Gálatas 2:4 - Nuevo Testamento Toba Sombrero Negro

⁴ Jo'me jojo' yema'a't jouaqataue qa'a uo'oe gaa'me jo'ne ch'e nañoĝotedapiñe da'me tauelo jogaa'me p'etaqadaiquipi qaedi ch'e qo'mi naloqote'n. Naajo' qovinaĝanaĝayaqa jo'ne ch'e yaledeuo nach'edata da'me jetaque doĝotaĝatec da'me qo'mi uojotedañi 'me Cristo qo'mi yejodegue, qama'le jogaa'me jetaque qo'mi yepagaqatetapeque da'me qaedi qolaqa'teguelo yema gaa'me judiopi lamaĝajoĝonaĝaco.

Nuevo Testamento Toba Sur

⁴ Qaq ÿoqta 'eesa da huo'o na n'enaqchingui da 'eetega qadqaÿañicpi. Namayipi nqañoxottañi da chochi qomi' ÿalectaiguilo da nshitaique da qaÿauo'o ca n'anaxashit somayi. Qaq namayipi chochi 'axaÿaxanaxanecpi, da yaqto' imeten da qadataxac mayi huesochiguiñi da ñi'adaqtau'a so Cristo Jesús, cha'ayi nshitaique da qaltaq qomi' l-lataqa naq'en na nqataxacpi.

La'aqtaqa Ñim Lo'onatac 'Enauacna 2013

⁴ Qaq so'otaq se'eso qartaxaỹaxac, cha'aye huo'o na nqañoxottañi da ỹalectaigui na 'amqaanataxanaxaicpi da choche qomi' nauaata'ape. Qaq ne'ena tenataxanaxaicpi maye 'eetega da quetague' So Qarataxala', namayepi nachaqrata da huotaique da deuotaxanec da huesochiguiñi qarataxac maye chegoqo'ot So Cristo, nache qomi' ỹamaqaleguete da so'otaq nam namaxasoxonaxacpi maye lalamaxat nam judiopi.

Gálatas 2:4 Referans Kwoze

Judas 1:4

Qa'a uo'oe gaa'me jo'ne ch'e ami yeuomaĝanouelo joda'me loqovinaĝanaĝaco qaedi ami tauelo. Nach'egaua jo'ne joote uaqatetelo'te daa'me nedii's jo'ne Dios 'laqataqa joca'li, queda'me joote qoyeloĝonaĝateda'a da'me Dios le'uaĝanaĝanaĝac, nach'egaua ga'me jiyaĝadipi jo'ne yataqachiñe etaĝaloĝoiquipi. Nataq'aen ch'e yacoteguet da'me lichoĝodenataĝanaĝac joñe'me Dios qama'le ena'am ta'le ch'e yayaquiaĝa'n qaedi 'yete'tape naa'me mach'e loeco jo'ne lequejeguetaĝa. Nataq'aen nematedapec joñe'me Qadadipa mach'e Qadejaliaĝanec Jesucristo.

Gálatas 5:1

¡Yataqachiñe eja da'me male qo'mi uojotedañi, qa'a nach'eñe ñe'me Jesucristo qo'mi yejodegue! Chane'eja ena'te oquiya'e da'me dojo' ami qoyejodegue, uotaĝa ta'le a'viyelaqaiya da'me yitaĝa ami lelataqa daa'me namaĝajoĝonaĝaco.

Gálatas 4:3

Ena'am ta'le naq'aeta ga'me jouaqataue ca'li maliaĝa ja jatetonaq ñe'me Cristo: jogaa'me nepaqa'lpi jo'ne ch'e yeuotapiye'ajalo qo'mi 'yetapeque da'me ena'am da'me qo'mi lelataqa.

2 Corintios 11:26

Jayem jalcote da'me ja'uo yeuoĝoc; 'uo ga'me ua'a jauana ga'me ñache jo'ne 'uo da'me lichic, nataq'aen gaa'me cachaĝaiquipi, nataq'aen gaa'me mach'e yeyepiyayipi nataq'aen gaa'me yaqa'a jiyaĝadipi. Nataq'aen jauana da'me 'uo da'me lichic ga'me noic let'adaic, ga'me 'nonaĝa, nataq'aen ga'me noĝop let'a nataq'aen gaa'me qadaqaya' jo'ne ja yataqachiñe ejoda.

1 Juan 4:1

Ami yaqaya'olqa, ena'te anaqapaĝañiyegueta gaa'me jo'ne ami yapaĝague'n, dite da'me cha'li auapiyeñi jogaa'me, qom eja chiyoqodayi joñe'me Dios. Qa'a uo'oe gaa'me qayoĝode' jo'ne ueda'a jena'me aleua, jo'ne qovinaĝanaĝaiquipi jo'ne enapega'ajalo 'yaĝatetedac joñe'me Dios.

2 Pedro 2:19

Jogaa'me eedapega da'me 'yaĝatetedac da'me ladiquiyaĝac da'me 'noyaĝac 'me yelo'tegue da'me 'nemaĝac, qalaĝaja nach'egaua jo'ne uetedaue da'me lejomaĝac queda'me lelataqa da'me neleuaĝa. Qa'a gaa'me jiyaĝa'u onolqa'tape lelatac ga'me jo'ne equegue jo'ne 'uo da'me lañoqotaĝanaĝac.

