Hebreos 11:10 - Nuevo Testamento Toba Sombrero Negro

¹⁰ Qa'a ñe'me Abraham yeuate'ta joca'li da'me neta'ña ga'me noic let'adaic jo'ne qoyen chimaqachiñe jaga'me lamo da'me qo'noĝojeguem, ga'me noic jo'ne nach'eñe ñe'me Dios da'me 'noĝojeguem.

Nuevo Testamento Toba Sur

¹⁰ Cha'ayi so Abraham iuatta'a cam la ciudad mayi sa ishit da nlaguiñi, cam la ciudad mayi maichi l'enaqtac ñi Dios qataq maichi n'oxooshiguem.

La'aqtaqa Ñim Lo'onatac 'Enauacna 2013

¹⁰ So Abraham huo'o da lpi'iỹaxac da huo'o ca na'a'q, nache ỹauana cam nỹecpi maye maiche lo'onatac Ñim Lo'onatac 'Enauacna qataq qaica ca ishet da nlaxaañi.

Hebreos 11:10 Referans Kwoze

Hebreos 13:14

Qa'a jena'me aleua qaya'te qat'achaqa' ta'le jauanaĝa jo'ne noic 'me nach'e eta't da'me 'uo, dite da'me jajoqo'ta da'me jovitaĝa ga'me noic laqaya jo'ne dalaĝaic.

Filipenses 3:20

Qalaĝaja da'me qo'mi, yataqata joote 'uo jodi'me qat'achaqa' jo'ne na'ague jodi'me piyem, qama'le yataqata jalcote da'me jeuataqataque joñe'me Qadec'alaĝaiqui da'me chiyaqaje'ma di'me piyem, nach'eñe joñe'me Qadejaliaĝanec Jesucristo.

Hebreos 12:22

Qalaĝaja da'me ami qamqa'me joote auec'achiya ñe'me qajoĝonaĝa jo'ne Sión, di'me noic jo'ne mach'e 'lachaqa' ñe'me Dios 'me nach'e eta't da'me nec'aletaye, di'me noic jo'ne Jerusalén 'me ue'tague di'me piyem. Nach'edi di'me jo'ne ueteda'a jalcote joga'me piyem laje'pi da'me yema'a't qaedi 'nonaĝachidegue joñe'me Dios.

2 Corintios 5:1

Yataqachiñe jayatenaq queda'me jenaqa'am ga'me emec jo'ne ch'e nomachaĝaiqui, jo'ne yovita ga'me nolo' nale qonejoyeñe joga'me. Qalaĝaja 'uo ga'me qat'achaqa' di'me piyem, jo'ne ja ch'e jiyaĝaua 'lonatac nataq'aen ja yitaĝa pal, qa'a nach'eñe ñe'me Dios 'lonatac.

Hebreos 3:4

Qa'a yemeda gaa'me emaqa 'uo ga'me jo'ne yete'tape, qalaĝaja nach'eñe joñe'me Dios jo'ne ya'uo yema naa'me naajo' jo'ne uo'oe.

Juan 14:2

Di'me na'ña ñe'me Taĝadena' uo'oe gaa'me 'nachaqa'te jo'ne qayoĝode'. Yataqachiñe eja da'me dojo', qo'che' joote ami ja'aĝatema da'me jec qaedi jiyamaĝateta'ajalo jogaa'me mach'e at'achaqachidi'.

Apocalipsis 21:2

Nataq'aen jauana ga'me noic let'adaic jo'ne ja 'nalegue, nach'edi di'me Jerusalén jo'ne dalaĝaic. Qama'le nenochiñe, chiyoqo'ot joñe'me Dios jo'ne ne'tague di'me piyem, queda'me joote yiyamaĝatetac, ena'am jaga'me nojaĝaua qom joote niyamaĝate'taguet qaedi male 'uoneguet ga'me lojaĝaua.

Hebreos 12:28

Joñe'me Dios male qo'mi yanema da'me lejaliaĝa jo'ne ja qoyaqanatet ta'le yitaĝa qonichiyaĝat. Chane'eja 'noota qom janemaĝam da'me qadamaic nataq'aen da'me 'ñonaĝataĝaye joñe'me, nach'e ena'am da'me jauoqo da'me chimaqachiñe jo'ne yataqata yiyamaĝaden.

Hebreos 11:16

Qalaĝaja jodia'me yataqata yepaquetedapega ga'me 'nachaqa' jo'ne onaĝaic, ga'me 'nachaqa' jo'ne ua'ague di'me piyem. Chane'eja ñe'me Dios ja nepocoĝolegue ca'li da'me qo'yaĝat da'me naqaeñe jo'ne Nedios jodia'me, qa'a joote yaqataĝata't ga'me noic jo'ne en 'lachaqa't.