Hebreos 10:12 - Nuevo Testamento Toba Sombrero Negro

¹² Qalaĝaja ñe'me Jesucristo mach'eñe da'me 'naĝatela't, qa'a onolec da'me leleuaĝa qaedi nach'e eta't da'me nep'aĝanegueta naa'me qadoeco, qama'le yem da'me jo'ne qo'yetec male na'ña jena'me yayaten joñe'me Dios.

Nuevo Testamento Toba Sur

¹² Qalaxayi so Jesucristo nañan da qaÿalauat souaxat na nasouaxashitpi, nachi sa lÿa da qaltaq nañan. Ime, nachi nso'ongue da aloic ñi Dios.

La'aqtaqa Ñim Lo'onatac 'Enauacna 2013

¹² Qalaxaye So Jesucristo nañanot Ñim Lo'onatac 'Enauacna da, 'eeta'am naqa'en aca nachetaqtaxanaqte maye qaỹavigaxatta, nache sa lỹa da qaltaq nañan. Qaq huaña, nache qaỹapalaxat na qarasouaxashetpi. Ime, nache Somaye nso'ooñi netaua'a na aloic añi nso'onaxaqui Ñim Lo'onatac 'Enauacna,

Hebreos 10:12 Referans Kwoze

Hebreos 1:3

Queda'me naqaeñe jo'ne laqaselegaĝac da'me 'lonaĝac joñe'me Dios, nataq'aen da'me 'loyaĝac joñe'me ena'am da'me 'loyaĝac joñe'me Dios. Qama'le naa'me 'laqataqa joñe'me C'oĝot 'uo da'me lañoqotaĝanaĝa'j qaedi nelaĝatetedañe ena'uaque naa'me naajo' jo'ne uo'oe. Chane'eja ca'li yomat da'me ena'am ta'le qo'mi yiyo'y qaedi qoyapalaĝa't naa'me mach'e qadoeco, qama'le neta'ña di'me yayaten joñe'me Dios, da'me male na'ague di'me piyem jo'ne lejaliaqa'.

Colosenses 3:1

Chane'eja, queda'me Cristo ami 'niyelaĝachidijeguem, 'noota qom aueloyapiye gaa'me jo'ne uo'oe 'me ueda'ague di'me piyem, 'me ne'tague ñe'me Cristo da'me ñichiñe, na'ña jena'me yayaten joñe'me Dios.

Romanos 8:34

¿Jach'e ga'me yaqanatet da'me yamaĝadoue da'me ne'uaĝanague'j jogaa'me? Cristo Jesús nach'eñe yeleu ca'li; maliaĝa uoja'eda nach'eñe 'niyelaĝajeguem ca'li qama'le neta'ña yayaten ñe'me Dios, qo'mi nachoĝodetapelo'te.

Hebreos 9:12

Ñe'me Cristo joote yenoĝoneuo'o ga'me p'auo jo'ne lenaĝat da'me 'Lachaqa' da'me Yataqata Ja 'Nalegue, qama'le ja yedouo jaga'me letauo' ga'me quetaq uotaĝa ga'me uaca c'oĝot, dite da'me ena'am ta'le yedouo jaga'me mach'e letauo', qama'le ch'e onolec da'me yenoĝoneuo, qa'a joote ya'uo da'me qadec'alaĝa jo'ne qaya'te loiquiaqa'.

Hebreos 8:1

Chane'eja da'me qat'aqatac jo'ne yaguegue da'me lajo'viyaĝac, nach'eda da'me dojo', eet'oi: yataqata 'uo ñe'me Qadetaĝayaĝanaĝanec jo'ne ne'tague di'me piyem nayi, da'me male na'ña da'me loec joga'me lejaliaĝaiqui joñe'me Dios.

Marcos 16:19

Mane'e ca'li yem da'me dojapegue'to, joñe'me Jaliaĝanec Jesús qoyen taje'ma di'me piyem qama'le na'ña di'me yayaten joñe'me Dios.

