Gálatas 2:20 - Nuevo Testamento Toba Sombrero Negro

²⁰ qama'le male ja naqayem ta'le mach'e jec'aletaye, dite ñe'me Jesucristo 'me nec'aletaye nach'eñe jayem nec'aletaye q'aen. Qama'le nayi jec'aletaye yajouaĝat da'me jep'iya'a ñe'me Lec'oĝot ñe'me Dios, qa'a ñe'me jayem noqopita nataq'aen najetoue da'me leleuaĝa qaedi jayem nec'alaĝategue.

Nuevo Testamento Toba Sur

²⁰ Cha'ayi aÿim sogote da 'ico' seleu, iÿatchiguem so Cristo co'ollaq qaiuaxaneuo. Qaq ÿoqo'oyi nagui sa ishit da maichi ÿalamaxat da ñachaalataxac, cha'ayi nachiso so Cristo so nachattaigui damayi. Qaq de'eda ñachaalataxac mayi yi'oqchigui, damayi chigoqchigui da ipi'iÿaxac da sepi'iÿa'a so llalec ñi Dios mayi aÿim ÿauotec qataq nañanguet da nalaataguec souaxat aÿim.

La'aqtaqa Ñim Lo'onatac 'Enauacna 2013

²⁰ Cha'aye aỹem sogote nataqa'en da seleu, iỹatcheguem So Cristo co'ollaq qaiuaxaneguet so npe'enaxaqui. Qaq ỹoqo'oye nagui saishet da maiche ỹalamaxat da ñachaalataxac, cha'aye nacheso So Jesucristo som aỹem nachattaigui. Qaq nagui ñeca'altauec souaxat da ipi'iỹaxac som Llalec Ñim Lo'onatac 'Enauacna, cha'aye Somaye aỹem ỹauotec qataq nañaneguet da l-leuaxa da yaqto' aỹem nca'alaxatec.

Gálatas 2:20 Referans Kwoze

Gálatas 5:24

Qama'le qo'mi da'me joote jouaqa'tot ñe'me Jesucristo joote jenaĝa yeleualegue jaga'me sodoso da'me qanejiyaĝauayaĝac loecoyaĝac nataq'aen gaa'me ja 'noe'n lamaico.

2 Corintios 5:15

Chane'eja qom Cristo yeleu queda'me qo'mi nep'aĝanegueta, qama'le 'noota qom da'me qat'oyaĝac ja yitaĝa ena'am ta'le mach'ega nec'aletaye, dite ñe'me Cristo, jo'ne yeleu ca'li nataq'aen 'niyelaĝajeguem qaedi qo'mi yanema da'me qat'oyaĝac jo'ne dalaĝaic.

Romanos 6:8

Qo'mi joote qolaqata'ñgui da'me qadeleu ñe'me Cristo, ja'amaqatenaq queda'me nach'e ena'am jouaqa'tajop joñe'me qom qadec'alegue.

Gálatas 6:14

Jayem qamqa'me nach'edata 'uo da'me ñi'yoĝodenaĝac da'me jaconeguet da'me jo'ne chiyaqayi da'me leleuaĝa ñe'me Qadejaliaĝanec Jesucristo. Qa'a jouaĝat da'me leleuaĝa ñe'me, male ja jen 'te p'ajaye ga'me jo'ne jenjo' aleua 'me ja no'en jayem yachalegue. Ena'am da'me jenjo' aleua joote jeleualegue.

2 Corintios 13:5

'Noota qom mach'e ami anec'achiñela't, qaedi auayachiñe qom yataqachiñe ami t'añidañe da'me adepi'i: cha'li auapiyeñi da'me dojo'. ¿Qo'li ja auetadeñiyac joona queda'me Jesucristo ami uetauelo? Qom ja anepachiñiyac qa'a uo'oe nale gaa'me anapiyenaguecodi'.

Romanos 6:13

Ena'te auen at'onataĝanaĝat naa'me at'oyaĝac da'me aue'et ga'me ja no'en uotaĝa ta'le anemenoue ga'me adoec. Ja naq'aeta dite da'me 'noota ta'le anemeñiyot ñe'me Dios, ena'am ta'le da'me ami jiyaĝa'u jo'ne joote adelevi nataq'aen ami qo'niyelaĝachidijeguem, a'vichiyem naa'me adapa'chidi' da'me at'onataĝanaĝac qaedi a'vichi ga'me jo'ne yataqatelegue nale auajoyiya'aguet joñe'me nataq'aen anañila't.

