Gálatas 3:1 - Nuevo Testamento Toba Sombrero Negro

¹ Ami Galacia laje', ¡yataqachiñe ja ami 'te damite' qaedi maqachaĝa auetadenataĝañi! ¿Jach'e jogamaĝa ami yeda'n? Naqayem joote ami janema ga'me yoqotenaĝanaĝac jo'ne yataqachiñe di'yoqo'tegue, ga'me eeta da'me leleuaĝa ñe'me Jesucristo ca'li qoyep'elegue jaga'me sodoso.

Nuevo Testamento Toba Sur

¹ ¡Aicoue, qami' Galacia lashi', ÿataqta qaico' ca qauaÿajñiÿapec! ¿Chaq négue't ca qami' ÿayi'n, yi sa ishit da qaualaqailec dam 'eesa n'aqtac? Yi so hua'auchiguiñi qad'aqtaxanaxac ÿataqta nachiso so Jesucristo so qami' sachaxanaqtalo som qaipe'enguet co'olloxochiyi so qo'ipaq.

La'aqtaqa Ñim Lo'onatac 'Enauacna 2013

¹ ¡Aicoue, qami' maye qarmaye na 'alhua Galacia, ỹataqta qaico' ca qauaỹaañiỹapec! ¡Ivira'a da 'eeta'am da huo'o ca qami' ira'n! Aỹem ỹataqta ỹataqtegue da ỹa'aqtaxanaxac da qami' sa'aqtaxaateguema da 'eetec da l-leuaxa So Jesucristo co'ollaq qaiuaxaneguet so npe'enaxaqui.

Gálatas 3:1 Referans Kwoze

2 Corintios 11:3

Qalaĝaja jo'oyapega ta'le aueñiya'am jadi'me Eva ca'li ñe'me nanaic yoqovin, 'me ja naqala'te' da'me loqovinaĝanaĝac. Nach'e ena'am da'me ami qom yovida'a da'me ami qoyoqovi'n, qama'le uotaĝa aĝañiñi da'me ami nedo'ta't nataq'aen yataqatelo'te da'me oquiyegue ñe'me Cristo.

Apocalipsis 2:20

Qalaĝaja 'uo da'me jo'ne ja ami 'te ja'amaqateneque: queda'me a'namaqatenaguet jañe'me yauo jo'ne Jezabel, jañe'me jo'ne eetapela't jada'me Dios 'laqataĝanaĝana, qalaĝaja ch'e qovinaĝanaĝai. Nach'añe jo'ne yoqovi'n jogaa'me mach'e yalemaĝaje'te, da'me yapaĝagueneque qaedi e'n tadoue da'me nequejeguetaĝa nataq'aen da'me jetaque e'n yali'j ga'me niqui'yaĝat jo'ne lajaqaje'j 'me qoyanoto jogaa'me qop'iyapegalo jo'ne ja ejoda.

Gálatas 1:6

Dios ami yiyaĝanalo, nataq'aen chiyaqayi ñe'me Cristo da'me ami yaloĝonalo da'me leyalaqataĝanaĝac. Qo'che' yataqachiñe joqoch'em da'me paja'a aĝañiñi da'me auec'achiya ñe'me Dios nataq'aen auacoñiyeguet ga'me 'naqataĝanaĝac jo'ne ja ena'am da'me dojo' 'naqataĝanaĝac 'me onaĝaic.

1 Pedro 4:17

Nayi male yovita da'me laloqo' da'me 'uo da'me nec'atenague'j jogaa'me jo'ne mach'e lec'oqo'tepi joñe'me Dios. Qama'le naq'aeta da'me male 'uo da'me qanec'atenaguec da'me qo'mi, qama'te ¿jach'e jogamaĝa eeta da'me loiquiaqa't jogaa'me ja yoqochideta na'me 'laqataĝanaĝac joñe'me Dios?

2 Pedro 2:18

Nataq'aen da'me 'uo da'me lajamaĝa let'adaic ga'me jo'ne 'yaĝatetedac qalaĝaja qaya'te ta'le chiyaqayi, nataq'aen yejomaĝana'ape naa'me mach'e lamaico choqonaa'me lamanaĝanaĝaco da'me ch'e nejiyaĝauayaĝa'j naa'me jo'ne yemta yañoĝo't da'me ca'ae jogaa'me jo'ne uetedaue da'me lepatenaĝanaĝa'j.

Hebreos 11:8

Ñe'me Abraham yataqata p'iya'a ñe'me Dios joca'li yiyaĝana, qama'le paja'a da'me yoqo'cha. Ec, dajoyi ga'me aleua jo'ne qoyanem qaedi en loĝot, qama'le ca'ae ga'me aleua jo'ne mach'e 'lachaqa', da'me ja yayaten ga'me dajoyi joca'li.

