Gálatas 5:1 - Nuevo Testamento Toba Sombrero Negro

¹ ¡Yataqachiñe eja da'me male qo'mi uojotedañi, qa'a nach'eñe ñe'me Jesucristo qo'mi yejodegue! Chane'eja ena'te oquiya'e da'me dojo' ami qoyejodegue, uotaĝa ta'le a'viyelaqaiya da'me yitaĝa ami lelataqa daa'me namaĝajoĝonaĝaco.

Nuevo Testamento Toba Sur

¹ So Cristo qomi' ÿanema da qansoxoc, da yaqto' qomi' huesochiyiñi. Qaq ÿoqo'oyi qami' no'on qome da sa ishit da qai'axañiiuec de'eda qansoxoqui. Qataq sa ishit qome da qavi'iguelaqÿa da chochi qami' nlataqa.

La'aqtaqa Ñim Lo'onatac 'Enauacna 2013

¹ ¡So Jesucristo nacheso so qomi' huesochiyiñi naqa'en! ¡Somaye ỹataqta 'eesa da qomi' huesochiyiñi naqa'en! Qaq ỹoqo'oye de'era qami' ỹo'oteque So Cristo da qami' huesochiyiñi, qaq nachera qome qana'añaxachec qataq saishet qome da qavi'eguelaqaỹa da choche qami' l-lataqa na namaxasoxonaxacpi.

Gálatas 5:1 Referans Kwoze

2 Corintios 3:17

Qa'a ñe'me Jaliaĝanec nach'eñe ñe'me Dios Lepaqal 'me ja 'nalegue; ga'me ue'ta ñe'me Lepaqal 'me ja 'nalegue, 'uo da'me 'nemaĝac.

Gálatas 5:13

Ami yaqaya'olqa, Dios ami yiyaĝanalo qaedi ami uojotedañi. Qalaĝaja ena'te aueñetapela't adoĝochi da'me ami uojotedañi ta'le taue q'aen da'me a'vichi ga'me ja no'en. Dite da'me anecochiyapega't qa'a 'uo da'me adoqopich'ii.

1 Pedro 2:16

Aniyamaĝachela't qa'a ja ami 'te necoñetae's, qalaĝaja ena'te aueñetapega da'me auachiyoĝochiyaye da'me ami uojotedañi male auaqanachichi ta'le auauoyi da'me jo'ne ja no'en. Nach'edata da'me aniyamaĝachela't qa'a ami lalemaĝaje'te joñe'me Dios.

Romanos 6:14

Qama'le naq'aeta da'me male qaya'te lañoqotaĝanaĝa'j gaa'me adoecodi' qaedi ami nejaliaĝatelo'te, qa'a ja ovi'tot ga'me namaĝajoĝonaĝac dite da'me lichoĝodenataĝanaĝac ñe'me Dios.

Romanos 8:2

Qa'a da'me 'lañaĝac ñe'me Dios Lepaqal jo'ne yanegue da'me 'noyaĝac 'me chiyaqayi ñe'me Cristo Jesús, jayem chiyoĝotalegue ga'me lamaĝajoĝonaĝac da'me etaĝaloĝoc nataq'aen da'me neleuaĝa jo'ne jayem yecoñedeta't.

Gálatas 4:9

Qalaĝaja nayi male auatetoñi ñe'me Dios, uotaĝa chimaqachiñe da'me jenaac: Dios male ami yateto'n. Qo'che' ja jayem 'te taue da'me toqoch'e anajeñe'teguet da'me yitaĝa ami yaue'j jogaa'me qop'iyapegalo jo'ne mach'egaua qaya'te lañoqotaĝanaĝa'j uotaĝa lajo'viyaĝa'j.

Hebreos 10:23

Yataqata 'ñañaĝataq da'me qadeuataqataĝanaĝac jo'ne japaĝaguenataĝanaqatapec nale; ena'te joqoleguetaqatac, qa'a ñe'me Dios yataqata yepaquichigui qomle da'me jo'ne joote qo'mi yaloĝonalo.

Gálatas 2:4

Jo'me jojo' yema'a't jouaqataue qa'a uo'oe gaa'me jo'ne ch'e nañoĝotedapiñe da'me tauelo jogaa'me p'etaqadaiquipi qaedi ch'e qo'mi naloqote'n. Naajo' qovinaĝanaĝayaqa jo'ne ch'e yaledeuo nach'edata da'me jetaque doĝotaĝatec da'me qo'mi uojotedañi 'me Cristo qo'mi yejodegue, qama'le jogaa'me jetaque qo'mi yepagaqatetapeque da'me qaedi qolaqa'teguelo yema gaa'me judiopi lamaĝajoĝonaĝaco.

Gálatas 4:31

Ami yaqaya'olqa, ja qo'mi 'te lelataqa jogaa'me namaĝajoĝonaĝaco, dite da'me qo'mi uojotedañi. Ja jenaqa'am ga'me c'oĝot jaga'me nelata, dite da'me jenaqa'am ga'me c'oĝot jaga'me uojotañi.

