Gálatas 3:13 - Nuevo Testamento Toba Sombrero Negro

¹³ Qalaĝaja ñe'me Jesucristo nep'aĝala't yaconeguet ga'me te'me qadoĝot da'me ne'uaĝanaguec 'me qoyachalegue ga'me jo'ne ja yoqocha'alo daa'me namaĝajoĝonaĝaco. Qama'le naq'aeta da'me qo'mi nec'alaĝatedegue, qa'a daa'me nedii's enaac: “Dios ye'uaĝan gamachaqaega jo'ne yeleualegue jaga'me sodoso.”

Nuevo Testamento Toba Sur

¹³ Qaq so Cristo qomi' nca'alaxateeguesopa dam lta'adaic qanhuaxanaguec mayi chigoqchigui na nqataxacpi, cha'ayi somayi nañanguet da lta'adaic nhuaxanaguec souaxat qomi'. Cha'ayi naua ñiyigui'shi l'aqtaqa ñi Dios 'eeta': “Ÿataqta sa qaichoxonnai' qome da qaÿauo'o da nhuaxanaguec ca qaicoñida'aguet cam qo'ipaq.”

La'aqtaqa Ñim Lo'onatac 'Enauacna 2013

¹³ Qalaxaye So Cristo qomi' nca'alaxateeguesopa dam lta'araic qanhuaxanaguec souaxat da saishet da salaxasoxoguet na namaxasoxonaxacpi. 'Era da 'eetec da qomi' nca'alaxatre'c Somaye. Cha'aye naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna 'eeta': «Ñim Lo'onatac 'Enauacna ỹauo'o qome ca nhuaxanaguec cam qaiuaxaata'aguet ca npe'enaxaqui qo'oipaq souaxat da saishet da ỹalaxaguet na namaxasoxonaxacpi.»

Gálatas 3:13 Referans Kwoze

1 Pedro 2:24

Qa'a nach'eñe ñe'me Cristo jo'ne qo'mi nep'aĝanegueta ca'li yachi'y naa'me qadoeco qama'le ga'me lapat qoyachalegue jaga'me sodoso, qaedi da'me qo'mi male qolaqa'e da'me qadoiquiyaĝac qama'le jouaqaue da'me nec'alaĝa jo'ne ja 'nalegue. Joñe'me Cristo uo'oe ca'li jogaa'me yedidiñe qaedi ami nec'alaĝatedegue.

Hebreos 9:12

Ñe'me Cristo joote yenoĝoneuo'o ga'me p'auo jo'ne lenaĝat da'me 'Lachaqa' da'me Yataqata Ja 'Nalegue, qama'le ja yedouo jaga'me letauo' ga'me quetaq uotaĝa ga'me uaca c'oĝot, dite da'me ena'am ta'le yedouo jaga'me mach'e letauo', qama'le ch'e onolec da'me yenoĝoneuo, qa'a joote ya'uo da'me qadec'alaĝa jo'ne qaya'te loiquiaqa'.

Hebreos 9:15

Chane'eja ca'li yeleu joñe'me Jesucristo, male yiyamaĝatetac da'me 'namaqatenataĝanaĝac jo'ne dalaĝaic. Qa'a chiyaqayi da'me leleuaĝa joñe'me, male qoyapalaĝa't jogaa'me loeco joga'me jiyaĝadipi, jogaa'me lejamaĝataĝaco jo'ne e'n 'naĝa't da'me 'namaqatenataĝanaĝac jo'ne 'uaechiñe. Chane'eja nach'egaua ga'me jiyaĝadipi jo'ne joote qoyiyaĝanalo, male yaqanate't ta'le yacoteguet da'me 'noota jo'ne qaya'te loiquiaqa', da'me jo'ne joote qo'yaĝatema joca'li.

