Gálatas 2:17 - Nuevo Testamento Toba Sombrero Negro

¹⁷ Chane'eja qo'mi jepagaqatapega ta'le qo'mi yaconegueta ñe'me Dios yajouaĝat da'me qademe'teguet ñe'me Cristo. Qalaĝaja da'me jauoqo da'me dojo' male jayatenaq queda'me nach'e ena'am qo'mi loeco lo'olpi jenaqa'ama gaa'me jiyaĝadipi jo'ne neda'ña gaa'me ale'u lael. Chane'eja, ¿qo'li jenaĝa qadelnataĝac joona queda'me chiyaqayi da'me dojo' Cristo qo'mi yauegouelo da'me qadoec? ¡Naq'aeta taĝa! ¡Yataqachiñe ja naq'aeta!

Nuevo Testamento Toba Sur

¹⁷ Qaq ÿoqo'oyi nagui da huo'otaq qomi' ñishoqtaique da chigoqchigui so Cristo da qomi' ÿaÿamaxadeete' ñi Dios, qaq ishit da yi'oqta da nataq'en qomi' 'itaxaloxoiqa, qaq ¿peta'a ishito' da so Cristo qomi' 'itaxaloxoiqa naq'en? ¡'A'i, sa ishit!

La'aqtaqa Ñim Lo'onatac 'Enauacna 2013

¹⁷ Qaq ỹoqo'oye qomi' sauoqtaique da Ñim Lo'onatac 'Enauacna qomi' ỹaconegueta chegoqchigui So Jesucristo. Qalaxaye da so'otaq de'era, nache selaqalec da nataqa'en qomi' 'etaxaloxoiqa shenaqta'am na laỹepi shiỹaxauapi, qaq ¿qarhuennataxac peta'a da So Cristo qomi' 'etaxaloxoiqa naqa'en? ¡'A'i, saishet!

Gálatas 2:17 Referans Kwoze

1 Juan 3:5

Ami joote auayachiñe queda'me Jesucristo nec'ata joca'li jena'me aleua, qaedi nemenegueta ena'uaque jodaa'me qadoeco, nach'eñe jo'ne qaya'te gamachaqaega ta'le loec.

Gálatas 2:15

Nataq'aen ja'aqataĝanem queda'me qo'mi jo'ne judiopi chiyoqo'teguet da'me qadañoĝoc ca'li, choqoda'me ja qo'mi 'te loeco lo'olpi ja jenaqa'ama jogaa'me ja judiopi,

Romanos 11:7

Chane'eja ¿je'te eeta? Jogaa'me Israel c'oqo'tepi ja naqachidiñe ga'me jo'ne yelotedaque, qalaĝaja jogaa'me Dios liquiyaqa qamqa'me naqaegaua naqachidiñe. Jogaa'me laqaya' ja qoyadamiaĝate'.

Hebreos 8:2

Qama'le nach'eñe jo'ne yataqata dajo'tot joñe'me Dios, qa'a uetaue di'me tamenaĝaiqui jo'ne ja 'nalegue, 'me ja 'lonata'j jogaa'me jiyaĝa'u dite da'me nach'eñe ñe'me Dios jo'ne ye'et.

Gálatas 3:21

Chane'eja dojo' ja yelo'teguet ta'le ena'am da'me yotauan ga'me yaqataĝañi 'laqatac ñe'me Dios. ¡Yataqachiñe ja naq'aeta! Qa'a ta'che da'me namaĝajoĝonaĝac yaqanatet da'me qo'mi yanema ga'me qadec'alaĝa jo'ne qaya'te loiquiaqa', qama'le Dios qo'mi yataqatelo'te q'ae'n qa'a qolaqa'teguelo jogaa'me.

Gálatas 2:11

Qalaĝaja ca'li Pedro yec'ata di'me noic 'me Antioquía ua'a ca'li jajoya'aguet ñe'me qa'a ja'aĝatem queda'me ja 'noota ga'me ya'uo.

Romanos 15:8

Qama'le ami ja'aqataĝanema ñe'me Cristo da'me naequena joca'li qaedi lecochiyalo joga'me judiopi qaedi yepaque'teguelo gaa'me jo'ne joote qo'yaĝatema dia'me qadet'al 'me jachiyojoĝogueta nataq'aen naq'aeta da'me yaloĝon queda'me Dios yepagaqate'tegue ga'me jo'ne yaqataĝañi 'laqatac.

Romanos 3:6

¡Qa'ejo' ja naq'aeta! Qa'a ta'le Dios ja yataqatelegue, ¿qo'li nalo'oguet da'me naloqoten jena'me aleua?

Romanos 3:4

¡Qa'ejo' ja naq'aeta! Dite da'me nach'eda yataqatelegue ñe'me Dios da'me 'tonataĝan, mate mane'e qovinaĝanaĝaic ga'me ch'e jiyaĝaua; qa'a naa'me nedii's eet'oi: “Am qo'ene'tem yataqatelegue ga'me anenaĝategue. Qama'le 'uo da'me adomataĝanaĝac qom am qonemitaque ga'me adajouaĝajet.”

Mateo 1:21

María 'uo qomle ga'me c'oĝot, qama'le auen lenaĝat Jesús qomle. Naq'aeta da'me lenaĝat qa'a nec'alaĝatedegue qomle gaa'me jiyaĝadipi chiyoĝotauelo jodaa'me loeco.”

Lucas 20:16

Ami ja'aĝatema queda'me naequena qomle qama'le yala't jogaa'me onataĝanaĝayaqa, nataq'aen ga'me uva lichidijat yanema gaa'me jiyaĝa'u laqaya'.” Mane'e ca'li domachita da'me dojo' jogaa'me, enapega't: —¡'Noota qom ja naq'aeta da'me dojo'!

Gálatas 6:14

Jayem qamqa'me nach'edata 'uo da'me ñi'yoĝodenaĝac da'me jaconeguet da'me jo'ne chiyaqayi da'me leleuaĝa ñe'me Qadejaliaĝanec Jesucristo. Qa'a jouaĝat da'me leleuaĝa ñe'me, male ja jen 'te p'ajaye ga'me jo'ne jenjo' aleua 'me ja no'en jayem yachalegue. Ena'am da'me jenjo' aleua joote jeleualegue.