1 Ts 5:10

Jesucristo nach'eñe ca'li qo'mi nemelo'te ca'li yeleu uetalegue jaga'me sodoso, qaedi nach'e eta't da'me qadec'aetayejop joñe'me, uotaĝa maliaĝa qadec'aletalegue jena'me aleua uotaĝa joote qadeleu.

Tito 2:14

Nach'eñe qo'mi nep'aĝanegueta ca'li yeleu, qaedi qo'mi yachiyoĝotauelo gaa'me ja 'noe'n, nataq'aen qaedi qo'mi yataqachiñe qo'mi yiyo'y, qaedi mach'e qo'mi e'n Dios lec'oqo'tolqa, jo'ne qa'nañaĝatetac da'me jauoqo joda'me 'noota.

Gálatas 1:4

Jesucristo nach'e eta't yoqo'cha ñe'me Qadet'a Dios, qama'le yaconeguet da'me leleuaĝa qaedi qoyapalaĝa't naa'me qadoeco, qama'le qo'mi yachiyoĝotedaue jena'me aleua 'me ja no'en da'me qo'mi nec'alaĝatedegue.

Juan 17:21

Am ñachoĝodenot qaedi yemeda naa'me naajo' da'me nach'e eta't nalo'ta't; qama'le ena'am da'me am Taĝadena' jayem oue'tajop qama'le da'me jayem nach'e ena'am am jone'tajop, nataq'aen naa'me naajo' qo'mi ue'tajopa, qaedi joga'me aleua laje'pi ja yoqolegue't da'me naqa'am jo'ne jayem anamaĝaquena.

Romanos 8:37

Qalaĝaja ena'uaque naa'me naajo' uo'oe 'uo da'me qadomataĝanaĝac 'me chiyaqayi ñe'me jo'ne qo'mi noqopitalo.

1 Juan 5:20

Nach'e ena'am jayatenaq queda'me ñe'me Lec'oĝot joñe'me Dios joote naequena, qama'le qo'mi yanema da'me qadetadenataĝanaĝac qaedi yataqachiñe jatetonaq joñe'me Dios jo'ne eja. Nataq'aen 'noota qom 'ñañaĝataĝala't da'me qolaqatalegue ñe'me jo'ne yataqata eja, naq'aeta da'me qolaqatalegue Lec'oĝot Jesucristo. Naqaeñe mach'e Dios yataqata eja, jo'ne qo'mi yanema da'me qat'oyaĝac jo'ne yataqatelegue.

Efesios 5:2

Yataqata adoqopichiyalo naa'me adaqayadi', ena'am ca'li joñe'me Cristo da'me yataqata qo'mi noqopitalo qama'le qo'mi nep'aĝanegueta ca'li, qaedi ena'am ta'le qoyen qadajaqajec, ena'am ga'me 'naĝanaĝate c'oĝot jo'ne qoyachalegue ga'me nec'atoĝonaĝala' nale, nach'eñe jo'ne ena'am joga'me neyoĝoque jo'ne jama nale ga'me laeta, yataqata yiyamaĝaden ñe'me Dios.

Filipenses 4:13

Nach'eñe ñe'me Cristo jo'ne ya'uo joga'me 'yañaĝac qaedi male jeloquetape'to naa'me naajo' qat'oyaĝaco da'me jouaqa'ta jena'me aleua.

Efesios 3:17

Qama'le ñachoĝodetapecot joñe'me Dios qaedi joñe'me Jesucristo uauelo naa'me adai'lidi', qa'a jouaĝat da'me yataqata auep'iiya'a joñe'me nataq'aen qaedi da'me adoqopich'i nach'eda da'me chiyaqayi yema ga'me auauoyi,

Gálatas 3:11

Qom nach'edata qodique'teguelo daa'me namaĝajoĝonaĝaco da'me jetaque qoyoqo'cha ñe'me Dios, qama'le qaya'te yaqanatet ta'le qoyen yataqatelegue q'aen, qa'a daa'me nedii's enaac: “Jogaa'me jo'ne Dios yataqatelo'te q'ae'n, nach'egaua gaa'me jo'ne p'iida'a ñe'me, qama'le nach'e eta't nec'aletedaye qomle.”

Juan 3:16

Qa'a naq'aeta da'me Dios noqopitalo ena'uaque gaa'me aleua laje'pi, queda'me yanegue ñe'me mach'e Lec'oĝot jo'ne onolec, qaedi ena'uaque jogaa'me jo'ne p'iida'a joñe'me ja yitaĝa yele'u dite da'me yauata da'me 'loyaĝa'j jo'ne ja 'naidena'a.

