Hebreos 13:21 - Nuevo Testamento Toba Sombrero Negro

²¹ Joñe'me Dios en ami yataqatelo'te q'ae'n, qaedi oqui'tegue da'me jo'ne mach'e lelnataĝac joñe'me, qama'le qo'mi ee'teque da'me jo'ne mach'e 'lamaqatenataĝanaĝac, da'me jo'ne chiyaqayi joñe'me Jesucristo, qaedi nach'eñe joñe'me jo'ne 'uo da'me 'lonaĝa jo'ne ja yitaĝa ta'le pal. Jaja'a, nach'e naq'aeta da'me dojo'.

Nuevo Testamento Toba Sur

²¹ ñimayi ÿataqta qami' naloqchiichiyiñi qome qataq n'onaxat 'enauac da qadataxaqui, yaqto' ishit da qau'ochi cam 'eetapeguec; qataq yaqto' ñimayi ishit da maichi ÿoiqueetac cam qomi' i'oteque, ÿachigoxotchigui naq'en so Jesucristo. ¡So Cristo ÿataqta nachi 'eetai' qome da ñi'oxonnataguec! Aja', nachi 'eetec.

Hebreos 13:21 Referans Kwoze

Filipenses 2:13

Qa'a nach'eñe joñe'me Dios jo'ne ami yanouelo da'me nelnataĝaco jo'ne onaĝayaqa nataq'aen ami yanema da'me at'añaĝaqui qaedi aueñi di'yoq da'me yepaquetapega joñe'me.

2 Ts 2:17

ñachoĝodenoqoto joñaa'me qaedi e'n jaqachiguilo naa'me adai'lidi' da'me adamaiqui, nataq'aen qaedi ami yanema da'me at'añaĝaqui, qaedi nach'e eta't a'uaĝachetac jena'me jenjo' 'noota nataq'aen da'me yataqata a'vichi na'me.

Filipenses 4:13

Nach'eñe ñe'me Cristo jo'ne ya'uo joga'me 'yañaĝac qaedi male jeloquetape'to naa'me naajo' qat'oyaĝaco da'me jouaqa'ta jena'me aleua.

1 Pedro 2:5

Nataq'aen da'me ami, ena'am ta'le ami qadi jo'ne nec'aletedaye, naqa'ami jo'ne 'lonataqa joñe'me Dios da'me 'noĝojeguem ga'me tamenaĝaiqui jo'ne ja 'nalegue, qaedi ami jo'ne ademii'teguet joñe'me Jesucristo male ami qoye'n letaĝayaĝanaĝanaqa ga'me jiyaĝadipi, da'me auajaqaedeuo joga'me najaqajecpi 'me ja di'yo't, nach'egaua jo'ne yataqata 'yamaqate'n joñe'me Dios.

2 Timoteo 4:18

Nataq'aen nach'e eta't ñe'me Jaliaĝanec jayem yachiyoĝotedaue yemeda jogaa'me ja 'noe'n, chayovida'a da'me yataqata jayem nec'alaĝategue, qama'le jayem yauega di'me lejaliaqa' jo'ne ja 'nalegue. ¡'Noota qom nach'e eta't jaloĝonaq da'me onaĝaic lejaliaĝa joñe'me! Jaja'a, nach'e naq'aeta da'me dojo'.

Filipenses 1:11

Chane'eja joda'me lecochaĝac joñe'me Jesucristo male ami yaloĝonalo joda'me 'noota ta'le a'vichi, qaedi yataqata qo'nonaĝachigui joñe'me Dios chayovida'a da'me yataqata qonenaĝachijeguem joda'me lenaĝat joñe'me.

2 Corintios 9:8

Dios yaqanatet ta'le e'n yodapecache gaa'me ami yanema jo'ne anachiquiyaĝaqui, qaedi nach'e eta't auañiya yema ga'me jo'ne auoviñetaque. Uoja'eda ja yemeta da'me adecochaĝaqui da'me alecochiiyalo ena'uaque gaa'me 'nonataqa jo'ne 'noote'.

