Gálatas 3:14 - Nuevo Testamento Toba Sombrero Negro

¹⁴ Qo'che' da'me Dios 'yaĝatem ca'li di'me Abraham jo'ne 'nonaĝachigui qomle ñe'me, nach'e ena'am qoyeloĝonaĝachiguilo jogaa'me jo'ne ja judiopi. Chane'eja naq'aeta, qom jep'iyaqa ñe'me Cristo, nach'e ena'am jaconaĝaguet ñe'me Lepaqal, 'me Dios joote qo'mi 'yaĝatema.

Nuevo Testamento Toba Sur

¹⁴ Qaq damayi nachi qoÿina'ac, yaqto' da lqouagaxanaqtaic ñi Dios mayi ÿachaxanapecot co'olloxochiyi so Abraham, damayi qoÿami' nam sa ishit da judiopi da chigoqchigui qanqoÿin so Cristo Jesús; qaq yaqto' 'enauaque qomi' ishit da chigoqchigui da qadpi'iÿaxac da saconaxaguet som Espíritu Santo mayi ÿachaxanapec co'olloxochiyi ñi Dios.

La'aqtaqa Ñim Lo'onatac 'Enauacna 2013

¹⁴ Qaq ỹoqo'oye da lqouagaxanaqtaic Ñim Lo'onatac 'Enauacna maye ỹachaxanapecot co'olloxocheye so Abraham, damaye ỹami' nataqa'en nam saishet da judiopi. Qaq ỹoqo'oye da huo'o ca qarpi'iỹaxac So Cristo, nache saconaxaguet som Saqcha'a La'añaxac Ñim Lo'onatac 'Enauacna maye qomi' ỹachaxanapeguema co'ollaxa.

Gálatas 3:14 Referans Kwoze

1 Corintios 12:13

Qa'a joca'li qo'mi qonachilaĝa'n, nach'eñe ñe'me Dios Lepaqal qo'mi 'yeteque da'me ena'am ta'le onolec da'me qat'oyaĝac, joga'me griegopi nach'e ena'am joga'me judiopi, jogaa'me nelataqa nataq'aen jogaa'me yiyamaqachidiñe, qama'le Dios qo'mi ena'uac yecodelo'te nach'eñe ñe'me mach'e Lepaqal.

Efesios 2:18

Jena'me jenjo' ca'li 'lonatac ñe'me Jesucristo, en onolec ladiiuo ga'me judiopi nataq'aen gaa'me ja judiopi, male jauanaĝa ñe'me onolec 'me Dios Lepaqal, jo'ne chiyaqayi da'me male yataqata jovitaĝa ñe'me Qadet'a jo'ne ja 'nalegue.

Gálatas 3:2

Jaldata onolec ga'me jetaque jayem a'uaĝachiyem: ca'li Dios ami yanema ñe'me Lepaqal, ¿qo'li chiyaqayi da'me oqui'teguelo daa'me namaĝajoĝonaĝaco, uotaĝa chiyaqayi da'me auacoñiyeguet da'me onaĝaic 'naqataĝanaĝac? ¡Qa'ejo' nach'eda chiyaqayi queda'me auacoñiyeguet da'me onaĝaic 'naqataĝanaĝac!

Hechos 2:33

Qama'le Dios yana'ña di'me yayaten, nataq'aen yi'yoĝoden, nataq'aen yanem ñe'me Lepaqal 'me ja 'nalegue jo'ne joote 'yaĝatetapem ca'li. Qama'le ñe'me nach'eñe chiyoqo'tot da'me qo'mi yeyala'aque: dojo' nach'eda auañiya nataq'aen auomachiya nayi.

1 Pedro 1:22

Nayi da'me ami male auoqochiya joda'me 'naqataĝanaĝac jo'ne yataqatelegue qama'le nataq'aen da'me ami yoqovite' qaedi yataqata adoqopichiyalo jogaa'me adaqayadi'. Chane'eja 'noota qom yataqata a'nañaĝachi da'me anoqopichiyapega't onolqa'tape da'me ami.

Juan 7:39

Qama'le ñe'me Jesús 'yaĝatema gaa'me jo'ne p'iida'a joñe'me da'me yacoteguet qomle ñe'me Dios Lepaqal, qalaĝaja ñe'me Dios Lepaqal maliaĝa jona'li 'uo, qa'a ñe'me Jesús maliaĝa ja yovita ga'me nolo' da'me ni'yoĝodenataguec.

