Gálatas 3:21 - Nuevo Testamento Toba Sombrero Negro

²¹ Chane'eja dojo' ja yelo'teguet ta'le ena'am da'me yotauan ga'me yaqataĝañi 'laqatac ñe'me Dios. ¡Yataqachiñe ja naq'aeta! Qa'a ta'che da'me namaĝajoĝonaĝac yaqanatet da'me qo'mi yanema ga'me qadec'alaĝa jo'ne qaya'te loiquiaqa', qama'le Dios qo'mi yataqatelo'te q'ae'n qa'a qolaqa'teguelo jogaa'me.

Nuevo Testamento Toba Sur

²¹ Qaq ¿damaxa peta'a 'eetega da na nqataxacpi mayi chigoqo'ot so Moisés 'ico' da npa'aguene' dam ÿachaxanapec co'olloxochiyi ñi Dios? 'A'i, sa ishit da nachi 'eetec de'eda. Cha'ayíctaxa da huo'otaq qoÿan ca nqataxac da ishit da deca'alaqtaxan, qanachi ishíttaxa da huo'o ca ÿaÿamaxadeeta ñi Dios souaxat da i'ot cam damaxasoxoolec na nqataxacpi.

La'aqtaqa Ñim Lo'onatac 'Enauacna 2013

²¹ Qaq de'era saishet da naigui da na namaxasoxonaxacpi dataỹa'aguet da ỹachaxanapec Ñim Lo'onatac 'Enauacna. ¡'A'i! Cha'aye da na namaxasoxonaxacpi qomi' ỹanema ca nca'alaxa maye chochaq tatec, nache Ñim Lo'onatac 'Enauacna qomi' ỹaconegueta souaxat da salaxasoxoguet na namaxasoxonaxacpi.

Gálatas 3:21 Referans Kwoze

Gálatas 2:21

Chane'eja ja jemaĝaguet da'me loqopich'i ñe'me Dios, qa'a ta'le ñe'me qo'mi yataqatelo'te q'ae'n queda'me qolaqa'teguelo daa'me namaĝajoĝonaĝaco, qama'le qaya'te chiyaqayi da'me leleuaĝa ñe'me Cristo.

Romanos 9:31

Mate mane'e joga'me Israel c'oqo'tepi jetaque yachiyoĝotedalegue gaa'me namaĝajoĝonaĝaco da'me yachimadichidiñe, qalaĝaja ja yaqanate't.

Gálatas 2:19

Gaa'me namaĝajoĝonaĝaco jayem yachetalegue da'me neleuaĝa, qama'le ena'am ta'le jeleu, qa'a jouaĝat gaa'me namaĝajoĝonaĝaco. Qalaĝaja ¡nayi ñec'aletaye q'aen ñe'me Dios! Yataqachiñe eja da'me ena'am ta'le jayem qoyep'enajeguem, jouetalegue jaga'me sodoso, joueta'ñe' ñe'me Jesucristo,

Gálatas 2:17

Chane'eja qo'mi jepagaqatapega ta'le qo'mi yaconegueta ñe'me Dios yajouaĝat da'me qademe'teguet ñe'me Cristo. Qalaĝaja da'me jauoqo da'me dojo' male jayatenaq queda'me nach'e ena'am qo'mi loeco lo'olpi jenaqa'ama gaa'me jiyaĝadipi jo'ne neda'ña gaa'me ale'u lael. Chane'eja, ¿qo'li jenaĝa qadelnataĝac joona queda'me chiyaqayi da'me dojo' Cristo qo'mi yauegouelo da'me qadoec? ¡Naq'aeta taĝa! ¡Yataqachiñe ja naq'aeta!

Romanos 3:31

Chane'eja da'me 'uo da'me qadepe'e, ¿qo'li ja jenaĝa 'te lajo'vi da'me namaĝajoĝonaĝaco? ¡Qa'ejo' ja naq'aeta! Dite da'me jachimaĝataĝañi da'me lajo'viyaĝa'j naa'me namaĝajoĝonaĝaco.

