Gálatas 6:1 - Nuevo Testamento Toba Sombrero Negro

¹ Ami yaqaya'olqa, ami jo'ne joote auajoitalegue ñe'me Dios Lepaqal. Chane'eja, qom 'uo ga'me qo'youatelegue da'me ya'uo loec, 'noota qom auedoilo'te naa'me onaĝayaqa at'aqataqadi' da'me auapaĝagueñi. Qalaĝaja achiya'aguet qaedi ja nach'e ena'am 'uo ga'me anapiyenaguequi da'me auauoyi ga'me ja no'en.

Nuevo Testamento Toba Sur

¹ Qami' ÿaqaÿa't, da huo'o ca 'oonolec da qoñiita huo'o ca ilamaxata'aguet lasouaxashit, nachi qami' mayi qami' netanguita so Espíritu ishit da qautauañi camayi, da yaqto' ishit da ñishiguem. Qalaxayi ÿataqta huesottac da qadquiyaqteÿaxaqui. Qataq ñi 'oonolec ÿataqta ntelañi. Ten, sa iuena'a camayi da nataq'en qaÿauo'o ca ñi'iguenataguec.

La'aqtaqa Ñim Lo'onatac 'Enauacna 2013

¹ Qami' ỹaqaỹa't, qami' ỹauecta'ape So Saqcha'a La'añaxac Ñim Lo'onatac 'Enauacna. Ỹoqo'oye da qoñiita da huo'o ca ilalec lasouaxashet ca lỹa, nache iuen da ỹaỹamaxaañi irolec ca no'on ltaxaỹaxac. Qalaxaye nataqa'en iuen da ỹataqta qanchilỹañi, cha'aye saiuena'a da qami' huetoiguilo da qarhuennataxaqui da qauo'oche ca sa ỹaỹamaxañi.

Gálatas 6:1 Referans Kwoze

Romanos 15:1

Qo'mi jo'ne joote 'uañaĝaic da'me qadepe'e, 'noota qom jaconaĝagueta daa'me lachoĝolaĝaco gaa'me jo'ne maliaĝa ja 'uañaĝaic da'me lepi'iyaĝa'j, nataq'aen ja jelaqaque ga'me mach'e qo'mi ja'amaqatenaq.

2 Ts 3:15

Qalaĝaja ena'te aueñe'tem da'me adauteuai, dite da'me yataqata auapaĝagueñi, aueñe'tem ga'me adaqayaija.

2 Timoteo 2:25

'Uo da'me lapaĝaguenataĝanaĝac jo'ne ja 'yoĝodenaĝaic yanema jogaa'me jo'ne te'me nautetapegalo, qa'a uotaĝa yaloĝolo'te ñe'me Dios qaedi 'ñemaĝadiñe, 'niyelaĝadetot joñe'me nataq'aen male yataqachiñe qoye'n yateto'n da'me eja,

1 Juan 5:16

Qama'le qom jauanaĝa ga'me qadaqayolec da'me yejamaĝatalegue da'me ya'uo ga'me loec jo'ne maqachaĝa ja yovidaĝa'ta da'me leleuaĝa, 'noota qom ñetamenaĝalegue, qaedi Dios yanem da'me netouenaĝac ga'me qadaqayolec. Qom naq'aeta ga'me loec 'me ya'uo jo'ne maqachaĝa ja yovidaĝa'ta da'me leleuaĝa, qama'le Dios yataqachiñe yanem da'me netouenaĝac. Qalaĝaja, 'uo ga'me loe'j gaa'me jiyaĝadipi jo'ne eja yovidaĝa'ta da'me leleuaĝa, qama'le naqaega loe'j jo'ne ja jaqanatetaq ta'le ñetamenaĝalegue.

2 Corintios 2:7

Nayi 'noota qom avichoĝodeñi nataq'aen alecochiiya qaedi machiñe q'aen, qa'a uotaĝa yeleuapeguem da'me jalcote totelegue nataq'aen netotepela't.

Hebreos 12:13

Chane'eja ayi'ya joga'me naq'aec jo'ne chimaqategue nataq'aen nalo'ta't, qaedi naa'me adapia'te jo'ne 'uo da'me lachoĝolaĝa'j male ja yitaĝa ta'le nouoqodapegue.