Efesios 4:14

Male ja jenaqa'ama gaa'me ñoqolqa jo'ne nejouoĝodiñe nale daa'me lelnataĝaco qama'le ena'am ta'le ga'me layat yayoĝo'n. Da'me qo'mi qamqa'me male ja jaconaĝagueta gaa'me lapaĝaguenataĝanaĝaco gaa'me qovinaĝanaĝayaqa jo'ne ch'e yoqovi'n jena'me layi qaedi yejomaĝana'ape.

Gálatas 4:9

Qalaĝaja nayi male auatetoñi ñe'me Dios, uotaĝa chimaqachiñe da'me jenaac: Dios male ami yateto'n. Qo'che' ja jayem 'te taue da'me toqoch'e anajeñe'teguet da'me yitaĝa ami yaue'j jogaa'me qop'iyapegalo jo'ne mach'egaua qaya'te lañoqotaĝanaĝa'j uotaĝa lajo'viyaĝa'j.

Gálatas 3:3

Ta'le naq'aeta da'me dojo', ¿toqoch'e ja jetaque auatetoñiyeguet? Da'me auacoñiyeguet ñe'me Dios Lepaqal, qama'le 'uo da'me lecochaĝac da'me auachiyoĝochiyalegue da'me at'oyaĝaqui 'me dalaĝaic, qama'te nayi ¿toqoch'e jetaque aueñi taue da'me mach'e adoequiaĝaqui?

1 Pedro 1:22

Nayi da'me ami male auoqochiya joda'me 'naqataĝanaĝac jo'ne yataqatelegue qama'le nataq'aen da'me ami yoqovite' qaedi yataqata adoqopichiyalo jogaa'me adaqayadi'. Chane'eja 'noota qom yataqata a'nañaĝachi da'me anoqopichiyapega't onolqa'tape da'me ami.

Hebreos 5:9

Qama'le ja yaĝañi da'me yataqata yoqo'cha joñe'me Dios, chayovida'a da'me yovita da'me laloqo' da'me qoyalat. Chane'eja nach'eñe joñe'me jo'ne yovida'a q'aen da'me male qoyen ladic da'me qonec'alaĝatedegue yema jogaa'me jo'ne yoqochideta joñe'me, da'me nec'alaĝa jo'ne qaya'te loiquiaqa'.

Efesios 5:15

Chane'eja 'noota qom yataqata auenache'ta nale joga'me jetaque auauoyi, qama'le ena'te auadenaĝachi' gaa'me chiyoĝo's dite gaa'me yatenaĝanaĝayaqa.

1 Timoteo 6:4

jenjo' jiyaĝaua yataqata 'yoĝodenaĝaic jo'ne yataqata qaya'te yayaten. 'Uo da'me loec da'me eetapega ja ena'ama gaa'me laqaya' da'me eetapega yema yayaten ga'me yelo'tagueta naa'me 'naqataqa; qama'le naqaena jenjo' chiyaqayi da'me nep'aguenataĝanaĝac, nojouena't, chayovida'a da'me male ja 'namaqatena't,

Gálatas 2:14

Dojo' eetedapega mach'e naq'aeta da'me lajoĝo'j nautena da'me yataqatelegue nep'iquinataĝanaĝac 'me onaĝaic 'naqataĝanaĝac. Qo'che' jojapegue' ca'li ñe'me Pedro da'me jajoyaqa'agueta gaa'me p'etaqadaiquipi di'me Antioquía qama'le jenapega: “Am, auen at'oyaĝac da'me ena'am ta'le ja am 'te judío le'ec. Qama'le nayi, ¿toqoch'e auepagaqatetapeque jogaa'me ja judiopi qaedi quetede'egue da'me naeda'ac jogaa'me judiopi?”

1 Corintios 11:26

Chane'eja, chayovida'a qom 'niyelaq ñe'me Jaliaĝanec, nale yovita da'me jaliguinaq ga'me pan nataq'aen nale ñiyomaĝaye jaga'me yomaĝaiqui, nach'eda ja'aĝataqatac queda'me nach'eñe ñe'me yeleu ca'li qaedi qo'mi nec'alaĝatedegue.

1 Corintios 2:2

Qa'a ca'li ami jouetauelo, da'me mach'e yelnataĝac jetaque onolec ga'me ami japaĝagueneque: joda'me 'naqataĝanaĝac 'me 'yaĝatetac queda'me Jesús mach'e Dios Liquiyac, qalaĝaja nach'ena yeleu ca'li netaye jaga'me sodoso.

Romanos 6:17

Qalaĝaja yamaic janem ñe'me Dios yajouaĝat da'me ami, ca'li ami lelataqa daa'me adoecodi', nayi naa'me adai'lidi' yoqochideta da'me 'loyaĝac da'me napaĝaguenataĝanaĝac 'me auacoñiyeguet.

Romanos 2:8

Qalaĝaja yedolo'te da'me lalemataic ñe'me Dios da'me ya'uo ne'uaĝanague'j joga'me qoleguetaĝanaĝaiquipi nataq'aen gaa'me ja yoqochideta da'me yataqatelegue dite da'me yauote da'me ja no'en.

