Gálatas 4:6 - Nuevo Testamento Toba Sombrero Negro

⁶ Qama'le nayi queda'me ena'am ta'le yataqachiñe qo'mi lec'oqo'tolqa, Dios namaĝaquena ñe'me Lepaqal 'me ja 'nalegue jo'ne chiyaqayi ñe'me mach'e Lec'oĝot qaedi qo'mi uetauelo. Qo'che' nale ñetamenoqot ñe'me Dios, ñe'me Lepaqal qo'mi yaje'tema da'me jiyaĝanoqot: “Am Qadet'a 'me am qadoqopita.”

Nuevo Testamento Toba Sur

⁶ Qaq dam ichoxot da ÿoqta qami' llalqa ñi Dios 'eeta': Ñimayi qami' namaxalo so n'Espíritu so llalec da taiguilo naua qadquiyaqchilli'. Qaq so Espíritu deÿaxan, 'eeta': “¡'Am ita'a!”

La'aqtaqa Ñim Lo'onatac 'Enauacna 2013

⁶ Qaq nagui da mashe qami' llalqa, nache Ñim Lo'onatac 'Enauacna qami' namaxalo So Saqcha'a La'añaxac So Llalec da yaqto' qami' hueta'agueta. Qaq ỹoqo'oye da ñeqouagaxaunaqot Ñim Lo'onatac 'Enauacna, nache So Saqcha'a La'añaxac qomi' ỹanema da seỹaxanaxa Ñimaye, shenaqta': «Ita'a, 'am ỹauotaxat ito'olec.»

Gálatas 4:6 Referans Kwoze

Romanos 5:5

Qama'le da'me dojo' qadeuataqataĝanaĝac ja qo'mi 'te yoqovi'n, qa'a ñe'me Dios najaqachiguilo q'ae'n naa'me qadai'li da'me loqopich'i na'ya q'aen ñe'me Lepaqal jo'ne qo'mi yanema.

Romanos 8:9

Qalaĝaja ami male ja oquitalo'te naa'me lamaico jo'ne yepaquetapegalo da'me anejiyaĝauayaĝaqui, dite ga'me jo'ne yepaquetapega ñe'me Dios Lepaqal, qom yataqachiñe eja ami uetauelo joñe'me. Ga'me jo'ne ja netaye ñe'me Cristo Lepaqal ja Cristo nejoĝonec.

Filipenses 1:19

qa'a jayaten da'me 'uo joga'me adajelaĝanaĝaqui, nataq'aen joda'me lecochaĝac joñe'me Lepaqal ñe'me Jesucristo, qama'le jeca'e qomle jana'me janjo' coñetaĝanaĝaiqui.

Efesios 2:18

Jena'me jenjo' ca'li 'lonatac ñe'me Jesucristo, en onolec ladiiuo ga'me judiopi nataq'aen gaa'me ja judiopi, male jauanaĝa ñe'me onolec 'me Dios Lepaqal, jo'ne chiyaqayi da'me male yataqata jovitaĝa ñe'me Qadet'a jo'ne ja 'nalegue.

2 Corintios 3:17

Qa'a ñe'me Jaliaĝanec nach'eñe ñe'me Dios Lepaqal 'me ja 'nalegue; ga'me ue'ta ñe'me Lepaqal 'me ja 'nalegue, 'uo da'me 'nemaĝac.

Efesios 4:30

Ena'te aueñi totelegue joñe'me Dios Lepaqal jo'ne ja 'nalegue, qa'a naqaeñe joote ami 'yaneque da'me qoyen di'yoq queda'me ami lec'oqo'tepi joñe'me Dios. Nach'eñe jo'ne ami uetauelo chayovida'a qom yovita ga'me nolo' p'ategue qom Dios ami e'n uojotedañi.

Judas 1:20

Qalaĝaja ami yaqaya'olqa, nach'e aueñeta't a'nañaĝachiyec da'me jo'ne ja 'nalegue 'me adepi'i, nataq'aen anajeñe'teguet ñe'me Dios Lepaqal da'me ami yauequeteda'ague joda'me anetamenaĝaqui.

Juan 16:7

Qalaĝaja ami ja'aĝatema da'me jo'ne eja: yataqachiñe 'noota da'me jec. Ta'le ja jec, qama'le ñe'me Necochaĝaua ja novitequena qama'le ja ami 'te uetauelo; qalaĝaja qom jec, qama'le ñamaĝaquena.

Juan 14:16

Qama'le jajelaĝanot ñe'me Taĝadena' qaedi namaĝaquena ga'me laqaya jo'ne necochaĝaua, qaedi nach'e eta't ami uetauelo.

Lucas 11:13

Chane'eja, qom ami, jo'ne qaleuaĝayaqa, auayachiñe da'me auañema gaa'me uo'oe jo'ne onaĝayaqa naa'me ac'oqo'chedi', qama'le ¡yataqachiñe p'ajaye ñe'me Qadet'a jo'ne na'ague di'me piyem yanema jaĝa'te ñe'me Lepaqal jo'ne ja 'nalegue ena'uaque jogaa'me jo'ne yiyaĝadaque!”

2 Corintios 1:22

Joote qo'mi 'yaneque jaga'me 'lanaĝanaqate, nataq'aen yanayelo naa'me qadai'li ñe'me Lepaqal 'me ja 'nalegue nach'eda 'nanaĝajet qoyen ga'me jo'ne qo'mi qoyanema qom'te.

