Hebreos 12:1 - Nuevo Testamento Toba Sombrero Negro

¹ Chane'eja da'me qo'mi, queda'me uo'oe naajo' jiyaĝa'u jo'ne qayoĝode' 'me qo'mi dajota'ualo, naqaegaua jo'ne joote daloĝonataĝata da'me lepe'e', qama'le 'noota qom cha'li jaĝanaĝadiñi yema naa'me jo'ne qo'mi nauatapegueta choqonaa'me mach'e qadoeco jo'ne e'n qo'mi lecoñetae's. Qa'a da'me qadadiquiaĝac ena'am ta'le ga'me ñaqalegoĝojoĝoc, qama'le 'noota qom yataqata qo'mi vidiaqayaqa, yataqata 'ñañaĝataĝaguet da'me qomitaĝac jo'ne qo'mi ue'tajopa, da'me jo'ne mach'e jajoqo'tague.

Nuevo Testamento Toba Sur

¹ Qaq ÿoqo'oyi qomi', cha'ayi ÿataqta qalota na qomi' datatau'alo shiÿaxauapi mayi ÿataqta ÿachaxaata da lpi'iÿaxac, nachi no'on da ñi'onaxataqchigui 'enauac nam qomi' sa'apiaqtapigui qataq nam ñi'itaxaloxo mayi qomi' nqanaxatta'pe. Nachi ÿataqta sauoqo'o da qadhualaxavic da ñaqalgoxosoq dam aloxoyaxac dam saqta'ague.

La'aqtaqa Ñim Lo'onatac 'Enauacna 2013

¹ ¡'Enauac se'eso shiỹaxauapi nagui qomi' datataua'alo da qomi' ỹachaxaategalo da lpi'iỹaxac! Qaq ỹoqo'oye naua vi'iye maye souaqtaiguilo iuen da saxanaxañi da so'otaqtac ca qarasouaxashet, nataqa'en ño'onaxataqchigui 'enauac nam saishet da qomi' ỹalemaxa't, nache semataqo'ot Ñim Lo'onatac 'Enauacna da qanaquitaxac. Cha'aye de'era achaalataxac 'eeta'am ca qomitaxac, qaq da ñe'etaxaloxo qalaq 'eeta'am da lpattapiguilo naua qarchel da saishet da qomi' ỹashenema da ñeqalgoxosoq.

Hebreos 12:1 Referans Kwoze

2 Timoteo 4:7

Qa'a joote yem da'me yeloiquiaĝac jo'ne yataqata onaĝaic, nataq'aen da'me yataqata jomat da'me 'yonataĝanaĝac, nataq'aen da'me qaya'te ua'a ta'le jaĝañi da'me jep'iya'a uotaĝa ja joqoch'a ñe'me Dios.

Filipenses 2:16

Ena'te aĝañiñi da'me a'uaĝachetac da'me dojo' 'naqataĝanaĝac, nach'eda jo'ne chiyaqayi da'me 'noyaĝac 'me ja 'naidena'a. Qom oquitague jena'me jenjo' qama'le nach'e eta't jayem aueñi matac, qama'le ga'me nolo' qom yitaĝa 'niyelaq joñe'me Cristo, male jayaten da'me 'yonataĝanaĝac nataq'aen jo'me 'yañaĝac ja ch'e yijamaĝajaye dite da'me yataqata 'uo da'me chiyaqayi.

Lucas 21:34

“Achiya'aguet: ena'te ademiya'alo gaa'me namanaĝanaĝaco uotaĝa ta'le ami taĝayaqa uotaĝa ta'le diyachitapiyelo naa'me adai'lidi' queda'me cha'li 'uo da'me at'oyaĝaqui nayi, qaedi ga'me nolo' qomle ja ami 'te yepelaĝa't da'me ami ualo'te

Gálatas 5:7

Ami onaĝaic mañaĝa da'me adajoĝoqui: ¿jach'e ga'me nauaneguet da'me oqui'tegue da'me yataqatelegue 'naqataĝanaĝac?

1 Pedro 2:1

Chane'eja 'noota qom aĝañidiñi ena'uaque naa'me yodapecache jo'ne ja 'noe'n. Ena'te auoqovinaĝañetac, uotaĝa ta'le ja ami 'te yataĝalo'te, uotaĝa ta'le 'uo ga'me adep'aguenataĝanaĝaqui uotaĝa ga'me ade'uenaĝanaĝaqui.

