Gálatas 3:16 - Nuevo Testamento Toba Sombrero Negro

¹⁶ Qama'le nayi, gaa'me jo'ne yaqataĝadiñi ñe'me Dios jo'ne 'yetem ca'li ñe'me Abraham, nach'egaua qoyeloĝonaĝachiguilo ñe'me nataq'aen ga'tae'me c'oĝot. Daa'me nedii's ja 'yaĝatetedac ga'me qoyaqataĝañi ta'le qoyeloĝonaĝachiguilo “gaa'me c'oqo'tepi”, dite da'me qoyeloĝonaĝachigui “ga'me c'oĝot”, jo'ne nach'eñe Cristo.

Nuevo Testamento Toba Sur

¹⁶ Qaq ñi Dios huo'o co'ollaxa so ÿachaxanapecot so Abraham qataq cam llalec. Qaq nam ñiyigui'shi l'aqtaqa ñi Dios sa ishit da 'eeta': “ca llalaqpi,” da 'eeta'am da huo'otaq qalota cam detaqtega shiÿaxauapi. Cha'ayi ñimayi 'eeta': “ca 'ai'alec.” Qaq damayi naigui qone' da 'oonolec ca qaitaqtega shiÿaxaua. Qaq somayi nachiso so Cristo.

La'aqtaqa Ñim Lo'onatac 'Enauacna 2013

¹⁶ Qaq nagui da ỹachaxanapecot Ñim Lo'onatac 'Enauacna co'ollaxa so Abraham maiche lalamaxat somaye qataq ca llalec. Qaq naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna saishet da 'eeta': «ca llalaqpi,» nachaqrata da 'eeta': «ca 'aỹa'alec.» Qaq damaye naigui qone' da 'oonolec ca qaitaqtega shiỹaxaua. Qaq camaye nacheso So Cristo.

Gálatas 3:16 Referans Kwoze

Romanos 4:13

Qa'a ñe'me Dios 'uo ga'me 'yaĝatem ca'li di'me Abraham nataq'aen gaa'me c'oqo'tepi qom'te qoyanema jena'me aleua. Qalaĝaja dojo' 'naqatac 'me qoyaloĝotapega di'me Abraham ja naqaeda ta'le yoqotelo'te ga'me namaĝajoĝonaĝacpi nale qodique'teguelo jogaa'me, dite da'me yataqatelegue 'me chiyaqayi da'me nepe'e.

Lucas 1:55

naq'aeta da'me jo'ne yaqataĝaneque dia'me mach'e jachiyojoĝogueta jo'ne mach'e qadet'al, queda'me nale'en yichoĝoden di'me Abraham nataq'aen gaa'me lec'oqo'tepi.”

Romanos 4:16

Qo'che' da'me 'naqatac 'me qoyanem di'me Abraham ja qaya da'me lajo'viyaĝac 'me qoyanema qomle gaa'me c'oqo'tepi, nach'eda ch'e qoyanem 'me qaya'te lajo'vi, chiyaqalegue da'me lepe'e'. Dojo' 'naqatac yelo'teguet da'me nach'edata yiyamaĝatem ena'uaque jogaa'me jo'ne yoqotelo'te daa'me namaĝajoĝonaĝaco, dite da'me nach'e ena'am ena'uaque gaa'me jo'ne yoqotedelegue da'me nepe'e, ena'am di'me Abraham. Qama'le nach'eda naq'aeta da'me ena'uaque qo'mi mach'e qadet'a jodi'me.

Gálatas 3:8

Chiyoqo'teguet ga'me jalchi'ena joca'li daa'me 'laqataqa ñe'me Dios 'yaĝatetac da'me nach'e ena'am Dios yataqatelo'te q'ae'n jogaa'me jo'ne ja judiopi, qa'ejo' nach'eda eeta qom p'iida'a ñe'me Jesucristo. Qo'che' Dios yanem ñe'me Abraham jenjo' onaĝaic 'laqataĝanaĝac: “Nach'e am jo'ne am chiyaqayi da'me jichoĝode'n yema jena'me noyaqa.”

Hechos 3:25

Ga'me jo'ne Dios 'laqataĝanaĝanaqa 'yaĝatetedac ca'li, queda'me jetaque ami 'yetema, nach'ena ami qoyanema; nach'e ena'am ami ua'ajopa da'me jo'ne Dios necoñetegueta dia'me auachiyoĝoita. Qa'a Dios yanem da'me 'laqatac di'me Abraham: «Yema ga'me jiyaĝadipi ñetamelo'te qomle jouaĝat ga'me ac'oqo'tepi.»

