Hebreos 12:3 - Nuevo Testamento Toba Sombrero Negro

³ Chane'eja da'me ami, yataqata auenache'ta da'me napogaĝadenaĝac ñe'me Jesús, queda'me 'uo da'me lachoĝodec let'adaic ca'li uo'oe gaa'me loeco lo'ol jo'ne nautetedapega joñe'me. Auenache'ta da'me dojo' qaedi ja adeliñiñi, nach'e ena'am da'me ena'te aĝañiñi da'me adepi'i.

Nuevo Testamento Toba Sur

³ Qaq ÿoqo'oyi qami' qauennachiÿa'a da 'eetec da nque'ejnaxac so Jesús co'ollaq n'añaxateguet da lachoxonnataxanaxac na shiÿaxauapi 'itaxaloxoicpi, yaqto' da qan'añaxataxaqui nachi 'eetai' sa ishit da nlautapiguiñi.

La'aqtaqa Ñim Lo'onatac 'Enauacna 2013

³ Qaq ỹoqo'oye qami' qauennataxañiilec da lataxac So Jesús. Qalota so shiỹaxauapi 'etaxaloxoicpi nquiỹa qataq ỹauo'o da nque'eenaxac, qalaxaye Somaye nache queta. Qaq ỹoqo'oye qami' saishet da qanañañi qataq saishet da qaica ca qara'añaxaqui,

Hebreos 12:3 Referans Kwoze

Gálatas 6:9

Chane'eja, 'noota qom ja qadeli'ñejop da'me jauoqo da'me 'noota, qa'a qom qolaqatalegue, Dios qo'mi yanema ga'me qanejetenaguec ga'me nolo' 'me laloqo' q'aen.

2 Corintios 4:16

Qo'che' ja qadoual. Mate mane'e ga'me qadapat ena'am ta'le nemetapiñi, qalaĝaja ñe'me qadepaqal nach'e eta't nichique'tague da'me nadalaĝac.

Apocalipsis 2:3

Nataq'aen jayaten da'me oquitalegue da'me 'noota ladic, qama'le 'uo da'me adachoĝodequi queda'me yajouaĝat jayem, choqoda'me ja adeliñi'ñejop.

1 Corintios 15:58

Chane'eja, ami yaqaya'olqa jo'ne jalcote joqopitalo, 'noota qom a'nañaĝachela't, ja ami 'te damichidiñe, nataq'aen nach'e eta't a'vichiye da'me 'lonatac ñe'me Jaliaĝanec, nataq'aen auayachiñe queda'me qom adaloi'ta't da'me a'uonataĝañiuo'o ñe'me Jaliaĝanec qama'le ja yijamaĝajaye.

Hebreos 12:2

'Noota qom nach'e eta't da'me jenataqatapega joñe'me Jesús, qa'a naqaeñe 'me chiyaqayi da'me qadepe'e, nataq'aen da'me yiyamaĝachiñe. Ñe'me Jesús yauana joca'li da'me 'uo qomle da'me lamaic let'adaic. Chane'eja napogaĝadeneguet joca'li jana'me sodoso, ja jetaque yoqochi'eguet da'me nepocoĝoc jo'ne chiyaqayi da'me neleuaĝa, qama'le da'me yem da'me jo'ne lachoĝodec qoyen, male na'ña ga'me yayaten ga'me lejaliaqa' joñe'me Dios.

Hebreos 3:1

Chane'eja, ami yaqaya'olqa, da'me ami jo'ne ami liquiyaqa joñe'me Dios qaedi male en mach'e ami lec'oqo'tepi, 'noota qom auenache'ta joñe'me Jesús jo'ne Lamaĝajec joñe'me Dios, nataq'aen nach'eñe ñe'me Qadejaliaĝanec mach'e Qadetaĝayaĝanaĝanec jo'ne dajo'tot joñe'me Dios.

2 Corintios 4:1

Qo'che' ja qadoual, qa'a ñe'me Dios jo'ne choĝodenataĝanaĝaic qo'mi 'yelopeque jenjo' 'nonatac.

