Gálatas 3:27 - Nuevo Testamento Toba Sombrero Negro

²⁷ qa'a ca'li ami qonachilaĝa'n, nach'e ena'am ami qoyapetenegueta ñe'me Cristo, qama'le nayi da'me adajoĝoqui auañiya'am joñe'me.

Nuevo Testamento Toba Sur

²⁷ Qaq ÿoqo'oyi 'enauac da qoñiita mayi qaunoxoñiu'a da qan'ayiitau'a so Cristo can qami' qanachilaxa'n. Huaña, nachi qami' ÿanaxanaxaanguilo da lataxac somayi, 'eeta'am ca yi'oqchigui nogoxot.

La'aqtaqa Ñim Lo'onatac 'Enauacna 2013

²⁷ Cha'aye co'ollaq qami' qanachelaxa'n, nache qami' qana'ayeeua'a So Cristo, qaq nagui qami' qoñiita'am Somaye.

Gálatas 3:27 Referans Kwoze

Romanos 13:14

Ena'te jelaqaque joga'me neloiquiaĝac, dite da'me janaĝaiñe da'me Jaliaĝanec Jesús nataq'aen ena'te ñetaqaque gaa'me aleua lamaico.

1 Corintios 12:13

Qa'a joca'li qo'mi qonachilaĝa'n, nach'eñe ñe'me Dios Lepaqal qo'mi 'yeteque da'me ena'am ta'le onolec da'me qat'oyaĝac, joga'me griegopi nach'e ena'am joga'me judiopi, jogaa'me nelataqa nataq'aen jogaa'me yiyamaqachidiñe, qama'le Dios qo'mi ena'uac yecodelo'te nach'eñe ñe'me mach'e Lepaqal.

1 Pedro 3:21

Qama'le nach'ega ga'me noĝop male yelo'teguet da'me chilaĝanataĝanaĝac, jo'ne nach'e ena'am male chiyaqayi da'me ami qonec'alaĝatedegue. Qalaĝaja da'me chilaĝanataĝanaĝac ja naqaega ta'le yiyo na'me qado'oc, dite da'me qoyiyaĝanot ñe'me Dios qaedi en yoqovita na'me qadauel, yajouaĝat da'me qo'mi nec'alaĝatedegue joñe'me Jesucristo jo'ne 'niyelaĝajeguem joca'li.

Colosenses 3:10

Nataq'aen joote auaiñiñe da'me dalaĝaic at'oyaĝaqui 'me nichiquetajeguem, chayovida'a da'me ena'am da'me 'loyaĝac ñe'me Dios, nach'eñe jo'ne A'netoqo'chi, qaedi yataqachiñe nedo'ta't da'me auatetoñi.

Efesios 4:24

nataq'aen yataqata auacoñiyeguet da'me at'oyaĝaqui dalaĝaic jo'ne 'lonatac joñe'me Dios, qaedi male di'yoq da'me ami yataqatelo'te nataq'aen ami ja 'nalo'te.

Hechos 2:38

Pedro 'yategueta jogaa'me: —A'niyelaqaeyot joñe'me Dios, nataq'aen onolqa'tape ami auacoñiyeguet da'me nachilaĝanataĝanaĝac jo'ne en di'yoq da'me auep'iiya'a joñe'me Jesucristo, qaedi Dios yapalaĝa't jodaa'me adoecodi', qama'le nach'eda naq'aeta ami qoyanema joñe'me Dios Lepaqal jo'ne ja 'nalegue.

Romanos 3:22

Chiyaqayi da'me jep'iyaqa ñe'me Jesucristo, Dios e'n yataqatelo'te ena'uaque jogaa'me p'iida'a. Chane'eja qaya'te yaguegue, uotaĝa judiopi uotaĝa ja judiopi.

Hechos 16:15

Qonachilaĝan ca'li nataq'aen ena'uaque gaa'me jo'ne mach'e laqaya'. Ca'li yem qama'le qo'mi nachoĝodenoto: —Qom aueñetapega queda'me yataqachiñe jep'iya'a ñe'me Jaliaĝanec, qama'le jayem anec'achiya qaedi oviya'a di'me 'yachaqa'. Qama'le qo'mi paquetapegue'to qaedi jouaqa'tedi.

Hechos 8:16

Qa'a maliaĝa qaya'te yaconeguet ñe'me Dios Lepaqal jogaa'me; jaldata da'me yacoteguet da'me nachilaĝanataĝanaĝac queda'me lenaĝat ñe'me Jaliaĝanec Jesús.

Hechos 9:18

Qanach'e paja'a ena'am ta'le liyo ga'me ualo'te gaa'me 'lae'te ñe'me Saulo qama'le yauanac. Chane'eja ñijeguem ca'li qama'le qonachilaĝan.

Lucas 15:22

Qalaĝaja ñe'me let'a yamaĝalo'te gaa'me lalemaĝaje'te: «Paja'a anedoyidegue ga'me leuo 'me onaĝayaqa qama'le auañiyayelo; nataq'aen auañiyaye ga'me nechijaĝa jaga'me liaĝata choqogaa'me lapela'te naa'me lapia'te.

1 Corintios 10:2

Chane'eja, ena'uaque jogaa'me yoqoteteda'aguet di'me Moisés qa'a ena'am ta'le chiyaqayi ga'me piyem lo'oc nataq'aen ga'me noĝop let'a da'me qonachilaĝa'n.