Apocalipsis 3:3

Anetoviñetac da'me napaĝaguenataĝanaĝac jo'ne joote auacoñiyeguet ca'li: naqaeda oquitalegue qama'le a'niyelaqaeyot ñe'me Dios. Qalaĝaja qom ja aneloyiye qama'le ami jec'atalo qomle, da'me jadenaĝat ga'me cachaĝaic jo'ne ja qoyayaten ga'me laloqo' da'me novi', qama'le paja'a da'me ami je'uaĝa'n qomle.

2 Pedro 2:19

Jogaa'me eedapega da'me 'yaĝatetedac da'me ladiquiyaĝac da'me 'noyaĝac 'me yelo'tegue da'me 'nemaĝac, qalaĝaja nach'egaua jo'ne uetedaue da'me lejomaĝac queda'me lelataqa da'me neleuaĝa. Qa'a gaa'me jiyaĝa'u onolqa'tape lelatac ga'me jo'ne equegue jo'ne 'uo da'me lañoqotaĝanaĝac.

1 Corintios 16:13

Jalcote 'noota ta'le a'vicheta't nataq'aen a'nañaĝachiyec da'me oquiyegue da'me napaĝaguenataĝanaĝac jo'ne chiyaqayi ñe'me Dios, nataq'aen ami 'uañaĝayaqa nataq'aen nach'e aueñeta't.

Romanos 7:6

Qalaĝaja nayi joote qadeleu, jachiyajaqauelo gaa'me namaĝajoĝonaĝaco jo'ne qo'mi jouaqa'tot da'me 'lañaĝac, naq'aeta da'me qo'mi male uojotedañi qaedi jo'onataĝanoqot ñe'me Dios joda'me dalaĝaic qat'oyaĝac 'me chiyaqayi ñe'me Lepaqal, nataq'aen ja jouaqa'tot ga'me toijec namaĝajoĝonaĝac.

Romanos 6:18

Da'me male ami uojotedañi da'me aĝañidegue gaa'me adoecodi', qanach'e ami male ayoue da'me a'vichi da'me yataqatelegue.

Hechos 15:10

Chane'eja, ¿toqoch'e auapiyeñi ñe'me Dios? Qa'a auemichitalo'te naa'me naajo' p'etaqadaiqui ga'me li'yacochi'j jo'ne ja jañoĝotaq ta'le jachoĝojoq da'me qo'mi, nach'e naq'aeta joca'li dia'me qadet'al ja yaqanate't ta'le yachi'y.

1 Corintios 7:22

Qa'a ga'me jo'ne nelatac qom qoyiyaĝana qaedi napeteneguet ñe'me Cristo joga'me male joote lalemaĝajet ñe'me Jaliaĝanec. Nach'e naq'aeta da'me qom qoyiyaĝana ga'me jiyaĝaua jo'ne uojotañi, joga'me male joote Cristo lelatac.

Judas 1:3

Ami yaqaya'olqa, jayem jalcote da'me yamaic ta'le jediñe joda'me lajoĝoc da'me qat'oyaĝac 'me dalaĝaic jo'ne joote ena'uaque qo'mi uetauelo. Qalaĝaja nayi male jela'a da'me qoyouetaque da'me ami jamaĝalo da'me dojo' qaedi ami ñachoĝodenouelo da'me aueloquiaĝanaĝañi da'me adepi'i, da'me jo'ne qoye'uauaĝanouelo joca'li ga'me lec'oqo'tepi joñe'me Dios.

Filipenses 1:27

Nach'edata da'me yataqata aviyamaĝachetac da'me anejiyaĝauayaĝaqui, oquitapegue' da'me 'laqatac joñe'me Cristo, uotaĝa da'me yitaĝa ami jec'atalo uotaĝa ja naq'aeta, qa'a jetaque jomachiya queda'me nach'e eta't a'nañaĝachela't, yataqata onolec joda'me auauoyi nataq'aen onolec joda'me adeloiquiaĝaqui, nach'eda da'me ademiyalegue da'me adepi'i jo'ne chiyaqayi da'me 'naqataĝanaĝac jo'ne onaĝaic.

Efesios 6:14

'Noota qom nach'e eta't a'nañaĝacheta't, qama'le da'me eja choqoda'me liyamaqataĝanaĝac joñe'me Dios ami netayelo nataq'aen ami netelalo, qa'a naajo' male qoye'n at'euoĝonaqachidi'.

Apocalipsis 2:25

nach'edata da'me 'noota qom aviyamaĝachetac da'me jo'ne joote auañiya, chayovida'a qom yitaĝa ami jec'atalo.