1 Pedro 3:15

Nach'edata da'me a'nonaĝachiyegui joñe'me Cristo mach'e Adejaliaĝanequi. Nataq'aen nach'e eta't aniyamaĝacheta't da'me a'uachiyegueta ena'uaque gaa'me jo'ne denataĝatapelegue da'me jo'ne adeuataqataĝanaĝaqui 'me joote ami uetauelo.

Romanos 14:1

Auacoñiyeguet joga'me p'etaqadaic jo'ne ja jalcote t'añi da'me lepe'e, qalaĝaja ena'te anecotai'ye' joga'me.

1 Corintios 10:12

Chane'eja, gamachaqaega ga'me eetapela't yataqatelegue, 'noota qom t'oiya'aguet ta'le taue da'me napalaĝac.

1 Corintios 4:21

Jega: ¿jach'e ga'me a'uamaqachiñe ta'le ja'uo? Qom ami jejapichiyalo, ¿qo'li ja jodinataĝanac, uotaĝa jaloĝonalo da'me yoqopich'i da'me joĝodaic na'me yeuel?

Santiago 3:2

Yema da'me qo'mi qadejomac nale, qalaĝaja qom 'uo ga'me jo'ne qaya'te lepatenaĝanaĝac nale doje, nach'ega jiyaĝaua jo'ne yataqachiñe yataqatelegue, nataq'aen yaqanatet ta'le yelo'ogue yema joda'me jo'ne mach'e nejiyaĝauayaĝac.

2 Corintios 10:1

Mach'e jayem Pablo ami ñachoĝodenoto, yajouaĝat da'me qademe'teguet ñe'me Cristo jo'ne joĝodaic nataq'aen choĝodenataĝanaĝaic, mate mane'e 'uo ga'me eetapega nale ami jouetauelo da'me yataqachiñe jayem uategaĝaic, qalaĝaja mane'e da'me jayem qaya'a qama'te ena'am ta'le jayem vichaqaic.

Mateo 9:13

Jamoyi qama'le anapaĝagueñiya jo' da'me yelo'teguet jenjo' 'naqatac: «Nach'eda jepaquetapega ta'le ami choĝodenataĝanaĝayaqa, qama'le ja naqaeda ta'le auauoyi adajaqajequi 'me aviquiyoue nale.» Qa'a nach'eda da'me yajouaĝat da'me ñanaequena: ja jiyaĝanalo gaa'me chimadichidiñe, dite ga'me loeco lo'olpi.

1 Corintios 14:37

Qom 'uo ga'me eetapela't 'laqataĝanaĝanec ñe'me Dios, uotaĝa eetapela't 'uo ga'me qoyanem 'me chiyaqayi ñe'me Dios Lepaqal, 'noota qom yatetoneguet nataq'aen 'yamaqaten ga'me jo'ne ami jedenaqatenalo 'me yediijec, qa'a mach'e lamaĝajoĝonaĝac ñe'me Jaliaĝanec.

1 Corintios 7:5

Chane'eja gaa'me joote noua' 'noota qom ja nematedapiye nale da'me 'loyaĝa'j queda'me yataqachiñe qoyeloĝonaĝa'ta. Qalaĝaja qom ga'me jiyaĝaua nataq'aen jaga'me loua joote nayatena't queda'me cha'li uo'oe gaa'me noloqo'ote da'me nemana't, qaedi yemeda'a da'me netamenaĝa'j jogaa'me, qom yenoĝonegue ena'uac qama'le yemta yitaĝa uaĝata't jogaa'me, qaedi ñe'me payac ja ami 'te noma't, qa'a ja cop'a da'me aue'yaĝañiya'aguet da'me auepochiya jaga'me yauo.

1 Corintios 2:15

Ga'me jo'ne joote yaconeguet ñe'me Dios Lepaqal qamqa'me naloqote'n ena'uaque gaa'me uo'oe, qama'le qaya'te jiyaĝaua laqaya ta'le yaqanatet da'me naloqoten joga'me.