1 Juan 1:7

Qalaĝaja, qom qolaqataue da'me yoqochiñe, nach'e naq'aeta da'me Dios uetaue da'me yoqochiñe, qama'le 'uo da'me qadaqayayaĝac, nataq'aen male lapalaqate' ena'uaque jodaa'me qadoeco queda'me naliñi qoyen jaga'me letauo' joñe'me Jesucristo jo'ne Lec'oĝot ñe'me Dios.

Colosenses 1:27

Nach'egaua jogaa'me jo'ne Dios jetaque yatetonaĝanaĝaneque joda'me p'ajaye lelnataĝac jo'ne jetaque ya'uo yemata'a't yema ga'me noyaqapi 'me uetedalegue jena'me aleua. Dojo' lelnataĝac jo'ne jetaque ya'uo nach'eda da'me lec'alaqataĝanaĝac ñe'me Cristo, joñe'me jo'ne ami uetauelo, nach'eñe jo'ne adeuataqataĝanaĝaqui 'me chiyaqayi da'me auacoñiyeguet qomle da'me mach'e at'onaĝaqui.

Romanos 5:2

Chane'eja chiyaqayi da'me qadepe'e, ñe'me Jesucristo qo'mi yanema da'me qadadiiuo qaedi jaqanatetaq da'me jec'ataĝa ñe'me Dios, nach'eñe jo'ne yataqata qo'mi yichoĝode'n, qama'le qo'mi t'añidañe nataq'aen ñi'yoĝodenaqatapela't queda'me 'uo da'me qadeuataqataĝanaĝac da'me jouaqaue qomle da'me 'lañaĝac ñe'me Dios.

Romanos 1:17

Qa'a da'me onaĝaic 'naqatac qo'mi yatetonaĝanaĝaneque da'me lajoĝoc q'aen da'me qo'mi e'n chimadichidiñe: nach'eda da'me qadepe'e, chiyoqotelegue ga'me 'uaechiñe chayovida'a qom yovita ga'me p'ategue. Naq'aeta da'me 'yaĝatetedac jogaa'me nedii's, eet'oi: “Ga'me jo'ne chiyaqayi da'me lepe'e da'me male chimaqachiñe, nach'ega nec'alegue.”

2 Corintios 13:3

Qama'le ja'uo qa'a auepaquitapega ta'le ami jaloĝonalo da'me Cristo di'yoq q'aen da'me eja jayem yojaĝanaĝan. Nataq'aen Cristo ja choĝolaĝaic da'me ami nauela'ajalo joñe'me, dite da'me ami yaloĝonalo da'me lañoqotaĝanaĝac.

Apocalipsis 1:5

qama'le nach'e ena'am chiyoqo'ot joñe'me Jesucristo, nach'eñe jo'ne choqotaĝanaĝaic 'me yataqatelegue, joñe'me jo'ne 'uaechiñe da'me 'niyelaĝajeguem da'me chiyaqauelo gaa'me napa'lpi, qama'le yataqata nejaliaĝatelo'te yema jogaa'me nejaliaĝanaqa jena'me aleua. Nach'eñe jo'ne jalcote da'me qo'mi noqopitalo, Qama'le qo'mi doĝotaĝaneque gaa'me qadoeco Ca'li naliñi jaga'me letauo' da'me qoyalat.

1 Ts 1:10

choqoda'me auache'ta joñe'me Jesús da'me 'niyelaq, chiyaqa'ague jodi'me piyem, nach'eñe jo'ne Dios Lec'oĝot 'me mach'e Dios nec'alaĝachijeguem ca'li. Jesús nach'eñe qo'mi nec'alaĝatedegue qaedi ja qo'mi 'te nedalo'te da'me t'adaic ne'uaĝanague'j ga'me jiyaĝadipi jo'ne na'ta.

Juan 10:11

Naqayem jo'ne jayem 'naĝanaĝate nouatoqo't 'me onaĝaic. Ga'me jo'ne onaĝaic 'naĝanaĝate nouatoqo't yanegue da'me 'loyaĝac qaedi nec'alaĝatedegue jogaa'me 'naĝanaĝatelpi;

Juan 6:57

Joñe'me Qadet'a 'me jayem namaĝaquena, 'uo da'me lec'alaĝa jo'ne qaya'te loiquiaqa', qama'le da'me jayem nach'e ena'am da'me nach'e eta't jec'aletaye, qa'a naqayem jo'ne joue'tajop joñe'me Qadet'a. Chane'eja nach'e ena'ama jogaa'me jo'ne yali'j jenjo' yapat: nataq'aen 'uo da'me lec'alaqa' qa'a jouaĝat jayem.

