Gálatas 3:17 - Nuevo Testamento Toba Sombrero Negro

¹⁷ Jenjo' jetaque ami ja'aĝatema: ga'me Dios yaqataĝañi ja naqaeda ta'le ua'edi yaqataqaten uotaĝa ja ya'uo 'te lajo'viyaĝac ga'me onolec namaĝajoĝonaĝac jo'ne Dios yanegue ca'li yenoĝodegue cuatrocientos treinta gaa'me 'uoidi.

Nuevo Testamento Toba Sur

¹⁷ Qaq dam shiitega 'eeta': Ñi Dios co'olloxochiyi i'ot so naÿamaxataxac da naÿamaxate' so Abraham. Qaq co'ollaq ime, nachi nanedelec. Qaq co'ollaq mashi ivi' naua cuatrocientos treinta vi'iyi, qanachi anac so nqataxacpi, chigoqchigui so Moisés. Qalaxayi se'eso nqataxacpi sa ishit da huo'otaq nlaxajñi se'eso aÿamaxataxac, qataq sa ishit da huo'otaq qaica ca naigui naq'en dam ÿachaxanapec ñi Dios.

La'aqtaqa Ñim Lo'onatac 'Enauacna 2013

¹⁷ Qaq dam sheetega 'eeta': dam ỹachaxanapec co'ollaxa Ñim Lo'onatac 'Enauacna, damaye saishet da naralaxat huo'otaq da qaica naqa'en ca naigui na namaxasoxonaxacpi maye ỹan Ñimaye co'ollaq mashe ivi' soua cuatrocientos treinta vi'iye.

Gálatas 3:17 Referans Kwoze

2 Corintios 1:20

qa'a nach'eñe ñe'me chiyaqayi da'me yepaquichiguilo ena'uaque ga'me jo'ne joote Dios 'yaĝa'tape jo'ne jetaque yauo'oe. Qo'che' nale 'ñonaĝataĝaye ñe'me Dios, jenaqaac “Jaja'a, nach'e naq'aeta da'me dojo',” chiyoqotelegue ñe'me Cristo Jesús.

Romanos 3:3

Chane'eja ¿jach'e ga'me eeta? Qom uo'oe gaa'me ja yataqatelo'te, ¿qo'li Dios yaĝañi da'me yepaquichigui ga'me 'laqatac?

Colosenses 2:4

Qama'le ami ja'aĝatema da'me dojo' qaedi qaya'te ami yoqovineque qomle gaa'me 'laqataqa qaedi ami 'naĝa't.

Gálatas 5:4

Jogaa'me jo'ne eetedapega Dios yaconegueta queda'me que'teguelo daa'me namaĝajoĝonaĝaco, de'uotedapeguet da'me loqopich'i ñe'me Dios qama'le ja yemetede'eguet ñe'me Cristo.

Gálatas 3:15

Ami yaqaya'olqa, 'uo ga'me yaloqotenaĝanaĝaiqui 'me ami janema jo'ne gamachaqaega yaqanatet ta'le yayaten. Qom 'uo ga'me jiyaĝaua nayate'ne' ga'me jiyaĝaua laqaya da'me niyamaĝadenapega't, qama'le yauote ga'me nede lae jo'ne nededelegue, chane'eja qaya'te gamachaqaega yaqanatet da'me yapalaĝat uotaĝa 'uo ga'me noqotetenegue.

1 Corintios 1:17

Qa'a Cristo ja jayem 'te yamaĝalegue qaedi ami ñachilaĝa'n, dite da'me ami ja'aĝatema da'me onaĝaic 'naqataĝanaĝac. Qalaĝaja naa'me 'yaqataqa ja chiyaqayilo gaa'me jiyaĝaua layatenaĝanaĝaco, qaedi ja yejamaĝajaye da'me leleuaĝa ñe'me Cristo ca'li qoyep'enaje'mec jaga'me sodoso.

Juan 1:17

Qa'a daa'me Dios lamaĝajoĝonaĝaco qoyanema joca'li ñe'me Moisés, qalaĝaja da'me jo'ne chiyaqayi ñe'me Jesucristo, naqaeda da'me Dios lichoĝodenataĝanaĝac nataq'aen da'me yataqachiñe eja.

1 Pedro 1:20

Joñe'me Cristo nach'eñe jo'ne qoyaqataĝata't joca'li maliaĝa jona'li 'uo jena'me aleua, qoyequetelegue da'me dojo' jo'ne qoyamaĝalegue. Qalaĝaja nayi naa'me naajo' noloqo'ote jo'ne p'atedegue male qoyaloĝon qaedi yataqata ami yichoĝode'n.