Romanos 8:6

Qama'le da'me nedo'ta't auenatetapega ga'me anejiyaĝauayaĝac 'me ch'e aleua le'ec am yaueque'tague da'me adeleuaĝa; qalaĝaja da'me qom eetapega gaa'me uo'oe jo'ne chiyaqayilo ñe'me Dios Lepaqal am yaueque'tague da'me at'oyaĝac nataq'aen da'me at'emaĝac.

Mateo 11:29

'Noota qom auacoñiyeguet jena'me yepiñejec jo'ne ami janema, nataq'aen 'noota qom jayem auayachiñe queda'me 'uo da'me ñapogaĝadenaĝac nataq'aen joĝodaic jena'me yeuel; nach'eda eeta da'me male 'nomategue jonaa'me adai'lidi'.

Santiago 3:13

Qom 'uo ga'me ami uetauelo jo'ne yatenaĝanaĝaic nataq'aen da'me yayatenegueta ena'uac, 'noota qom da'me 'loyaĝac en di'yo't jodaa'me 'lonataqa jo'ne onaĝayaqa, queda'me qaya'te da'me li'yoĝodenaĝac 'me chiyaqayi da'me layatenaĝanaĝac.

Hebreos 13:3

Anetoviñetaque gaa'me adaqayadi' jo'ne netedaue jaga'me coñetaĝanaĝaiqui, qama'le ena'am aueñi da'me uotaĝa ena'am ta'le anecoñetaĝa'udi' jogaa'me, nataq'aen da'me auenache'talo gaa'me jo'ne joote ja no'en da'me qo'yeteque, queda'me uotaĝa nach'e ena'am da'me ami qo'yeteque qomle.

Gálatas 5:23

Qo'mi joĝodayaqa, nataq'aen jayatenaq da'me ñomata' gaa'me ch'e qadamaico. Qom naq'aeta da'me qat'oyaĝac, qama'le ja qoyouetaque ga'me namaĝajoĝonaĝac.

1 Corintios 3:1

Qalaĝaja, ami yaqaya'olqa, ca'li ami japaĝague'tape, ami maliaĝa ja auacoñiyeguet joñe'me Dios Lepaqal, dite da'me maliaĝa oquitapegue'to daa'me lamaico joda'me anejiyaĝauayaĝaqui nataq'aen aueñiya'ama gaa'me ñoqolqa qa'a da'me adepi'i qamaliaĝa ja yajoq.

Mateo 26:75

qama'le Pedro netouenalo gaa'me 'laqataqa ñe'me Jesús ca'li joote t'aqataĝanem: «Qom maliaĝa ja noyen ga'me olegaĝa, qama'le joote tres jayem anematapec.» Chane'eja ca'e ga'me ue'ta qama'le yataqachiñe noyen.

Mateo 26:69

Pedro neta'ña ga'me colenaqa', qama'le 'uo jaga'me nalemaĝajete yec'ata, enaac: —Am nach'e ena'am oquetapegue' ca'li ñe'me Jesús jo'ne Galilea le'ec.

Gálatas 6:18

Ami yaqaya'olqa, 'noota qom Qadejaliaĝanec Jesucristo ami yanema da'me anichoĝodenataguequi. ¡Jaja'a, nach'e naq'aeta da'me dojo'!

1 Ts 4:1

Qama'le nayi, ami yaqaya'olqa, ami ñachoĝodenoqoto chayovida'a da'me ami jaqataĝalo queda'me jaconaĝa joda'me lañoqotaĝanaĝac ñe'me mach'e Qadejaliaĝanec Jesús, qaedi male yemeda naa'me naajo' noloqo'ote yataqata anichiquitaye, qa'a yataqata aueñi 'noota joga'me at'oyaĝaqui, nataq'aen da'me auauoyi yema joga'me auayachiñe jo'ne ami japaĝaguenaĝaque ca'li, qa'a jena'me jenjo' jo'ne auayachiñe naqaena jena'me yataqata 'yamaqaten joñe'me Dios, jena'me jenjo' jo'ne joote auauoyitac yataqata 'noota.

2 Corintios 2:8

Qo'che' ami ñachoĝodenoto qaedi aualoĝoñiya da'me yitaĝa adoqopichiya.