Gálatas 3:24 - Nuevo Testamento Toba Sombrero Negro

²⁴ Daa'me namaĝajoĝonaĝaco ena'am ga'me qanapaĝaguenoqo't ca'li, jo'ne qo'mi yauequeteda'ague ga'me qadadic qama'le qo'mi yovidaĝateda'a ñe'me Cristo, qaedi Dios male qo'mi yataqatelo'te q'ae'n queda'me jep'iyaqa ñe'me.

Nuevo Testamento Toba Sur

²⁴ Qanachi ne'ena nqataxacpi co'ollaxa chochi qomi' ilotagueto, 'eeta'am naq'en qomi' ca nogotolec da qomi' ÿapaxagueeta'pe, ivitta'a co'ollaq nvi' so Cristo, yaqto' da sa'amaqtenaq somayi, nachi ñi Dios ishit da qomi' ÿaÿamaxadeete'.

La'aqtaqa Ñim Lo'onatac 'Enauacna 2013

²⁴ Na namaxasoxonaxacpi 'eeta'am ca napaxaguenataxanaq da qomi' ỹaueca'agueta da qomi' ỹauegalo So Cristo, yaqto' Ñim Lo'onatac 'Enauacna qomi' ỹaconegueta souaxat da huo'o da qarpi'iỹaxac Ñimaye.

Gálatas 3:24 Referans Kwoze

Romanos 10:4

Qa'a daa'me namaĝajoĝonaĝaco mach'e loiquiaqa'yaĝac da'me yovita ñe'me Cristo, qama'le naq'aeta da'me ena'uaque qom 'uo da'me lepe'e' yaqanate't da'me yataqatelo'te q'ae'n.

Gálatas 2:16

qalaĝaja jayatenaq queda'me jaldata ñe'me Dios yataqatelo'te q'ae'n jogaa'me jo'ne p'iida'a ñe'me Jesucristo, nataq'aen qaya'te gamachaqaega yaqanatet ta'le nec'aliyi daa'me namaĝajoĝonaĝaco nach'edi qom te'me que'teguelo. Chayovida'a mach'e qo'mi da'me jep'iyaqa ñe'me Jesucristo qaedi Dios qo'mi yataqatelo'te q'ae'n queda'me 'uo da'me qadepe'e, qa'a ñe'me Dios qaya'te gamachaqaega yataqatelo'te q'ae'n qom nach'edata da'me que'teguelo jodaa'me namaĝajoĝonaĝaco.

Colosenses 2:17

Ena'uaque naa'me naajo' nach'enaua ch'e lequi'il ga'me jo'ne di'yoq qom'te, qalaĝaja da'me yataqachiñe yataqatelegue eja nach'eñe ñe'me Cristo.

Gálatas 2:19

Gaa'me namaĝajoĝonaĝaco jayem yachetalegue da'me neleuaĝa, qama'le ena'am ta'le jeleu, qa'a jouaĝat gaa'me namaĝajoĝonaĝaco. Qalaĝaja ¡nayi ñec'aletaye q'aen ñe'me Dios! Yataqachiñe eja da'me ena'am ta'le jayem qoyep'enajeguem, jouetalegue jaga'me sodoso, joueta'ñe' ñe'me Jesucristo,

Gálatas 3:25

Qalaĝaja nayi novitequena da'me laloqo' da'me male jaqanatetaq ta'le jep'iyaqa ñe'me Jesucristo, male ja jouenaqataque ta'le qo'mi yaue'j daa'me namaĝajoĝonaĝaco uotaĝa ta'le qo'mi yapaĝague'n.

1 Corintios 4:15

Qa'a nayi queda'me oquiyegue ñe'me Cristo male qayoĝode' gaa'me adajoĝola'chidi', qalaĝaja jaldata da'me 'uo ñe'me onolec jo'ne ena'am ta'le adet'ai. Ena'am ta'le naqayem da'me jayem adet'ai, qa'a nach'ayem ca'li ami ja'aĝatema da'me onaĝaic 'naqataĝanaĝac, chane'eja ami auep'iiya'a joñe'me Jesucristo.

Romanos 9:30

Qama'le da'me dojo', ¿jach'e ga'me jenaqaac? Da'me chiyaqayi da'me nepe'e, Dios e'n yataqatelo'te q'ae'n joga'me ja judiopi, jo'ne ja yelotedaque ga'me chimaqachiñe.