Hebreos 1:1 - Nuevo Testamento Toba Sombrero Negro

¹ Joca'li jaa'me 'uoidi jo'ne 'uaechidiñe, Dios yojaĝanaĝa'n jodia'me 'laqataĝanaĝanaqa da'me dojapegue'to jodia'me jiyaĝa'u jo'ne mach'e jachiyojoĝogueta: nach'e eta't 'viyelaĝalegue da'me dojapegue'to, choqoda'me yodapecache daa'me 'laqataqa jo'ne yanema.

Nuevo Testamento Toba Sur

¹ Soua hua'a'u vi'iyi co'ollaq ñi Dios qalota da da'aqtaxanem som hua'au qadta'alpi, qalaq ÿotta'a't da 'eetec naq'en da i'aqtaxanaxan som l'aqtaxanaxanecpi.

La'aqtaqa Ñim Lo'onatac 'Enauacna 2013

¹ Soua ỹataqta qaỹoqteguelo vi'iye, so la'aqtaxanaxanecpi Ñim Lo'onatac 'Enauacna da'aqtaxaateguem som hua'au qarta'alpi. Ỹataqta qalota naxa da da'aqtaxanem da la'aqtac Ñim Lo'onatac 'Enauacna, qataq ỹotta'a't da lataxac naqa'en da da'aqtaxanem somayepi.

Hebreos 1:1 Referans Kwoze

Lucas 24:27

Yem qama'le noqotetapeque ena'uaque daa'me nedii's jo'ne 'yaĝatetedac joñe'me, chiyoĝotetelo'te gaa'me ledii's di'me Moisés qama'le yajoĝo'tague gaa'me ledii's dia'me Dios 'laqataĝanaĝanaqa.

Hechos 2:30

Qalaĝaja David mach'e Dios 'laqataĝanaĝanec, nataq'aen yayaten da'me Dios 'naĝateguet ga'me 'laqatac jo'ne yanem queda'me 'uo qomle chiyaqaue ga'me c'oqo'tepi jo'ne nañgui jaga'me nejaliaĝaiqui.

Lucas 1:55

naq'aeta da'me jo'ne yaqataĝaneque dia'me mach'e jachiyojoĝogueta jo'ne mach'e qadet'al, queda'me nale'en yichoĝoden di'me Abraham nataq'aen gaa'me lec'oqo'tepi.”

Hechos 13:32

“Chane'eja qo'mi male ami ja'aĝataĝama da'me dojo' onaĝaic 'naqataĝanaĝac: da'me jo'ne Dios yaqataĝanoto ca'li dia'me qadet'al,

Hebreos 2:2

Naa'me namaĝajoĝonaĝaco jo'ne Dios joote yadegue jaa'me noloqo'ote joca'li, naa'me jo'ne e'n 'yaĝate'tape jogaa'me piyem laje', yataqata 'uo da'me lañoqotaĝanaĝa'j naa'me. Chane'eja gaa'me jo'ne yauote da'me loe'j uotaĝa da'me ja yoqochideta, qama'le yataqata qoyen da'me qoye'uaĝa'n ca'li.

Lucas 1:72

Nataq'aen queda'me ja yapalaĝate'talo da'me yichoĝode'n jodia'me jachiyojoĝogueta jo'ne mach'e qadet'al, Da'me ya'uo da'me yataqachiñe ja 'nalegue ca'li ye'tem ga'me jiyaĝadipi qaedi male niyamaĝadeteguet joñe'me.

Hechos 28:23

Chane'eja yauote laloqo't, ua'a ca'li jalcote ga'me jiyaĝadipi yec'adeta ga'me ue'ta ñe'me Pablo. Chiyoqo'teguet ga'me ne'teta chayovida'a nale javit, Pablo 'yaĝatetapema joda'me lejaliaĝa ñe'me Dios yayaĝa'talo jogaa'me ñe'me Jesús, chiyoĝotetelo'te jogaa'me namaĝajoĝonaĝaco 'me chiyoqodo'ot ñe'me Moisés nataq'aen gaa'me ledii's dia'me Dios 'laqataĝanaĝanaqa.

Juan 9:29

Chane'eja nach'e ena'am da'me qo'mi jayatenaq da'me Dios dojapegue' di'me Moisés ca'li, qalaĝaja jojo' jiyaĝaua qamqa'me ja jayatenaq ga'me jo'ne mach'e chiyoĝogue.

Juan 7:22

Qama'le ñe'me Moisés ami yamaĝalo'te joca'li da'me anapaĝagueñiya da'me nichaĝajoĝonaĝac nale yovita gaa'me ocho noloqo'ote joga'tae'me notolec. Qama'le uotaĝa tachigui ga'me nolo' jo'ne niyamaqatac, qama'le nach'e ena'am da'me ami auauoyi ga'me 'nanaĝajet. (Qalaĝaja ja naqaeñe ñe'me Moisés ta'le chiyaqayi da'me dojo' namaĝajoĝonaĝac, ditelo jodia'me auachiyoqoya'agueta jo'ne Abraham, nataq'aen Isaac choqodi'me Jacob.)