Hebreos 4:14

Chane'eja queda'me joote yec'adije'ma di'me piyem ñe'me Qadetaĝayaĝanaĝanec jo'ne napacalegue ena'uac, nach'eñe ñe'me Jesús jo'ne Dios Lec'oĝot, qama'le da'me qo'mi, 'noota qom 'ñañaĝataq da'me qolaqatelegue da'me qadepe'e ladic.

Hebreos 3:14

Qa'a da'me qo'mi, male qo'mi lequiaĝa'u ñe'me Cristo, qom nach'e eta't 'ñañaĝataĝac da'me qadepe'e jo'ne 'uaechiñe 'me qo'mi uetauelo.

Hebreos 3:6

Qalaĝaja ñe'me Cristo qamqa'me mach'e Dios Lec'oĝot jo'ne yataqachiñe yelolegue jena'me noic jo'ne Dios lec'oqo'tepi, qama'le nayi mach'e qo'mi jo'ne jouaqatoue jena'me noic, qom eja da'me 'ñañaĝataĝac da'me qadepe'e choqoda'me qadeuataqataĝanaĝac, nach'eda jo'ne chiyaqayi da'me yataqachiñe qo'mi made'tape.

2 Ts 2:15

Qama'le nayi, ami yaqaya'olqa, 'noota qom a'nañaĝachela't, ena'te aĝañiñi da'me auep'iiya'a joñe'me Dios, nataq'aen ena'te auapalaĝache'ta joga'me qadapaĝaguenataĝanaĝac uotaĝa ga'me qadediije ca'li ami janemaĝama.

1 Ts 3:8

Qama'le ena'am ta'le yataqata qadec'aletaye nayi, da'me jayatenaq da'me yataqata ami 'uañaĝayaqa, da'me a'vichi joga'me 'lonataĝanaĝac ñe'me Qadejaliaĝanec.

Gálatas 4:26

Qalaĝaja Sara laloĝoqui qoyen da'me dalaĝaic yamaĝataĝac, nataq'aen ga'me dalaĝaic noic Jerusalén 'me na'ague di'me piyem jo'ne jeloqo'ta ena'uaque qo'mi 'me uojotedañi.

Gálatas 3:25

Qalaĝaja nayi novitequena da'me laloqo' da'me male jaqanatetaq ta'le jep'iyaqa ñe'me Jesucristo, male ja jouenaqataque ta'le qo'mi yaue'j daa'me namaĝajoĝonaĝaco uotaĝa ta'le qo'mi yapaĝague'n.

1 Corintios 15:58

Chane'eja, ami yaqaya'olqa jo'ne jalcote joqopitalo, 'noota qom a'nañaĝachela't, ja ami 'te damichidiñe, nataq'aen nach'e eta't a'vichiye da'me 'lonatac ñe'me Jaliaĝanec, nataq'aen auayachiñe queda'me qom adaloi'ta't da'me a'uonataĝañiuo'o ñe'me Jaliaĝanec qama'le ja yijamaĝajaye.

Mateo 23:4

Ami yecoñetegueta ga'me adi'yaqui 'me dejali jo'ne ja auaqanachichi ta'le auachiyi, qama'le yachalo'te naa'me lauaguel jogaa'me jiyaĝa'u, mate mane'e mach'egaua ja jetaque yacota uotaĝa ta'le ch'e onole liaĝata da'me yacona.

Romanos 7:3

Qama'le naq'aeta qom jaga'me 'uoneguet ga'me jiyaĝaua laqaya, qom cha'li nec'aletaye ga'me 'uaeñe loua, qanach'e jaga'me taue da'me lequejeguetaĝa, qalaĝaja qom joote yeleu ga'me loua jaga'me, ga'me namaĝajoĝonaĝac 'me necoñeteguet male yejoye, qama'le ja taue da'me lequejeguetaĝa da'me yitaĝa ya'uo loua laqaya.

Romanos 8:15

Qa'a ami ja ami 'te qoyanema ñe'me nepaqal jo'ne chiyaqayi ta'le ami nelataqa jo'ne yitaĝa ami yauequeteda'ague da'me ami qolanaqayaqa, dite ñe'me Dios Lepaqal jo'ne ami e'n lec'oqo'tolqa ñe'me Dios, qama'le nach'eñe ñe'me Lepaqal da'me jec'otaĝa ñe'me Dios, nale onolqa'tape da'me qo'mi enaac: “Am Taĝadena'.”

2 Corintios 11:20

¡Chayovida'a adaloyeguet ta'le anapogaĝadeñiyegueta gaa'me ami ee'tema ta'le lelataqa, nach'egaua jo'ne ami yoqovi'tape nataq'aen ami ye'ue'tape nataq'aen jogaa'me jo'ne ye'uaĝatapegouelo naa'me adatajoĝocodi'!

Lucas 5:38

Qo'che' ta'teguet da'me qoyachañgui ga'me lataĝa jo'ne dalaĝaic ga'me jiyac lo'oc jo'ne dalaĝaic.