Efesios 4:30

Ena'te aueñi totelegue joñe'me Dios Lepaqal jo'ne ja 'nalegue, qa'a naqaeñe joote ami 'yaneque da'me qoyen di'yoq queda'me ami lec'oqo'tepi joñe'me Dios. Nach'eñe jo'ne ami uetauelo chayovida'a qom yovita ga'me nolo' p'ategue qom Dios ami e'n uojotedañi.

Efesios 3:16

Chiyaqayi da'me 'lonaĝac ñe'me Dios jo'ne p'ajaye, male jajela joñe'me qaedi ñe'me Lepaqal jo'ne yataqata ja 'nalegue 'yañaĝateque naa'me adai'lidi' qaedi yataqata ami 'uañaĝayaqa.

Efesios 2:22

Da'me ami qoyecoñetegueta joñe'me Jaliaĝanec Jesucristo nataq'aen male ami ovitaue jena'me jenjo' emec jo'ne Dios netaue, mach'e Lepaqal jo'ne ja 'nalegue.

Gálatas 4:6

Qama'le nayi queda'me ena'am ta'le yataqachiñe qo'mi lec'oqo'tolqa, Dios namaĝaquena ñe'me Lepaqal 'me ja 'nalegue jo'ne chiyaqayi ñe'me mach'e Lec'oĝot qaedi qo'mi uetauelo. Qo'che' nale ñetamenoqot ñe'me Dios, ñe'me Lepaqal qo'mi yaje'tema da'me jiyaĝanoqot: “Am Qadet'a 'me am qadoqopita.”

Gálatas 3:16

Qama'le nayi, gaa'me jo'ne yaqataĝadiñi ñe'me Dios jo'ne 'yetem ca'li ñe'me Abraham, nach'egaua qoyeloĝonaĝachiguilo ñe'me nataq'aen ga'tae'me c'oĝot. Daa'me nedii's ja 'yaĝatetedac ga'me qoyaqataĝañi ta'le qoyeloĝonaĝachiguilo “gaa'me c'oqo'tepi”, dite da'me qoyeloĝonaĝachigui “ga'me c'oĝot”, jo'ne nach'eñe Cristo.

2 Corintios 1:22

Joote qo'mi 'yaneque jaga'me 'lanaĝanaqate, nataq'aen yanayelo naa'me qadai'li ñe'me Lepaqal 'me ja 'nalegue nach'eda 'nanaĝajet qoyen ga'me jo'ne qo'mi qoyanema qom'te.

Hechos 5:32

Nach'eda dojo' qo'mi aqataĝanaĝayaqa, qama'le nach'e ena'am ñe'me Lepaqal ja 'nalegue, jo'ne Dios yanema ga'me jo'ne yoqochideta joñe'me.

Hechos 4:12

Qaya'te laqaya jo'ne chiyaqayi da'me nec'alaĝa, qa'a yema jena'me aleua Dios ja qo'mi 'te yanema ga'me jiyaĝaua laqaya jo'ne jachiyojoĝotaĝaye da'me qadec'alegue.

Lucas 24:49

Qama'le ami ñamaĝa'ñalo qomle ga'me jo'ne joote jayem 'yaĝatem ñe'me Taĝadena'. Qalaĝaja, ami cha'li ovi'ta jena'me jenjo' Jerusalén, chayovida'a auacoñiyeguet da'me nañoqotaĝanaĝac jo'ne chiyoĝogue di'me piyem.

Lucas 11:13

Chane'eja, qom ami, jo'ne qaleuaĝayaqa, auayachiñe da'me auañema gaa'me uo'oe jo'ne onaĝayaqa naa'me ac'oqo'chedi', qama'le ¡yataqachiñe p'ajaye ñe'me Qadet'a jo'ne na'ague di'me piyem yanema jaĝa'te ñe'me Lepaqal jo'ne ja 'nalegue ena'uaque jogaa'me jo'ne yiyaĝadaque!”

1 Pedro 3:9

Ena'te a'viyelaĝachiyeguet ga'me ja no'en joga'me ja no'en jo'ne ami qo'yeteque, uotaĝa ga'me anejouenaguequi, dite da'me a'viyelaĝachiyeguet da'me adichoĝodenataĝanaĝaqui, qa'a joñe'me Dios ami yiyaĝanalo joca'li qaedi auacoñiyeguet da'me mach'e lichoĝodenataĝanaĝac.