Gálatas 1:7 - Nuevo Testamento Toba Sombrero Negro

⁷ Qalaĝaja eja queda'me qaya'te 'naqataĝanaĝac laqaya: ñenaĝategue da'me dojo' qa'a uo'oe gaa'me jetaque yaqataqate'n da'me onaĝaic 'naqataĝanaĝac jo'ne 'yaĝatetac ñe'me Jesucristo, qama'le ami yejomaĝana'ape.

Nuevo Testamento Toba Sur

⁷ Sa ishit da 'en da huo'o ca lÿa n'aqtaxanaxac mayi chigaqaigui da nca'alaxa. Qalaxayi huo'o nam sa ishit da qami' ÿalemaxa't, qataq nshitaique da nqochinaxat dam n'aqtaxanaxac mayi chigaqaigui da nca'alaxa mayi chigoqo'ot so Cristo.

La'aqtaqa Ñim Lo'onatac 'Enauacna 2013

⁷ Ỹoqta 'eesa da ỹataqta qaica ca lỹa na'aqtaxanaxac. Qalaxaye shenapec de'era, cha'aye huo'o na huotaique da naralaxat da no'on na'axaỹaxac maye na'aqtaguec So Jesucristo, ime, nache qami' isomaxanaqche't.

Gálatas 1:7 Referans Kwoze

Hechos 15:24

“Qo'mi jayatenaq queda'me uo'oe gaa'me chiyoda'ña jena'me jenjo' jo'ne ja yachitedac da'me qadamaĝajoĝonaĝac, nataq'aen queda'me yeloiquiaĝa'ape jogaa'me 'laqataqa, nataq'aen queda'me ja ami 'te yataĝalo'te q'ae'n.

Gálatas 5:10

Qalaĝaja ja joqoleguet da'me a'uamaqachiñe ga'me yelnataĝac, qa'a qademe'teguet ñe'me Cristo. Qom 'uo ga'me ja ami 'te yalemaĝa't, qama'le ja joqoleguet da'me Dios ya'uo ne'uaĝanaguec joga'me.

2 Corintios 11:13

Qa'a jogaa'me nach'edata da'me pecayaqa 'me eetapela'ajalo namaĝa's, nataq'aen qovinaĝanaĝayaqa jo'ne ch'e nojomaĝaquidi'ña da'me eetapela'ajalo Cristo lamaĝa's.

Gálatas 5:12

Qama'le gaa'me jo'ne ami yeloiquiaĝa'tape, ¡'noota qom mach'egaua yema yichaĝadegue naa'me lapa'che lael!

2 Corintios 2:17

Qo'mi ja naqaeda ta'le jauoqo lajo'vi da'me 'laqataĝanaĝac ñe'me Dios, jo'ne qayoĝode' naq'aeta da'me yauote; ja naq'aeta, dite da'me Dios qo'mi yauanalo queda'me qaya'te jenaq lale'gue da'me ja'aqataĝanaqatac, qa'a nach'eñe ñe'me Dios qo'mi lamaĝa's nataq'aen qa'a yataqachiñe qademe'teguet ñe'me Cristo.

Apocalipsis 20:3

Choqoda'me yajaĝañgui jaga'me limaĝañi lat'edai, qama'le yapadene'uo nataq'aen ya'uo jaga'me 'nanaĝanaqate jo'ne yetouoĝolegue ga'me najom lapadenaĝat, qaedi ja yitaĝa ta'le yoqovi'n joga'me jiyaĝadipi jo'ne uetedalegue jena'me aleua, chayovida'a qom yenoĝodegue joga'me mil 'uoidi. Qomle male yenoĝodegue naa'me naajo' 'uoidi, qama'le cada'ac da'me yitaĝa qoyejoye.

2 Juan 1:10

Qom 'uo gamachaqaega ami dejapichiyalo jo'ne ja dapaĝaguenataĝanec da'me dojo' Cristo lapaĝaguenataĝanaĝac, ena'te aueñi taue ga'me at'emequi uotaĝa ta'le auep'iyeñi;

1 Juan 4:1

Ami yaqaya'olqa, ena'te anaqapaĝañiyegueta gaa'me jo'ne ami yapaĝague'n, dite da'me cha'li auapiyeñi jogaa'me, qom eja chiyoqodayi joñe'me Dios. Qa'a uo'oe gaa'me qayoĝode' jo'ne ueda'a jena'me aleua, jo'ne qovinaĝanaĝaiquipi jo'ne enapega'ajalo 'yaĝatetedac joñe'me Dios.

