Gálatas 5:19 - Nuevo Testamento Toba Sombrero Negro

¹⁹ Qaya'te laqalaic nale qoyec'ate'n gaa'me quetapegue'to daa'me lapa'che lamaico; ja yataĝalegue da'me 'lonáĝac, 'uo ga'me lequejeguetaĝa, nataq'aen yauapiye gaa'me paĝachiguilo ja 'noe'n namanaĝanaĝaco.

Nuevo Testamento Toba Sur

¹⁹ Huaña, nachi ishit da saq alaq da qaila'a na n'onataxacpi cam quetague' da maichi lapachiyaxac, 'eeta': lauatapiguiñi' aca sa ishit da lhua, qataq i'ottac nam ishit da deshipaxanaqtaxan, qataq qopitaxanaqtaqaic,

La'aqtaqa Ñim Lo'onatac 'Enauacna 2013

¹⁹ 'Enauac na shiỹaxauapi ỹauatton da lataxac nam ỹalaxaguet nam qauem lqopitaxanaqtaic: ncachetague' aca saishet da lhua, qataq ỹo'ottac nam ishet da deshepaxanaqtaxan, qataq 'enauac nam qauem lamanaxanaqtaic qataq na qauem lhuennataxacpi,

Gálatas 5:19 Referans Kwoze

Apocalipsis 21:8

Qalaĝaja jogaa'me jo'ne qolanaqaiquipi choqoga'me qoleguetaĝanaĝaiquipi, nataq'aen gaa'me jo'ne qodaqaequeda'a, choqoga'me lataĝanaĝaiquipi nach'e ena'am da'me quejeguetaĝaiquipi nataq'aen gaa'me jo'ne yeda'n gaa'me laqaya', choqogaa'me jo'ne netametot nale ga'me nequi'i, choqoga'me ena'uac joga'me pecaiquipi, yema jogaa'me yovidedeta qomle da'me qoyajaĝadiñgui jaga'me limaĝañi jo'ne uetañgui ga'me dole' let'adaic, jo'ne nach'ega 'me neleuaĝa jo'ne p'ategue.

Gálatas 6:8

Qom qolaqatalo'te daa'me ja 'noe'n lamaico da'me qanejiyaĝauayaĝac, qama'le nale'en qadeleu. Qalaĝaja qom joqochaĝa ñe'me Dios Lepaqal, qama'le jaconaĝaguet da'me nec'alaĝa 'me qaya'te loiquiaqa'.

Tito 3:3

Qa'a joca'li nach'e ena'am qo'mi chiyoĝo's nataq'aen qoleguetaĝanaĝaiquipi; qadejometac ca'li nataq'aen qo'mi lecoñetae's yema gaa'me yodapecache 'me lamaico jena'me aleua. Jouaqatauelo ca'li gaa'me ja 'noe'n nataq'aen nep'aguenataĝanaĝaco, qo'mi qoniquiyatapegalo nataq'aen qo'mi quiyaĝanataqaiquipi.

1 Corintios 3:3

qa'a maliaĝa oquitapegue'to jodaa'me anejiyaĝauayaĝaqui lamaico. Ami p'aguenataĝanaĝayaqa nataq'aen mach'e ami da'me auapichitapega't, chane'eja nach'eda di'yoq q'aen queda'me maliaĝa oquitapegue'to da'me anejiyaĝauayaĝaco lamaico. ¿Qo'li ja naq'aeta?

Romanos 8:13

Qa'a qom oquitalo'te ga'me ch'e adamaicodi', qama'le adelevi: qalaĝaja qom jouaĝat da'me chiyaqayi ñe'me Dios Lepaqal da'me aualachi' daa'me adamaicodi', qama'le adec'aliyegue.

Romanos 8:5

Gaa'me jo'ne quetalo'te gaa'me yepaquetapegalo da'me nejiyaĝauayaĝa'j 'me etaĝaloĝoic nach'edata uenatetedapega ga'me nedo'ta't aleua le'ec; qalaĝaja gaa'me jo'ne uetedaue ga'me yepaquetapega ñe'me Dios Lepaqal, jogaa'me uenatetapegalo gaa'me uo'oe 'me chiyaqayilo ñe'me Dios Lepaqal.

Apocalipsis 22:15

Qalaĝaja joga'me p'aye nach'ega jo'ne ueteda'a jogaa'me jo'ne jomayaqa, nach'egaua jo'ne yeda'n gaa'me laqaya', choqogaa'me jo'ne 'yetetedac da'me nequejeguetaĝa, qama'le nach'e ena'ama jogaa'me lataĝanaĝayaqa nataq'aen jogaa'me p'iya'alo jogaa'me ch'e nequi'il nataq'aen jogaa'me noqopideta da'me napaĝagueteguet da'me noqovinaĝanaĝac.

