Hebreos 11:7 - Nuevo Testamento Toba Sombrero Negro

⁷ Ñe'me Noé yataqata p'iya'a ñe'me Dios joca'li 'uo da'me 'yaĝatem, queda'me uo'oe qomle jogaa'me jo'ne maliaĝa ja qoyauanalo. Qama'le Noé paja'a da'me yoqo'cha joca'li, ye'et jaga'me nelicota lat'edai, qaedi nec'alaĝatedegue gaa'me 'lachaqadiaĝa'u. Chane'eja da'me lepe'e ñe'me Noé, nach'eda jo'ne yaloĝon da'me qoya'uo ga'me ne'uaĝanague'j jogaa'me jiyaĝa'u jo'ne neteda'ña jena'me aleua. Qama'le chiyaqayi da'me lepe'e ñe'me Noé, nach'eñe yataqata qoyiyamaĝaden.

Nuevo Testamento Toba Sur

⁷ So Noé nataq'en souaxat da lpi'iÿaxac co'ollaq ñi Dios huaqatot somayi da naÿa'a cam saxanaxa da yi'oq. Qalaq somayi ÿataqta ÿalaq, qataq i'ada't aso nnotaxaqui, da yaqto' ishit da nca'aleec so llalaqpi. Qaq souaxat da somayi huo'o da lpi'iÿaxac, nachi ÿachaxan da qaÿauo'o ca nhuaxanaguec nam huetalec ana 'alhua, qataq somayi ivida'a da ÿataqta qaÿaÿamaxadeeta. Cha'ayi ñi Dios ÿataqta ÿaÿamaxadeeta cam huo'o da lpi'iÿaxac.

La'aqtaqa Ñim Lo'onatac 'Enauacna 2013

⁷ So Noé huo'o da lpi'iỹaxac co'ollaxa Ñim Lo'onatac 'Enauacna, qaq ỹoqo'oye Ñimaye da'aqtaxanem co'ollaxa cam saxanaxa da yo'oq, nache somaye ỹalaq qataq ỹa'ara't aso nnotaxaqui late'erai maye quiguingui na 'etaxat, da yaqto' ishet da nca'alec so llalaqpi. Qaq souaxat da so Noé huo'o da lpi'iỹaxac Ñim Lo'onatac 'Enauacna, nache somaye ỹaconeguet da lqouagaxanaqtaic Ñimaye maye ỹami' cam ỹa'amaqten Ñimaye. Nataqa'en chegoqchigui da lpi'iỹaxac Ñim Lo'onatac 'Enauacna so Noé da ỹo'oteguet na shiỹaxauapi maye huetalec ana 'alhua da qaỹauo'o ca nhuaxanaguec.

Hebreos 11:7 Referans Kwoze

1 Pedro 3:20

nach'egaua gaa'me qoleguetaĝanaĝayaqa jaa'me noloqo'ote joca'li 'uo ñe'me Noé. Joca'li ñe'me Dios yeuate'talo ga'me jiyaĝadipi ta'le uotaĝa 'niyelaĝadetot joñe'me, chayovida'a da'me qoye'et jaga'me nelicota lat'edai. Yem qama'le uo'oe ocho gaa'me jiyaĝa'u jo'ne nec'alaĝatedegue joca'li da'me qoyachiyoĝotedañgui ga'me noĝop.

Romanos 4:13

Qa'a ñe'me Dios 'uo ga'me 'yaĝatem ca'li di'me Abraham nataq'aen gaa'me c'oqo'tepi qom'te qoyanema jena'me aleua. Qalaĝaja dojo' 'naqatac 'me qoyaloĝotapega di'me Abraham ja naqaeda ta'le yoqotelo'te ga'me namaĝajoĝonaĝacpi nale qodique'teguelo jogaa'me, dite da'me yataqatelegue 'me chiyaqayi da'me nepe'e.

Lucas 17:26

Nach'e ena'ama gaa'me noloqo'ote ca'li 'uo di'me Noé, nach'eda eeta ena'ama gaa'me noloqo'ote qomle 'ñiyelaq.