1 Pedro 4:2

qaedi male ja que'teguelo naa'me ch'e lamaico da'me nejiyaĝauayaĝac. Nach'edata da'me male yauotac da'me jo'ne chiyaqayi da'me loequenataĝanaĝac joñe'me Dios, nayi yemeda naa'me noloqo'ote.

Hebreos 10:36

Qa'a maliaĝa auoviñetaque da'me a'nañaĝachiyeguet da'me adachoĝodequi, qaedi auomachi da'me auauoyi da'me laqataĝac joñe'me Dios, qama'le auacoñiyeguet qomle da'me jo'ne joote ami qo'yaĝatema.

1 Ts 5:23

'Noota qom Dios male naqaeñe jo'ne chiyoqo'ot da'me 'nemaĝac, male yataqata ami 'yeteque da'me male jalcote da'me ja ami 'te 'nalo'te, nataq'aen yataqata netela yema da'me at'oyaĝaqui, uotaĝa na'me adepaqali jo'ne ami uetauelo, nataq'aen netela na'me adai'lidi', choqona'me adapa'chidi', qaedi male yataqata qaya'te ami netayelo jo'ne ja no'en, chayovida'a qom male 'niyelaq joñe'me Qadejaliaĝanec mach'e Jesucristo.

Judas 1:25

Chane'eja joñe'me Qadet'a jo'ne qaya'te ena'am, mach'e Qadec'alaĝaiqui jouaĝat joñe'me Qadejaliaĝanec Jesucristo, 'noota qom nach'e eta't qoyanem da'me ni'yoĝodenataguec nataq'aen da'me lañoqotaĝanaĝac, nataq'aen da'me 'lañaĝac, nataq'aen da'me lejaliaĝa. Nach'e naq'aeta jalchi'ena joca'li yemta nataq'aen nayi naa'me naajo' noloqo'ote, nataq'aen nach'e eta't ja pal. Jaja'a, nach'e naq'aeta da'me dojo'.

1 Juan 2:17

Qalaĝaja pa'l qom'te gaa'me jiyaĝadipi jo'ne ja 'noe'n, nataq'aen gaa'me lamaico jogaa'me; qalaĝaja gaa'me jo'ne yauo'oe daa'me jo'ne yepaquetapegalo joñe'me Dios, qama'le yataqachiñe 'uo da'me lec'alaĝa jo'ne ja pal.

1 Timoteo 1:17

¡'Noota qom nach'e eta't qa'nonaĝachigui joñe'me, nataq'aen jaloĝonaq da'me onaĝaic lejaliaĝa joñe'me mach'e Qadejaliaĝanec jo'ne ja pal, nataq'aen Jaliaĝanec jo'ne qaya'te nalo'oguet, ja qoyauana, nach'eñe onolec mach'e Qanedios! Jaja'a, nach'e naq'aeta da'me dojo'.

Efesios 2:10

Da'me qo'mi mach'e qo'mi 'lonataqa joñe'me Dios, qama'le joqo'taqataguet joñe'me Jesucristo qaedi jauoqo'oe jogaa'me qat'onataqa jo'ne 'noote', nach'egaua jo'ne Dios joote yiyamaĝateta'ajalo qaedi je'etaqa'tape.

Apocalipsis 5:9

Qama'le 'yotedac jenjo' nalac jo'ne dalaĝaic: “Naqa'am jo'ne aueloteguet qoyen Da'me auacona ga'me nenañejec Qaedi anaqa't jogaa'me 'nanaĝanaqatel, Qa'a naqa'am jo'ne am qoyalat joca'li Qama'le naliñi jana'me adetauo' Da'me aue'n nejetenatac ñe'me Dios Joga'me jiyaĝadipi jo'ne yodapecache naa'me 'loyaĝaco naa'me 'laqataqa, Ena'uac da'me neqomyaĝac Nataq'aen ena'uaque gaa'me noyaqa.

