Hebreos 13:4 - Nuevo Testamento Toba Sombrero Negro

⁴ Nach'e ena'am da'me ademiya'a da'me aviyamaĝachetac da'me adouayaĝaqui, nataq'aen jogaa'me nooua' youen da'me nach'e eta't da'me niyamaĝatela'ajalo da'me mach'e 'lonáĝa'j, qa'a ñe'me Dios ya'uo qomle ga'me ne'uaĝanague'j jogaa'me quejeguetaĝayaqa choqogaa'me jo'ne leua'u gaa'me ja loua'.

Nuevo Testamento Toba Sur

⁴ Qataq iuen da ÿataqta qantela'a qome 'enauac da nhuaÿaxac, qataq caua namoxo'u iuen da ÿataqta nde'n, cha'ayi ñi Dios ÿauo'o qome da nhuaxanaguec na quishiguetaxaicpi qataq na lauatapiguiñi' aca sa lhua.

La'aqtaqa Ñim Lo'onatac 'Enauacna 2013

⁴ Qataq qami' iuen da ỹataqta qanchelỹa'a da qarhuaỹaxaqui qataq ỹataqta lta'araic qanqa'eñi da naigui. Caua namoxou' iuen da ỹataqta nde'n, cha'aye Ñim Lo'onatac 'Enauacna ỹauo'o qome da nhuaxanaguec na quisheguetaxaicpi qataq nam sa iren da lhuaỹaxac.

Hebreos 13:4 Referans Kwoze

Gálatas 5:19

Qaya'te laqalaic nale qoyec'ate'n gaa'me quetapegue'to daa'me lapa'che lamaico; ja yataĝalegue da'me 'lonáĝac, 'uo ga'me lequejeguetaĝa, nataq'aen yauapiye gaa'me paĝachiguilo ja 'noe'n namanaĝanaĝaco.

Gálatas 5:21

Yataqachiñe p'aguenataĝanaĝayaqa jogaa'me, chayovida'a yala't gaa'me laqaya'; yacota ga'me lataĝa qama'le taĝayaqa, nale yovita ga'me nolo' da'me yauote ga'me netonaĝa'j qama'le yacota ga'me laláĝa'j na'le deualaĝai'tape, nataq'aen qayoĝode' gaa'me ja 'noe'n yauo'oe. Ami jaqatalo, naq'aeta ga'me joote ami janema ca'li, da'me gaa'me jo'ne naq'aeta ga'me yauote qama'le ja yaqanate't ta'le tadoue da'me lejaliaĝa ñe'me Dios.

1 Corintios 6:9

¿Qo'li ja auayachiñe joona gaa'me ja 'noe'n ja yaqanate't ta'le tadoue da'me lejaliaĝa joñe'me Dios? ¡'Noota qom yataqachiñe auayachiñe da'me dojo'! Uotaĝa gaa'me jo'ne 'yetedac da'me nequejeguetaĝa, uotaĝa gaa'me jo'ne p'iya'alo ga'me ch'e nequi'il, uotaĝa gaa'me jo'ne ja neteleta da'me yataqatelegue 'lonáĝa'j, uotaĝa gaa'me le'mi jo'ne yadenaĝa't da'me yauo 'loyaĝac qama'le nemedoue da'me nequejeguetaĝa,

1 Corintios 5:13

Gaa'me jo'ne ja p'etaqadayaqa, ñe'me Dios nach'eñe yemaĝagueta jo' qomle jogaa'me. Qalaĝaja da'me ami, ena'am da'me 'yaĝatetac ga'me nediijec, eet'oi: “'Noota ta'le auamaqayeguet ga'me ja no'en 'me ami uetauelo.”

Efesios 5:5

Da'me ami yataqata auayachiñe queda'me uo'oe gaa'me jo'ne ja yaqanate't ta'le tadoue da'me lejaliaĝa joñe'me Cristo choqoñe'me Dios; nach'egaua jo'ne quejeguetaĝayaqa nataq'aen gaa'me yadenaĝa't ga'me paĝachigui nataq'aen gaa'me pitaĝanaqataqayaqa (jo'ne ena'am ta'le e'n nedios da'me jo'ne yepiteda'a.)

1 Timoteo 3:12

Joga'me necochaĝaua, 'noota ta'le onole jaga'me loua, nataq'aen yataqata yelolo'te jogaa'me c'oqo'te nataq'aen ga'me 'lachaqa'.

1 Timoteo 3:4

'Noota qom nach'eñe yelolegue ga'me 'lachaqa', qaedi gaa'me c'oqo'te yataqachiñe machaqayaqa nataq'aen onaĝayaqa loec.

1 Corintios 7:38

Qama'le ga'me jetaque 'uoneguet jaga'me 'naĝataqate, 'noota da'me ya'uo. Qalaĝaja ga'me ja jetaque uo'on, joga'me yataqachiñe 'noota da'me ya'uo.

