Gálatas 4:19 - Nuevo Testamento Toba Sombrero Negro

¹⁹ Ena'am ta'le ami yalaqa da'me ami joqopitalo, qalaĝaja qom cha'li ja auovidiya'a da'me aueñiya'am ñe'me Cristo, qama'le jalcote auauoyi yachoĝodec, ena'am lachoĝodec jaga'me yauo nale yemta niyiñe ga'me c'oĝot.

Nuevo Testamento Toba Sur

¹⁹ Qami' ÿalqolqa, nagui qaltaq ipactegue da ñiqui'ic, souaxat da qoñiita, shiita'am aca 'alo da dachitattac, souaxat da huotaique da deco'o. Qaq nachi shictot qome da ñique'ejnaxac, chochi ivitta'a so Cristo da qami' quichiguilo da lataxac.

La'aqtaqa Ñim Lo'onatac 'Enauacna 2013

¹⁹ Aỹem ỹataqta qami' sauoteque, qalaxaye da saxanaxa da qoñiỹa'am So Cristo, nache qauo'ocheetac da ñequi'ic, 'eeta'am da nqui'ic aca 'alo da huotaique da deco'o.

Gálatas 4:19 Referans Kwoze

Romanos 8:29

Jogaa'me jo'ne joote latetoñii's ñe'me Dios joca'li, jogaa'me yanema da'me chiyoqochiñe eda'am ñe'me Lec'oĝot, qaedi ñe'me Lec'oĝot nach'eñe nepiloĝot da'me yataqata jalcote joga'me lanoqolqapi.

Efesios 4:13

Qom naq'aeta qama'le yema da'me qo'mi qadalo'ta't da'me qademalegue jena'me onaĝaic qadepe'e ladic, qaedi yataqata jatetonaq joñe'me Dios Lec'oĝot, nataq'aen male yemta jovitaĝa da'me qo'mi p'etaqadayaqa jo'ne chimadichidiñe, chayovida'a da'me qadalaje'ma da'me 'loyaĝac joñe'me Cristo jo'ne yataqata ja 'nalegue.

Romanos 13:14

Ena'te jelaqaque joga'me neloiquiaĝac, dite da'me janaĝaiñe da'me Jaliaĝanec Jesús nataq'aen ena'te ñetaqaque gaa'me aleua lamaico.

Efesios 4:24

nataq'aen yataqata auacoñiyeguet da'me at'oyaĝaqui dalaĝaic jo'ne 'lonatac joñe'me Dios, qaedi male di'yoq da'me ami yataqatelo'te nataq'aen ami ja 'nalo'te.

Colosenses 4:12

Ami yamaĝalo lamaic ñe'me Epafras, mach'e lalemaĝajet ñe'me Cristo Jesús; nach'eñe jo'ne ami chiyaqauelo ca'li, qama'le nach'e eta't ami nachoĝodelo'te nale yauo'oe gaa'me netamenaĝaco, qaedi a'nañaĝachiyec da'me ami chimadichidiñe, yataqachiñe anaviquila't da'me qaedi auauoyi joda'me loequenataĝanaĝac joñe'me Dios.

Colosenses 3:10

Nataq'aen joote auaiñiñe da'me dalaĝaic at'oyaĝaqui 'me nichiquetajeguem, chayovida'a da'me ena'am da'me 'loyaĝac ñe'me Dios, nach'eñe jo'ne A'netoqo'chi, qaedi yataqachiñe nedo'ta't da'me auatetoñi.

Filipenses 2:5

Chane'eja 'noota qom nach'e eta't auadenaĝachi joga'me lelnataĝac joñe'me Jesucristo:

Santiago 1:18

Qa'a naq'aeta da'me jo'ne mach'e lelnataĝac joñe'me, da'me qo'mi yanema da'me nec'alaĝa jo'ne chiyaqayilo naa'me 'laqataqa jo'ne ejoda, qaedi ena'am ta'le qo'mi jala jo'ne 'uaechidiñe da'me mach'e 'lonataĝanaĝac.

Filemón 1:10

Qama'le nayi am jiyaĝanot qaedi avichoĝoden jo' qomle ñe'me Onésimo: avichoĝoden joñe'me qa'a mach'e yomataĝanaĝat, qama'le ena'am ga'me yataqachiñe yaleeja da'me jonetaue jana'me janjo' coñetaĝanaĝaiqui.

Colosenses 1:27

Nach'egaua jogaa'me jo'ne Dios jetaque yatetonaĝanaĝaneque joda'me p'ajaye lelnataĝac jo'ne jetaque ya'uo yemata'a't yema ga'me noyaqapi 'me uetedalegue jena'me aleua. Dojo' lelnataĝac jo'ne jetaque ya'uo nach'eda da'me lec'alaqataĝanaĝac ñe'me Cristo, joñe'me jo'ne ami uetauelo, nach'eñe jo'ne adeuataqataĝanaĝaqui 'me chiyaqayi da'me auacoñiyeguet qomle da'me mach'e at'onaĝaqui.

Colosenses 2:1

Chane'eja da'me jayem jetaque auayachiñe da'me yataqata jayem t'añi da'me yeloiquiaĝac yajouaĝa't da'me ami choqogaa'me Laodicea laje', nataq'aen ena'uaque jogaa'me jo'ne ja jayem 'te yateto'n.