1 Juan 3:22

Nataq'aen joñe'me qo'mi yanema ena'uaque gaa'me jo'ne jajelaĝanaqaque, qa'a jouaĝat queda'me jiyamaĝata' daa'me lamaĝajoĝonaĝaco, nataq'aen jauoqo'oe jodaa'me jo'ne yepaquetapegalo.

Hebreos 13:16

Nach'e ena'am ena'te aĝañiñi da'me auauoyi da'me 'noota, nataq'aen da'me anecolaĝachiyalo gaa'me adaqayadi' ga'me youetedaque, qa'a nach'eda da'me qadajaqajec jo'ne 'yamaqaten joñe'me Dios.

1 Timoteo 6:16

Nach'eñe onolec jo'ne qaya'te nalo'oguet, nataq'aen ga'me lejaliaqa' 'uo joga'me edañgui jo'ne nach'ega netaue, nataq'aen qaya'te yaqanatet ta'le davi'teguet. Maliaĝa qaya'te jiyaĝaua ta'le yauana joñe'me, nataq'aen ja qoyaqanatet qom qoyetapega qoyauana. Qama'le ¡'noota ta'le nach'eñe yelo'tot da'me qo'nonaĝachigui choqoda'me let'adaic lejaliaĝa! Jaja'a, nach'e naq'aeta da'me dojo'.

1 Timoteo 5:10

Nataq'aen yataqata qoyayaten da'me onaĝaic 'lonataĝanaĝac ca'li: qom yataqata netelalo jogaa'me c'oqo'te, nataq'aen da'me 'uo da'me loqopich'i nale qodejapichiya, nataq'aen da'me joote yataqata yichoĝode'n gaa'me Dios lec'oqo'tepi, chayovida'a da'me lecochiyalo nale jogaa'me 'uo da'me lachoĝode'j, nataq'aen nach'e eta't yauo'oe gamachaqaegaua 'lonataqa jo'ne 'noote'.

1 Ts 3:13

Nataq'aen yataqata 'yañaĝachilo jonaa'me adai'lidi', qaedi yataqata ami uauelo joga'me ja 'nalegue, nataq'aen da'me yataqata ami ejoda yataqata qaya'te adoecodi' da'me ami nelotapi'ñalo joñe'me ja 'nalegue mach'e Qadet'a Dios, qom male 'niyelaq joñe'me Qadejaliaĝanec mach'e Jesús qama'le naequetedapegue' yema joga'me Dios lec'oqo'tepi jo'ne ja 'nalo'te. Jaja'a, nach'e naq'aeta da'me dojo'.

Colosenses 4:12

Ami yamaĝalo lamaic ñe'me Epafras, mach'e lalemaĝajet ñe'me Cristo Jesús; nach'eñe jo'ne ami chiyaqauelo ca'li, qama'le nach'e eta't ami nachoĝodelo'te nale yauo'oe gaa'me netamenaĝaco, qaedi a'nañaĝachiyec da'me ami chimadichidiñe, yataqachiñe anaviquila't da'me qaedi auauoyi joda'me loequenataĝanaĝac joñe'me Dios.

Colosenses 3:17

Nataq'aen ena'uaque gaa'me jo'ne auauoyi uotaĝa anenaĝachiyegue, a'viche'tape nale jogaa'me qa'a jouaĝat da'me ademii'teguet joñe'me Qadejaliaĝanec Jesucristo. Nataq'aen auañem da'me adamaiqui ñe'me Dios nale, yajouaĝat da'me jo'ne Cristo ami yanema.

Filipenses 4:18

Joote jaconeguet yema joga'me jayem anamaqaiya, nach'ega jo'ne yataqata alidaq. Qama'le jalcote da'me jauana nayi, qa'a jada'me adajaqaje jo'ne jayem neda'a ñe'me Epafrodito, jaga'me yataqata napacalegue ga'me jouetaque. Da'me adichoĝodenataĝanaĝaqui yataqata jalcote onaĝaic, ena'am joga'me neme jo'ne jama da'me laeta da'me qoyanem joñe'me Dios, qama'le yiyamaĝaden da'me yaconeguet.