Juan 15:26

“Qalaĝaja novitequena qomle ñe'me anecochoqo't, ñe'me Dios Lepaqal jo'ne chiyoqo'ot joñe'me Taĝadena', qama'le 'yaĝatetac joñe'me jo'ne yataqatelegue. Ñamaĝaquena qomle qaedi chiyaqaue joñe'me Taĝadena' qama'le jayem 'yaĝatetac.

Lucas 11:2

Qama'le Jesús enaac: —Qom anetameñi, aueñeetojo': «Am Qadet'a, 'noota qom qo'nonaĝachigui da'me adenaĝat. 'Noota qom nach'e eta't qo'mi anejaliaĝatelo'te.

Juan 3:34

qa'a joñe'me jo'ne namaĝaquena ñe'me Dios 'yaĝate'tape jonaa'me 'laqataqa, qa'a nach'eñe yanem da'me lañoqotaĝanaĝac ñe'me Lepaqal.

1 Pedro 1:11

Joñe'me Lepaqal ñe'me Cristo ye'uauaĝanouelo da'me yayatenaĝanaĝaneque jogaa'me Dios 'laqataĝanaĝanaqa da'me eeta da'me lachoĝodec ñe'me Cristo nataq'aen da'me 'lonaĝac jo'ne p'ategue. Qama'le jogaa'me jetaque da'me yejomedalegue jach'e jogamaĝa gaa'me noloqo'ote nataq'aen ga'me jo'ne ua'a ga'me en laloqo' joñe'me Dios Lepaqal jo'ne uetauelo jogaa'me.

Efesios 6:18

Nach'e eta't anetameñetapecot joñe'me Dios; nale aviyaĝañiyot joñe'me, auomachii'ta joñe'me Lepaqal qaedi nach'eñe ami netamenaĝanaĝa'n. Ena'te ami lichiguilo qama'le auajelaĝañilo'te yema ga'me Dios lec'oqo'tepi.

Apocalipsis 19:10

Chane'eja te'me jejoidiñe naa'me yeliquetel, jejocoto naa'me lapia'te joñe'me piyem le'ec queda'me te'me 'ñonaĝachigui, qalaĝaja jayem uaqata: “Ena'te aua'uo da'me dojo', qa'a naqayem jo'ne ch'e jayem Dios lalemaĝajet, qama'le nach'e am jena'am, choqogaa'me adaqaya'olqa jo'ne nach'e eta't da'me 'yamaqate'n naa'me 'laqataqa joñe'me Jesús. Nach'eñeta ñe'me Dios jo'ne a'nonaĝachigui.” Qa'a naa'me 'laqataqa joñe'me Jesús, nach'enaua jo'ne 'yañaqate't joñaa'me Dios 'laqataĝanaĝanaqa.

Efesios 1:13

Qama'le nayi nach'e ena'am da'me ami male ami Dios lec'oqo'tepi, chiyaqayi da'me joote auomachiiya jena'me jenjo' 'naqataĝanaĝac jo'ne eja 'me 'yaĝatetac ñe'me Dios, 'naqataĝanaĝac jo'ne chiyaqayi da'me adec'alaĝaqui, nach'ena jena'me jenjo' male chiyaqayi joñe'me Cristo, da'me joote auacoñiyeguet joñe'me Dios Lepaqal jo'ne ja 'nalegue, nach'ena jenjo' qo'yaĝatapema joñe'me, qama'le en di'yoq da'me yataqata ami Dios lec'oqo'te.

1 Corintios 15:45

Nach'e ena'am naq'aeta da'me qoyediñe ca'li naa'me nedii's jo'ne 'laqatac ñe'me Dios, eet'oi: “Ñe'me 'uaeñe jiyaĝaua 'me lenaĝat Adán, ca'li qoye'et qama'le qoyanem da'me yataqata nec'aletaye qoyen.” Qalaĝaja ñe'me Adán jo'ne p'ategue, dojo' nach'eñe Cristo, qamqa'me nach'eñe yanegue da'me 'noyaĝac jo'ne chiyaqayi ñe'me Dios Lepaqal.

Hechos 16:7

qama'le yamta'le yenoĝodoue di'me aleua lenaĝat Misia, nach'edi ueda'a da'me uenateteda'a ta'le yec'adeta di'me aleua jo'ne Bitinia, qalaĝaja ñe'me Jesús Lepaqal ja yaje'tema.

Juan 7:39

Qama'le ñe'me Jesús 'yaĝatema gaa'me jo'ne p'iida'a joñe'me da'me yacoteguet qomle ñe'me Dios Lepaqal, qalaĝaja ñe'me Dios Lepaqal maliaĝa jona'li 'uo, qa'a ñe'me Jesús maliaĝa ja yovita ga'me nolo' da'me ni'yoĝodenataguec.

Marcos 14:36

Da'me netamenaĝac enaac: “Abba, am Taĝadena', yema gaa'me uo'oe qaya'te auen qalaq q'aen: ¡jayem auachiyoĝotaue da'me dojo' yachoĝodec! Qalaĝaja, 'noota qom ja naqaega ga'me mach'e jepaquetapega, dite da'me mach'e adoequenataĝanaĝac.”

1 Ts 4:8

Chane'eja, joga'me jiyaĝaua jo'ne 'yota'n naa'me naajo' napaĝaguenataĝanaĝaco, ja ena'am ta'le 'yotan ga'me ch'e jiyaĝaua, dite da'me 'yotan joñe'me Dios, ñe'me jo'ne joote qo'mi yanema joñe'me Lepaqal jo'ne ja 'nalegue.