Gálatas 6:2 - Nuevo Testamento Toba Sombrero Negro

² Qom 'uo ga'me auaqalañitac qama'le anecochiyapega't, qa'a nach'eda naq'aeta da'me 'loyaĝac da'me qodique'teguelo da'me lamaĝajoĝonaĝac ñe'me Cristo.

Nuevo Testamento Toba Sur

² Ñi 'oonolec da qoñiita itauan qome ca lÿa da nachishiguem ca lli'ac, qaq yaqto' ishit da qaupaquiichigui da l'aqtac so Cristo.

La'aqtaqa Ñim Lo'onatac 'Enauacna 2013

² Da qaviyeeguet ca lqalaic, nache ñi 'oonolec iuen da itauan ca lỹa. 'Era da lataxac da qaỹalaxaguet na lqataxacpi So Cristo.

Gálatas 6:2 Referans Kwoze

Romanos 15:1

Qo'mi jo'ne joote 'uañaĝaic da'me qadepe'e, 'noota qom jaconaĝagueta daa'me lachoĝolaĝaco gaa'me jo'ne maliaĝa ja 'uañaĝaic da'me lepi'iyaĝa'j, nataq'aen ja jelaqaque ga'me mach'e qo'mi ja'amaqatenaq.

1 Ts 5:14

Nataq'aen ami qadaqaya'olqa, yitaĝa ami jaqataĝalo da'me 'noota qom auojeyapegue'to jogaa'me choĝolaĝayaqa qaedi nach'e ena'am t'onataĝa'n, 'noota qom auañiyijeguem jogaa'me ja t'añi'y naa'me lai'li, nataq'aen alecochiiyalo jogaa'me yataqata qaya'te 'lañaĝa'j nataq'aen aneualaĝañi'ye' yema ga'me jiyaĝadipi.

Juan 13:34

Chane'eja nayi male ami janema jenjo' dalaĝaic yamaĝajoĝonaĝac: yataqata anoqopichiya'a't onolqa'tape da'me ami. Aueñe'tem da'me jayem da'me yataqata ami joqopitalo, nach'ena jenjo' auauoyi da'me anoqopichiya'a't qomle.

1 Juan 4:21

Dios joote qo'mi yanema dojo' lamaĝajoĝonaĝac: queda'me ta'le qadoqopita joñe'me Dios, 'noota qom nach'e ena'am ñoqopitaqapega't.

Santiago 2:8

Da'me auauoyi jo'ne onaĝaic da'me ami, qom yataqachiñe aueñi eja yepaquichigui da'me namaĝajoĝonaĝac jo'ne p'ajaye, qama'le nach'ena na'me 'yaĝatetedac naa'me naajo' nedii's jo'ne eet'oi: “Queda'me yataqata anoqopitela't, qama'le 'noota qom nach'e ena'am da'me adoqopita joga'me adaqaya.”

Juan 15:12

Jenjo' mach'e yamaĝajoĝonaĝac jo'ne ami janema nayi: queda'me jalcote da'me ami joqopitalo, 'noota qom nach'e naq'aeta da'me anoqopichiyapega't da'me ami.

1 Pedro 2:24

Qa'a nach'eñe ñe'me Cristo jo'ne qo'mi nep'aĝanegueta ca'li yachi'y naa'me qadoeco qama'le ga'me lapat qoyachalegue jaga'me sodoso, qaedi da'me qo'mi male qolaqa'e da'me qadoiquiyaĝac qama'le jouaqaue da'me nec'alaĝa jo'ne ja 'nalegue. Joñe'me Cristo uo'oe ca'li jogaa'me yedidiñe qaedi ami nec'alaĝatedegue.

Mateo 8:17

Yema di'yoq da'me dojo' qaedi yepaquichigui ga'me jo'ne joote yediñe ca'li ñe'me Dios 'laqataĝanaĝanec Isaías, eet'oi: “Ñe'me yaconegueta jogaa'me qadachoĝolaĝaco nataq'aen nepela't gaa'me qadapite'nayaĝaco.”