Hebreos 11:13

Nach'ediaua dia'me jiyaĝa'u yataqata p'iida'a joñe'me Dios chayovida'a da'me yele'u, qalaĝaja ja yacoteguet gaa'me uo'oe jo'ne Dios te'me 'yaĝatema, dite da'me ena'am ta'le yauanalo da'me te'me qaya'alo. Qama'le yataqata made'tapolqa ca'li jodia'me, mate mane'e da'me nechoĝotela'ajalo da'me ena'am ta'le ja 'lachaqa't jena'me aleua joca'li.

Hebreos 7:18

Chane'eja da'me 'uaechiñe namaĝajoĝonaĝac male qoyapalaĝat, qa'a qaya'te 'lañaĝac joca'li choqoda'me qaya'te chiyaqayi.

Efesios 4:17

Da'me jayem lamaĝajec ñe'me Qadejaliaĝanec, qama'le nayi jenjo' ami ja'aĝatema: ami jachitatatapegalo ta'le ja auadenaĝachi gaa'me jo'ne ja p'iida'a joñe'me Dios, jo'ne que'teguelo gaa'me ch'e lelnataĝaco jo'ne ja 'noe'n.

Gálatas 3:21

Chane'eja dojo' ja yelo'teguet ta'le ena'am da'me yotauan ga'me yaqataĝañi 'laqatac ñe'me Dios. ¡Yataqachiñe ja naq'aeta! Qa'a ta'che da'me namaĝajoĝonaĝac yaqanatet da'me qo'mi yanema ga'me qadec'alaĝa jo'ne qaya'te loiquiaqa', qama'le Dios qo'mi yataqatelo'te q'ae'n qa'a qolaqa'teguelo jogaa'me.

2 Corintios 9:6

'Noota qom anetoviñetac da'me dojo': “Ga'me jo'ne jaleca ga'me yanegue, jaleca ga'me qoyanem; ga'me jalcote ga'me yanegue, jalcote ga'me qoyanem.”

1 Corintios 10:19

Chane'eja, ¿jach'e jogamaĝa jen yelo'teguet da'me ñenaĝategue da'me dojo'? Ja ñenaĝategue ta'le naqaegaua p'ajodaye gaa'me ch'e nequi'il, uotaĝa jenaĝa diyachitapiyelo naa'me qadai'li queda'me joote nemenec ga'me lapat da'me qoyanema gaa'me ch'e nequi'il.

1 Corintios 7:29

Ami yaqaya'olqa, ami jayataĝadeneque: ja cop'a qomle novideda'aquena gaa'me p'atedegue noloqo'ote. Chane'eja gaa'me jo'ne ja jamaĝayaqa, yataqachiñe 'noota ta'le yacoteguet da'me ena'am ga'me jamaĝaic.

1 Corintios 1:12

Qama'le ami 'uo ga'me enaac: “Jayem jequegue ñe'me Pablo”; laqaya enaac: “Jayem jequegue ñe'me Apolo”; laqaya enaac: “Jayem jequegue ñe'me Pedro”; nataq'aen laqaya enaac: “Jayem jequegue ñe'me Cristo.”

Romanos 3:25

Cristo naliñi jaga'me letauo' ca'li; nach'eda Dios 'yetem da'me lo'o q'aen da'me qoyapalaĝa't jodaa'me qadoeco. Dojo' napalaqataguec joga'me noecopi, chiyaqayi da'me nepe'e da'me maqachaĝa qoyovidalegue. Naq'aeta da'me jetaque yaloĝon ñe'me Dios da'me qo'mi e'n yataqatelo'te; yapalaĝa't gaa'me qadoeco jo'ne joote jauoqo'oe ca'li.

Hechos 7:6

Uoja'eda, Dios 'yaĝatem gaa'me c'oqo'tepi queda'me neda'ña qomle ga'me aleua da'me ena'am ta'le ch'e uoĝoyaqa, nataq'aen da'me qoyen nelataqa qomle nalo'taguet cuatrocientos 'uoidi da'me qoya'uo lachoĝode'j.

Gálatas 5:16

Qo'che' ami jaqateque da'me auoqochiiya ñe'me Dios Lepaqal qama'le ja auauoyi lamaic ga'me ja no'en ta'le a'vichi.

Efesios 2:12

da'me ja ami 'te judiopi jo'ne ja auatetoñi ca'li joñe'me Cristo, ja ovitaue jogaa'me lec'oqo'tepi joñe'me, qama'le ja ovitauelo naa'me lamaĝajoĝonaĝaco uotaĝa ga'me leyalaqataĝanaĝac joñe'me Dios, ca'li yanema jogaa'me lec'oqo'tepi. Chane'eja temaq'aen ami uo'oe ca'li, qalaĝaja ja auatetoñi joñe'me Dios nataq'aen yataqata qaya'te adajoĝonataĝanaĝaqui.