Lucas 24:44

Yem qama'le yanema da'me 'laqatac: —Ga'me jo'ne 'uo jaa'me jaajo' noloqo'ote nach'ega jo'ne joote ami jaqataĝatapeque da'me cha'li maliaĝa ami jouetauelo; jo'ne nach'egaua male yepaquichiguilo ena'uaque gaa'me qoyedidiñe 'me jayem 'yaĝatetedac gaa'me nedii's jo'ne lamaĝajoĝonaĝaco di'me Moisés, choqogaa'me ledii's dia'me Dios 'laqataĝanaĝanaqapi nataq'aen jaga'me nede jo'ne lenaĝat Nalacpi.

Juan 16:13

Qalaĝaja qom novi' ñe'me Dios Lepaqal jo'ne yataqatelegue, nach'eñe jo'ne ami yauegouelo yema naa'me naajo' jo'ne ejoda, qa'a ja 'yaĝatetac da'me mach'e 'naĝatetapela't, dite da'me 'yaĝatetac yema ga'me jo'ne domachiya, nataq'aen ami yayatenaĝanaĝaneque gaa'me uo'oe jo'ne di'yo't qomle.

Hechos 3:21

Mate mane'e nayi Jesucristo cha'li ue'ta di'me piyem chayovida'a qom Dios yiyamaĝate'tape ena'uaque gaa'me uo'oe, nach'e naq'aeta ga'me 'laqatac jo'ne en na'yalo gaa'me 'laqataĝanaĝanaqa jo'ne ja 'nalo'te jo'ne chiyoqoteda'aguet gaa'me noloqo'ote jo'ne 'uaechidiñe.

Hebreos 2:3

Qama'le nayi, ¿teua'atoqo' qo'mi yaĝa'n ga'me qane'uaĝanaguec, qom ja qadetela da'me nec'alaĝa let'adaic? Qa'a nach'eñe joñe'me Jaliaĝanec jo'ne 'uaechiñe da'me 'yaĝatetac da'me dojo' nec'alaĝa, qama'le jogaa'me jo'ne joote domachita da'me 'naqatac male qo'mi yaloĝonalo da'me naqaeda da'me jo'ne eja.

Hebreos 3:5

Qa'a ñe'me Moisés ch'e Dios nejoĝonec jo'ne yoqo'cha ca'li yema da'me jo'ne qoyamaĝalo, qaedi lecochiya yema ga'me noic jo'ne Dios lec'oqo'tepi, qama'le dechoqotaĝanec da'me jo'ne Dios jetaque 'yaĝatetac jo'ne dalaĝaic.

Hebreos 4:8

Qa'a joñe'me Josué ja yaqanatet ta'le 'nomataĝadegue joga'me Israel laje'pi joca'li; qo'che' ñe'me Dios yitaĝa 'yaĝatetac da'me 'uo ga'me nolo' laqaya.

Hebreos 5:5

Qama'le nach'e ena'am ñe'me Cristo da'me ja ni'yoĝodela't ta'le mach'e neguela't da'me eetapela't lajoĝola' ga'me netaĝayaĝanaĝanaqa, dite ñe'me Dios jo'ne eetac ca'li: “Nayi jenjo' nolo' am ja'aĝatem da'me naqa'am jo'ne mach'e am yalec, qa'a da'me jayem yataqata jayem adet'a,” naqaeñe jo'ne yanem da'me dojo' niyamaqataĝanaĝac.

Hebreos 9:19

Chane'eja ñe'me Moisés, ca'li yem da'me 'yaĝatema yemeda daa'me lamaĝajoĝonaĝaco joñe'me Dios ena'uaque jogaa'me noyaqa, qama'le yacona jaga'me lepee jaga'me epaq lenaĝat hisopo 'me 'uo ga'me 'naĝanaĝate layoĝot jo'ne tomaĝadaic, qama'le yijomiñgui jaga'me uaca lec'oĝot letauo' jo'ne yaleeguet joga'me noĝop chaqaga'me quetaq letauo', qama'le yequetegaĝalegue jaga'me nede jo'ne uetedaue daa'me namaĝajoĝonaĝaco, qama'le nach'e ena'ama yema joga'me jiyaĝadipi.

Hebreos 11:2

Nach'e naq'aete' ca'li dia'me jachiyoĝojoĝogueta jo'ne mach'e qadet'al: yataqata qoyiyamaĝade'n joca'li, yajouaĝat da'me p'iida'a joñe'me Dios.

Hebreos 11:18

jo'ne eet'oi: “Da'me chiyaqayi ñe'me Isaac qama'le auanalo qomle gaa'me uo'oe jo'ne mach'e ac'oqo'tepi.”

Hebreos 12:25

Chane'eja yataqata a'uamaqachiñe da'me 'laqatac joñe'me Dios. Qa'a joga'me Israel lec'oqo'tepi jo'ne ja yacoteguet joca'li joñe'me Dios 'laqataĝanaĝanec jo'ne ch'e aleua le'ec, qaya'te onolec jo'ne yaqanatet ta'le yaĝan joda'me qoyen lachoĝodec. Qama'le nayi, qo'mi jo'ne jomachaĝa da'me 'laqatac joñe'me jo'ne chiyaqayi di'me piyem, qom ja ja'amaqatenaq, qama'le ¿teua'atoqo' jaqanatetaq ta'le qo'mi yaĝa'n da'me qoyen mach'e qadachoĝodec?