Juan 5:16

Chane'eja naqaeda da'me dojo' jo'ne yajouaĝadetem jogaa'me najoĝola'te male yecaatetedac ñe'me Jesús qaedi yala't, yajouaĝat da'me 'uo ga'me ye'et ca'li jo'me nolo' jo'ne niyamaqatac.

Hebreos 12:5

Nataq'aen joote auapalaĝache'ta da'me jo'ne ami yapaĝagueneque joñe'me Dios, da'me yataqachiñe ami lec'oqo'te, naq'aeta da'me jo'ne qoyediñe ca'li, enaac: “Am yalec, ena'te jetaque ja a'uamaqaten da'me anapaĝaguenataguec, Da'me am yapaĝaguen joñe'me Jaliaĝanec. Ena'te jetaque ch'e anacheta qomle 'uo ga'me am yicochaq.

Lucas 14:1

Ua'edi 'uo jo'me nolo' jo'ne niyamaqatac, Jesús yec'ata ga'me 'lachaqa' ñe'me lejaliaĝane'j gaa'me fariseopi qaedi deque'e, qama'le gaa'me fariseopi yelochidegue ca'li.

2 Ts 3:13

Qama'le, ami yaqaya'olqa, 'noota qom yataqata ja aĝañiñi da'me a'uechetac jena'me jenjo' 'noota.

Juan 18:22

Mane'e ca'li Jesús 'yaĝatetac da'me dojo', qama'le 'uo ga'me neteloqo't joga'me tamenaĝaiqui ye'uaĝanoue ga'me latajoĝoc joñe'me Jesús, qama'le eetac da'me enapega: —¿Qo'li naq'aeta da'me a'uateguet joñe'me lajoĝola't gaa'me tamenaĝaiqui lo'ol?

Juan 8:52

Gaa'me judiopi male enapega't: —Nayi male yataqachiñe jayatenaq da'me am payac lae't. Qa'a di'me Abraham yeleu ca'li, nataq'aen dia'me Dios 'laqataĝanaĝanaqa, qama'te da'me am aueetapega: «Ga'me jo'ne yoqocha'a da'me 'yaqatac, nach'ega jo'ne yauana qomle da'me lec'alaĝa jo'ne qaya'te loiquiaqa'.»

Juan 8:59

Chane'eja jogaa'me jiyaĝa'u male yaconapegalo gaa'me qadi da'me yija' ñe'me Jesús. Qalaĝaja joñe'me yalegoue ga'me jiyaĝadipi 'me uetaue ga'me tamenaĝaiqui da'me male nañoĝochiñe, qama'le chiyoqotoue ga'me tamenaĝaiqui da'me male ec.

Juan 8:13

Jogaa'me fariseopi eedapega joñe'me: —Da'me am mach'e a'naĝatetapela't, qama'le da'me dojo' at'aqataĝanaĝac qaya'te ta'le lajo'viyaĝac.

Juan 7:12

Qama'le jogaa'me jiyaĝadipi jalcote da'me qonejoĝotapiye joga'me. Uo'oe gaa'me enapega'ajalo: “Dojo' jiyaĝaua onaĝaic da'me 'lonatac.” Qalaĝaja uo'oe gaa'me jiyaĝa'u laqaya' jo'ne enapega'ajalo: “Dojo' jiyaĝaua ja yataĝalegue, ch'e yoqovitac jena'me jiyaĝadipi.”

Lucas 16:14

Jogaa'me fariseopi jo'ne nach'egaua naequetedapegue' jana'me laicaua domachita yema da'me dojo' qama'le ye'uetedac ñe'me Jesús.

Lucas 15:2

Joga'me fariseopi nataq'aen joga'me judiopi napaĝaguenoqo'tpi en ja 'noe'n daa'me 'laqataqa jouaĝat da'me dojo', enapega't: —Dojo' yaconegueta joga'me loeco lo'olpi nataq'aen neuanaĝa'u jogaa'me.

Lucas 5:21

Chane'eja joga'me judiopi napaĝaguenoqo'tpi nataq'aen jogaa'me fariseopi paja'a da'me nenatetapega't: “¿Jach'e da'me dojo' jo'ne lichiquetelegue da'me nenaĝatedegue gaa'me 'laqataqa jo'ne ye'uetedac joñe'me Dios? Onolec ñe'me Dios yaqanatet ta'le yapalaĝa't jogaa'me loeco ga'me jiyaĝadipi.”

