Gálatas 2:15 - Nuevo Testamento Toba Sombrero Negro

¹⁵ Nataq'aen ja'aqataĝanem queda'me qo'mi jo'ne judiopi chiyoqo'teguet da'me qadañoĝoc ca'li, choqoda'me ja qo'mi 'te loeco lo'olpi ja jenaqa'ama jogaa'me ja judiopi,

Nuevo Testamento Toba Sur

¹⁵ Qomi' na qadta'alpi judío l'ecpi, qaq sa ishit da shinaqta'am nam ÿotta'a't shiÿaxauapi mayi 'itaxaloxoicpi.

La'aqtaqa Ñim Lo'onatac 'Enauacna 2013

¹⁵ 'Enauac da shenaqta, qomi' judiopi, chegoqchiguiña co'ollaq nañiguiñi ñi 'oonolec, qaq saishet da shenaqta'am nam 'etaxaloxoicpi maye saishet da judiopi.

Gálatas 2:15 Referans Kwoze

Tito 3:3

Qa'a joca'li nach'e ena'am qo'mi chiyoĝo's nataq'aen qoleguetaĝanaĝaiquipi; qadejometac ca'li nataq'aen qo'mi lecoñetae's yema gaa'me yodapecache 'me lamaico jena'me aleua. Jouaqatauelo ca'li gaa'me ja 'noe'n nataq'aen nep'aguenataĝanaĝaco, qo'mi qoniquiyatapegalo nataq'aen qo'mi quiyaĝanataqaiquipi.

Efesios 2:3

Nach'e ena'am da'me qo'mi: ca'li yataqata naq'aeta da'me mach'e qanejiyaĝauayaĝac, jauoqo joga'me ch'e qadelnataĝac uotaĝa qadamanaĝanaĝac jo'ne yataqata ja no'en, qama'le yataqata jouaqatoue joga'me lalemataic ñe'me Dios, jenaqa'ama gaa'me jiyaĝa'u laqaya' jo'ne ja 'noe'n.

Romanos 3:9

¿Je'te eeta? Da'me qo'mi judiopi ¿qo'li ñapagaqalo'te ja jenaqa'ama gaa'me qadaqaya'olqa? ¡Aja'y! ¡Ja naq'aeta! Qa'a joote jaloĝonatac da'me ena'uaque nach'e naq'aeta ga'me judiopi le'ec choqoga'me ja judiopi uetalo'te lañoqotaĝanaĝac daa'me loeco.

Filipenses 3:4

Da'me jayem, te'me ñi'yoĝodela't jouaĝat da'me jalchi'ena jepaquetelegue ga'me jo'ne naeda'ac ga'me judiopi. Qama'le qom 'uo ga'me jiyaĝaua jo'ne jetaque naya'ac da'me dojo', ja yaqanatet ta'le jayem napacalegue.

Romanos 4:16

Qo'che' da'me 'naqatac 'me qoyanem di'me Abraham ja qaya da'me lajo'viyaĝac 'me qoyanema qomle gaa'me c'oqo'tepi, nach'eda ch'e qoyanem 'me qaya'te lajo'vi, chiyaqalegue da'me lepe'e'. Dojo' 'naqatac yelo'teguet da'me nach'edata yiyamaĝatem ena'uaque jogaa'me jo'ne yoqotelo'te daa'me namaĝajoĝonaĝaco, dite da'me nach'e ena'am ena'uaque gaa'me jo'ne yoqotedelegue da'me nepe'e, ena'am di'me Abraham. Qama'le nach'eda naq'aeta da'me ena'uaque qo'mi mach'e qadet'a jodi'me.

Hechos 22:21

Qalaĝaja ñe'me Jaliaĝanec enaac: «Jamo, oc, qa'a am jamaĝayelo gaa'me ale'u jo'ne qaya'aguelo.»”

Mateo 9:11

Mane'e da'me yauata da'me dojo' joga'me fariseopi, qama'le yachimaĝatalo jogaa'me Jesús lapaĝaguenataqa, enapega't: —Ñe'me adejaliaĝanequi, ¿Toqoch'e neuanaĝa'u ga'me lo'olpi da'me nejetenaguec ñe'me jaliaĝanec jo'ne Roma le'ec choqoga'me loeco lo'olpi?

Lucas 24:7

enaac: «Jayem jo'ne Jiyaĝaua Lec'oĝot qoyanouelo qomle ga'me jiyaĝadipi jo'ne loeco lo'olpi, qama'le jayem qoyep'enajeguem, qalaĝaja yenoĝodegue tres gaa'me noloqo'ote qama'le 'ñiyelaĝajeguem.»

Gálatas 2:17

Chane'eja qo'mi jepagaqatapega ta'le qo'mi yaconegueta ñe'me Dios yajouaĝat da'me qademe'teguet ñe'me Cristo. Qalaĝaja da'me jauoqo da'me dojo' male jayatenaq queda'me nach'e ena'am qo'mi loeco lo'olpi jenaqa'ama gaa'me jiyaĝadipi jo'ne neda'ña gaa'me ale'u lael. Chane'eja, ¿qo'li jenaĝa qadelnataĝac joona queda'me chiyaqayi da'me dojo' Cristo qo'mi yauegouelo da'me qadoec? ¡Naq'aeta taĝa! ¡Yataqachiñe ja naq'aeta!