Romanos 3:4

¡Qa'ejo' ja naq'aeta! Dite da'me nach'eda yataqatelegue ñe'me Dios da'me 'tonataĝan, mate mane'e qovinaĝanaĝaic ga'me ch'e jiyaĝaua; qa'a naa'me nedii's eet'oi: “Am qo'ene'tem yataqatelegue ga'me anenaĝategue. Qama'le 'uo da'me adomataĝanaĝac qom am qonemitaque ga'me adajouaĝajet.”

Romanos 3:6

¡Qa'ejo' ja naq'aeta! Qa'a ta'le Dios ja yataqatelegue, ¿qo'li nalo'oguet da'me naloqoten jena'me aleua?

Hebreos 11:7

Ñe'me Noé yataqata p'iya'a ñe'me Dios joca'li 'uo da'me 'yaĝatem, queda'me uo'oe qomle jogaa'me jo'ne maliaĝa ja qoyauanalo. Qama'le Noé paja'a da'me yoqo'cha joca'li, ye'et jaga'me nelicota lat'edai, qaedi nec'alaĝatedegue gaa'me 'lachaqadiaĝa'u. Chane'eja da'me lepe'e ñe'me Noé, nach'eda jo'ne yaloĝon da'me qoya'uo ga'me ne'uaĝanague'j jogaa'me jiyaĝa'u jo'ne neteda'ña jena'me aleua. Qama'le chiyaqayi da'me lepe'e ñe'me Noé, nach'eñe yataqata qoyiyamaĝaden.

Lucas 20:16

Ami ja'aĝatema queda'me naequena qomle qama'le yala't jogaa'me onataĝanaĝayaqa, nataq'aen ga'me uva lichidijat yanema gaa'me jiyaĝa'u laqaya'.” Mane'e ca'li domachita da'me dojo' jogaa'me, enapega't: —¡'Noota qom ja naq'aeta da'me dojo'!

2 Corintios 3:7

Dios yedelo'te ca'li gaa'me qadi da'me yedidiñe gaa'me lamaĝajoĝonaĝaco, qama'le yanema ñe'me Moisés. Mate mane'e gaa'me namaĝajoĝonaĝaco 'yaĝatetedac da'me qadeleuaĝa qa'a jouaĝa't joga'me qadoeco, jojo' nolo' yataqachiñe p'ajaye ca'li, chayovida'a da'me 'uo da'me laqaselegaĝac ga'me latajoĝoc ñe'me Moisés ca'li. Nataq'aen ga'me laqaselegaĝac yataqachiñe 'uo da'me 'lañaĝac qama'le ga'me israelpi ja yaqanate't ta'le dajoeda'aguet ñe'me Moisés ta'le yec'ate'n. Qalaĝaja ga'me lauaqayaĝac ja cop'a ca'li paja'a yitaĝa pal.

Gálatas 6:14

Jayem qamqa'me nach'edata 'uo da'me ñi'yoĝodenaĝac da'me jaconeguet da'me jo'ne chiyaqayi da'me leleuaĝa ñe'me Qadejaliaĝanec Jesucristo. Qa'a jouaĝat da'me leleuaĝa ñe'me, male ja jen 'te p'ajaye ga'me jo'ne jenjo' aleua 'me ja no'en jayem yachalegue. Ena'am da'me jenjo' aleua joote jeleualegue.

Hebreos 7:18

Chane'eja da'me 'uaechiñe namaĝajoĝonaĝac male qoyapalaĝat, qa'a qaya'te 'lañaĝac joca'li choqoda'me qaya'te chiyaqayi.

Hebreos 7:19

Qa'a daa'me namaĝajoĝonaĝaco jo'ne qoyanema joca'li ñe'me Moisés ja yañoĝo't ta'le e'n yataqatelo'te ga'me jiyaĝadipi. Qalaĝaja nayi male 'uo da'me dojo' qadeuataqataĝanaĝac jo'ne onaĝaic, qa'a nach'eda jo'ne male jaqanatetaq ta'le jec'otaĝa joñe'me Dios.