Hebreos 1:2 - Nuevo Testamento Toba Sombrero Negro

² Qalaĝaja nayi naa'me naajo' noloqo'ote jo'ne p'atedegue, male 'uo joñe'me jo'ne mach'e C'oĝot, qama'le nach'eñe jo'ne qo'mi yapaĝague'n, nach'eñe jo'ne qoyen loqo'te ena'uaque jogaa'me jo'ne uo'oe, qa'a nach'eñe 'me chiyaqayi da'me ye'et ena'uac joca'li.

Nuevo Testamento Toba Sur

² Qaq ne'enaua pa'atreec na'axa'te, qalaq ñimayi ÿachigoxotchigui so llalec da qomi' da'aqtaxanema. Ñi Dios ÿachigoxotchigui co'ollaxa se'eso llalec da i'ot 'enauacna, qataq nachiso so ipataxalec da ilo'ogue 'enauac namayipi.

La'aqtaqa Ñim Lo'onatac 'Enauacna 2013

² Qalaxaye nagui ne'enaua pa'atre'c na'axa'te, Ñim Lo'onatac 'Enauacna qomi' ỹanema da la'aqtaxanaxac ỹachegoxotchigui So Llalec. Qaq Ñimaye ỹachegoxotchigui co'ollaxa So Llalec da ỹo'ot 'enauacna, qataq nacheso so ipataxalec da ilo'ogue 'enauac na huetalecna.

Hebreos 1:2 Referans Kwoze

1 Corintios 8:6

qalaĝaja qo'mi qamqa'me jayatenaq queda'me 'uo ñe'me Dios jo'ne onolec, mach'e Qadet'a jo'ne 'netoqo't ena'uaque gaa'me uo'oe, nataq'aen qo'mi yanema da'me qat'oyaĝac jeloqot'ot joñe'me. Nach'e naq'aeta queda'me onolec ñe'me Jaliaĝanec Jesucristo nach'eñe necochoqo't ñe'me Dios joca'li ye'et jena'me aleua nataq'aen ena'uaque gaa'me uo'oe, qama'le da'me qo'mi joda'me qat'oyaĝac chiyoĝoguet joñe'me.

Juan 1:3

Qama'le nach'eñe q'aen da'me en chiyaqayi yema da'me male yauo'oe ena'uaque naa'me 'lonataqa jo'ne e'n di'yo'quena joñe'me Dios.

Juan 1:14

Qama'le ñe'me jo'ne 'naqatac joca'li male di'yoq ca'li da'me jiyaĝaua, ñe'me jo'ne yataqachiñe choĝodenataĝanaĝaic nataq'aen yataqatelegue, male qo'mi uetauelo. Chane'eja jauanaĝa da'me 'lonaĝac jo'ne yachiyoĝo'tot ñe'me Let'a queda'me onolec jo'ne mach'e Lec'oĝot.

1 Pedro 1:20

Joñe'me Cristo nach'eñe jo'ne qoyaqataĝata't joca'li maliaĝa jona'li 'uo jena'me aleua, qoyequetelegue da'me dojo' jo'ne qoyamaĝalegue. Qalaĝaja nayi naa'me naajo' noloqo'ote jo'ne p'atedegue male qoyaloĝon qaedi yataqata ami yichoĝode'n.

Mateo 28:18

Jesús nichiidi'uo jogaa'me qama'le yanema da'me laqataĝac, enaac: —Dios joote jayem yachalegue da'me yañoqotaĝanaĝac let'adaic, qaedi ñejaliaĝatelo'te yemeda gaa'me ueteda'ague di'me piyem nataq'aen gaa'me uetedalegue jena'me aleua.

Juan 13:3

Jesús yayaten da'me chiyaqaje'ma ñe'me Dios mach'e Let'a, nach'e ena'am da'me yitaĝa 'viyelaĝaje'ma ñe'me, nataq'aen ñe'me Let'a joote yanem yema da'me lañoqotaĝanaĝac qaedi yema yaqanatet ta'le ya'uo.

