Gálatas 3:20 - Nuevo Testamento Toba Sombrero Negro

²⁰ Qalaĝaja ca'li yaqataĝañi da'me 'laqatac ñe'me Dios jo'ne yanem ñe'me Abraham, ja ya'uo ga'me lamaĝajec jo'ne 'laqataĝanaĝanec, dite da'me nach'eñe ya'uo da'me dojo' 'laqatac.

Nuevo Testamento Toba Sur

²⁰ Qalaxayi sa ishit da qaiuen ca chochi ntaxaÿaxanaxanec da huo'o ca ÿachaxanapec ca 'oonolec shiÿaxaua. Qaq ñim Dios 'oonolec, qaica ca lÿa.

La'aqtaqa Ñim Lo'onatac 'Enauacna 2013

²⁰ Qalaxaye co'ollaxa Ñim Lo'onatac 'Enauacna da huo'o so ỹachaxanapecot so Abraham, nache saishet da iuen ca la'aqtaxanaxanec, nachaqrata da ỹataqta nma'ai' da detaqtague'.

Gálatas 3:20 Referans Kwoze

1 Timoteo 2:5

Qa'a jayatenaq queda'me qaya'te Dios laqaya jo'ne p'ajaye, nataq'aen onolec ga'me jiyaĝaua jo'ne qadetaĝayaĝanaĝanec uotaĝa dauegaqataĝanot joñe'me Dios, nach'eñe ñe'me Cristo Jesús,

Hebreos 9:15

Chane'eja ca'li yeleu joñe'me Jesucristo, male yiyamaĝatetac da'me 'namaqatenataĝanaĝac jo'ne dalaĝaic. Qa'a chiyaqayi da'me leleuaĝa joñe'me, male qoyapalaĝa't jogaa'me loeco joga'me jiyaĝadipi, jogaa'me lejamaĝataĝaco jo'ne e'n 'naĝa't da'me 'namaqatenataĝanaĝac jo'ne 'uaechiñe. Chane'eja nach'egaua ga'me jiyaĝadipi jo'ne joote qoyiyaĝanalo, male yaqanate't ta'le yacoteguet da'me 'noota jo'ne qaya'te loiquiaqa', da'me jo'ne joote qo'yaĝatema joca'li.

Hebreos 8:6

Qalaĝaja nayi ñe'me mach'e Qadetaĝayaĝanaĝanec jo'ne ne'tague di'me piyem male yaconeguet da'me 'nonataĝanaĝac jo'ne p'ajaye, da'me yiyamaĝatetac ga'me onaĝaic jo'ne qat'amaqatenataĝanaĝac qaedi male jaqanatetaq ta'le ñiyamaĝadenaĝaguet joñe'me Dios, qa'a nach'ega jo'ne chiyaqayilo gaa'me onaĝayaqa jo'ne joote qo'mi qoyaloĝonalo.

Hebreos 12:24

Nataq'aen auec'achiya joñe'me Jesús, nach'eñe jo'ne joote yomat da'me dalaĝaic 'namaqatenataĝanaĝac, qama'le nach'e ena'am jaga'me letauo' jo'ne naliñi joca'li qaedi en qo'mi yoqovite' q'ae'n, jaga'me jo'ne nach'e ena'am da'me qo'mi 'yaĝatema da'me onaĝaic, jo'ne ja ena'am jaga'me letauo' ñe'me Abel.

Gálatas 3:17

Jenjo' jetaque ami ja'aĝatema: ga'me Dios yaqataĝañi ja naqaeda ta'le ua'edi yaqataqaten uotaĝa ja ya'uo 'te lajo'viyaĝac ga'me onolec namaĝajoĝonaĝac jo'ne Dios yanegue ca'li yenoĝodegue cuatrocientos treinta gaa'me 'uoidi.

Hechos 12:20

Herodes dalematatapegalo ca'li gaa'me 'lachaqa't di'me Tiro nataq'aen Sidón, qama'le jogaa'me nejoĝona't qaedi yec'adeta joñe'me. Qama'le queda'me nañoĝodeta da'me niyamaĝadenegueta ñe'me Blasto, jo'ne p'ajaye lecochaĝaua ñe'me jaliaĝanec Herodes, qama'le nach'eñe qochiyoĝotayi da'me qoyiyaĝanaque da'me 'lemaĝac, qa'a di'me Tiro nataq'aen Sidón chiyaqapi'ña da'me leuoyaĝac di'me 'naleua ñe'me jaliaĝanec.