Efesios 2:18

Jena'me jenjo' ca'li 'lonatac ñe'me Jesucristo, en onolec ladiiuo ga'me judiopi nataq'aen gaa'me ja judiopi, male jauanaĝa ñe'me onolec 'me Dios Lepaqal, jo'ne chiyaqayi da'me male yataqata jovitaĝa ñe'me Qadet'a jo'ne ja 'nalegue.

Mateo 28:20

nataq'aen auapaĝagueñi' qaedi quetede'egue yema ga'me jo'ne joote ami jamaĝalo'te. Qama'le jayem nach'e eta't da'me ami joue'tajopa chayovida'a qom loiquiaqa' jena'me aleua.

Mateo 6:13

Ena'te qo'mi auachalo'te da'me qanapiyenaguec, Dite da'me qo'mi auachiyoĝo'toto joñe'me ja no'en.»

Apocalipsis 5:13

Qama'le nach'e ena'am jomachilegue da'me ena'uac jogaa'me uo'oe jo'ne ueteda'ague jodi'me piyem nataq'aen jogaa'me uetedalegue jena'me aleua, qama'le nach'e ena'am jogaa'me uetedaue di'me p'añe jenjo' aleua nataq'aen jogaa'me uetañguilo gaa'me qa'mi lat'edail, naq'aeta da'me 'yotedac: “¡'Noota qom qo'nonaĝachigui joñe'me jo'ne netañgui jañe'me je'onaĝaiqui Choqoñe'me 'Naĝanaĝate Lec'oĝot, Jouaĝat da'me 'uo da'me li'yoĝodenataĝanaĝa'j nataq'aen da'me 'lonaĝac Choqoda'me lañoqotaĝanaĝac let'adaic!”

Apocalipsis 4:6

Nataq'aen ga'me dajoya'ya jaga'me je'onaĝaiqui nach'e ena'am 'uo ga'me jo'ne ena'am ta'le qa'em lat'edai, jo'ne yaqa'ñe ena'am jaga'me cristal da'me chichiñe. Qama'le di'me laeñi jo'ne neta'ña jaga'me je'onaĝaiqui, ga'me jo'ne mach'e equejopa naa'me lael, uo'oe gaa'me cuatro yejidi polio' jo'ne najaqatelegue jaa'me 'lae'tepi ga'me dajoya'ague choqoga'me netauaqague.

Hebreos 12:23

Joote auec'achiyalo naa'me jo'ne ueteda'ague, qa'a joñe'me Dios yataqata e'n lec'oqo'te, qama'le joote yaqanate't da'me neteda'ña di'me piyem. Male auec'achiya ñe'me Dios jo'ne nec'atenoqo't ena'uac, choqogaa'me lepaqa'li gaa'me jiyaĝa'u jo'ne 'noote', gaa'me jo'ne Dios joote 'yeteque da'me en yataqatelo'te q'ae'n.

1 Ts 4:3

Ga'me yataqata 'yamaqaten joñe'me Dios, 'noota ta'le ga'me at'oyaĝaqui yataqata aueñi 'noota, chayovida'a da'me ja 'nalegue, nataq'aen ena'te 'uo joga'me leuaua jaga'me ja loua.

Colosenses 3:20

Ami nec'oqo'tepi, 'noota qom auoqochiyalo jogaa'me adet'aldi', qa'a nach'eda yiyamaĝaden joñe'me Jaliaĝanec.

Filipenses 2:11

qaedi male yema qo'yaĝatetedac queda'me nach'eñe joñe'me Jesucristo naqaeñe jo'ne Qadejaliaĝanec. Qama'le naq'aeta da'me yataqata qo'nonaĝachigui joñe'me Dios mach'e Qadet'a.

Gálatas 1:5

¡'Noota qom nach'e eta't 'ñonaĝataĝaye joñe'me! Jaja'a, nach'e naq'aeta da'me dojo'.