1 Corintios 6:18

Qo'che' ami ja'aĝatema queda'me ¡'noota qom auajoye'guem da'me nequejeguetaĝa! Gamachaqaega qadoec laqaya jo'ne jauoqo nale ja 'naĝat da'me qadapachidiyaĝac. Qalaĝaja ga'me jo'ne taue da'me nequejeguetaĝa 'uo da'me loec jo'ne 'naĝat da'me mach'e lapachidiaĝac.

Gálatas 5:17

Qa'a gaa'me ja 'noe'n lamaico yataqata ja yauaĝa ga'me yepaquetapega ñe'me Dios Lepaqal, nataq'aen ñe'me Dios Lepaqal ja yauaĝalo gaa'me ja 'noe'n namaico. Chane'eja ami ja auaqanachichi ta'le auauoyi ga'me yepaquetapega da'me anejiyaĝauayaĝaqui.

Gálatas 5:13

Ami yaqaya'olqa, Dios ami yiyaĝanalo qaedi ami uojotedañi. Qalaĝaja ena'te aueñetapela't adoĝochi da'me ami uojotedañi ta'le taue q'aen da'me a'vichi ga'me ja no'en. Dite da'me anecochiyapega't qa'a 'uo da'me adoqopich'ii.

Romanos 8:9

Qalaĝaja ami male ja oquitalo'te naa'me lamaico jo'ne yepaquetapegalo da'me anejiyaĝauayaĝaqui, dite ga'me jo'ne yepaquetapega ñe'me Dios Lepaqal, qom yataqachiñe eja ami uetauelo joñe'me. Ga'me jo'ne ja netaye ñe'me Cristo Lepaqal ja Cristo nejoĝonec.

Romanos 7:18

Qa'a jayaten ga'me jayem netaye, dojo' yelo'teguet da'me ch'e nejiyaĝauayaĝac 'me netaye da'me loecoyaĝac, qaya'te 'noota 'me netaye; qa'a temaqaedi jediaĝalegue da'me je'et ga'me 'noota, qalaĝaja ja jañoĝot.

Romanos 7:5

Qa'a ca'li jouaqataue da'me qo'mi loeco lo'olpi, da'me namaĝajoĝonaĝac nach'edata da'me ch'e noqotoĝon gaa'me ja 'noe'n lamaico naa'me qadapa'che qama'le nach'edata ñaqataĝañi da'me qadeleuaĝa.

Juan 3:6

Joga'me jo'ne niyiñe q'aen gaa'me let'al jo'ne ch'e jiyaĝa'u, nach'e ena'am ch'e jiyaĝaua; nataq'aen joga'me jo'ne niyiñe q'aen ñe'me Dios Lepaqal, nach'e ena'am 'uo da'me 'loyaĝac jo'ne chiyaqayi ñe'me Dios Lepaqal.

Romanos 8:3

Qa'a ñe'me Dios male ye'et da'me jo'ne ja yañoĝot da'me ye'et da'me namaĝajoĝonaĝac jo'ne chiyoqo'ot di'me Moisés, qa'a da'me lachoĝolaĝac da'me ch'e nejiyaĝauayaĝac qama'le ja yaqanatet ta'le yomat da'me dojo'. Qama'le Dios namaĝaquena ñe'me C'oĝot ena'am da'me lachoĝolaĝac ga'me ch'e jiyaĝaua 'me loeco lo'ol nataq'aen ena'am ta'le nemenec 'me nep'aĝaneguet gaa'me loeco joga'me jiyaĝadipi, nach'eda naq'aeta da'me ena'am q'aen ga'me ch'e jiyaĝaua 'me etaĝaloĝoic chiyaqayi da'me male yolaĝachigui ga'me etaĝaloĝoc.

Romanos 7:25

Nach'eñeta ñe'me Dios, jo'ne nach'eñe janem da'me yamaic jo'ne chiyaqayi q'aen ñe'me Qadejaliaĝanec Jesucristo, jayaten da'me jouetaque ta'le joue'tot da'me lamaĝajoĝonaĝac ñe'me Dios, qalaĝaja da'me yachoĝolaĝac joue'tot da'me lamaĝajoĝonaĝac ga'me etaĝaloĝoc.

Hebreos 13:4

Nach'e ena'am da'me ademiya'a da'me aviyamaĝachetac da'me adouayaĝaqui, nataq'aen jogaa'me nooua' youen da'me nach'e eta't da'me niyamaĝatela'ajalo da'me mach'e 'lonáĝa'j, qa'a ñe'me Dios ya'uo qomle ga'me ne'uaĝanague'j jogaa'me quejeguetaĝayaqa choqogaa'me jo'ne leua'u gaa'me ja loua'.