Hechos 6:7

Joda'me 'laqataĝanaĝac ñe'me Dios nichiquetaye da'me qo'yaĝatetac, qama'le ga'me p'etaqadaiquipi jo'ne Jerusalén laje'pi jalcote da'me nichiquetaye, chayovida'alo qayoĝode' ga'me judiopi tamenaĝaiqui lo'olpi yacoteguet da'me 'naqataĝanaĝac.

Apocalipsis 18:3

Qa'a yemeda naa'me noyaqa da'me en taĝaiquipi da'me nequejeguetaĝa, ena'am da'me uotaĝa qoniyomaĝañi ga'me lataĝa. Chane'eja jogaa'me nejaliaĝanaqa jo'ne uetedalegue jena'me aleua nach'e ena'ama da'me e'n lequejeguetaĝaua jañe'me Babilonia, nataq'aen jogaa'me menaĝayaqa jo'ne uetedalegue jena'me aleua male en neuoyaĝadi' da'me mach'e lañoqotaĝanaĝac da'me nequejeguetaĝa.”

2 Ts 1:8

Qama'le 'uo qomle ga'me 'yeteque jogaa'me jo'ne ja yoqochideta ñe'me Qadet'a choqogaa'me jo'ne ja yacoteguet da'me 'naqataĝanaĝac 'me 'yaĝatetac ñe'me Qadejaliaĝanec Jesucristo.

Efesios 3:8

Da'me jayem, ena'am ta'le jayem jaqayi, ja jalo'ogueta gaa'me Dios lec'oqo'tepi laqaya', qalaĝaja Dios yataqata jayem nichoĝodichi'ña, qaedi male ja'aĝatema jena'me jenjo' 'laqatac jo'ne yataqata onaĝaic jogaa'me ja judiopi, ja'aĝa'tape yema jogaa'me Jesucristo lichoĝodenataĝanaĝaco jo'ne yataqata alidaq.

2 Corintios 10:5

nataq'aen yema 'yoĝodenaĝaco jo'ne jetaque nauateguet da'me qaedi qoyateton ñe'me Dios. Dojo' nañoqotaĝanaĝac jedoĝolo'te gaa'me loeco lo'olpi qaedi 'yemaĝadiñe yaĝadegue gaa'me lelnataĝaco jo'ne toye's qama'le yoqochideta ñe'me Cristo.

Romanos 10:16

Qalaĝaja ja ena'uaque yacoteguet da'me onaĝaic 'naqataĝanaĝac. Ena'am da'me Isaías 'yaĝatetac: “Jaliaĝanec, ¿jach'e ga'me 'yamaqaten da'me domachiya ga'me qat'aqataĝanaĝac?”

Lucas 24:25

Chane'eja Jesús yanema da'me 'laqatac: —¡Yataqachiñe qaya'te adayatenaĝanaĝaqui nataq'aen ja ami 'te yelo'tegueta da'me a'uamaqachiñe ena'uaque da'me jo'ne 'yaĝatetedac dia'me Dios 'laqataĝanaĝanaqa!

Mateo 24:24

Qa'a novi't qom'te gaa'me pecayaqa jo'ne eetapela'ajalo Dios liquiyaqa, nataq'aen gaa'me qovinaĝanaĝayaqa jo'ne eetapela'ajalo Dios 'laqataĝanaĝanaqa; qama'le nach'egaua yauo'oe gaa'me 'lanaqa nataq'aen gaa'me lañoqotaĝanaĝaco jo'ne p'ajodaye qaedi doqovinaĝa'n, da'me jetaque yañoĝo't chayovida'alo gaa'me Dios lec'oqo'tolqa jo'ne mach'e liquiyaqa.

Mateo 7:26

Qalaĝaja qom ja a'vichi da'me jo'ne ja'aĝatetac, qama'le aueñiya'am ga'me chiyoĝojec jo'ne yanalegue ga'me pogaĝanaĝa ga'me 'lemec ca'li 'noĝojeguem.

Hechos 16:6

Qama'le ñe'me Dios Lepaqal ja yajeta ta'le qo'yaĝatetac da'me 'naqataĝanaĝac di'me aleua jo'ne Asia. Chane'eja male leuotedalegue di'me aleua jo'ne Frigia nataq'aen Galacia,

Gálatas 1:2

Ami yaqaya'olqa 'me p'etaqadaiquipi jo'ne at'achaqadi' di'me aleua jo'ne Galacia: jayem nataq'aen jogaa'me jayem ueteda'ajop jo'ne qadepi'iyaĝa'u ami janemaĝama da'me qadep'iyenataĝanaĝac.

Gálatas 5:11

Ami yaqaya'olqa, ta'le japaĝaguenataĝatapec da'me auoviñetaque da'me auacoñiyeguet da'me nichaĝajoĝonaĝac, qama'le gaa'me yaute'upi male ja jayem 'te yecaatedac nataq'aen da'me yapaĝaguenataĝanaĝac jo'ne 'yaĝatetac da'me leleuaĝa ñe'me Cristo male ja yalemataĝanaĝa'n jogaa'me.