Gálatas 4:24 - Nuevo Testamento Toba Sombrero Negro

²⁴ Naajo' dojolqa uo'oe joca'li qo'mi lecochiyalo ta'le jenaq qadec'atenaqa, qa'a gaa'me dojole yauo' laloĝoqui' qoye'n gaa'me dojolqa yamaĝataĝac. Agar laloĝoqui qoyen ga'me yamaĝataĝac 'me qoyanegue chiyaqa'ña di'me qajoĝonaĝa lenaĝat Sinaí, chane'eja ena'uaque gaa'me c'oqo'tepi uetedaue da'me nelataqapi da'me niyidiñe.

Nuevo Testamento Toba Sur

²⁴ Qaq damayi chochi qaÿaloqnaxangui. Cha'ayi se'esoua dos 'alo nachi naiguilo naua dos aÿamaxataxaco. Se'eso 'oonolec naua aÿamaxataxaco, somayi chigoqchiguiña asom qasoxonaxa mayi l'enaxat Sinaí. Qaq somayi nachiso so naigui aso Agar. Qaq ÿoqo'oyi nam hueto'ot se'eso aÿamaxataxac, namayipi da nañoxoc taÿa'a da nlatacpi.

La'aqtaqa Ñim Lo'onatac 'Enauacna 2013

^24-25 Qaq damaye choche qaỹaloqnaxana. Cha'aye se'esoua dos 'alol, nache naiguilo naua dos aỹamaxataxaco. Aso Agar naigui se'eso aỹamaxataxac maye hualec añi qaỹoqotcheguemec 'alhua le'enaxat Sinaí maye huetaigui ye 'alhua Arabia, ỹoqo'oye 'enauac na llalaqpi nacte' da nlatacpi. Asa'aso qaỹoqotcheguemec 'alhua naigui ye nỹecpi ye Jerusalén qaq ỹoqo'oye 'enauac na hueta'a yemaye l-latac na namaxasoxonaxacpi.

Gálatas 4:24 Referans Kwoze

Gálatas 4:25

Ga'me qajoĝonaĝa Sinaí, jo'ne ua'a di'me Arabia, laloĝoqui qoyen ga'me noic Jerusalén, nataq'aen ena'uaque gaa'me neda'ña ena'am ta'le namaĝajoĝonaĝaco lelataqapi.

1 Corintios 10:11

Naajo' 'nonataqa jo'ne di'yoĝoma dia'me jachiyojoĝogueta 'me qadapidi nach'enaua ena'am ta'le ch'e 'nanaqa, nataq'aen joote qoyedidiñe ena'am ta'le qo'mi qoyapetena'ata, qo'mi jo'ne jouaqatouelo naajo' p'atedegue noloqo'ote.

Mateo 13:35

Dojo' eeta qaedi yepaquetelo'te ga'me jo'ne joote 'yaĝatetac di'me Dios 'laqataĝanaĝanec ca'li enaac: “Jauo'oe gaa'me yaloqotenaĝanaĝaiqui' da'me ja'aqataĝatac; ja'aĝa'tape gaa'me uo'oe jo'ne jalchi'ena ja di'yo't chiyoqo'teguet ca'li yemta Dios ye'et jena'me aleua.”

Hebreos 13:20

Joñe'me Dios jo'ne qo'mi yanema da'me 'nemaĝac, qa'a nach'eñe 'me 'niyelaĝachijeguem ñe'me Jesús da'me en chiyaqauelo dia'me napa'lpi, joñe'me Jesús jo'ne 'naĝanaĝate 'nouatoqo't 'me p'ajaye, ñe'me mach'e Qadejaliaĝanec jo'ne joote yomat da'me niyamaqataĝanaĝac jo'ne qaya'te loiquiaqa', yajouaĝat da'me qoyen naliñi jaga'me letauo'.

Hebreos 12:24

Nataq'aen auec'achiya joñe'me Jesús, nach'eñe jo'ne joote yomat da'me dalaĝaic 'namaqatenataĝanaĝac, qama'le nach'e ena'am jaga'me letauo' jo'ne naliñi joca'li qaedi en qo'mi yoqovite' q'ae'n, jaga'me jo'ne nach'e ena'am da'me qo'mi 'yaĝatema da'me onaĝaic, jo'ne ja ena'am jaga'me letauo' ñe'me Abel.

Hebreos 11:19

Qa'a ñe'me Abraham joote yayaten ñe'me Dios da'me 'uo da'me lañoqotaĝanaĝac chayovida'a da'me yaqanatet ta'le 'niyelaĝachidijeguem dia'me joote yele'u. Chane'eja nach'e ena'am ñe'me Abraham da'me yitaĝa yaconeguet ñe'me lec'oĝot, ena'am ta'le chiyoĝotauelo jena'me napa'lpi.

Hebreos 7:22

Chane'eja nach'eñe ñe'me Jesús jo'ne qo'mi yayataĝade'teque da'me male 'uo da'me qaniyamaĝadenataguec, qom yataqata ñiyamaĝadenaĝaguet joñe'me Dios. Yataqata t'añi da'me dojo', qa'a Dios 'naĝatelegue da'me 'laqatac, qama'le ja ena'am da'me 'uaechiñe.

Gálatas 5:1

¡Yataqachiñe eja da'me male qo'mi uojotedañi, qa'a nach'eñe ñe'me Jesucristo qo'mi yejodegue! Chane'eja ena'te oquiya'e da'me dojo' ami qoyejodegue, uotaĝa ta'le a'viyelaqaiya da'me yitaĝa ami lelataqa daa'me namaĝajoĝonaĝaco.

1 Corintios 10:4

nataq'aen ena'uaque nach'ega niyomidigui ga'me yomaĝat jo'ne ja di'yoq, queda'me qoniyomigui ga'me chiyaqaue ga'me qa' jo'ne ja di'yoq 'me naequetapegue'to, qama'le ga'me qa' nach'eñe Jesucristo.

Romanos 8:15

Qa'a ami ja ami 'te qoyanema ñe'me nepaqal jo'ne chiyaqayi ta'le ami nelataqa jo'ne yitaĝa ami yauequeteda'ague da'me ami qolanaqayaqa, dite ñe'me Dios Lepaqal jo'ne ami e'n lec'oqo'tolqa ñe'me Dios, qama'le nach'eñe ñe'me Lepaqal da'me jec'otaĝa ñe'me Dios, nale onolqa'tape da'me qo'mi enaac: “Am Taĝadena'.”

Gálatas 4:3

Ena'am ta'le naq'aeta ga'me jouaqataue ca'li maliaĝa ja jatetonaq ñe'me Cristo: jogaa'me nepaqa'lpi jo'ne ch'e yeuotapiye'ajalo qo'mi 'yetapeque da'me ena'am da'me qo'mi lelataqa.