Filipenses 3:9

nataq'aen yataqata jeme'teguet joñe'me. Qama'le nayi da'me jayem yichoĝoden ñe'me Dios qaedi jayem yaconeguet, ja ta'le jouaĝat joda'me mach'e 'yonataĝanaĝac nale jauo'oe naa'me namaĝajoĝonaĝaco, dite da'me jouaĝat joda'me yataqata jep'iya'a joñe'me Cristo, qa'a naq'aeta jena'me jenjo' jo'ne mach'e yataqata yepaquetapega joñe'me Dios.

Gálatas 5:5

Qo'mi qamqa'me, ñe'me Dios Lepaqal 'me ja 'nalegue qo'mi yayataĝade'teque da'me Dios qo'mi yaconegueta qomle, jouaĝat da'me jep'iyaqa ñe'me Cristo.

Hebreos 5:7

Qama'le da'me 'uo ñe'me Cristo cha'li ueta'ña jena'me aleua, 'uo da'me lejamaĝa jo'ne neten da'me netamen, nataq'aen jalcote jana'me lachi' da'me nachoĝodenot joñe'me Dios, joñe'me jo'ne 'uo da'me lañoqotaĝanaĝac qaedi nec'alaĝate'guejop da'me neleuaĝa, qama'le ñe'me Dios domachiya joñe'me yajouaĝat da'me yataqata yoqo'cha.

Romanos 3:22

Chiyaqayi da'me jep'iyaqa ñe'me Jesucristo, Dios e'n yataqatelo'te ena'uaque jogaa'me p'iida'a. Chane'eja qaya'te yaguegue, uotaĝa judiopi uotaĝa ja judiopi.

Romanos 1:17

Qa'a da'me onaĝaic 'naqatac qo'mi yatetonaĝanaĝaneque da'me lajoĝoc q'aen da'me qo'mi e'n chimadichidiñe: nach'eda da'me qadepe'e, chiyoqotelegue ga'me 'uaechiñe chayovida'a qom yovita ga'me p'ategue. Naq'aeta da'me 'yaĝatetedac jogaa'me nedii's, eet'oi: “Ga'me jo'ne chiyaqayi da'me lepe'e da'me male chimaqachiñe, nach'ega nec'alegue.”

Mateo 3:7

Qalaĝaja ca'li Juan yauana queda'me qayoĝode' gaa'me fariseopi nataq'aen saduceopi yec'adeta qaedi nachilaĝa'n, qama'le enapegalo: “¡Aueñiya'ama gaa'me nanayaqa c'oqo'tepi jo'ne dajodegue nale novi' ga'me dole'! ¿Toqoch'e aueñetapega ja ami 'te yedalo'te ga'me ane'uaĝanaguequi jo'ne ami na'talo?

2 Pedro 3:6

Nach'e ena'am da'me en chiyaqayi ga'me noĝop joga'me nedep let'adaic jo'ne nejoyiñe joca'li yema gaa'me uetedalegue jena'me aleua.

2 Pedro 2:5

Nach'e ena'am ja yichoĝode'n joca'li ñe'me Dios ga'me aleua laje'pi toye's, dite da'me namaĝa joca'li ga'me uotep let'adaic, qama'le nach'eñeta ñe'me Noé da'me nec'alaĝategue, choqogaa'me siete jo'ne mach'e laqaya', qa'a Noé dapaĝaguenataĝatapec da'me 'noyaĝac jo'ne ja 'nalegue.

2 Pedro 1:1

Jayem Simón Pedro, da'me jayem necochoqo't joñe'me Jesucristo nataq'aen da'me jayem lamaĝajec joñe'me, ami jamaĝalo da'me yep'iyenataĝanaĝac, da'me ami jo'ne joote auacoñiyeguet da'me nepe'e jo'ne yataqachiñe onaĝaic, yajouaĝat da'me ami yichoĝode'n joñe'me Qanedios jo'ne Qadec'alaĝaiqui mach'e Jesucristo, nach'eñe jo'ne yataqachiñe yataqatelegue. Chane'eja da'me adepi'i male ena'am da'me jo'ne mach'e qadepe'e.

Hebreos 11:1

Jogaa'me jo'ne p'iida'a joñe'me Dios ja yoqolegue't da'me yacoteguet qomle ga'me jo'ne yeuatetedaque, qama'le yataqata yayate'n da'me eja da'me yauanalo qomle gaa'me jo'ne ja di'yo't.

