Hebreos 11:4 - Nuevo Testamento Toba Sombrero Negro

⁴ Ñe'me Abel yataqata p'iya'a ñe'me Dios, qama'le ya'uo joca'li ga'me lajaqajec jo'ne onaĝaic 'me yanem joñe'me Dios, ga'me jo'ne napacalegue ga'me lajaqajec ñe'me Caín. Chane'eja nach'eñe ñe'me Abel jo'ne qoyiyamaĝaden ca'li, da'me qo'yaĝatetac da'me yataqatelegue, qama'le qoyaconeguet ga'me mach'e lajaqajec. Qama'le nayi, mate mane'e Abel joote yeleu joca'li, qalaĝaja da'me lepi'iyaĝac maliaĝa queta da'me qo'mi t'aqataĝatapema.

Nuevo Testamento Toba Sur

⁴ So Abel souaxat co'ollaxa da lpi'iÿaxac, nachi ÿanot ñi Dios aso lachitaqtaxanaqte, qaq asomayi ÿataqta napacalec som lachitaqtaxanaxat so Caín. Qaq ÿoqo'oyi ñi Dios ÿataqta ÿaÿamaxadeeta somayi da no'on da lataxac, nachi ÿaconguet aso lachitaqtaxanaqte. Qaq 'eda da 'eetec so Abel, da nai'ctaxa da mashi ileu, qalaxayi da lpi'iÿaxac ñaq queta da qomi' da'aqtaxaatapeguema.

La'aqtaqa Ñim Lo'onatac 'Enauacna 2013

⁴ So Abel huo'o da lpi'iỹaxac co'ollaxa Ñim Lo'onatac 'Enauacna, qaq ỹoqo'oye aso ỹan lachetaqtaxanaqte ỹataqta no'on, saq 'ena'am so ỹan so Caín. Qaq ỹoqo'oye Ñim Lo'onatac 'Enauacna ỹamata'ac da ỹataqta no'on ỹale so Abel, nache ỹaconeguet aso lachetaqtaxanaqte. Qaq na'aictaxa da mashe ileu so Abel, qalaxaye ñaq queta da qanapaxaguenataguec chegoqchigui da lpi'iỹaxac somaye Ñim Lo'onatac 'Enauacna.

Hebreos 11:4 Referans Kwoze

Hebreos 12:24

Nataq'aen auec'achiya joñe'me Jesús, nach'eñe jo'ne joote yomat da'me dalaĝaic 'namaqatenataĝanaĝac, qama'le nach'e ena'am jaga'me letauo' jo'ne naliñi joca'li qaedi en qo'mi yoqovite' q'ae'n, jaga'me jo'ne nach'e ena'am da'me qo'mi 'yaĝatema da'me onaĝaic, jo'ne ja ena'am jaga'me letauo' ñe'me Abel.

Judas 1:11

¡Degueja qom'te da'me lachoĝode'j jogaa'me! Qa'a quetede'egue di'me Caín, nataq'aen da'me eda'am di'me Balaam queda'me jetaque nauedela't jaga'me laicaua, qama'le dajediñe. Nataq'aen qoleguetaĝanaĝayaqa jogaa'me, eda'am di'me Coré joca'li, qama'le nimichidiñe jo' qom'te.

Mateo 23:35

Chane'eja nach'e ami ualo'te da'me ane'uaĝanaguequi qomle jouaĝat yema jaga'me tauo' dia'me yataqatelo'te 'me qoyen naliñi chiyoqotelegue di'me Abel jo'ne yataqatelegue chayovida'a Zacarías, 'me Berequías c'oĝot, nach'edi jo'ne aualachiyalegue ga'me tamenaqa' 'me ja 'nalegue nataq'aen ga'me c'atoĝonaĝala'.

Hebreos 9:22

Da'me chiyaqayi da'me namaĝajoĝonaĝac, nach'ana jana'me jiyac letauo' jo'ne e'n yoqovite' yema gaa'me uo'oe, qama'le nach'e ena'am da'me qaya'te ta'le yapalaĝa't jogaa'me qadoeco qom ja qoyen 'te naliñi jaga'me netauo'.

Hebreos 12:1

Chane'eja da'me qo'mi, queda'me uo'oe naajo' jiyaĝa'u jo'ne qayoĝode' 'me qo'mi dajota'ualo, naqaegaua jo'ne joote daloĝonataĝata da'me lepe'e', qama'le 'noota qom cha'li jaĝanaĝadiñi yema naa'me jo'ne qo'mi nauatapegueta choqonaa'me mach'e qadoeco jo'ne e'n qo'mi lecoñetae's. Qa'a da'me qadadiquiaĝac ena'am ta'le ga'me ñaqalegoĝojoĝoc, qama'le 'noota qom yataqata qo'mi vidiaqayaqa, yataqata 'ñañaĝataĝaguet da'me qomitaĝac jo'ne qo'mi ue'tajopa, da'me jo'ne mach'e jajoqo'tague.

Lucas 11:51

chiyoqotelegue jaga'me tauo' di'me Abel chayovida'a Zacarías, jo'ne nach'edi qoyalat ca'li ua'a ga'me c'atoĝonaĝala' nataq'aen ga'me tamenaqa' jo'ne ja 'nalegue. Qama'le nayi ami ja'aĝatema queda'me Dios yepoleguelo'te jena'me jenjo' jiyaĝadipi da'me leleuaqa' jodia'me.

Tito 1:16

Eetapela'ajalo yateto'n joñe'me Dios, qalaĝaja gaa'me 'lonataqa yaloĝo'n queda'me ja naq'aeta; yataqachiñe quiyaĝanataqayaqa, ja yoqochideta joñe'me Dios nataq'aen ja yaqanate't ta'le yauote gamachaqaega chimaqachiñe.

Hebreos 5:1

Yema ga'me netaĝayaĝanaĝanec jo'ne lajoĝola' ga'me tamenaĝaiqui lo'olpi mach'e liquiyac joñe'me Dios, qama'le qoyachiyoĝotauelo jogaa'me jiyaĝa'u laqaya' da'me dajoya'aguet joñe'me Dios, qaedi yadegue gaa'me lachitaqataĝanaqa'te ga'me jiyaĝadipi choqoga'me lajaqajecpi jo'ne qoyigouelo, qaedi qoyapalaĝa't gaa'me loeco jogaa'me.

Hebreos 11:2

Nach'e naq'aete' ca'li dia'me jachiyoĝojoĝogueta jo'ne mach'e qadet'al: yataqata qoyiyamaĝade'n joca'li, yajouaĝat da'me p'iida'a joñe'me Dios.

2 Pedro 2:8

Qa'a joñe'me Lot jo'ne yataqatelegue ch'e netauelo jogaa'me, qama'le 'uo da'me lachoĝodec na'me lauel da'me yajouaĝat da'me yec'ate'tape naa'me ja 'noe'n jo'ne 'lonataqa jogaa'me choqoda'me domachiyalo yemeda jaa'me noloqo'ote.