Apocalipsis 5:9

Qama'le 'yotedac jenjo' nalac jo'ne dalaĝaic: “Naqa'am jo'ne aueloteguet qoyen Da'me auacona ga'me nenañejec Qaedi anaqa't jogaa'me 'nanaĝanaqatel, Qa'a naqa'am jo'ne am qoyalat joca'li Qama'le naliñi jana'me adetauo' Da'me aue'n nejetenatac ñe'me Dios Joga'me jiyaĝadipi jo'ne yodapecache naa'me 'loyaĝaco naa'me 'laqataqa, Ena'uac da'me neqomyaĝac Nataq'aen ena'uaque gaa'me noyaqa.

Mateo 26:28

qa'a janjo' mach'e laloĝoiqui qoyen jana'me yetauo', nach'ana jo'ne 'nanec queda'me Dios ami ye'tema qaedi male aniyamaĝadeñiyeguet joñe'me. Mach'e yetauo' jo'ne naliñi qomle, nala'alo joga'me jiyaĝadipi jo'ne jalcote, qaedi yiyamaĝatem qomle queda'me male qoyapalaĝa't joda'me loeco.

Gálatas 4:5

Dios namaĝaquena ñe'me Lec'oĝot qaedi qo'mi jo'ne joqochaĝalo daa'me namaĝajoĝonaĝaco male yejodegue. Yem qama'le qo'mi yanema da'me lec'oĝochiyaĝac qaedi ena'am ta'le yataqachiñe qo'mi lec'oqo'tolqa.

Apocalipsis 1:5

qama'le nach'e ena'am chiyoqo'ot joñe'me Jesucristo, nach'eñe jo'ne choqotaĝanaĝaic 'me yataqatelegue, joñe'me jo'ne 'uaechiñe da'me 'niyelaĝajeguem da'me chiyaqauelo gaa'me napa'lpi, qama'le yataqata nejaliaĝatelo'te yema jogaa'me nejaliaĝanaqa jena'me aleua. Nach'eñe jo'ne jalcote da'me qo'mi noqopitalo, Qama'le qo'mi doĝotaĝaneque gaa'me qadoeco Ca'li naliñi jaga'me letauo' da'me qoyalat.

1 Juan 4:10

Qama'le naq'aeta da'me noqopich'i: yaqa'a ta'le qadoqopita joñe'me Dios, dite da'me nach'eñe jo'ne qo'mi noqopitalo, ca'li namaĝa'ña jena'me aleua joñe'me Lec'oĝot qaedi nemela't qaedi qoyalat, qaedi yemeda daa'me qadoeco male qoyapalaĝa't.

1 Pedro 3:18

Qa'a nach'e ena'am ñe'me Cristo 'uo da'me lachoĝodec ca'li yeleu, yajouaĝa't naa'me adoecodi', onolec da'me naloĝola't qama'le ja yitaĝa ta'le di'yoq. Ñe'me jo'ne qaya'te ta'le laviyaĝajet qalaĝaja nach'e ena'am 'uo da'me lachoĝodec q'aen yajouaĝat da'me ami loeco lo'ol, qaedi ami yauegalo joñe'me Dios. Qama'le ja qalaq da'me male pal da'me ch'e nejiyaĝauayaĝac ca'li yeleu, qalaĝaja yitaĝa 'niyelaĝajeguem queda'me 'uo da'me 'loyaĝac jo'ne ja di'yoq 'me qaya'te loiquiaqa'.

Hebreos 9:28

Chane'eja nach'e ena'am ñe'me Cristo onolec da'me qo'yaĝateuo, qama'le qoyen najaqajec jo'ne onolec, qaedi doĝotaĝaneque gaa'me loeco jogaa'me jiyaĝa'u jo'ne qayoĝode'. Qama'le qom'che male yitaĝa di'yoq, male ja naqaenaua naa'me qadoeco ta'le nec'atalo, dite da'me male nec'alaĝatedegue jogaa'me jo'ne yeuatetedaque.