Mateo 17:5

Mane'e ca'li cha'li dojetac qama'le 'uo ga'me piyem lo'oc jo'ne edañgui yapadelo'te jogaa'me, nach'ega piyem lo'oc chimaqapegoue ga'me nejamaĝa jo'ne enaac: “Jenjo' mach'e Yalec jo'ne jauotec, nach'ena Yiquiyac: anaquiaĝañiya.”

Hebreos 11:3

Da'me yajouaĝat da'me 'uo da'me qadepe'e, male jayatenaq da'me eeta da'me qoye'et joca'li jena'me aleua. Qa'a ñe'me Dios ya'uo ga'me 'laqatac joca'li, qama'le yemta uo'oe gaa'me jo'ne qoyauanalo, da'me qoye'n chiyoqodayi joga'me ja qoyauana.

Romanos 8:17

Qama'le queda'me joote qo'mi lec'oqo'tolqa, nach'e ena'am jaconaĝaguet qomle ga'me yaqataĝañi ca'li ñe'me Dios 'me 'yaĝatetac, nach'eda da'me ñetauanaqa'uo ñe'me Cristo qom eja jaconaĝaguet da'me qadachoĝodec qa'a jouaĝat joñe'me qaedi qom'te jouaqa'tajop joñe'me da'me 'lonaĝac.

Juan 3:16

Qa'a naq'aeta da'me Dios noqopitalo ena'uaque gaa'me aleua laje'pi, queda'me yanegue ñe'me mach'e Lec'oĝot jo'ne onolec, qaedi ena'uaque jogaa'me jo'ne p'iida'a joñe'me ja yitaĝa yele'u dite da'me yauata da'me 'loyaĝa'j jo'ne ja 'naidena'a.

Mateo 26:63

Qalaĝaja Jesús 'nemaĝadela't ca'li. Ñe'me p'ajaye lejaliaĝanec ga'me tamenaĝaiqui lo'olpi enaac: —Am jedolegue da'me lenaĝat ñe'me Dios 'me nec'aletaye qaedi qo'mi a'uaqataĝanema. ¿Naqa'am joona da'me am Dios Liquiyac, jo'ne Dios Lec'oĝot?

Mateo 21:38

Qalaĝaja ca'li yauata ga'me c'oĝot, jogaa'me onataĝanaĝayaqa male enapega't: «Nach'ena jenjo' jo'ne yaconeguet qomle da'me neuoyaĝac; 'noota da'me jalataq nayi qaedi ga'me te'me loĝot male qo'mi ua'ajopa qomle.»

Hebreos 5:8

Chane'eja joñe'me Cristo, mate mane'e mach'e Dios Lec'oĝot, qalaĝaja nach'e ena'am da'me napaĝaguena da'me eeta da'me noqochoĝojoĝoc, chiyoqochigui da'me mach'e lachoĝodec.

Efesios 1:10

Qom male yovita ga'me laloqo' qama'le yataqata en yomat yema joga'me jetaque ye'et, da'me yemata'a't yema jogaa'me uo'oe, gaa'me ueteda'a di'me piyem, chayovida'a jena'me ue'ta jena'me aleua, qaedi male yataqata qonauachigui da'me qoyen nejaliaĝanec joñe'me Cristo, yataqata qodajotalegue joñe'me.

Hebreos 7:3

Qaya'te ta'le ch'e yayate'n jogaa'me jo'ne mach'e let'al ñe'me Melquisedec, uotaĝa gaa'me jo'ne mach'e chiyoĝogueta, qama'le nach'e ena'am ja qo'yaĝa't da'me eeta joca'li niyiñe, uotaĝa joca'li male yeleu. Chane'eja naq'aeta da'me dojo' 'loyaĝac joca'li: qo'che' qoyetapega ena'am da'me 'loyaĝac ñe'me Dios Lec'oĝot jo'ne netaĝayaĝanaĝanec 'me nach'e eta't da'me dajo'tot joñe'me Dios.

