Gálatas 5:2 - Nuevo Testamento Toba Sombrero Negro

² Qalaĝaja 'uo da'me jetaque ami ja'aĝatema: qom ami yitaĝa auacoñiyeguet da'me nichaĝajoĝonaĝac, qama'le da'me 'lonatac ca'li ñe'me Cristo male ja ami 'te lecochiyalo.

Nuevo Testamento Toba Sur

² Nagui aÿim qan'axaÿaxañiÿa. Aÿim Pablo, qami' shinapegalo da huo'otaq qanañañiiguet da qaÿauo'o ca n'anaxat na l'oc ñi 'oonolec da qoñiita, nachi so Cristo ÿataqta qaica ca naigui qanqashiñi.

La'aqtaqa Ñim Lo'onatac 'Enauacna 2013

² Qalaxaye huo'o dam huotaique qami' sa'aqtaxanema: Da qami' qauauo'oi ca la'anaxat da qaro'ocỹaxaqui, nache dam ỹo'ot So Cristo qaica qanqa'eñi ca naigui.

Gálatas 5:2 Referans Kwoze

Gálatas 5:6

Qom joqotaĝaguet ñe'me Cristo, male ja p'ajaye da'me joote jaconaĝaguet ga'me 'nanaĝajet 'me nichaĝajoĝonaĝac uotaĝa qom ja naq'aeta. Da'me jo'ne p'ajaye ta'le jep'iyaqa ñe'me Cristo, nataq'aen da'me dojo' qadepi'iyaĝac qo'mi tauelo q'ae'n da'me qadoqopitalo jogaa'me qadaqaya'olqa.

Hechos 15:1

Jaa'me jaajo' noloqo'ote, uo'oe gaa'me jo'ne chiyoqoda'a di'me Judea jo'ne yapaĝague'tape gaa'me qadaqaya'olqa: “Qom ja auacoñiyeguet da'me nichaĝajoĝonaĝac nach'e naq'aeta da'me damaĝajoĝolegue ca'li ñe'me Moisés, qama'le ja auaqanachichi ta'le adec'aliyegue.”

Hebreos 4:2

Qa'a da'me qo'mi joote jomachaĝa da'me dojo' 'naqatac jo'ne onaĝaic, ena'am ga'me Israel laje'pi joca'li. Qalaĝaja da'me 'naqatac jo'ne qo'yaĝatema ca'li joga'me Israel laje'pi qaya'te chiyaqayi, jouaĝat da'me ja 'yamaqate'n qama'le ja napotenegueta gaa'me laqaya' jo'ne yataqata 'uo da'me lepe'e' joca'li.

Gálatas 5:11

Ami yaqaya'olqa, ta'le japaĝaguenataĝatapec da'me auoviñetaque da'me auacoñiyeguet da'me nichaĝajoĝonaĝac, qama'le gaa'me yaute'upi male ja jayem 'te yecaatedac nataq'aen da'me yapaĝaguenataĝanaĝac jo'ne 'yaĝatetac da'me leleuaĝa ñe'me Cristo male ja yalemataĝanaĝa'n jogaa'me.

2 Corintios 10:1

Mach'e jayem Pablo ami ñachoĝodenoto, yajouaĝat da'me qademe'teguet ñe'me Cristo jo'ne joĝodaic nataq'aen choĝodenataĝanaĝaic, mate mane'e 'uo ga'me eetapega nale ami jouetauelo da'me yataqachiñe jayem uategaĝaic, qalaĝaja mane'e da'me jayem qaya'a qama'te ena'am ta'le jayem vichaqaic.

Hechos 15:24

“Qo'mi jayatenaq queda'me uo'oe gaa'me chiyoda'ña jena'me jenjo' jo'ne ja yachitedac da'me qadamaĝajoĝonaĝac, nataq'aen queda'me yeloiquiaĝa'ape jogaa'me 'laqataqa, nataq'aen queda'me ja ami 'te yataĝalo'te q'ae'n.

1 Ts 2:18

Te'me japiyenaq da'me ami jajoĝoguelo quelqaya, da'me jayem Pablo, nach'eda da'me japiyen da'me jetaque ami jajoyilo, qalaĝaja ñe'me Satanás nach'eñe qo'mi nauanegueta ca'li.

Filemón 1:9

qalaĝaja jetaque ch'e am ñachoĝodenot, qa'a 'uo da'me adoqopich'i. Jayem Pablo, male jayem 'yaĝaicachigui, nataq'aen nayi jayem necoñetaejec da'me yajouaĝat joñe'me Cristo Jesús.

1 Corintios 16:21

Jayem Pablo ami jedenaqatenalo jenjo' yep'iyenataĝanaĝac.

Hechos 15:5

Qalaĝaja uo'oe gaa'me fariseopi jo'ne 'uo da'me lepe'e' ca'li, ñidijeguem qama'le enapega't: —Joga'me p'etaqadaiquipi jo'ne ja judiopi yataqachiñe youetedaque ta'le yacoteguet da'me nichaĝajoĝonaĝac, nataq'aen qoyamaĝalo'te da'me male yoqocha'alo daa'me Dios lamaĝajoĝonaĝaco jo'ne chiyoqodo'ot ñe'me Moisés.

Filemón 1:19

Jayem Pablo, mach'e ñapoquena ledii's naa'me naajo', queda'me mach'e jejeten qomle. ¡Mate mane'e jaqanatet ta'le am ñetouenaĝanaĝanec queda'me dalaĝaic anejiyaĝauayaĝac ena'am ta'le ch'e anep'ia, qa'a am yecochiya ca'li, qaedi 'uo da'me adepe'e!