2 Timoteo 3:6

qa'a naajo' jiyaĝa'u naqaenaua tadoue nale ga'me ja 'lemec qaedi yoqovi'n gaa'me choĝodailole yauo' jo'ne yataqata uetedaue da'me loe'j nataq'aen en jalcote en lamai'j ga'me gamachaqaega,

Gálatas 5:10

Qalaĝaja ja joqoleguet da'me a'uamaqachiñe ga'me yelnataĝac, qa'a qademe'teguet ñe'me Cristo. Qom 'uo ga'me ja ami 'te yalemaĝa't, qama'le ja joqoleguet da'me Dios ya'uo ne'uaĝanaguec joga'me.

2 Corintios 11:20

¡Chayovida'a adaloyeguet ta'le anapogaĝadeñiyegueta gaa'me ami ee'tema ta'le lelataqa, nach'egaua jo'ne ami yoqovi'tape nataq'aen ami ye'ue'tape nataq'aen jogaa'me jo'ne ye'uaĝatapegouelo naa'me adatajoĝocodi'!

2 Corintios 11:13

Qa'a jogaa'me nach'edata da'me pecayaqa 'me eetapela'ajalo namaĝa's, nataq'aen qovinaĝanaĝayaqa jo'ne ch'e nojomaĝaquidi'ña da'me eetapela'ajalo Cristo lamaĝa's.

2 Corintios 3:17

Qa'a ñe'me Jaliaĝanec nach'eñe ñe'me Dios Lepaqal 'me ja 'nalegue; ga'me ue'ta ñe'me Lepaqal 'me ja 'nalegue, 'uo da'me 'nemaĝac.

Hechos 20:30

Chayovida'a mach'e ami uo'oe qomle gaa'me 'ñedijeguem qama'le dapaĝaguenataĝatec daa'me loqovinaĝanaĝaco qaedi ga'me p'etaqadaiquipi male qodiguelo.

Hechos 15:24

“Qo'mi jayatenaq queda'me uo'oe gaa'me chiyoda'ña jena'me jenjo' jo'ne ja yachitedac da'me qadamaĝajoĝonaĝac, nataq'aen queda'me yeloiquiaĝa'ape jogaa'me 'laqataqa, nataq'aen queda'me ja ami 'te yataĝalo'te q'ae'n.

Hechos 15:1

Jaa'me jaajo' noloqo'ote, uo'oe gaa'me jo'ne chiyoqoda'a di'me Judea jo'ne yapaĝague'tape gaa'me qadaqaya'olqa: “Qom ja auacoñiyeguet da'me nichaĝajoĝonaĝac nach'e naq'aeta da'me damaĝajoĝolegue ca'li ñe'me Moisés, qama'le ja auaqanachichi ta'le adec'aliyegue.”

1 Pedro 2:16

Aniyamaĝachela't qa'a ja ami 'te necoñetae's, qalaĝaja ena'te aueñetapega da'me auachiyoĝochiyaye da'me ami uojotedañi male auaqanachichi ta'le auauoyi da'me jo'ne ja no'en. Nach'edata da'me aniyamaĝachela't qa'a ami lalemaĝaje'te joñe'me Dios.

Gálatas 4:25

Ga'me qajoĝonaĝa Sinaí, jo'ne ua'a di'me Arabia, laloĝoqui qoyen ga'me noic Jerusalén, nataq'aen ena'uaque gaa'me neda'ña ena'am ta'le namaĝajoĝonaĝaco lelataqapi.

2 Corintios 11:17

'Uo ga'me ami ja'aĝatema, qalaĝaja ja chiyaqayi ñe'me Dios. Ñatetola't queda'me 'uo da'me ñichiyoĝojoĝoc nale mach'e jayem 'ñaĝatapela't nataq'aen ñiyamaĝadela't.

Romanos 8:15

Qa'a ami ja ami 'te qoyanema ñe'me nepaqal jo'ne chiyaqayi ta'le ami nelataqa jo'ne yitaĝa ami yauequeteda'ague da'me ami qolanaqayaqa, dite ñe'me Dios Lepaqal jo'ne ami e'n lec'oqo'tolqa ñe'me Dios, qama'le nach'eñe ñe'me Lepaqal da'me jec'otaĝa ñe'me Dios, nale onolqa'tape da'me qo'mi enaac: “Am Taĝadena'.”

Gálatas 1:7

Qalaĝaja eja queda'me qaya'te 'naqataĝanaĝac laqaya: ñenaĝategue da'me dojo' qa'a uo'oe gaa'me jetaque yaqataqate'n da'me onaĝaic 'naqataĝanaĝac jo'ne 'yaĝatetac ñe'me Jesucristo, qama'le ami yejomaĝana'ape.

Santiago 1:25

Qalaĝaja ga'me jo'ne ja yapalaĝate'ta da'me jo'ne domachiya, nach'ega jo'ne yec'aten nataq'aen da'me yelo'tegue da'me namaĝajoĝonaĝac jo'ne yataqatelegue eja, 'uo da'me 'nemaĝac nataq'aen da'me nach'e eta't da'me chimaqategue, nataq'aen da'me yoqo'cha da'me en yepaquichigui da'me jo'ne mach'e eeta da'me dojo' namaĝajoĝonaĝac, qama'le nach'eda jo'ne nach'e eta't en matac ga'me jo'ne 'yetetac.

Lucas 5:38

Qo'che' ta'teguet da'me qoyachañgui ga'me lataĝa jo'ne dalaĝaic ga'me jiyac lo'oc jo'ne dalaĝaic.