Gálatas 5:5 - Nuevo Testamento Toba Sombrero Negro

⁵ Qo'mi qamqa'me, ñe'me Dios Lepaqal 'me ja 'nalegue qo'mi yayataĝade'teque da'me Dios qo'mi yaconegueta qomle, jouaĝat da'me jep'iyaqa ñe'me Cristo.

Nuevo Testamento Toba Sur

⁵ Cha'ayi qomi' sachigoxotaqchigui so Espíritu Santo qataq dam qadpi'iÿaxac da huo'o mshi qomi' huo'o da qanaquitaxac da ishit da qomi' ÿaÿamaxadeete' ñi Dios.

La'aqtaqa Ñim Lo'onatac 'Enauacna 2013

⁵ Qalaxaye qomi' som Saqcha'a Na'añaxac ỹataqta 'itchiguiñi naqa'en da Ñim Lo'onatac 'Enauacna qomi' ỹaconegueta, cha'aye huo'o da qarpi'iỹaxac So Cristo.

Gálatas 5:5 Referans Kwoze

1 Ts 1:10

choqoda'me auache'ta joñe'me Jesús da'me 'niyelaq, chiyaqa'ague jodi'me piyem, nach'eñe jo'ne Dios Lec'oĝot 'me mach'e Dios nec'alaĝachijeguem ca'li. Jesús nach'eñe qo'mi nec'alaĝatedegue qaedi ja qo'mi 'te nedalo'te da'me t'adaic ne'uaĝanague'j ga'me jiyaĝadipi jo'ne na'ta.

2 Timoteo 4:8

Chane'eja nayi joote 'uo joga'me yomataĝanaĝac jo'ne jelo'ta, qa'a ñe'me Jaliaĝanec jo'ne qaya'te nepaten jayem yanem jo' qomle. Qalaĝaja ja jayem 'te onolec da'me jayem qoyanem; chayovida'alo qoyanema yemeda jogaa'me 'uo da'me loqopich'i da'me youatetedac ga'me yitaĝa 'niyelaĝac joñe'me Jaliaĝanec.

Tito 2:13

'Noota qom naq'aeta da'me jauoqo qa'a 'uo da'me qadajoĝonataĝanaĝac ga'me 'uo qomle jo'ne qo'mi e'n made'tapolqa: qom male qoyaloĝon da'me 'lonaĝac joñe'me Jesucristo qom 'niyelaq, nach'eñe jo'ne mach'e Qanedios p'ajaye nataq'aen mach'e Qadec'alaĝaiqui.

Filipenses 3:9

nataq'aen yataqata jeme'teguet joñe'me. Qama'le nayi da'me jayem yichoĝoden ñe'me Dios qaedi jayem yaconeguet, ja ta'le jouaĝat joda'me mach'e 'yonataĝanaĝac nale jauo'oe naa'me namaĝajoĝonaĝaco, dite da'me jouaĝat joda'me yataqata jep'iya'a joñe'me Cristo, qa'a naq'aeta jena'me jenjo' jo'ne mach'e yataqata yepaquetapega joñe'me Dios.

Romanos 5:21

Qama'le naq'aeta queda'me 'uo da'me 'lañaĝac ga'me noecopi novidaĝat da'me neleuaĝa, nataq'aen ena'am naq'aeta da'me lichoĝodenataĝanaĝac ñe'me Dios 'uo da'me lañoqotaĝanaĝac da'me qo'mi e'n yataqatelo'te nataq'aen qo'mi yanema da'me qat'oyaĝac jo'ne ja 'naidena'a, chiyaqayi ñe'me Qadejaliaĝanec Jesucristo.

2 Ts 3:5

Qama'le ñe'me Qadejaliaĝanec ami lecochiyalo qaedi yataqata adoqopichiyalo gaa'me adaqayadi', ena'am ñe'me Dios yataqata yema noqopitalo ga'me jiyaĝadipi, nataq'aen yataqata ami yanema da'me anapogaĝadenaĝaqui 'me ena'am da'me napogaĝadenaĝac joñe'me Cristo.

Efesios 2:18

Jena'me jenjo' ca'li 'lonatac ñe'me Jesucristo, en onolec ladiiuo ga'me judiopi nataq'aen gaa'me ja judiopi, male jauanaĝa ñe'me onolec 'me Dios Lepaqal, jo'ne chiyaqayi da'me male yataqata jovitaĝa ñe'me Qadet'a jo'ne ja 'nalegue.

1 Corintios 1:7

qo'che' ja auoviñetaque ga'me anemii 'me chiyoqo'ot ñe'me Dios nayi queda'me cha'li auachitaque ga'me nolo' qom di'yo'quena ñe'me Qadejaliaĝanec Jesucristo.