me jetaque ami yoqochoqote't, qom eetapega nach'eñe ñe'me Dios Lepaqal yayatenaĝanaĝanec da'me joote yovita ga'me laloqo' da'me novi' ñe'me Jaliaĝanec, uotaĝa ta'le 'uo ga'me 'yaĝatem da'me dojo', uotaĝa yauana ga'me nediijec jo'ne eetapega mach'e qat'onatac.

1 Corintios 6:13

Nataq'aen aueñiyapega chimaqachiñe ga'me adoequi nale aueñiyapega't: “Ga'me jaliguinaq qoya'uo qaedi taue jana'me qadeta'am, nataq'aen jana'me qadeta'am qoya'uo qaedi jenaĝa taue ga'me jaliguinaq.” Jaja'a, yataqachiñe eja da'me dojo', qalaĝaja Dios yapalaĝa't qomle jana'me qadeta'am nataq'aen ga'me jaliguinaq. Qama'le nach'e ena'am na'me qadapat: 'noota ta'le ja jenaĝa taue da'me nequejeguetaĝa, dite da'me qolaĝague ñe'me Jaliaĝanec, qa'a nach'eñe ñe'me jo'ne qo'mi yanema ga'me jouenaqataque.

Gálatas 6:1

Ami yaqaya'olqa, ami jo'ne joote auajoitalegue ñe'me Dios Lepaqal. Chane'eja, qom 'uo ga'me qo'youatelegue da'me ya'uo loec, 'noota qom auedoilo'te naa'me onaĝayaqa at'aqataqadi' da'me auapaĝagueñi. Qalaĝaja achiya'aguet qaedi ja nach'e ena'am 'uo ga'me anapiyenaguequi da'me auauoyi ga'me ja no'en.

Lucas 5:38

Qo'che' ta'teguet da'me qoyachañgui ga'me lataĝa jo'ne dalaĝaic ga'me jiyac lo'oc jo'ne dalaĝaic.