Apocalipsis 3:20

Jayem auec'achiñe nayi: cha'li joueta'uet da'me ami jiyaĝanalo. Qom 'uo ga'me domachiya da'me yiyaĝanaĝac nataq'aen da'me 'youategue ga'me najom, qama'le jenoĝoneuo, qama'le qadalo'ta't da'me jeque'yaq.

1 Pedro 1:8

Da'me ami joote adoqopichiya joñe'me Jesucristo, mate mane'e ja auañiya, qama'le nayi auep'iiya'a joñe'me mate mane'e ja aueloi'yot. Chane'eja yataqata ami made'tape nayi, yataqachiñe let'adaic da'me adamaiqui jo'ne ja qoyaqanatet ta'le qouenate'ta qaedi qo'yaĝatetac,

Mateo 20:28

Qa'a mate mane'e jayem jo'ne yataqachiñe jayem Jiyaĝaua Lec'oĝot, ja ñanaequena qaedi 'uo da'me ñecochaguec, dite da'me ñanaequena qaedi yecochiyalo joga'me jiyaĝadipi 'me jalcote nataq'aen qaedi janema da'me 'yoyaĝac, qaedi ñep'aĝanegueta jogaa'me.

Juan 15:13

Da'me noqopich'i let'adaic jo'ne qaya'te ena'am, nach'eda da'me dojo': qom 'uo ga'me jiyaĝaua yanegue da'me 'loyaĝac qaedi nec'alaĝatedegue jogaa'me laqaya'olqa.

Gálatas 2:16

qalaĝaja jayatenaq queda'me jaldata ñe'me Dios yataqatelo'te q'ae'n jogaa'me jo'ne p'iida'a ñe'me Jesucristo, nataq'aen qaya'te gamachaqaega yaqanatet ta'le nec'aliyi daa'me namaĝajoĝonaĝaco nach'edi qom te'me que'teguelo. Chayovida'a mach'e qo'mi da'me jep'iyaqa ñe'me Jesucristo qaedi Dios qo'mi yataqatelo'te q'ae'n queda'me 'uo da'me qadepe'e, qa'a ñe'me Dios qaya'te gamachaqaega yataqatelo'te q'ae'n qom nach'edata da'me que'teguelo jodaa'me namaĝajoĝonaĝaco.

2 Corintios 10:3

Qa'ejo' eja queda'me jouaqatalegue jena'me aleua, qalaĝaja ja jadenaĝata' gaa'me 'lonataqa jogaa'me aleua laje'pi, dite da'me jaconaĝa da'me lañoqotaĝanaĝac ñe'me Dios da'me ñolaĝataĝadiñe daa'me 'lañaĝaco joda'me ja no'en.

Juan 6:69

Da'me qo'mi joote yataqachiñe am jep'iyaqa, nataq'aen da'me jayatenaq da'me naqa'am jo'ne am ja 'nalegue 'me am lamaĝajec ñe'me Dios.

Juan 1:49

Qama'le ñe'me Natanael enaac: —Paĝaguenataĝanaĝaic, ¡naqa'am jo'ne Dios Lec'oĝot! Nataq'aen ¡naqa'am 'me lejaliaĝanec di'me Israel!

2 Corintios 1:24

Ja naqaeda ta'le ena'am da'me qadoĝot ga'me adepi'i; da'me jo'ne jepagaqatapega nach'eda ami yecochaĝalo qaedi 'uo da'me ami uetauelo da'me adamaiqui, qa'a ami joote adaloyeguet da'me adepi'i.

Hechos 9:20

Ua'edi Saulo t'aqataĝatapegouelo ga'me nemaĝaiqui' queda'me Jesús nach'eñe c'oĝot ñe'me Dios.

Efesios 5:25

Gaa'me le'mi, 'noota ta'le yataqata noqopitalo gaa'me loua', qa'a nach'e ena'am ñe'me Cristo da'me qo'mi noqopitalo, qama'le qo'mi nep'aĝanegueta ca'li qoyalat,

2 Corintios 5:7

Qalaĝaja yataqata jep'iyaqa joñe'me, mate mane'e ja jauanaĝa.

Juan 3:35

Ñe'me Net'a 'uo da'me loqopich'i ñe'me Lec'oĝot, chane'eja yanem da'me lañoqotaĝanaĝac qaedi nejaliaĝatelo'te ena'uac gaa'me uo'oe.