Gálatas 6:5

Qa'a onolqa'tape mach'e laviyaĝajet da'me mach'e lajoĝoc qom dajoya'aguet ñe'me Dios.

1 Corintios 9:21

Nataq'aen nale jouetauelo gaa'me jo'ne ja que'teguelo daa'me lamaĝajoĝonaĝaco ñe'me Dios, da'me 'yoyaĝac naqaeda ta'le jena'ama jogaa'me, mate mane'e ja jeca'ae gaa'me lamaĝajoĝonaĝaco ñe'me Dios, dite da'me jauo'oe daa'me lamaĝajoĝonaĝaco ñe'me Cristo, qaedi gaa'me jo'ne ja equeguelo daa'me lamaĝajoĝonaĝaco ñe'me Dios nach'egaua yomataĝanaqa'te.

Romanos 8:2

Qa'a da'me 'lañaĝac ñe'me Dios Lepaqal jo'ne yanegue da'me 'noyaĝac 'me chiyaqayi ñe'me Cristo Jesús, jayem chiyoĝotalegue ga'me lamaĝajoĝonaĝac da'me etaĝaloĝoc nataq'aen da'me neleuaĝa jo'ne jayem yecoñedeta't.

Lucas 11:46

Qalaĝaja Jesús 'yateguet: —¡Degueja qom'te da'me adachoĝodequi, nach'e ena'am ami paĝaguenataĝanaĝayaqa daa'me Dios lamaĝajoĝonaĝaco! Qa'a auachiyalo'te ga'me jiyaĝadipi gaa'me li'ya'j jo'ne qaya'te yaqanatet ta'le nalo'taguet, qalaĝaja ami qamqa'me ja jetaque ta'le ch'e onole jaga'me adiaĝatai qaedi alecochaĝanaĝanalo jogaa'me.

Santiago 1:25

Qalaĝaja ga'me jo'ne ja yapalaĝate'ta da'me jo'ne domachiya, nach'ega jo'ne yec'aten nataq'aen da'me yelo'tegue da'me namaĝajoĝonaĝac jo'ne yataqatelegue eja, 'uo da'me 'nemaĝac nataq'aen da'me nach'e eta't da'me chimaqategue, nataq'aen da'me yoqo'cha da'me en yepaquichigui da'me jo'ne mach'e eeta da'me dojo' namaĝajoĝonaĝac, qama'le nach'eda jo'ne nach'e eta't en matac ga'me jo'ne 'yetetac.

Santiago 2:12

Chane'eja da'me ami, 'noota qom aniyamaĝachila't da'me a'uaqataĝañetac, qaedi di'yoq da'me male auachitaque da'me anec'atenaguequi jo'ne chiyaqayi da'me namaĝajoĝonaĝac jo'ne e'n ami uojotedañi.

2 Pedro 2:21

Te'me 'noote' da'me eete' jogaa'me da'me ja yateto'n ga'me ladiquiyaĝac da'me 'noyaĝac jo'ne chimaqategue. Qalaĝaja jalcote da'me lachoĝode'j jo' qomle, yajouaĝat da'me te'me yateto'n joñe'me, yem qama'te yaĝadiñi da'me qoyanem jo'ne namaĝajoĝonaĝac 'me ja 'nalegue.

2 Pedro 3:2

Anetoviñetaque jaa'me noloqo'ote laqaya' da'me 'yaĝatetedac dia'me Dios 'laqataĝanaĝanaqa jo'ne ja 'nalo'te; nataq'aen da'me lamaĝajoĝonaĝac joñe'me Qadejaliaĝanec mach'e Qadec'alaĝaiqui Jesucristo, da'me jo'ne joote ami yapaĝagueneque jogaa'me lamaĝa's.