Romanos 12:12

Ami made'tape nale qa'a 'uo da'me adajoĝonataĝanaĝaqui 'me ami uetauelo; 'noota qom auacoñiyeguet da'me at'añaĝaqui nale uo'oe gaa'me adachoĝodequi; ena'te anaĝañiyañi da'me anetamenaĝaqui.

2 Corintios 7:1

Ami yaqaya'olqa, Dios joote qo'mi yaqataĝana'aque da'me 'laqatac. Qo'che' 'noota qom ja jauoqo ga'me ja no'en, dite da'me nach'e eta't jenaĝa qaya'a ga'me qadoec qaedi Dios qo'mi yaconegueta. 'Noota qom 'ñonaĝataĝaye ñe'me Dios, nataq'aen 'noota qom ja'aedenaqatac da'me ja 'nalegue ena'am joñe'me.

2 Timoteo 2:4

Auayaten queda'me nale t'onataĝan ga'me coico le'ec qama'le ga'me 'lonataĝanaĝac ja en 'te yaleeguet ga'me ua'ña jena'me aleua, qa'a yataqata yauo'oe gaa'me lamaĝajoĝonaĝaco ga'me lejaliaĝanec.

Santiago 1:3

qa'a joote auayachiñe da'me qom 'uo da'me qoyapiyen da'me adepi'iyaĝaqui, qama'le ua'a da'me nichiquetaye da'me anapogaĝadenaĝaqui.

Mateo 24:13

Qalaĝaja ga'me jo'ne 'nañaĝatela't chayovida'a da'me loiquiaqa', nach'ega qoyanem da'me lec'alaĝa jo'ne ja 'naidena'a.

Mateo 10:22

Ena'uaque jogaa'me aleua laje' ami qonautenalo qa'a jouaĝat jayem; qalaĝaja ga'me jo'ne 'nañaĝatela't chayovida'a ga'me loiquiaqa' da'me 'loyaĝac, qama'le nach'ega nec'alegue qomle.

Hebreos 6:15

Qama'le ñe'me Abraham 'uo da'me napogaĝadenaĝac let'adaic, chayovida'a da'me yovida'a da'me male yaconeguet da'me jo'ne Dios joote 'yaĝatem.

Romanos 2:7

Yanem da'me 'loyaĝac 'me ja 'naidena'a jogaa'me jo'ne 'nañaĝadetec da'me yelodaque, da'me 'lonaĝac ñe'me Dios da'me ja yitaĝa pal.

Apocalipsis 3:10

Da'me ami yataqata auoqochiya'a da'me 'yaqatac queda'me yataqata anapogaĝadeñi. Chane'eja yataqata ami ñetelalo qomle, qom yovita ga'me laloqo' qom 'uo ga'me lachoĝodaiqui' joga'me jiyaĝadipi, da'me qoyapiye'n yema joga'me aleua laje'pi.

1 Pedro 4:2

qaedi male ja que'teguelo naa'me ch'e lamaico da'me nejiyaĝauayaĝac. Nach'edata da'me male yauotac da'me jo'ne chiyaqayi da'me loequenataĝanaĝac joñe'me Dios, nayi yemeda naa'me noloqo'ote.

Lucas 12:15

Nataq'aen dojapegue'to ena'uaque ga'me jiyaĝadipi, enaac: —'Noota qom achiya'aguet ta'le auepichiya'alo gaa'me adepitaqataĝanaĝacodi', qa'a da'me at'oyaĝaqui ja chiyaqayi da'me ta'le jalcote ga'me auañiyalo jo'ne uo'oe.

2 Pedro 1:6

Nach'e ena'am anoqochichiñegue da'me auayachiñe da'me anomachi' gaa'me mach'e adamaicodi', choqoda'me yataqata anapogaĝadeñi nataq'aen da'me oqui'tegue ñe'me Dios.

Apocalipsis 22:16

“Jayem Jesús nach'ayem jo'ne jamaq ñe'me yamaĝajec jo'ne piyem le'ec qaedi ami 'yaĝatema yema da'me dojo', da'me ami jo'ne ovitauelo gaa'me tamenaĝaiqui'. Naqayem jo'ne jachiyoĝoguet di'me David, nataq'aen da'me nach'ayem jo'ne uaqachiñi 'me edetañgui nale ne'teta.”