Romanos 10:6

Da'me yataqatelegue jo'ne chiyoqotelegue da'me nepe'e, qo'eet'oi: “Ena'te eetojo' ga'me adelnataĝac: «¿Jach'e ga'me yaqanatet ta'le yec'adije'ma di'me piyem?»” Dojo' aue'tem da'me qaedi Cristo nenochiñe.

Romanos 4:11

Qama'le ca'li yoĝo'yi da'me yaconeguet ga'me 'nanaĝajet ñe'me Abraham, ena'am ta'le 'nanec uotaĝa ena'am ta'le qo'yamelegue da'me joote Dios yateton da'me yataqatelegue nataq'aen chimaqachiñe qa'a chiyaqayi da'me lepe'e. Nach'eda naq'aeta da'me Abraham chiyoqotelegue da'me male let'a't ena'uaque jogaa'me jo'ne 'uo da'me lepe'e', mate mane'e ja yacoteguet da'me 'nanaĝajet; qama'le naq'aeta da'me Dios nach'e ena'am yatetonegueta da'me yataqatelo'te q'ae'n jogaa'me.

Mateo 24:38

Gaa'me noloqo'ote joca'li maliaĝa qaya'te uotep, cha'li deque'tape nataq'aen niyome'tape, 'uotapega't nataq'aen t'onataĝa'tape chayovida'a jo'me nolo' ca'li Noé naue jaga'me licota lat'edai.

Mateo 24:25

¡Auec'achiñe! Male ami ja'aqataĝanouelo da'me 'uo qom'te jo'ne tatalegue.

Romanos 9:30

Qama'le da'me dojo', ¿jach'e ga'me jenaqaac? Da'me chiyaqayi da'me nepe'e, Dios e'n yataqatelo'te q'ae'n joga'me ja judiopi, jo'ne ja yelotedaque ga'me chimaqachiñe.

Mateo 24:15

“Chane'eja qom auañiya ga'me jo'ne te'me adiquiyayi'ya jo'ne yapalaĝat ena'uac, da'me jo'ne 'yaĝatetapi'ñgui ñe'me Dios 'laqataĝanaĝanec Daniel, queda'me naue da'me Dios 'lemec jo'ne ja 'nalegue —ga'me jo'ne yec'aten da'me dojo', 'noota qom yayaten,—

Mateo 2:12

Qama'le queda'me joote 'uo da'me lichoĝonaĝa'j qaedi 'noota ta'le ja 'viyelaĝadeta ga'me ue'ta ñe'me Herodes, chane'eja tade'ga ga'me naq'aec laqaya da'me 'viyelaĝadeta ga'me mach'e 'naleua'.

Hebreos 8:5

Qalaĝaja da'me jo'ne yauote jogaa'me tamenaĝaiqui lo'ol ja naqaeda ta'le chiyaqayi joda'me eja, qa'a ga'me tamenaĝaiqui choqogaa'me jo'ne uetedaue ch'e lequi'il jogaa'me ejoda jo'ne ueda'ague di'me piyem. Qa'a naq'aeta da'me qo'yaĝatem joñe'me Moisés joca'li jetaque ye'et ga'me tamenaĝaiqui, qama'le eetac joñe'me Dios: “Auelo'tegue da'me dojo' jo'ne am japaĝaguenec qama'le auadenaĝat da'me 'loyaĝac ga'me jo'ne aualoĝona ca'li oua'ña jadi'me qajoĝonaĝa.”

Hebreos 12:25

Chane'eja yataqata a'uamaqachiñe da'me 'laqatac joñe'me Dios. Qa'a joga'me Israel lec'oqo'tepi jo'ne ja yacoteguet joca'li joñe'me Dios 'laqataĝanaĝanec jo'ne ch'e aleua le'ec, qaya'te onolec jo'ne yaqanatet ta'le yaĝan joda'me qoyen lachoĝodec. Qama'le nayi, qo'mi jo'ne jomachaĝa da'me 'laqatac joñe'me jo'ne chiyaqayi di'me piyem, qom ja ja'amaqatenaq, qama'le ¿teua'atoqo' jaqanatetaq ta'le qo'mi yaĝa'n da'me qoyen mach'e qadachoĝodec?