Hebreos 2:3

Qama'le nayi, ¿teua'atoqo' qo'mi yaĝa'n ga'me qane'uaĝanaguec, qom ja qadetela da'me nec'alaĝa let'adaic? Qa'a nach'eñe joñe'me Jaliaĝanec jo'ne 'uaechiñe da'me 'yaĝatetac da'me dojo' nec'alaĝa, qama'le jogaa'me jo'ne joote domachita da'me 'naqatac male qo'mi yaloĝonalo da'me naqaeda da'me jo'ne eja.

Hebreos 1:5

Qa'a joñe'me Dios qaya'te ta'le ua'a da'me 'uo ga'me 'laqatac ta'le yanem ga'me piyem le'ec ta'le eet'oi: “Nayi jenjo' nolo' am ja'aĝatem Da'me naqa'am jo'ne mach'e am yalec; Qa'a da'me jayem yataqata jayem adet'a.” Uotaĝa ta'le Dios 'yaĝatetac ga'me piyem le'ec da'me eetac: “Naqayem jo'ne mach'e jayem let'a joñe'me, Qama'le naqaeñe 'me mach'e yataqachiñe yalec.”

Efesios 3:9

Nataq'aen jayem qo'yelopec qaedi ja'aĝatetac yema joga'me en ta'tegue jena'me jenjo' lelnataĝac ñe'me Dios jo'ne naqaeñe mach'e 'lonatac jena'me aleua. Yema jena'me jenjo' jo'ne ami ja'aĝatapema nayi, yataqata qaya'te yayaten ca'li, qalaĝaja Dios male yaloĝon da'me jo'ne chiyoĝoteguet jaa'me 'uoidi toye's.

Gálatas 4:4

Qalaĝaja ca'li yovita ga'me nolo' 'me laloqo' q'aen ñe'me Dios, ñe'me namaĝaquena ca'li ñe'me C'oĝot, jo'ne na'ya q'aen jaga'me yauo da'me niyiñe qama'le yaconegueta nataq'aen que'teguelo jogaa'me namaĝajoĝonaĝaco jo'ne qoyanema gaa'me judiopi.

Hechos 10:36

Dios dojapegue'to ca'li jogaa'me israelpi c'oĝo'tepi, yechoĝotetapema da'me 'naqataĝanaĝac jo'ne 'nemaĝac 'me chiyaqayi ñe'me Jesucristo, mach'e Lejaliaĝane'j yema ga'me jiyaĝadipi.

Juan 15:15

Ja yitaĝa ami jiyaĝanaĝaneque da'me ami ñejoĝonaqa, qa'a ga'me ch'e nejoĝonec ja yayaten ga'me mach'e ye'tetac joga'me lejaliaĝanec. Ami jiyaĝanaĝaneque nayi da'me ami yaqaya', qa'a joote ami jayatenaĝanaĝaneque yema da'me jo'ne jayem 'yaĝatem ñe'me Taĝadena'.

Judas 1:18

ca'li enapega't: “Gaa'me p'atedegue noloqo'ote qom'te qama'le uo'oe ga'me jiyaĝadipi 'me 'uenaĝanaĝaiquipi jo'ne quetapegue'to daa'me nejiyaĝauayaĝaco lamaico jo'ne ja 'noe'n.”

Romanos 1:4

qalaĝaja chiyoqotelegue ca'li 'niyelaĝajeguem male qoyen najaqachigui da'me lañoqotaĝanaĝac nataq'aen qoyanem da'me lec'oĝochiyaĝac ñe'me Dios, nach'eñe ladic ga'me ja 'nalegue.

Hechos 2:17

«Ñe'me Dios 'yaĝatetac gaa'me uo'oe qomle, Gaa'me noloqo'ote jo'ne p'atedegue: Jeyala'aque ñe'me Yepaqal ena'uaque ga'me jiyaĝadipi; Qama'le jogaa'me ac'oqo'tolqa Nataq'aen ac'oqoteldi' 'yaĝa'tape qomle Daa'me mach'e 'yaqataĝanaĝaco, Nataq'aen ga'me joĝodipi 'uo da'me lauanaĝanaĝa'j Nataq'aen joga'me 'yaĝaicachidipi male uo'oe qomle Daa'me lichoĝonaĝaco.