Romanos 11:36

Qa'a ena'uaque gaa'me di'yo't 'me uo'oe mach'e chiyoqodo'ot ñe'me Dios, di'yo't jogaa'me qa'a 'ye't joñe'me, nataq'aen mach'e loqo'te joñe'me. ¡'Noota qom nach'e eta't qo'nonaĝachigui joñe'me Dios! Jaja'a. Nach'e naq'aeta da'me dojo'.

2 Pedro 3:18

Qalaĝaja 'noota da'me yataqachiñe auatetoñi ñe'me Qadejaliaĝanec mach'e Qadec'alaĝaiqui Jesucristo, qama'le da'me ami nichiguegue da'me adoqopich'i. ¡'Noota qom qoyauana da'me 'lonaĝa joñe'me, nayi jenjo' nolo' nataq'aen yemeda naa'me noloqo'ote, nach'e eta't ja pal! Jaja'a, nach'e naq'aeta da'me dojo'.

Romanos 16:27

¡'Noota qom nach'e eta't qo'nonaĝachigui ñe'me onolec nataq'aen yatenaĝanaĝaic Dios, chiyaqayi da'me 'lonataĝanaĝac ñe'me Jesucristo! Jaja'a, nach'e naq'aeta da'me dojo'.

Juan 17:23

queda'me jayem male jouetauelo jogaa'me nataq'aen da'me am nach'e eta't jayem oue'tajop, qaedi yataqata nalo'ta't naa'me. Chane'eja qom naq'aeta qama'le yema joga'me aleua laje'pi male nomeda'a da'me jayem anamaĝaquena, nataq'aen da'me adoqopitalo naa'me, nach'e ena'am da'me yataqata jayem adoqopita.

Juan 7:17

Gamachaqaega ga'me jo'ne jetaque ye'et da'me jo'ne loequenataĝanaĝac ñe'me Dios, yayaten da'me yapaĝaguenataĝanaĝac ta'le chiyoqo'ot ñe'me Dios, uotaĝa ta'le ch'e yelnataĝac.

Mateo 21:31

Chane'eja, ¿jach'e ga'me ya'uo ga'me let'a loequenataĝanaĝac naa'me naajo' dojolqa? Jogaa'me 'yadeteguet: —Ñe'me 'uaeñe. Qama'le Jesús enaac: —Yataqata eja da'me dojo' jo'ne ami ja'aĝatema: jogaa'me lo'ol da'me yacoteguet jaga'me nejetenaqate di'me Roma, choqogaa'me quejeguetaĝail, ami yep'aĝatedegue da'me tadoue qomle da'me lejaliaĝa ñe'me Dios jo'ne na'ague di'me piyem.

Mateo 7:21

“Ga'me jiyaĝadipi jayem yiyaĝatedapega nale, enapega't: «¡Jaliaĝanec!», qalaĝaja ja yema'a't da'me tadoue joda'me lejaliaĝa ñe'me Taĝadena' 'me ne'tague di'me piyem. Gaa'me jo'ne yauote da'me loequenataĝanaĝac joñe'me, nach'egauate' gaa'me jo'ne yaqanate't ta'le tadoue.

Mateo 12:50

Qa'a gamachaqaega jo'ne yoqo'cha da'me yepaquetapega ñe'me Taĝadena' 'me na'ague di'me piyem, naqaega yanoqolec, ya'nole, nataq'aen yat'e.

2 Timoteo 3:17

qaedi ga'me Dios nejoĝonec jalcote 'uo da'me layatenaĝanaĝac qaedi male yataqata yaqanatet ta'le ye'et yema ga'me 'noota.

Hebreos 12:28

Joñe'me Dios male qo'mi yanema da'me lejaliaĝa jo'ne ja qoyaqanatet ta'le yitaĝa qonichiyaĝat. Chane'eja 'noota qom janemaĝam da'me qadamaic nataq'aen da'me 'ñonaĝataĝaye joñe'me, nach'e ena'am da'me jauoqo da'me chimaqachiñe jo'ne yataqata yiyamaĝaden.