Filipenses 2:17

Da'me jayem uotaĝa male jayem qoyalat qomle, qama'le da'me yeleuaĝa ena'am ta'le qoyen najaqajec jo'ne qoyecodelegue da'me mach'e adajaqajec 'me chiyaqayi da'me adepi'i. Qama'le qom naq'aeta jena'me jenjo', male yataqata jayem matac jo' qomle, qama'le ami ñetauanaĝa'u da'me yamaic, onolqa'tape da'me ami.

Filipenses 1:8

Dios joote yayaten da'me yataqata eja da'me ami ñetonata'n, nataq'aen da'me yataqata ami joqopitalo, nach'eda da'me yoqopich'i jo'ne jayem yanem ca'li joñe'me Jesucristo.

1 Juan 5:21

Ami yalaqapi, achiya'agueta jo' naa'me qonetamenapecoto jo'ne ja ejoda.

1 Juan 2:12

Ami yalaqapi, ami janema jenjo' 'yaqatac qa'a joote qoyapalaĝa't jodaa'me adoecodi', chiyoqotelegue da'me auacoñiyeguet joñe'me Jesús.

1 Juan 2:1

Ami yalaqapi, ami jamaĝalo jenjo' yediijec qaedi qaya'te ya'uo loec. Qalaĝaja, qom 'uo gamachaqaega ya'uo ga'me loec, qama'le joote 'uo joñe'me jo'ne qo'mi de'uolo'te jo'ne ne'tot joñe'me Qadet'a, mach'e Jesucristo jo'ne yataqatelegue.

Hebreos 5:7

Qama'le da'me 'uo ñe'me Cristo cha'li ueta'ña jena'me aleua, 'uo da'me lejamaĝa jo'ne neten da'me netamen, nataq'aen jalcote jana'me lachi' da'me nachoĝodenot joñe'me Dios, joñe'me jo'ne 'uo da'me lañoqotaĝanaĝac qaedi nec'alaĝate'guejop da'me neleuaĝa, qama'le ñe'me Dios domachiya joñe'me yajouaĝat da'me yataqata yoqo'cha.

Tito 1:4

Yamaic am janem am Tito, am jo'ne ena'am ta'le yataqachiñe am yalec qa'a qademaye da'me dojo' qadepe'e. 'Noota qom Dios mach'e Qadet'a nataq'aen ñe'me Qadejaliaĝanec Jesucristo am yanem da'me anichoĝodenataguec nataq'aen da'me at'emaĝac.

Filemón 1:19

Jayem Pablo, mach'e ñapoquena ledii's naa'me naajo', queda'me mach'e jejeten qomle. ¡Mate mane'e jaqanatet ta'le am ñetouenaĝanaĝanec queda'me dalaĝaic anejiyaĝauayaĝac ena'am ta'le ch'e anep'ia, qa'a am yecochiya ca'li, qaedi 'uo da'me adepe'e!

1 Timoteo 1:2

Yamaic am janem, am Timoteo jo'ne yataqata am yalec queda'me aua'uo da'me yepe'e. 'Noota qom Dios mach'e Qadet'a nataq'aen ñe'me Qadejaliaĝanec Jesucristo am yanema da'me anichoĝodenataguec choqoda'me anecochaguec nataq'aen da'me at'emaĝac.

Lucas 22:44

Qama'le queda'me yataqachiñe yapadiñe da'me lachoĝodec, Jesús ma'ejama'le 'uo da'me 'nañaĝataĝac da'me netametac, qama'le naliñi ga'me najoĝoyaĝa ena'am ga'me tauo' ñitaĝae.

2 Corintios 12:14

Nayi joote ñiyamaĝateta't qaedi ami jejapichiyalo nayi tres ami jec'atalo. Temaqaedita nayi ja ami 'te jiyaĝatapecoto qaedi jayem auañem jaga'me laicaua da'me jayem alecochiiya. Mach'e ami da'me jen p'ajaye q'aen, ja naqaga jaga'me laicaua; qa'a naqaegaua gaa'me net'al yapetetapega't nale jaga'me laicaua qaedi yanema jogaa'me c'oqo'te, ja naqaegaua gaa'me nec'oqo'te yauote da'me dojo' qaedi yanema gaa'me let'al. Qama'le ami mach'e yalaqapi.

1 Ts 2:7

Qalaĝaja ta'le ami jenaqateque da'me dojo' jo'ne ami jaloĝonaĝalo ga'me t'adaic nejaliaĝa jo'ne qo'mi ue'tajopa da'me qo'mi lamaĝa's joñe'me Cristo, qalaĝaja da'me qo'mi nach'edata da'me jadenaĝataq da'me qo'mita jaqayi't nale ami jouaqatauelo, ena'am jaga'me nat'e nale yataqata netela ga'me yataqata c'oqo'te.

3 Juan 1:4

Nataq'aen da'me dojo' yamaic jo'ne p'ajaye queda'me jayate'n jogaa'me yalaqapi queda'me 'nañaĝatela'ajalo quetedalegue da'me jo'ne chimaqachiñe.