Hebreos 12:10 - Nuevo Testamento Toba Sombrero Negro

¹⁰ Ca'li qo'mi ñoqolqapi, gaa'me mach'e qadet'al, da'me cha'li 'uo da'me nejiyaĝauayaĝa'j jo'ne jaqaloq, 'uo da'me jo'ne qo'mi yapaĝagueneque qa'a yepetetedapega qaedi qo'mi 'noote' jo' qomle. Qalaĝaja ñe'me Dios male qo'mi yapaĝagueneque da'me jo'ne yataqatelegue qaedi ñauegaĝala't da'me qo'mi yoqovite', chayovida'a da'me jenaqa'am joñe'me.

Nuevo Testamento Toba Sur

¹⁰ 'Eesa da soua yi'oqchiguilo qadta'al cada'acolec da qomi' ÿapaxaguenque co'olloxochiyi cam ipeta'a da ÿaÿamaqchiguiñi qadataxac. Qalaxayi saq 'en'am ñi Dios mayi qomi' ÿapaxaguenque da ÿoqta 'eesa da qomi' ÿaÿamaxajyiñi, cha'ayi nshitaique da qomi' qui'itte', shinaqta'am ñimayi.

La'aqtaqa Ñim Lo'onatac 'Enauacna 2013

¹⁰ Co'ollaq ñaq qomi' nogotolqa, nache soua yo'oqchiguilo qarta'al qomi' ỹapaxagueeta'ape, cha'aye ỹaỹaten damaye da qomi' ỹaỹamaxaayiñi. Qalaxaye Ñim Lo'onatac 'Enauacna qomi' ỹapaxagueneque dam ỹoqta 'eesa da qomi' ỹaỹamaxaayiñi, cha'aye nshetaique da qomi' qui'itte', da shenaqta'am Ñimaye.

Hebreos 12:10 Referans Kwoze

2 Pedro 1:4

Naa'me naajo' jo'ne uo'oe, nach'enaua jo'ne chiyaqauelo da'me jo'ne qo'mi 'yaĝatema jo'ne yataqachiñe let'adayaqa nataq'aen da'me jalcote da'me lajo'viyaĝac, qaedi naa'me naajo' jo'ne uo'oe e'n auañoĝochi da'me aneuañiya'uo da'me lajoĝoc ñe'me Dios qama'le nach'e ena'am da'me ami yaĝa'n da'me neleuaĝa jo'ne chiyaqayilo naa'me ja 'noe'n jo'ne lelnataĝaco ga'me loeco lo'olpi 'me uetedalegue jena'me aleua.

Tito 2:14

Nach'eñe qo'mi nep'aĝanegueta ca'li yeleu, qaedi qo'mi yachiyoĝotauelo gaa'me ja 'noe'n, nataq'aen qaedi qo'mi yataqachiñe qo'mi yiyo'y, qaedi mach'e qo'mi e'n Dios lec'oqo'tolqa, jo'ne qa'nañaĝatetac da'me jauoqo joda'me 'noota.

Colosenses 1:22

Qalaĝaja nayi Cristo yitaĝa ami 'niyelaĝatela'ajalo, chiyaqayi da'me lachoĝodec 'me leleuaĝa ca'li cha'li ue'tena, qaedi ja ami 'te 'nalo'te da'me ami naueguedela't, qaya'te adejamaĝataĝaqui nataq'aen qaya'te adaviyaĝaje'che.

Efesios 4:24

nataq'aen yataqata auacoñiyeguet da'me at'oyaĝaqui dalaĝaic jo'ne 'lonatac joñe'me Dios, qaedi male di'yoq da'me ami yataqatelo'te nataq'aen ami ja 'nalo'te.

1 Pedro 2:9

Qalaĝaja ami yataqata ami liquiyaqa ñe'me Dios, nataq'aen ami qoye'n letaĝayaĝanaĝanaqa joga'me jiyaĝadipi da'me auajoyi'tot ñe'me nejaliaĝanec, nataq'aen da'me ami noic let'adaic jo'ne ja 'nalegue, ami jo'ne onolec noic jo'ne loĝot joñe'me Dios. Qama'le naq'aeta da'me jo'ne ya'uo joñe'me qaedi a'uaĝache'tape naa'me 'lonataqa jo'ne onaĝayaqa, ñe'me jo'ne ami yachiyoĝotauelo ga'me 'lalaĝa qaedi male ayoue da'me onaĝaic yoqochiñe jo'ne chiyoqo'ot joñe'me.

1 Pedro 2:5

Nataq'aen da'me ami, ena'am ta'le ami qadi jo'ne nec'aletedaye, naqa'ami jo'ne 'lonataqa joñe'me Dios da'me 'noĝojeguem ga'me tamenaĝaiqui jo'ne ja 'nalegue, qaedi ami jo'ne ademii'teguet joñe'me Jesucristo male ami qoye'n letaĝayaĝanaĝanaqa ga'me jiyaĝadipi, da'me auajaqaedeuo joga'me najaqajecpi 'me ja di'yo't, nach'egaua jo'ne yataqata 'yamaqate'n joñe'me Dios.

Hebreos 12:14

Anepogoĝoiñetapegue' da'me nach'e eta't ami uetauelo da'me 'nemaĝac, ena'uaque da'me ami, nataq'aen da'me nach'e eta't da'me ami ja 'nalo'te, qa'a qom qaya da'me qat'oyaĝac jo'ne ja 'nalegue qama'le ja jaqanatetaq ta'le jauanaĝa joñe'me Jaliaĝanec.