Hebreos 9:26

Ta'le naqaeda jo'ne eeta qama'le Cristo uotaĝa nach'e eta't 'viyelaĝalegue da'me yeleu, chiyoqotelegue ca'li yemta qoye'et jena'me aleua. Qalaĝaja ja naq'aeta, dite da'me male yovita da'me mach'e loiquiaqa't jogaa'me noloqo'ote, qama'le Cristo male onolec da'me 'naĝatela't, da'me nach'eñe jo'ne najaqajec qaedi doĝotaĝaneque naa'me qadoeco.

Tito 2:14

Nach'eñe qo'mi nep'aĝanegueta ca'li yeleu, qaedi qo'mi yachiyoĝotauelo gaa'me ja 'noe'n, nataq'aen qaedi qo'mi yataqachiñe qo'mi yiyo'y, qaedi mach'e qo'mi e'n Dios lec'oqo'tolqa, jo'ne qa'nañaĝatetac da'me jauoqo joda'me 'noota.

Gálatas 3:10

Qalaĝaja gaa'me jo'ne que'teguelo daa'me namaĝajoĝonaĝaco da'me jetaque t'onataĝadeuo'o ñe'me Dios, jogaa'me ena'am ta'le dajoteda'ague ga'me 'uo da'me lichic, qa'a gaa'me nedii's enaac: “Dios ye'uaĝa'n qomle ena'uaque gaa'me jo'ne ja que'teguelo yema daa'me namaĝajoĝonaĝaco.”

2 Corintios 5:21

Ñe'me Cristo yataqata qaya'te loec ca'li, qalaĝaja Dios 'yetem da'me ena'am ta'le loeco lo'o, qaedi Cristo qo'mi yovidaĝateda'a da'me ena'am ta'le qaya'te qadejamaĝataĝac.

Hechos 5:30

Ñe'me Nedios dia'me qadet'al nach'eñe 'niyelaĝachijeguem ñe'me Jesús, nach'eñe jo'ne aualachi ca'li auachiyalegue jaga'me sodoso da'me aueñi netaĝatañe.

Romanos 4:25

jo'ne qoyemenoue da'me leleuaĝa yajouaĝa't daa'me qadoeco nataq'aen 'niyelaĝajeguem qaedi qo'mi e'n yataqatelo'te.

Efesios 5:2

Yataqata adoqopichiyalo naa'me adaqayadi', ena'am ca'li joñe'me Cristo da'me yataqata qo'mi noqopitalo qama'le qo'mi nep'aĝanegueta ca'li, qaedi ena'am ta'le qoyen qadajaqajec, ena'am ga'me 'naĝanaĝate c'oĝot jo'ne qoyachalegue ga'me nec'atoĝonaĝala' nale, nach'eñe jo'ne ena'am joga'me neyoĝoque jo'ne jama nale ga'me laeta, yataqata yiyamaĝaden ñe'me Dios.

Romanos 9:3

Qa'a chayovida'a chiliajaĝa naqayem jouetaue da'me jayem qoyachalegue da'me ja jayem 'te no'en, qaya'a ñe'me Cristo, qama'le naq'aeta da'me jaqanatet da'me ñiyamaĝade'to gaa'me mach'e yaqaya'olqa, jogaa'me jo'ne mach'e 'yachaqadiaĝa'u.

Apocalipsis 13:8

Chane'eja nach'eñe ñe'me jiyac polio' jo'ne 'uo da'me 'lamaqatenataĝanaĝa'j ena'uaque joga'me aleua laje'pi, ena'uaque jogaa'me jo'ne ja qoyedidiñe ca'li naa'me lenaqa'te joca'li yemta qoye'et jena'me aleua, da'me ja qoyededelegue jaga'me nede jo'ne uetaye da'me nec'alaĝa 'me loĝot joñe'me 'Naĝanaĝate Lec'oĝot jo'ne joote qoyalat.

Mateo 27:5

Chane'eja Judas yajaĝadoue ga'me tamenaĝaiqui gaa'me laicaual, yem qama'le ec nataq'aen necoñedela't da'me nalatela't.