Colosenses 3:11

Male qaya'te lajo'viyaĝac da'me am griego uotaĝa am judío, uotaĝa ta'le 'uo ga'me nichaĝajoĝonaĝac uotaĝa ta'le qaya, uotaĝa ta'le am yaqa'a le'ec uotaĝa viaĝa le'ec, uotaĝa ta'le am nelatac uotaĝa ja am 'te nelatac. Nach'eñeta ñe'me Cristo jo'ne yemata'a't yema nataq'aen ena'uaque uetauelo.

1 Corintios 12:27

Chane'eja 'noota, naqa'ami mach'e Cristo 'loyaĝac, nataq'aen onolqa'tape ami ena'am ta'le ademiya'eguet da'me 'loyaĝac ñe'me Cristo.

1 Corintios 12:12

Da'me qat'oyaĝac ja ch'e jamalegue, qa'a uo'oe qayoĝode' gaa'me qadoĝoje'te, qalaĝaja onolec da'me qat'oyaĝac yemedaye. Nach'e naq'aeta da'me 'loyaĝac ñe'me Cristo jo'ne uetauelo ga'me p'etaqadaiquipi.

Romanos 12:5

qama'le naq'aeta da'me nach'e ena'am qo'mi, mate mane'e qo'mi qayoĝode', qademaye ga'me onolec napat mach'e Cristo, nataq'aen onolqa'tape qo'mi joqotaĝaguet ena'am ta'le qademaye ga'me onolec napat.

Colosenses 2:19

Nach'enaua ja yoqoteteda'aguet ñe'me qadaqaic jo'ne mach'e Cristo, nach'eñe jo'ne en naqaloĝodetajeguem q'aen yema ga'me lapat, nataq'aen yapatenegueta ena'uaque gaa'me jo'ne mach'e lael, nach'e naq'aeta da'me joote 'yaeñi joñe'me Dios.

Efesios 5:32

Jena'me jenjo' 'naqatac yataqata let'adaic da'me uetaue 'me ja di'yoq ca'li, jo'ne jen tachigui joñe'me Cristo nataq'aen ga'me Dios lec'oqo'tepi.

Mateo 1:1

Janjo' nedaĝalate jo'ne lenaqa'te jogaa'me chiyoĝogueta ñe'me Jesucristo, qama'le nach'eñe chiyaqayilo dia'me David nataq'aen Abraham:

Romanos 9:4

Jogaa'me mach'e Israel c'oqo'tepi, nataq'aen Dios e'n liaqataqa jogaa'me qaedi ena'am da'me c'oqo'tolqa. Dios uetauelo ca'li jogaa'me, di'yoq q'aen ca'li da'me 'lonaĝa, qama'le yanema da'me yamaĝataĝac, daa'me lamaĝajoĝonaĝaco jo'ne chiyoqodo'ot di'me Moisés, da'me qouenate'ta joñe'me nataq'aen daa'me 'laqataqa 'me 'yaediñi joca'li.

2 Corintios 11:22

¿Qo'li hebreo laje'pi jogaa'me? Jayem nach'e ena'am. ¿Qo'li Israel c'oqo'tepi? Jayem nach'e ena'am. ¿Qo'li chiyoĝoteguet di'me Abraham? Jayem nach'e ena'am.

Gálatas 3:19

Chane'eja ¿jach'e ga'me yelo'teguet da'me namaĝajoĝonaĝac? Ca'li yem da'me ya'uo da'me dojo' 'laqatac jo'ne yaqataĝañi 'me yanem ñe'me Abraham, Dios qo'mi yanema daa'me lamaĝajoĝonaĝaco qaedi qo'mi yaloĝonalo queda'me je'etaqatac da'me ja no'en. Qalaĝaja gaa'me namaĝajoĝonaĝaco 'uo da'me lajo'viyaĝa'j chayovida'a ca'li novi' ñe'me Abraham c'oĝot jo'ne nach'eñe Dios tachigui q'aen ga'me yaqataĝañi 'laqatac. Dios na'yalo q'ae'n gaa'me piyem laje' gaa'me namaĝajoĝonaĝaco ca'li yanema ñe'me Moisés, qaedi ñe'me qo'mi yanema.