Lucas 2:34

Chane'eja Simeón nach'e ena'am netamelo'te jogaa'me, qama'le t'aqataĝanem jañe'me María, jo'ne lat'e ñe'me Jesús: —Cha'apega, jenjo' notolec qoyajoĝo'tague qaedi gaa'me Israel laje' uo'oe gaa'me 'uaĝadiñe nataq'aen uo'oe gaa'me ñidijeguem. Nach'eñe 'nanec, qalaĝaja uo'oe qayoĝode' jo'ne 'yota'n.

Mateo 22:15

Chane'eja eque' joga'me fariseopi qama'le nayatena't qaedi qoyachiyoĝotaye ga'me nenaĝategue da'me qoyen uajouem.

Mateo 21:46

Chane'eja jetaque yecoñe't ca'li jogaa'me, qalaĝaja t'oidapega ga'me jiyaĝadipi, qa'a ga'me jiyaĝadipi p'iida'a ñe'me Jesús da'me nach'eñe Dios 'laqataĝanaĝanec.

Mateo 21:23

Ca'li yoĝo'yi da'me dojo', Jesús yenoĝonoue ga'me tamenaĝaiqui. Mane'e ca'li cha'li ue'ta ga'me, dapaĝaguenataĝatac, jogaa'me lejaliaĝanaqa gaa'me tamenaĝaiqui lo'olpi nataq'aen ga'me 'yaĝaicachidipi yec'adeta ñe'me Jesús, qama'le yena't: —¿Jach'e ga'me auachiyoĝo'ta da'me adañoqotaĝanaĝac queda'me aua'uo da'me dojo'? ¿Jach'e ga'me am yanem da'me adañoqotaĝanaĝac?

Mateo 15:2

—¿Toqoch'e jogaa'me adapaĝaguenataqa yenoĝo'n da'me loe'j jo'ne naeda'ac jodia'me qadet'al 'me jachiyojoĝogueta? ¿Toqoch'e ja yiyo'y naa'me loua' qom maliaĝa ja deque'y?

Mateo 12:24

Ca'li domachita da'me dojo', joga'me fariseopi enapega't: “Nach'eñe Beelzebú lejaliaĝane'j joga'me payagodipi yanem da'me lañoqotaĝanaĝac dojo' jiyaĝaua qaedi yamaĝadegue jogaa'me.”

Mateo 11:19

Ua'edi ñovi' da'me jayem jo'ne yataqachiñe jayem Jiyaĝaua Lec'oĝot, jo'ne jeque'e nataq'aen ñiyom, qama'te jayem aueñiyapega qui'yaĝaic nataq'aen niyomaĝaic, jayem naigaĝaua jogaa'me jiyaĝa'u jo'ne ja 'noe'n gaa'me 'lonataqa choqogaa'me lo'ol da'me nejetenaguec di'me Roma. Qalaĝaja joda'me layatenaĝanaĝac joñe'me Dios qoyayataĝade'tegue qom qoyauanalo gaa'me 'nonataqa 'me chiyoqodayi, nach'egaua jo'ne chimaqachidiñe.

Juan 9:40

Uo'oe gaa'me fariseopi jo'ne ueteda'ajop joñe'me Jesús: mane'e ca'li domachita da'me dojo' 'laqatac qama'le paja'a da'me yena't: —¿Qo'li nach'e ena'am da'me qo'mi qana'mi?

Juan 10:20

Qayoĝode' jogaa'me jo'ne enapega'ajalo: —¿Toqoch'e auoqochiya da'me dojo' 'laqatac, da'me uetaye ga'me payac lepaqal choqoda'me jalaĝaic?

1 Pedro 2:23

Mane'e joca'li qoyejouetac, qalaĝaja ja 'yiyelaĝateguet joga'me nejouenaguec. Mane'e joca'li qoya'uo da'me lachoĝodec, qalaĝaja ja deloiquitac, dite da'me yaloĝona joñe'me Dios qaedi yec'aten, qa'a nach'eñe jo'ne qaya'te nepaten.