1 Juan 4:14

Ca'li jauanaĝa queda'me joñe'me Qadet'a namaĝaquena joñe'me Lec'oĝot qaedi nec'alaĝatedegue jogaa'me jiyaĝadipi jo'ne aleua laje'pi, qama'le nach'e eta't jechoĝotaqatac da'me dojo'.

Hechos 8:36

Ca'li copa'ta qama'le yovideta ga'me jo'ne 'uo ga'me noĝop, ñe'me jaliaĝanec enaac: —'Uo jena'me noĝop jenjo'; ¿qo'li 'uo jogamaĝa qalaqa't ta'le jayem qonachilaĝan?

Mateo 4:3

Chane'eja ñe'me payac yec'ata joñe'me Jesús qaedi yapiyen, qama'le enaac: —Ta'le yataqachiñe eja am Dios Lec'oĝot, qama'le auamaĝalo'te naa'me naajo' qadipi qaedi neleguemaĝatalo panpi.

Romanos 3:22

Chiyaqayi da'me jep'iyaqa ñe'me Jesucristo, Dios e'n yataqatelo'te ena'uaque jogaa'me p'iida'a. Chane'eja qaya'te yaguegue, uotaĝa judiopi uotaĝa ja judiopi.

Romanos 4:25

jo'ne qoyemenoue da'me leleuaĝa yajouaĝa't daa'me qadoeco nataq'aen 'niyelaĝajeguem qaedi qo'mi e'n yataqatelo'te.

Romanos 5:6

Qa'a ca'li qo'mi ja jaqanatetaq ta'le mach'e ñec'alaĝataĝala't, Cristo ga'me mach'e laloqo' q'aen, yeleu ca'li nep'aĝanegueta gaa'me loeco lo'olpi.

Romanos 5:8

Qalaĝaja Dios di'yoq q'aen da'me qo'mi noqopitalo, chaqaeda da'me maliaĝa qolaqatauelo gaa'me qadoeco ca'li, yajouaĝa't qo'mi ca'li yeleu ñe'me Cristo.

Romanos 8:10

Qalaĝaja qom yataqachiñe Cristo ami uetauelo, ñe'me adepaqali nec'aletaye, qa'a ñe'me Dios ami yachiyoĝotauelo ga'me adaviyaĝacodi' da'me ami e'n uojotedañi, temaqaedi naa'me adoje'edi' tateda'ague da'me leleuaqa' qa'a jouaĝa't gaa'me adoecodi'.

Romanos 14:7

Joda'me qat'oyaĝac chayovida'a da'me qadeleuaĝa male ja qadoqo'te, qa'a onolec joñe'me Dios yayaten ga'me ee'tec.

1 Corintios 6:17

Qalaĝaja ga'me jiyaĝaua jo'ne 'uaĝayet ñe'me Jaliaĝanec, ena'am ta'le ga'me lepaqal yataqachiñe yema'aguet ñe'me Dios Lepaqal 'me ja 'nalegue.

2 Corintios 5:14

Joda'me loqopich'i ñe'me Cristo napacalegue da'me qat'oyaĝac. Jayatenaq queda'me ena'uac nep'aĝanegueta ca'li yeleu ñe'me, chane'eja ena'am ta'le ena'uaque qo'mi joote qadeleu.

2 Corintios 11:10

Qama'le naq'aeta da'me yataqachiñe ñayatela't da'me jayaten joda'me eja jo'ne chiyaqayi ñe'me Cristo, nach'e ena'am jayatetelegue queda'me yema di'me aleua Acaya qaya'te doĝotaĝanec da'me ji'yoĝode'n jogaa'me.

Filipenses 1:21

Chane'eja qom maliaĝa jec'aletaye, male yataqata jo'onataĝatape'uo joñe'me Cristo, qalaĝaja qom jeleu male jomataĝan jo' qomle.

Hebreos 8:3

Yema ga'me netaĝayaĝanaĝanec jo'ne qoyen lajoĝola' gaa'me tamenaĝaiqui lo'ol 'uo da'me 'lonatac jo'ne yanoto joñe'me Dios gaa'me lachitaĝanaqa'te ga'me jiyaĝadipi choqoga'me lajaqajecpi jo'ne qoyigouelo. Qama'le nach'e ena'am joñe'me Dios Lec'oĝot youen ca'li da'me ya'uo jaga'me mach'e lachitaĝanaqate.