Gálatas 4:26 - Nuevo Testamento Toba Sombrero Negro

²⁶ Qalaĝaja Sara laloĝoqui qoyen da'me dalaĝaic yamaĝataĝac, nataq'aen ga'me dalaĝaic noic Jerusalén 'me na'ague di'me piyem jo'ne jeloqo'ta ena'uaque qo'mi 'me uojotedañi.

Nuevo Testamento Toba Sur

²⁶ Qalaxayi yim Jerusalén mayi hueta'ague da piguem, yimayi ÿataqta huesochiguiñi. Qaq qomi' mayi nachiqomi' llalaqpi yimayi.

La'aqtaqa Ñim Lo'onatac 'Enauacna 2013

²⁶ Qalaxaye aso Sara naigui da dalaxaic aỹamaxataxac, qaq ỹoqo'oye qomi' qaralamaxat ye Jerusalén maye hueta'ague da piguem, qomi' maye ỹataqta qomi' huesochiyiñi.

Gálatas 4:26 Referans Kwoze

Hebreos 12:22

Qalaĝaja da'me ami qamqa'me joote auec'achiya ñe'me qajoĝonaĝa jo'ne Sión, di'me noic jo'ne mach'e 'lachaqa' ñe'me Dios 'me nach'e eta't da'me nec'aletaye, di'me noic jo'ne Jerusalén 'me ue'tague di'me piyem. Nach'edi di'me jo'ne ueteda'a jalcote joga'me piyem laje'pi da'me yema'a't qaedi 'nonaĝachidegue joñe'me Dios.

Filipenses 3:20

Qalaĝaja da'me qo'mi, yataqata joote 'uo jodi'me qat'achaqa' jo'ne na'ague jodi'me piyem, qama'le yataqata jalcote da'me jeuataqataque joñe'me Qadec'alaĝaiqui da'me chiyaqaje'ma di'me piyem, nach'eñe joñe'me Qadejaliaĝanec Jesucristo.

Apocalipsis 21:2

Nataq'aen jauana ga'me noic let'adaic jo'ne ja 'nalegue, nach'edi di'me Jerusalén jo'ne dalaĝaic. Qama'le nenochiñe, chiyoqo'ot joñe'me Dios jo'ne ne'tague di'me piyem, queda'me joote yiyamaĝatetac, ena'am jaga'me nojaĝaua qom joote niyamaĝate'taguet qaedi male 'uoneguet ga'me lojaĝaua.

Apocalipsis 3:12

Jogaa'me jo'ne yovidedeta da'me noma't joga'me ja no'en, nach'egaua jo'ne je'n p'ajodaye da'me ena'am ta'le najotenaĝal ga'me tamenaĝaiqui jo'ne loĝot ñe'me Taĝadena' mach'e Dios, qama'le ja yitaĝa ta'le qoye'n queda'ae ga'me jo'ne neda'ña, nataq'aen da'me jediñe da'me lenaĝat ñe'me Taĝadena' mach'e Dios jachalo'te jogaa'me, qama'le nach'e ena'am da'me lenaĝat ga'me noic jo'ne loĝot joñe'me, di'me noic jo'ne dalaĝaic 'me Jerusalén jo'ne chiyaqaje'ma di'me piyem, mach'e 'lachaqa' joñe'me Taĝadena' mach'e Dios, qama'le nach'e ena'am jediñe da'me mach'e yenaĝat jo'ne dalaĝaic jachalo'te jogaa'me.

Gálatas 4:22

'Yaĝatetac da'me uo'oe gaa'me dojolqa c'oqo'te, onolec joga'me chiyaqayi jaga'me lelata, qama'le ga'me laqaya chiyaqayi jaga'me yataqachiñe loua.

Romanos 6:18

Da'me male ami uojotedañi da'me aĝañidegue gaa'me adoecodi', qanach'e ami male ayoue da'me a'vichi da'me yataqatelegue.

Romanos 6:14

Qama'le naq'aeta da'me male qaya'te lañoqotaĝanaĝa'j gaa'me adoecodi' qaedi ami nejaliaĝatelo'te, qa'a ja ovi'tot ga'me namaĝajoĝonaĝac dite da'me lichoĝodenataĝanaĝac ñe'me Dios.

Juan 8:36

Chane'eja naq'aeta, qom japalaĝa't naa'me adoecodi', queda'me jayem Lec'oĝot joñe'me Dios, qama'le eja yataqachiñe ami qoyejodegue.

1 Pedro 2:16

Aniyamaĝachela't qa'a ja ami 'te necoñetae's, qalaĝaja ena'te aueñetapega da'me auachiyoĝochiyaye da'me ami uojotedañi male auaqanachichi ta'le auauoyi da'me jo'ne ja no'en. Nach'edata da'me aniyamaĝachela't qa'a ami lalemaĝaje'te joñe'me Dios.

Gálatas 5:1

¡Yataqachiñe eja da'me male qo'mi uojotedañi, qa'a nach'eñe ñe'me Jesucristo qo'mi yejodegue! Chane'eja ena'te oquiya'e da'me dojo' ami qoyejodegue, uotaĝa ta'le a'viyelaqaiya da'me yitaĝa ami lelataqa daa'me namaĝajoĝonaĝaco.

Apocalipsis 17:5

Nataq'aen da'me 'uo jo'me nediijec jo'ne uetalegue jajo'me nepe jo'ne mach'e lenaĝat 'me ja en 'te di'yoq, eetojo': «Jayem Babilonia jo'ne p'ajaye, nach'ayem lat'e yema jana'me quejeguetaĝailpi, jayem chiyaqayi da'me male qodaqaeca'a jena'me jiyaĝadipi jo'ne netedalegue jena'me aleua.»

Gálatas 4:25

Ga'me qajoĝonaĝa Sinaí, jo'ne ua'a di'me Arabia, laloĝoqui qoyen ga'me noic Jerusalén, nataq'aen ena'uaque gaa'me neda'ña ena'am ta'le namaĝajoĝonaĝaco lelataqapi.

Apocalipsis 12:1

Qama'le 'uo jo'me di'yoq jo'ne 'nanec let'adaic 'me ua'ague di'me piyem: 'uo jaga'me yauo jo'ne qoyen neuoĝoi jañe'me ajeua, choqoñe'me auoĝoic ne'toto naa'me lapia'te, nataq'aen jaga'me cop'a jo'ne netaye jo'me laqaic nalo'taguet doce naa'me uaqachiñil jo'ne netedalegue.