Apocalipsis 22:15

Qalaĝaja joga'me p'aye nach'ega jo'ne ueteda'a jogaa'me jo'ne jomayaqa, nach'egaua jo'ne yeda'n gaa'me laqaya', choqogaa'me jo'ne 'yetetedac da'me nequejeguetaĝa, qama'le nach'e ena'ama jogaa'me lataĝanaĝayaqa nataq'aen jogaa'me p'iya'alo jogaa'me ch'e nequi'il nataq'aen jogaa'me noqopideta da'me napaĝagueteguet da'me noqovinaĝanaĝac.

Tito 1:6

'Noota qom qaya'te lejamaĝataĝac ga'me 'yaĝaicachigui, 'noota qom onole jaga'me loua, nataq'aen joĝodayaqa gaa'me c'oqo'tolqa, ja qoyec'ateneque ta'le ja 'noe'n da'me 'loyaĝa'j uotaĝa ta'le ja yoqocha'alo jogaa'me let'al.

1 Timoteo 5:14

Chane'eja jepaquetapega ta'le jogaa'me p'ail jo'ne jona'li 'yaĝainadi', 'noota ta'le yitaĝa yauote gaa'me loua', qama'le yitaĝa uo'oe gaa'me c'oqo'te, nataq'aen male 'uo ga'me mach'e 'lachaqa'yaĝa'j jo'ne qoyen 'lonata'j, qama'le qaya'te en ladic gamachaqaega ga'me nojaĝac jo'ne ja no'en nale chiyoqo'ot ñe'me payac.

1 Timoteo 4:3

Naajo' jiyaĝa'u male uo'oe gaa'me ja yaje'n da'me 'uonat, nataq'aen uo'oe gaa'me ja yaje'n gaa'me niqui'yaqa'te. Qalaĝaja Dios ye't ca'li yemeda gaa'me niqui'yaqa'te qama'le yanema nale jogaa'me c'oqo'te qaedi yali'j qama'le yate'm da'me lamai'j nale. Nach'egaua lec'oqo'te jo'ne yateto'n da'me eja,

2 Corintios 5:10

Qa'a ena'uaque qo'mi jajoyaqa'aguet qomle ñe'me Cristo, jo'ne nach'eñe qanec'atenoqo't. Nach'eñe nimitapiye qomle gaa'me qat'onataqa, qama'le qo'mi yanema ga'me qanejetenaguec qom qadalo'taguet, uotaĝa qo'mi yanema ga'me qane'uaĝanaguec.

1 Corintios 9:5

Nataq'aen chimaqachiñe ta'le ñaigaqatapegue'to gaa'me qadoua' nale jeuoqotac, nach'e naq'aeta nale da'me ya'uo ñe'me Pedro nataq'aen jogaa'me laqayadejoda ñe'me Jaliaĝanec nataq'aen jogaa'me mach'e lamaĝa's.

1 Timoteo 3:2

Qama'le ga'me jiyaĝaua jo'ne 'lonatac jena'me jenjo', 'noota ta'le qaya'te lejamaĝataĝac. 'Noota qom jiyaĝaua jo'ne onole jaga'me loua, yataqata joĝodaic, nataq'aen loqotenaĝanaĝaic, nataq'aen uategaĝaic ga'me ja yelo'teguet ga'me 'lonatac. 'Lonatac laqaya 'noota ta'le yelo'oguet ga'me jiyaĝadipi qom yec'adeta ga'me 'lachaqa'; nataq'aen yataqata yayaten da'me lapaĝaguenataĝanaĝac.

Hebreos 12:16

Ena'te ami quejeguetaĝayaqa, chayovida'a da'me ena'te a'uotañi ga'me jo'ne chiyoqo'ot joñe'me Dios, qa'a naq'aeta da'me ya'uo ca'li ñe'me Esaú, da'me yemen jo'me te'me qoyen mach'e loĝot queda'me nach'eñe ñe'me nec'oĝot jo'ne nipiloĝot, ca'li en tayí da'me ya'uo onolec niqui'yaĝac.

1 Corintios 6:18

Qo'che' ami ja'aĝatema queda'me ¡'noota qom auajoye'guem da'me nequejeguetaĝa! Gamachaqaega qadoec laqaya jo'ne jauoqo nale ja 'naĝat da'me qadapachidiyaĝac. Qalaĝaja ga'me jo'ne taue da'me nequejeguetaĝa 'uo da'me loec jo'ne 'naĝat da'me mach'e lapachidiaĝac.

1 Ts 4:6

Ena'te ta'le 'uo joga'me ch'e eetapega yoqovin joga'me laqaya uotaĝa ta'le ee'tec ga'me ja no'en, qa'a joñe'me Qadet'a yataqata ja 'yamaqaten da'me dojo', qama'le ya'uo jo' qomle joga'me laviyaĝajet. Qalaĝaja yema jena'me jenjo' joote ami ja'aĝataĝama ca'li.