1 Pedro 5:12

Joñe'me Silvano mach'e yaqaya jo'ne yataqatelegue, nach'eñe joñe'me jo'ne jayem lecochiya qaedi jediñe jenjo' yediijec. Qama'le nayi ami jamaĝalo jenjo' jo'ne jaqaloq qaedi ami jaqatalo nataq'aen qaedi ami japaĝagueneque da'me yataqachiñe eja jo'ne lichoĝodenataĝanaĝac joñe'me Dios, nach'eda jo'ne joote auacoñiyeguet qaedi oqui'tegue.

Apocalipsis 1:9

Jayem Juan 'me mach'e jayem adaqayai, qama'le qo'mi nepi'iyaĝa'u da'me qademe'teguet joñe'me Jesús. Qo'che' 'uo da'me qadachoĝodec nayi, nataq'aen 'uo da'me qat'añaĝac da'me qaedi ñapogaĝadenaq, chayovida'a da'me yataqata jouaqataue da'me lejaliaĝa joñe'me Dios. Da'me jayem jonetalegue ca'li di'me comadaĝa jo'ne lenaĝat da'me Patmos, yajouaĝat da'me ja'aĝate'tape naa'me 'laqataĝanaĝaco joñe'me Dios, nach'enaua jo'ne dechoqotaĝatec joñe'me Jesús.

Juan 3:32

nach'eñe jo'ne 'yaĝatetac ga'me jo'ne mach'e yauana nataq'aen da'me domachiya, qalaĝaja qaya'te ta'le yaconeguet da'me 'laqataĝanaĝac.

Apocalipsis 13:10

“Jogaa'me jo'ne yeloteda'a da'me necoñetague'j, Nach'egaua gaa'me jo'ne qoyecoñe't qomle. Nataq'aen jogaa'me jo'ne yeloteda'a da'me yeletem ga'me liaĝa ga'me nedaĝanaĝat, Nach'ega ga'me nedaĝanaĝat liaĝa da'me yala't qomle.” Chane'eja male qoyauana da'me eeta da'me napogaĝadenaĝa'j joga'me lec'oqo'tepi joñe'me Dios choqoda'me lepi'iyaĝa'j.

Lucas 16:28

jo'ne ueteda'a gaa'me cinco yanoqolqa, da'me uaqatalo gaa'me qaedi ja nach'e ena'ama nec'adeta jenjo' joue'ta jo'ne nachoĝodaqa'.»

Juan 4:39

Di'me noic jo'ne Sicar, qayoĝode' joga'me Samaria laje'pi jo'ne p'iida'a joñe'me Jesús queda'me 'uo da'me 'laqataĝanaĝac jañe'me yauo jo'ne eetac: “Joñe'me jayem 'yaĝatem yema daa'me jo'ne jauo'oe.”

Juan 4:44

Nach'eñe ñe'me Jesús da'me 'uo da'me 'laqataĝanaĝac joca'li, enaac: “Joga'me 'laqataĝanaĝanec ñe'me Dios ja qo'nonaĝachigui jogaa'me jo'ne mach'e 'lachaqa' laje'pi.”

Efesios 4:25

Chane'eja 'noota qom ja yitaĝa ami pecayaqa, dite da'me ami yataqatelo'te nale, anenaĝachiyegue da'me eja nale auojeyapegue'to gaa'me adaqayadi', qa'a qadalo'ta't da'me jouaqataue na'me 'loyaĝac ñe'me Cristo.

Filipenses 1:30

Chane'eja male aueloiquii, ena'am da'me jayem, nach'eda da'me qadeloiquiaĝac jo'ne joote auañiya ca'li ami jouetauelo, qama'le male auomachiiya da'me maliaĝa jeloiquiaĝatac chayovida'a nayi.

1 Pedro 5:1

Nayi ami jaqatalo, ami 'yaĝaicachidi jo'ne ami lajoĝola'te gaa'me p'etaqadayaqa, queda'me nach'e ena'am jayem 'yaĝaicachigui jo'ne ja'aĝatetac da'me jo'ne lachoĝodec joñe'me Cristo, qama'le nataq'aen jouetaue qomle da'me 'lonaĝa joñe'me jo'ne qo'mi di'yoĝoma jo' qomle.

Marcos 10:50

Qama'le ñe'me qanam yajaĝa'ñidi ca'li ga'me lapoto, nenodijeguem ca'li nechachiñe, qama'le yec'ata joñe'me Jesús.