Gálatas 4:14 - Nuevo Testamento Toba Sombrero Negro

¹⁴ Qama'le ga'me yapite'na ena'am ta'le qoyen anapiyenaguequi jo'ne ami qoyanema, jo'ne ja jayem 'te a'uotañi nataq'aen ja jayem 'te a'uoitapeguet jo'ne jouaĝat ga'me yapite'na. Ja naq'aeta, dite da'me jayem auacoñiyeguet, ena'am ta'le jayem piyem le'ec 'me jachiyaqayi ñe'me Dios, ¡ena'am da'me nach'eñe ñe'me Cristo Jesús a'vichiyec da'me dojo'!

Nuevo Testamento Toba Sur

¹⁴ Qaq se'eso ÿalolaxa mayi aÿim hueta'ac, somayi chochi ñi'iguenaxat. Qalaxayi ñaqaiyita qami' sa ishit da aÿim qau'otañi, qataq sa ishit da aÿim sa qauacoñiiguet. Chaqdata da qoñiita'am qanqashiñi aÿim ca chigaqshiguem Dios lamaxashic, qataq 'eeta'am qanqashiñi da nachaÿim Jesucristo.

La'aqtaqa Ñim Lo'onatac 'Enauacna 2013

¹⁴ Na'aictaxa da se'eso ỹalolaxa da qami' ỹo'oteque da qalota qarqalaiqui, qalaxaye qami' saishet da aỹem qauo'otañi qataq saishet da aỹem sa qauacoñiiguet. Nachaqrata da aỹem qauacoñiiguet naua qarma'achilli' 'eeta'am aỹem qanqa'eñi ca lamaxashec Ñim Lo'onatac 'Enauacna, ¡huo'otaq nacheso So Jesucristo!

Gálatas 4:14 Referans Kwoze

Mateo 10:40

Qom 'uo ga'me ami yaconegueta, qama'le naqayem da'me jayem yaconeguet; nataq'aen ga'me jo'ne jayem yaconeguet, qama'le nach'e ena'am yaconeguet ñe'me jo'ne jayem namaĝaquena.

1 Ts 2:13

Chane'eja da'me qo'mi, nach'e eta't da'me janemaĝam da'me qadamaic joñe'me Dios, yajouaĝat da'me auomachiiya ca'li ga'me qadapaĝaguenataĝanaĝac, jo'ne mach'e 'laqataqa ñe'me Dios, qama'le yataqata auacoñiyeguet ga'me, ja aueñetapega ta'le ch'e jiyaĝaua 'laqatac. Qa'a eja yataqata Dios mach'e 'laqataqa, qama'le yataqata eja 'uo joga'me ami chiyaqayilo, da'me ami jo'ne male yataqata eja auep'iiya'a.

Hebreos 13:2

Nataq'aen ena'te aĝañiñi da'me auauoyi ga'me 'lochaqa' joga'me ami yovida'alo, qa'a uo'oe jogaa'me jo'ne naq'aeta da'me yauote ca'li, qama'le ja yayate'n da'me nach'egaua gaa'me piyem laje' jo'ne ue'tajopa.

2 Corintios 5:20

Chane'eja nach'e qo'mi lamaĝa's ñe'me Cristo qaedi ja'aĝataqatac joñe'me, nataq'aen ena'am ta'le nach'eñe ñe'me Dios ami nachoĝodetapecoto qaedi anaquiaĝañiya da'me qat'aqataĝanaĝac. Qama'le ñe'me Cristo qo'mi 'yelopeque da'me ami ñachoĝodenaqatapecoto qaedi auacoñiyeguet da'me 'lemaĝac ñe'me Dios jo'ne ami yanema.

1 Ts 4:8

Chane'eja, joga'me jiyaĝaua jo'ne 'yota'n naa'me naajo' napaĝaguenataĝanaĝaco, ja ena'am ta'le 'yotan ga'me ch'e jiyaĝaua, dite da'me 'yotan joñe'me Dios, ñe'me jo'ne joote qo'mi yanema joñe'me Lepaqal jo'ne ja 'nalegue.

Gálatas 4:13

Nataq'aen joote auayachiñe, ca'li 'uaeñe ami japaĝagueneque da'me onaĝaic 'naqataĝanaĝac, ja'uo da'me dojo' chaqaedi da'me 'uo ga'me yapite'na jo'ne ya'uo yachoĝodec.

1 Corintios 4:10

Qo'mi, queda'me qolaĝague ñe'me Jesús, ena'am ta'le qo'mi chiyoĝo's, ami qamqa'me ami yatenaĝanaĝayaqa queda'me oquiyegue ñe'me Jesús; qaya'te qat'añaĝac qalaĝaja ami qamqa'me ami 'uañaĝayaqa; ami qo'nonaĝachiguilo nale, qalaĝaja qo'mi qamqa'me qo'mi qo'yota'tape nale.

1 Corintios 1:28

Dios 'yatetelo'te ga'me qo'yota'tape jogaa'me jo'ne qo'enapegalo ja p'ajodaye qaedi pa'l q'ae'n gaa'me jo'ne qo'enapegalo p'ajodaye.

Juan 13:20

Male yataqata eja da'me dojo': gamachaqaega joga'me jo'ne yaconeguet joga'me yamaĝajec, nach'e ena'am jayem yaconeguet. Nataq'aen qom jayem yaconeguet, nach'e ena'am yaconeguet joñe'me jo'ne jayem namaĝaquena.”

Lucas 10:16

“Joñe'me jo'ne ami naquiaĝanalo, mach'e jayem naquiaĝana; joñe'me jo'ne ami 'yota'tape, mach'e jayem 'yotatac. Nataq'aen ñe'me jo'ne jayem 'yotatac, mach'e 'yotatac ñe'me jo'ne jayem namaĝaquena.”

Mateo 25:40

Qama'le ja'ategueta qomle, jenaac: «Eja ami ja'aĝatema queda'me yema gaa'me jo'ne a'vichiyeque naajo' yaqaya'olqa 'me 'najode' qama'le nach'ayem jo'ne jayem a'vichiyec da'me dojo'.»

Mateo 18:5

Nataq'aen joñe'me jo'ne jayem naquiaĝana qama'le yaconeguet ga'me notolec ena'am jenjo', mach'e jayem yaconeguet.

Gálatas 3:26

Ami joote auep'iiya'a ñe'me Jesucristo, qo'che' ena'uaque ami joote ami Dios lec'oqo'tepi,

Gálatas 3:28

Chane'eja male ja p'ajaye da'me ami judiopi uotaĝa ja ami 'te judiopi, qom ami nelataqa uotaĝa uojotedañi, uotaĝa ami le'emdipi uotaĝa ami yauodipi, qa'a ena'uaque ami qoyapetenegueta ñe'me Cristo qama'le ena'uac nalo'ta't.

Gálatas 4:15

Qalaĝaja, ¿jach'e ga'me p'ayapegue da'me dojo' 'uaeñe adamaiqui ca'li jo'ne ami uetauelo mañaĝa? Ca'li yataqachiñe ja aueñi 'te qalaq da'me auacoñiyeguet, chayovida'a ta'le anaqachi' naa'me at'aechidi' qaedi jayem auañema.