Gálatas 1:8 - Nuevo Testamento Toba Sombrero Negro

⁸ Qalaĝaja qom 'uo ga'me ami 'yaĝatema ga'me 'naqataĝanaĝac laqaya jo'ne ja ena'am ga'me joote ami ja'aqataĝanaĝama, qama'le ñachoĝodenot ñe'me Dios qaedi ya'uo ne'uaĝanaguec joga'me, mate mane'e chiyoĝogue di'me piyem uotaĝa qo'mi chiyaqauelo.

Nuevo Testamento Toba Sur

⁸ Qalaxayi da huo'o ca qami' i'axatema ca lÿa n'aqtaguec da nca'alaxa da huo'otaq sa ishit da natenguet dam mashi qami' sa'axatema, qalaq camayi qaÿauo'o qome ca lta'adaic nhuaxanaguec, nai'ctaxa da huo'otaq nachaÿim, huo'otaq chigaqshiguem Dios lamaxashic.

La'aqtaqa Ñim Lo'onatac 'Enauacna 2013

⁸ Qaq ỹoqo'oye da huo'o ca nvi' da qami' da'aqtaxanema ca lỹa na'aqtaxanaxac maye 'eetega no'on na'axaỹaxac qalaxaye saishet da nateeteguet dam qami' sa'aqtaxanaqteguema, qaq aỹem seỹaxanot Ñim Lo'onatac 'Enauacna da ỹauo'o ca nhuaxanaguec camaye, na'aictaxa da huo'otaq namaxashec chegoqo'ot na piguem huo'otaq da maiche qarỹa.

Gálatas 1:8 Referans Kwoze

Gálatas 1:9

Yitaĝa ji'iyelaĝatalegue ga'me jo'ne joote ami ja'aĝatema: qom 'uo gamachaqaega 'yaĝatetac da'me 'naqataĝanaĝac jo'ne ja ena'am ga'me joote auacoñiyeguet, ¡'noota qom Dios ya'uo ne'uaĝanaguec!

1 Corintios 16:22

Qom 'uo ga'me ja noqopita ñe'me Jaliaĝanec, joote qoyachetalegue ga'me ne'uaĝanaguec jo'ne yataqachiñe t'adaic. ¡Am Qadejaliaĝanec, ja anayaloĝoden da'me auanaequena!

Romanos 9:3

Qa'a chayovida'a chiliajaĝa naqayem jouetaue da'me jayem qoyachalegue da'me ja jayem 'te no'en, qaya'a ñe'me Cristo, qama'le naq'aeta da'me jaqanatet da'me ñiyamaĝade'to gaa'me mach'e yaqaya'olqa, jogaa'me jo'ne mach'e 'yachaqadiaĝa'u.

Mateo 25:41

“Chane'eja nach'e ena'am jenapegalo qomle gaa'me jo'ne neteda'ague jena'me 'ñemaq: «¡Jayem oquiya'ae! Ami jo'ne ja ami 'te qoyichoĝode'n nayi, auec'achiya di'me dole' jo'ne ja 'naidena'a 'me ami qoyaqataĝat'agueta ñe'me payac nataq'aen jogaa'me lamaĝa's jo'ne piyem laje'.

2 Pedro 2:14

Qaga'te yauo ta'le ja yepiteda'a; ja noua'l da'me yauote da'me loe'j. Gamachaqaega nenaĝatedegue qaedi gaa'me jo'ne choĝolaĝaic da'me lepe'e' male e'n made'tape q'ae'n; qa'a yayate'n da'me mach'e latenataĝanaĝa'j; nach'egaua jiyaĝadipi jo'ne uetedalegue da'me let'adaic ne'uaĝanague'j.

Hechos 23:14

Chane'eja, yec'atalo ca'li gaa'me lejaliaĝanaqa joga'me tamenaĝaiqui lo'olpi nataq'aen 'yaĝaicachidipi jo'ne judiopi, qama'le t'aqataĝanema jogaa'me, eetojo': —Qo'mi joote ja'anaĝañi da'me qat'aqatac jo'ne ja no'en queda'me cha'li qaya'te gamachaqaega jaliguinaq qom maliaĝa ja jalataq ñe'me Pablo.

Tito 3:10

Qom 'uo ga'me ja nalo'ta'ajalo q'ae'n ga'me p'etaqadaiquipi, qama'le auayatenaĝanec queda'me ya'uo ga'me ja chimaqachiñe; qom ja yaĝañi qama'le yitaĝa auayatenaĝanec. Qom maliaĝa ja am 'te yoqo'cha, qama'le ja yitaĝa auaje'tem ta'le dojapegue'to joga'me p'etaqadaiquipi.

Gálatas 3:13

Qalaĝaja ñe'me Jesucristo nep'aĝala't yaconeguet ga'me te'me qadoĝot da'me ne'uaĝanaguec 'me qoyachalegue ga'me jo'ne ja yoqocha'alo daa'me namaĝajoĝonaĝaco. Qama'le naq'aeta da'me qo'mi nec'alaĝatedegue, qa'a daa'me nedii's enaac: “Dios ye'uaĝan gamachaqaega jo'ne yeleualegue jaga'me sodoso.”

1 Corintios 12:3

Chane'eja, 'noota ta'le auayachiñe queda'me qaya'te yaqanatet ta'le enaac: “¡Yataqachiñe ja no'en ñe'me Jesús!”, qom naqaeñe ñe'me Dios Lepaqal 'me ja 'nalegue yojaĝanaĝan joga'me; nataq'aen qaya'te yaqanatet ta'le enaac: “¡Jesús mach'e Jaliaĝanec!”, qom ja naqaeñe ñe'me Dios Lepaqal jo'ne yojaĝanaĝan joga'me.

Marcos 14:71

Chane'eja ñe'me Pedro 'naĝatot joñe'me Dios queda'me eetapega ja yateton, enaac: —Ñe'me Dios nach'eñe ñaviyaqatoqo't qom jayem pecaic: ¡yataqachiñe ja jateton ñe'me jiyaĝaua jo'ne jayem a'uaĝachetapem!

Gálatas 3:10

Qalaĝaja gaa'me jo'ne que'teguelo daa'me namaĝajoĝonaĝaco da'me jetaque t'onataĝadeuo'o ñe'me Dios, jogaa'me ena'am ta'le dajoteda'ague ga'me 'uo da'me lichic, qa'a gaa'me nedii's enaac: “Dios ye'uaĝa'n qomle ena'uaque gaa'me jo'ne ja que'teguelo yema daa'me namaĝajoĝonaĝaco.”

Romanos 16:17

Ami ñachoĝodenoto, ami yaqaya'olqa, qaedi aueloi'tegueta jogaa'me jo'ne chiyaqayilo da'me nelagaĝac choqogaa'me naqalaico nataq'aen nauteta da'me napaĝaguenataĝanaĝac jo'ne ami auacoñiyeguet ca'li. 'Noota qom oquiya'ae jogaa'me,