Juan 17:2

Qa'a naqa'am jo'ne jayem auanem da'me yañoqotaĝanaĝac qaedi ñejaliaĝatelo'te yema ga'me jiyaĝadipi, nataq'aen da'me auanema da'me 'loyaĝac jo'ne ja 'naidena'a yema jogaa'me jo'ne jayem auanema.

Juan 16:15

Yema ga'me loĝot joñe'me Taĝadena', nach'e ena'am mach'e yoĝot, qo'che' ja'aĝatetac ñe'me Dios Lepaqal da'me yaconegueta jogaa'me jo'ne jayem chiyoqodayi, qama'le ami yayatenaĝanaĝaneque joñe'me.

Marcos 12:6

“Maliaĝa 'uo ga'me noque'tac jo'ne onolec, jo'ne mach'e lec'oĝot, jo'ne yataqata yauotec. Ua'edi yaqanatet da'me yamaq joñe'me, qa'a da'me lelnataĝac eetojo': «Ja joqoleguet da'me qouatec'a qomle ñe'me mach'e yataqachiñe yalec.»

Marcos 1:1

Da'me 'uaechiñe 'naqataĝanaĝac jo'ne onaĝaic 'me 'yaĝatetac ñe'me Dios Lec'oĝot, mach'e Jesús jo'ne Dios Liquiyac.

2 Pedro 3:3

Qama'le 'noota qom ena'uac da'me ami yataqata auayachiñe nataq'aen da'me anetoviñetaque da'me dojo': jogaa'me noloqo'ote jo'ne p'atedegue qama'le novi't qomle ga'me jiyaĝadipi jo'ne quetapegue'to jogaa'me ja 'noe'n jo'ne mach'e lamaico, choqoda'me e'n le'uenaĝanaĝaco

Hebreos 1:8

Qalaĝaja da'me jo'ne 'yaĝatem joñe'me Lec'oĝot eetac: “Nach'e am jo'ne am Dios, qama'le qaya'te loiquiaqa' da'me adejaliaĝa, Nataq'aen da'me am jo'ne yataqatelegue da'me anejaliaĝatelegue ena'uac.

Hebreos 9:26

Ta'le naqaeda jo'ne eeta qama'le Cristo uotaĝa nach'e eta't 'viyelaĝalegue da'me yeleu, chiyoqotelegue ca'li yemta qoye'et jena'me aleua. Qalaĝaja ja naq'aeta, dite da'me male yovita da'me mach'e loiquiaqa't jogaa'me noloqo'ote, qama'le Cristo male onolec da'me 'naĝatela't, da'me nach'eñe jo'ne najaqajec qaedi doĝotaĝaneque naa'me qadoeco.

Juan 3:25

Qalaĝaja jogaa'me lapaĝaguenataqa ñe'me Juan 'uaeñe da'me nec'onaĝadapegue' joga'me jo'ne judío le'ec yajouaĝat da'me qoyadalaĝat ga'me jo'ne 'nejola't nataq'aen da'me qoyen yoqovita,

Mateo 3:17

Nataq'aen qodomachiya ga'me nejamaĝa jo'ne chimaqapije'ma di'me piyem, 'me enaac: “Jenjo' mach'e yalec 'me jauotec, nach'ena jo'ne yataqachiñe yiquiyac.”

Mateo 13:39

nataq'aen ñe'me nauteua jo'ne yaañi jaga'me cizaña nach'eñe payac. Ga'me naqataĝanaĝac nach'ega loiquiaqa' jena'me aleua nataq'aen jogaa'me datoĝo'n da'me qonaqat jala ga'me nanec nach'egaua piyem laje'.

