Gálatas 5:3 - Nuevo Testamento Toba Sombrero Negro

³ Yitaĝa ji'iyelaĝatalegue ami jaqateque, queda'me gamachaqaega yaconeguet ga'me 'nanaĝajet ga'me lo'oc qama'le yitaĝa qoyepagaqatetec da'me que'teguelo ena'uaque daa'me namaĝajoĝonaĝaco.

Nuevo Testamento Toba Sur

³ Qaq ÿoqo'oyi qaltaq shi'iguelaxalec da shinapec da ca camachaqca shiÿaxaua da nañanguet da qaÿauo'o ca n'anaxat na l'oc, nachi camayi ishit da i'ot 'enauac nam damaxasoxoolec na nqataxacpi mayi chigoqo'ot so Moisés.

La'aqtaqa Ñim Lo'onatac 'Enauacna 2013

³ Qaq ỹoqo'oye qaltaq she'eguelaxalec da itelaqtaxanaxac da camachaqca shiỹaxaua da ỹauo'o ca la'anaxat na lo'oc, nache camaye iuen da ỹalaxaguet na namaxasoxonaxacpi.

Gálatas 5:3 Referans Kwoze

Gálatas 3:10

Qalaĝaja gaa'me jo'ne que'teguelo daa'me namaĝajoĝonaĝaco da'me jetaque t'onataĝadeuo'o ñe'me Dios, jogaa'me ena'am ta'le dajoteda'ague ga'me 'uo da'me lichic, qa'a gaa'me nedii's enaac: “Dios ye'uaĝa'n qomle ena'uaque gaa'me jo'ne ja que'teguelo yema daa'me namaĝajoĝonaĝaco.”

Romanos 2:25

Eja da'me qom 'uo ga'me yoqocha'alo daa'me namaĝajoĝonaĝaco jo'ne yepota'n ñe'me Moisés, ga'me 'nanec jo'ne nichaĝajoĝonaĝac 'uo ga'me yelo'teguet jo'ne lecochiya joga'me; qalaĝaja qom ja yaqalanapiye't da'me ja yoqocha'alo qama'le ena'am da'me ja ue'tajop ga'me 'nanaĝajet 'me nechaĝajet.

Efesios 4:17

Da'me jayem lamaĝajec ñe'me Qadejaliaĝanec, qama'le nayi jenjo' ami ja'aĝatema: ami jachitatatapegalo ta'le ja auadenaĝachi gaa'me jo'ne ja p'iida'a joñe'me Dios, jo'ne que'teguelo gaa'me ch'e lelnataĝaco jo'ne ja 'noe'n.

Mateo 23:18

Nach'e ena'am aueñiyapega: «Qom 'uo ga'me en 'naĝataĝac da'me lenaĝat di'me c'atoĝonaĝala', qaya'te yelo'teguet; qalaĝaja qom en 'naĝataĝac da'me lenaĝat jaga'me najaqaje' 'me uetalegue ga'me c'atoĝonaĝala', qamqa'me eja qopacapegue'.»

1 Juan 4:14

Ca'li jauanaĝa queda'me joñe'me Qadet'a namaĝaquena joñe'me Lec'oĝot qaedi nec'alaĝatedegue jogaa'me jiyaĝadipi jo'ne aleua laje'pi, qama'le nach'e eta't jechoĝotaqatac da'me dojo'.

1 Ts 4:6

Ena'te ta'le 'uo joga'me ch'e eetapega yoqovin joga'me laqaya uotaĝa ta'le ee'tec ga'me ja no'en, qa'a joñe'me Qadet'a yataqata ja 'yamaqaten da'me dojo', qama'le ya'uo jo' qomle joga'me laviyaĝajet. Qalaĝaja yema jena'me jenjo' joote ami ja'aĝataĝama ca'li.

Hechos 20:21

Ga'me judiopi nataq'aen ga'me ja judiopi ja'aqataĝanema queda'me 'noota ta'le 'viyelaĝadetot joñe'me Dios nataq'aen 'noota ta'le p'iida'a ñe'me Qadejaliaĝanec Jesús.

Hechos 2:40

Qama'le queda'me yitaĝa yauo'oe gaa'me 'laqataqa laqaya', Pedro dojapegue'to jogaa'me nataq'aen noqotetapegalo, enaac: —¡Anaqaloĝochiyeguet da'me ne'uaĝanague'j qomle jena'me jenjo' jiyaĝadipi jo'ne ja no'en!

Lucas 16:28

jo'ne ueteda'a gaa'me cinco yanoqolqa, da'me uaqatalo gaa'me qaedi ja nach'e ena'ama nec'adeta jenjo' joue'ta jo'ne nachoĝodaqa'.»

Mateo 23:16

“¡Degueja da'me adachoĝodequi qomle, ami najoĝola'te 'me qana'mi! Qa'a aueñiyapega: «Qom 'uo ga'me en 'naĝataĝac da'me tamenaĝaiqui lenaĝat queda'me 'yaeñi ga'me 'laqatac, qaya'te yelo'teguet da'me 'naĝataĝac. Qalaĝaja qom en 'naĝataĝac da'me oro jo'ne li'yoĝodaĝat da'me tamenaĝaiqui qamqa'me eja qopacapegue'.»

Hechos 15:1

Jaa'me jaajo' noloqo'ote, uo'oe gaa'me jo'ne chiyoqoda'a di'me Judea jo'ne yapaĝague'tape gaa'me qadaqaya'olqa: “Qom ja auacoñiyeguet da'me nichaĝajoĝonaĝac nach'e naq'aeta da'me damaĝajoĝolegue ca'li ñe'me Moisés, qama'le ja auaqanachichi ta'le adec'aliyegue.”

Gálatas 5:2

Qalaĝaja 'uo da'me jetaque ami ja'aĝatema: qom ami yitaĝa auacoñiyeguet da'me nichaĝajoĝonaĝac, qama'le da'me 'lonatac ca'li ñe'me Cristo male ja ami 'te lecochiyalo.

Gálatas 5:6

Qom joqotaĝaguet ñe'me Cristo, male ja p'ajaye da'me joote jaconaĝaguet ga'me 'nanaĝajet 'me nichaĝajoĝonaĝac uotaĝa qom ja naq'aeta. Da'me jo'ne p'ajaye ta'le jep'iyaqa ñe'me Cristo, nataq'aen da'me dojo' qadepi'iyaĝac qo'mi tauelo q'ae'n da'me qadoqopitalo jogaa'me qadaqaya'olqa.