Gálatas 6:12 - Nuevo Testamento Toba Sombrero Negro

¹² Gaa'me jo'ne ami yepagaqatetapeque da'me auacoñiyeguet ga'me 'nanaĝajet jo'ne qoyichaĝaye ga'me lapat lae, jogaa'me ch'e naquitetedapega da'me qaedi jiyaĝadipi yiyamaĝade'n. Ja jetaque qoyecaa'tape jogaa'me jouaĝat ta'le 'yaĝatetedac da'me 'laqataĝanaĝac jo'ne 'yaĝatetac jaga'me nesodoso ñe'me Cristo.

Nuevo Testamento Toba Sur

¹² Nam shiÿaxauapi mayi qami' ÿileeta'pe da yaqto' qami' ishit da qaÿauo'o ca qan'anaxachi, namayipi 'eetec de'eda, cha'ayi chochi nshitaique da qaica ca da naq'en na shiÿaxauapi, da yaqto' sa ishit da qaicanapec souaxat so Cristo co'ollaq qaiuaxanguet so npe'enaxaqui.

La'aqtaqa Ñim Lo'onatac 'Enauacna 2013

¹² Nam shiỹaxauapi maye qami' ỹamaqtaleguete da qauo'oche ca qana'anaxache, namayepi choche huotaique da qaỹamateguet. Cha'aye saishet da ỹaỹamaxaren da sa qaiyacnapec souaxat da ỹa'axattac da 'eetec co'ollaq So Cristo da qaiuaxaneguet so npe'enaxaqui.

Gálatas 6:12 Referans Kwoze

Gálatas 5:11

Ami yaqaya'olqa, ta'le japaĝaguenataĝatapec da'me auoviñetaque da'me auacoñiyeguet da'me nichaĝajoĝonaĝac, qama'le gaa'me yaute'upi male ja jayem 'te yecaatedac nataq'aen da'me yapaĝaguenataĝanaĝac jo'ne 'yaĝatetac da'me leleuaĝa ñe'me Cristo male ja yalemataĝanaĝa'n jogaa'me.

Colosenses 2:23

Eja, yema naa'me naajo' jo'ne uo'oe ena'am ta'le nayatenaĝanaĝaco 'me chimadichidiñe, qa'a qoyen taue ga'me nepe'eco nataq'aen ja 'yoĝodenaĝac nataq'aen co'yaq da'me qo'yetec ga'me napat. Qalaĝaja qaya'te 'uo ga'me chiyaqayi ta'le qo'nonaĝachigui, qa'a nach'edata da'me nedo'ta't gaa'me ch'e napat lamaico.

2 Corintios 11:13

Qa'a jogaa'me nach'edata da'me pecayaqa 'me eetapela'ajalo namaĝa's, nataq'aen qovinaĝanaĝayaqa jo'ne ch'e nojomaĝaquidi'ña da'me eetapela'ajalo Cristo lamaĝa's.

Hechos 15:1

Jaa'me jaajo' noloqo'ote, uo'oe gaa'me jo'ne chiyoqoda'a di'me Judea jo'ne yapaĝague'tape gaa'me qadaqaya'olqa: “Qom ja auacoñiyeguet da'me nichaĝajoĝonaĝac nach'e naq'aeta da'me damaĝajoĝolegue ca'li ñe'me Moisés, qama'le ja auaqanachichi ta'le adec'aliyegue.”

Gálatas 2:3

Jogaa'me ja paquetedapega ta'le ñe'me yequiaĝaua Tito yaconeguet da'me nichaĝajoĝonaĝac; nach'eñe jo'ne ja judío le'ec.

Lucas 16:15

Qo'che' Jesús enapegalo jogaa'me: “Ami jo'ne aueñetapela't yataqata ami chimadichidiñe nale auajoyiya'agueta ga'me jiyaĝadipi, qalaĝaja Dios yayaten queda'me yataqachiñe ja 'noe'n naa'me adai'lidi'; qa'a ga'me yi'yoĝodetedac jena'me jiyaĝadipi, nach'ega 'yotan joñe'me Dios.

Filipenses 3:18

Joote qauayac da'me ami ja'aĝatema jogaa'me jo'ne ja no'en da'me yauote nale, qalaĝaja nayi 'uo da'me ñoyenaĝac da'me ji'iyelaĝatelegue naa'me 'yaqataqa, qa'a nach'egaua gaa'me jo'ne ja yacoteguet da'me jo'ne chiyaqayi da'me leleuaĝa joñe'me Cristo ca'li qoyep'elegue jaga'me sodoso.

Filipenses 2:4

Qama'le onolqa'tape da'me ami 'noota qom ja jaldata da'me ch'e netela't nale, dite da'me nach'e eta't yelotaque da'me netelalo gaa'me laqaya'.

Filipenses 1:15

Yataqata eja da'me uo'oe gaa'me eetedapega 'yaĝatetedac joñe'me Jesucristo, qalaĝaja ch'e jetaque jayem necotedapegue' da'me 'yonataĝanaĝac, qa'a ja jayem 'te 'yamaqate'n. Qalaĝaja uo'oe gaa'me laqaya' jo'ne yataqata 'noota da'me lelnataĝa'j,

Gálatas 6:13

Jogaa'me joote 'uo ga'me 'nanaĝajet, qalaĝaja ja que'teguelo daa'me Moisés lamaĝajoĝonaĝaco. Jaldata da'me yepaquetedapega jogaa'me da'me jetaque auacoñiyeguet da'me 'nanaĝajet qaedi 'uo da'me ni'yoĝodenaĝa'j 'me 'yaĝatetedac da'me ami yaqanate't auacoñiyeguet da'me nichaĝajoĝonaĝac.