Marcos 12:7

Qalaĝaja ca'li yauata gaa'me onataĝanaĝayaqa qama'le enapega'ajalo: «Nach'ena jenjo' jo'ne yaconeguet qomle da'me neuoyaĝac; 'noota da'me jalataq nayi qaedi ga'me te'me loĝot male qo'mi ua'ajopa qomle.»

Juan 1:10

Joñe'me jo'ne 'naqatac joote ue'ta jena'me aleua, choqoda'me mate mane'e nach'eñe jo'ne Dios en chiyaqayi joca'li da'me male ye'et jena'me aleua, qalaĝaja gaa'me aleua laje'pi ja yateto'n joñe'me.

Juan 5:26

Qa'a naq'aeta joñe'me Taĝadena' 'uo da'me mach'e lec'alaĝa da'me jo'ne mach'e 'loyaĝac, qama'le nach'e ena'am jayem yanem yema da'me 'yoyaĝac jo'ne 'uo da'me yec'alaĝa.

Juan 5:27

Nach'e ena'am da'me jayem yanem da'me yañoqotaĝanaĝac qaedi jaloqotenaĝan, queda'me nach'ayem jo'ne yataqachiñe jayem Jiyaĝaua Lec'oĝot.

Juan 9:29

Chane'eja nach'e ena'am da'me qo'mi jayatenaq da'me Dios dojapegue' di'me Moisés ca'li, qalaĝaja jojo' jiyaĝaua qamqa'me ja jayatenaq ga'me jo'ne mach'e chiyoĝogue.

1 Corintios 2:7

Da'me nayatenaĝanaĝac jo'ne japaĝaguenataĝanaqatapec nach'eda Dios yaloĝon; ca'li maliaĝa ja ye'et jena'me aleua, ñe'me Dios jetaque ya'uo da'me qo'mi yachiteque joda'me 'lonaĝac joñe'me, qalaĝaja da'me jetaque ya'uo 'me 'yaeñi joca'li ja qoyaloĝon, qoyoĝochi'ñejopa joga'me jiyaĝadipi chayovida'a nayi.

Hebreos 3:6

Qalaĝaja ñe'me Cristo qamqa'me mach'e Dios Lec'oĝot jo'ne yataqachiñe yelolegue jena'me noic jo'ne Dios lec'oqo'tepi, qama'le nayi mach'e qo'mi jo'ne jouaqatoue jena'me noic, qom eja da'me 'ñañaĝataĝac da'me qadepe'e choqoda'me qadeuataqataĝanaĝac, nach'eda jo'ne chiyaqayi da'me yataqachiñe qo'mi made'tape.

Hebreos 4:14

Chane'eja queda'me joote yec'adije'ma di'me piyem ñe'me Qadetaĝayaĝanaĝanec jo'ne napacalegue ena'uac, nach'eñe ñe'me Jesús jo'ne Dios Lec'oĝot, qama'le da'me qo'mi, 'noota qom 'ñañaĝataq da'me qolaqatelegue da'me qadepe'e ladic.

Hebreos 7:28

Qa'a 'uo da'me chiyoqodayi naa'me namaĝajoĝonaĝaco jo'ne Moisés yepota'n joca'li: gaa'me jo'ne qoye'n netaĝayaĝanaĝanaqa nach'egaua jo'ne jiyaĝa'u 'me ja yataqatelo'te. Qalaĝaja da'me jo'ne chiyaqayi da'me Dios 'laqatac jo'ne 'naĝatelegue, jo'ne napacalegue da'me 'uaechiñe, nach'eda da'me qoyen Netaĝayaĝanaĝanec ñe'me mach'e Lec'oĝot, nach'eñe jo'ne nach'e eta't da'me yataqatelegue.

Juan 13:32

Chane'eja qom naqayem jo'ne jaloĝon joda'me 'lonaĝac ñe'me Dios, qama'le nataq'aen joñe'me Dios yaloĝon jo' qomle da'me mach'e 'yonaĝac.