Gálatas 4:18 - Nuevo Testamento Toba Sombrero Negro

¹⁸ Ja ja no'en qom aueloyegueta gaa'me jiyaĝa'u laqaya', qom ami yepagaqatetapeque da'me 'noota jogaa'me. Chane'eja qom eja jayem auenachetapega, qama'le nach'e eta't auauoyi da'me dojo' ja jaldata nale ami jouetauelo.

Nuevo Testamento Toba Sur

¹⁸ 'Eesa mque' da no'on da qanaquitta'a ca nÿa. Qalaxayi da no'on ca qoÿiitapeguec, qaq damayi no'on da nachi 'eetai' da qanayicto'ot. Qaq sa ishit da chaqdata da qami' soota'agueta.

La'aqtaqa Ñim Lo'onatac 'Enauacna 2013

¹⁸ Ỹaỹamaqchiguiñi da qaualaqaiguet ca lỹa shiỹaxaua da ỹaỹamaqchiguiñi cam huotaique qami' ỹo'oteque. Qaq da 'eesa da aỹem qavicheelec qaq nachera qoquiito'ot qaq saishet da nda'a't da qami' soota'agueta.

Gálatas 4:18 Referans Kwoze

Filipenses 2:12

Ami yaqaya'olqa, ca'li maliaĝa ami jouetauelo, yataqata jayem auoqochiiya nale 'uo ga'me ami jamaĝalo'te. Qama'le nayi da'me jayem qaya'a, jetaque nach'e ena'am auauoyi nale ga'me ami jamaĝalo'te. Chane'eja nach'e eta't a'nañaĝachi da'me a'nonaĝachiyegui joñe'me Dios qaedi yataqata ami 'noote', qaya'te auoviñetaque.

Apocalipsis 3:19

Da'me jayem jachimaĝategue da'me 'loyaĝa'j yema jogaa'me jo'ne joqopitalo, nataq'aen japaĝaguenataĝa'n jogaa'me. Chane'eja 'noota qom yataqata a'nañaĝachi qama'le a'niyelaqaeyot ñe'me Dios.

Tito 2:14

Nach'eñe qo'mi nep'aĝanegueta ca'li yeleu, qaedi qo'mi yachiyoĝotauelo gaa'me ja 'noe'n, nataq'aen qaedi qo'mi yataqachiñe qo'mi yiyo'y, qaedi mach'e qo'mi e'n Dios lec'oqo'tolqa, jo'ne qa'nañaĝatetac da'me jauoqo joda'me 'noota.

Filipenses 1:27

Nach'edata da'me yataqata aviyamaĝachetac da'me anejiyaĝauayaĝaqui, oquitapegue' da'me 'laqatac joñe'me Cristo, uotaĝa da'me yitaĝa ami jec'atalo uotaĝa ja naq'aeta, qa'a jetaque jomachiya queda'me nach'e eta't a'nañaĝachela't, yataqata onolec joda'me auauoyi nataq'aen onolec joda'me adeloiquiaĝaqui, nach'eda da'me ademiyalegue da'me adepi'i jo'ne chiyaqayi da'me 'naqataĝanaĝac jo'ne onaĝaic.

Gálatas 4:13

Nataq'aen joote auayachiñe, ca'li 'uaeñe ami japaĝagueneque da'me onaĝaic 'naqataĝanaĝac, ja'uo da'me dojo' chaqaedi da'me 'uo ga'me yapite'na jo'ne ya'uo yachoĝodec.

1 Corintios 15:58

Chane'eja, ami yaqaya'olqa jo'ne jalcote joqopitalo, 'noota qom a'nañaĝachela't, ja ami 'te damichidiñe, nataq'aen nach'e eta't a'vichiye da'me 'lonatac ñe'me Jaliaĝanec, nataq'aen auayachiñe queda'me qom adaloi'ta't da'me a'uonataĝañiuo'o ñe'me Jaliaĝanec qama'le ja yijamaĝajaye.

Juan 2:17

Qama'le jogaa'me lapaĝaguenataqa male netouetec ga'me nediijec jo'ne 'yaĝatetac: “Joda'me yec'atenaĝanaĝac jena'me at'emec yataqachiñe let'adaic da'me yoqopich'i, chayovida'a qom qoyen jayem qaya.”

Gálatas 4:20

¡Quiliajaĝa ami jouetauelo jena'me jenjo' nolo', qaedi ja'uo lajoĝoc laqaya da'me 'yaqatac! ¡Yataqachiñe ja jayaten ga'me ja'uo, nataq'aen ja jayaten ladic qoyen ga'me ami je'eteque!

Gálatas 4:17

Jogaa'me jo'ne jetaque ami yepagaqatetapeque da'me oqui'teguelo daa'me namaĝajoĝonaĝaco jo'ne qoyanema jogaa'me judiopi, jogaa'me yaloĝo'n da'me ami nedote'eneque. Qalaĝaja da'me yataqachiñe jetaque ami 'yeteque nach'edata da'me ami 'naĝa't, qa'a jogaa'me ami yepagaqatetapeque da'me ja jayem 'te auenache'ta dite jogaa'me a'uamaqachiñe'.