Gálatas 2:14

Dojo' eetedapega mach'e naq'aeta da'me lajoĝo'j nautena da'me yataqatelegue nep'iquinataĝanaĝac 'me onaĝaic 'naqataĝanaĝac. Qo'che' jojapegue' ca'li ñe'me Pedro da'me jajoyaqa'agueta gaa'me p'etaqadaiquipi di'me Antioquía qama'le jenapega: “Am, auen at'oyaĝac da'me ena'am ta'le ja am 'te judío le'ec. Qama'le nayi, ¿toqoch'e auepagaqatetapeque jogaa'me ja judiopi qaedi quetede'egue da'me naeda'ac jogaa'me judiopi?”

2 Corintios 10:12

Ja jovita da'me ta'le jeetapega jena'ama jogaa'me jo'ne mach'egaua ni'yoĝodetapela'ajalo. Da'me 'uo ga'me mach'ega naloqotela't, nach'eda chiyoĝojoĝoc.

Hechos 15:5

Qalaĝaja uo'oe gaa'me fariseopi jo'ne 'uo da'me lepe'e' ca'li, ñidijeguem qama'le enapega't: —Joga'me p'etaqadaiquipi jo'ne ja judiopi yataqachiñe youetedaque ta'le yacoteguet da'me nichaĝajoĝonaĝac, nataq'aen qoyamaĝalo'te da'me male yoqocha'alo daa'me Dios lamaĝajoĝonaĝaco jo'ne chiyoqodo'ot ñe'me Moisés.

Juan 7:18

Ga'me jo'ne mach'e 'naĝatetapela't, nach'ega jo'ne yelotaque da'me jo'ne mach'e 'lonaĝac. Qalaĝaja da'me jayem jo'ne jelotaque da'me 'lonaĝac ñe'me jo'ne jayem namaĝaquena, qama'le ñenaĝategue da'me eja, qa'a da'me jayem qaya'te 'yaqatac ta'le ja no'en.

Lucas 20:47

Nataq'aen doĝotaĝaneque ga'me jo'ne yiyamaqa'tama jogaa'me p'ail, nataq'aen nale nequepaĝatedelegue da'me dojo' qama'le yauo'oe gaa'me netamenaĝaco jo'ne jalo'li. Jogaa'me yataqachiñe let'adaic ga'me ne'uaĝanague'j jo'ne qoyanema qom'te.”

Mateo 23:28

Naq'aeta da'me ami: ga'me p'aye da'me anejiyaĝauayaĝaqui aualoĝoñi da'me ena'am ta'le yataqatelegue nale ami yec'ate'n jogaa'me jiyaĝa'u; qalaĝaja naa'me adai'lidi' najaqachiguilo daa'me ja ejoda nataq'aen daa'me ja 'noe'n.

Mateo 23:5

Yema yauote qaedi ga'me jiyaĝadipi yec'ate'n jogaa'me. Nataq'aen 'yamaqate'n da'me yauo'oe lete' na'me laliaqa gaa'me Dios 'laqataqa qaedi yachetalo'te naa'me nepel nataq'aen naa'me loua', nataq'aen yaidiñe gaa'me leuo jo'ne yededañe naa'me la'uol.

Mateo 6:16

“Qom anoqouaqachela't, qama'le ena'te lichiguilo naa'me adai'lidi', qaedi ja aueñiya'ama gaa'me ja yataĝalo'te jo'ne enetapela'ajalo totelo'te nale qaedi ga'me jiyaĝadipi yauanalo queda'me noqouaqatela'ajalo jogaa'me. Ami jayatenaĝaneque queda'me joote 'uo ga'me lajo'vi'y.

Mateo 6:2

“Qo'che', qom alecochiiyalo gaa'me 'uo da'me louenaĝanaĝa'j, ena'te aueñi naua'alo naa'me layat ladico da'me a'uaĝatetapeñigue, ena'am nale ga'me yauote jogaa'me ja yataĝalo'te, nale yec'atalo gaa'me nemaĝaiqui' nataq'aen nale ueteda'a ga'me nadic jo'ne noĝoyaĝac, nach'edata da'me qaedi ga'me jiyaĝadipi yiyamaĝade'tape jogaa'me. Ami ja'aĝatema queda'me joote qoya'uo ga'me lajo'vi'y, qaya'te laqaya qomle.

Mateo 6:5

“Qom anetameñi, ena'te aueñiya'ama gaa'me jo'ne ja yataĝalo'te, jogaa'me jo'ne noqopideta da'me nechatetedañe nale netame'n da'me uetauelo gaa'me nemaĝaiqui' nataq'aen nale ue'talo gaa'me netaetedeuo ga'me laeñi ga'me noic, qaedi ga'me jiyaĝadipi yauanalo. Ami jayatenaĝaneque queda'me joote qoya'uo ga'me lajo'vi'y.

Mateo 5:10

“Nataq'aen made'tapolqa qomle gaa'me jo'ne 'uo da'me necanague'j qa'a jouaĝat da'me yauote joda'me chimaqachiñe, qa'a nach'egaua gaa'me jo'ne uetedaue da'me lejaliaĝa ñe'me Dios 'me ne'tague di'me piyem.

Mateo 23:27

“¡Degueja da'me adachoĝodequi qomle ami judiopi napaĝaguenoqo'tpi nataq'aen fariseopi! Ami jo'ne ja ami 'te ejoda, 'me aueñiya'ama gaa'me napa'l lete' nale qoyiyoĝolo'te ga'me pagaĝaic, qoyiyamaĝatetac ga'me p'aye, qalaĝaja ga'me lauel najaqachiguilo gaa'me p'inaqa dia'me yele'u nataq'aen yema gaa'me ja 'noe'n.