Efesios 5:2

Yataqata adoqopichiyalo naa'me adaqayadi', ena'am ca'li joñe'me Cristo da'me yataqata qo'mi noqopitalo qama'le qo'mi nep'aĝanegueta ca'li, qaedi ena'am ta'le qoyen qadajaqajec, ena'am ga'me 'naĝanaĝate c'oĝot jo'ne qoyachalegue ga'me nec'atoĝonaĝala' nale, nach'eñe jo'ne ena'am joga'me neyoĝoque jo'ne jama nale ga'me laeta, yataqata yiyamaĝaden ñe'me Dios.

Hebreos 5:1

Yema ga'me netaĝayaĝanaĝanec jo'ne lajoĝola' ga'me tamenaĝaiqui lo'olpi mach'e liquiyac joñe'me Dios, qama'le qoyachiyoĝotauelo jogaa'me jiyaĝa'u laqaya' da'me dajoya'aguet joñe'me Dios, qaedi yadegue gaa'me lachitaqataĝanaqa'te ga'me jiyaĝadipi choqoga'me lajaqajecpi jo'ne qoyigouelo, qaedi qoyapalaĝa't gaa'me loeco jogaa'me.

Hebreos 5:3

Chane'eja yajouaĝat da'me dojo', male yauo'oe daa'me lachitataĝanaĝaco qaedi qoyapalaĝa't naa'me mach'e loeco, choqogaa'me loeco gaa'me jiyaĝa'u laqaya'.

Hebreos 7:27

Qa'a ja ena'ama jogaa'me netaĝayaĝanaĝanaqa laqaya' jo'ne youe'n da'me yala't gaa'me yejidi yemeda naa'me noloqo'ote da'me yigouelo ga'me lajaqajecpi qaedi qoyapalaĝa't jogaa'me loeco jo'ne ja 'noe'n, da'me ye'uauaĝadiñe jogaa'me mach'e loeco, qama'le da'me yem male qauadegue jogaa'me loeco ga'me jiyaĝadipi. Qama'le ja ena'am ñe'me Jesús, jo'ne ya'uo ca'li ga'me lajaqajec jo'ne onolec, joca'li yaneuo da'me mach'e 'loyaĝac, qama'le qaya'te lajaqajec laqaya ta'le qoyouetaque.

Hebreos 9:14

Chane'eja qom naq'aeta da'me dojo', qama'le jalcote da'me yaguegue da'me lañoqotaĝanaĝac jaga'me letauo' joñe'me Cristo, qa'a chiyaqayi ñe'me Dios Lepaqal jo'ne nach'e eta't da'me 'uo, ñe'me Cristo mach'e nemenot joñe'me Dios, da'me ena'am ta'le najaqajec jo'ne qaya'te lejepaĝanaĝa. Chane'eja jaga'me letauo' da'me yataqata e'n yoqovite' naa'me mach'e qadai'li, nach'eda da'me jo'ne ja yaqanatet ta'le chiyaqayilo jogaa'me najaqajel toye's, qama'le nayi yataqata jaqanatetaq da'me jo'onataĝanaĝauo'o ñe'me Dios jo'ne nach'e eta't da'me nec'aletaye.

Hebreos 10:10

Chane'eja ñe'me Dios joote qo'mi e'n yoqovite' q'ae'n, yajouaĝat da'me 'lonatac joñe'me Jesucristo jo'ne yoqo'cha da'me lelnataĝac joñe'me Dios, qama'le 'yaĝateuo da'me mach'e 'loyaĝac qaedi qoyalat. Ch'e onolec da'me nalataguec, qaedi nale'en da'me qo'mi yoqovite' q'ae'n.

Hebreos 10:14

Qa'a da'me jo'ne onolec joga'me najaqajec, chiyaqayi da'me dojo' male qoya'uo da'me nach'e eta't da'me qoye'n yataqatelo'te jogaa'me liquiyaqa joñe'me Dios.