Apocalipsis 19:20

Qama'le ñe'me jiyac polio' male paja'a da'me qoyecoñe' choqoñe'me jo'ne ja eja da'me lapaĝaguenataĝanaĝac, ñe'me jo'ne nach'eñe 'me yachiyoĝotayi da'me yauo'oe naa'me 'nanaqa jo'ne chiyaqayi q'aen da'me uo'oe gaa'me yoqovi'n jo'ne yaje'tema da'me yanayelo joga'me mach'e lenaĝat ñe'me jiyac polio', chayovida'a da'me qoyi'yoĝode'n ca'li joga'me jiyac polio' lequi'i. Qama'le ñe'me jiyac polio' choqoñe'me jo'ne ja eja da'me lapaĝaguenataĝanaĝac male qoyajaĝadiñgui jaga'me limaĝañi jo'ne uetañgui ga'me dole' let'adaic.

Apocalipsis 13:14

Qama'le chiyaqayilo naa'me naajo' 'nanaqa jo'ne yauo'oe da'me ue'taguet ñe'me jiyac polio' jo'ne 'uaechiñe, male yaqanatet ta'le yejomaĝana'ape jena'me jiyaĝadipi jo'ne netalegue jena'me aleua, qama'le damaĝajoĝolo'te da'me qoya'uo ga'me qonetamenapecot jo'ne lequi'i ñe'me jiyac polio' laqaya jo'ne 'uo ga'me nedaĝanaĝat liñi qalaĝaja maliaĝa da'me nec'aletaye.

Apocalipsis 12:9

qama'le qoyamaĝaye ñe'me jiyac let'adaic jo'ne ena'am ta'le ñaĝadiaq da'me 'loyaĝac, nach'eñe ñe'me nanaic jo'ne 'uaechiñe 'uo joca'li jo'ne lenaĝat da'me Payac nataq'aen lenaĝat laqaya da'me Satanás, jo'ne yoqovi'n yema ga'me aleua laje'pi. Ñe'me Satanás nataq'aen ena'uaque jogaa'me mach'e lalemaĝajetpi male qonajaĝadi'ña jena'me aleua.

Apocalipsis 2:20

Qalaĝaja 'uo da'me jo'ne ja ami 'te ja'amaqateneque: queda'me a'namaqatenaguet jañe'me yauo jo'ne Jezabel, jañe'me jo'ne eetapela't jada'me Dios 'laqataĝanaĝana, qalaĝaja ch'e qovinaĝanaĝai. Nach'añe jo'ne yoqovi'n jogaa'me mach'e yalemaĝaje'te, da'me yapaĝagueneque qaedi e'n tadoue da'me nequejeguetaĝa nataq'aen da'me jetaque e'n yali'j ga'me niqui'yaĝat jo'ne lajaqaje'j 'me qoyanoto jogaa'me qop'iyapegalo jo'ne ja ejoda.

Apocalipsis 2:6

Qalaĝaja 'uo da'me jo'ne a'namaqatenatague'j queda'me anaucheñiyalo daa'me 'lonataqa jogaa'me quetedapegue' ñe'me Nicolás, daa'me jo'ne jayem nach'e ena'am da'me ñautenalo.

Apocalipsis 2:2

Joote jayaten yema da'me auauoyi, nataq'aen jayaten da'me 'uo da'me laqalaic da'me jo'ne at'onataĝanaĝaqui, choqoda'me nach'e eta't da'me ja aĝañiñi, nach'e ena'am jayaten da'me ja auaqanachichi ta'le anapogaĝadeñiyegueta jogaa'me jiyaĝa'u jo'ne ja 'noe'n, qama'le nach'e ena'am jayaten da'me analoqochiñe nale jogaa'me jo'ne eetapela'ajalo Dios lamaĝa's qalaĝaja ja naqaegaua, qama'le auanomiya'a da'me nach'egaua jo'ne pecayaqa.

Judas 1:4

Qa'a uo'oe gaa'me jo'ne ch'e ami yeuomaĝanouelo joda'me loqovinaĝanaĝaco qaedi ami tauelo. Nach'egaua jo'ne joote uaqatetelo'te daa'me nedii's jo'ne Dios 'laqataqa joca'li, queda'me joote qoyeloĝonaĝateda'a da'me Dios le'uaĝanaĝanaĝac, nach'egaua ga'me jiyaĝadipi jo'ne yataqachiñe etaĝaloĝoiquipi. Nataq'aen ch'e yacoteguet da'me lichoĝodenataĝanaĝac joñe'me Dios qama'le ena'am ta'le ch'e yayaquiaĝa'n qaedi 'yete'tape naa'me mach'e loeco jo'ne lequejeguetaĝa. Nataq'aen nematedapec joñe'me Qadadipa mach'e Qadejaliaĝanec Jesucristo.

2 Juan 1:7

Qa'a uo'oe qayoĝode' gaa'me qovinaĝanaĝaiquipi jo'ne quetedalegue jena'me aleua, jo'ne ja dechoqotaĝatec joñe'me Jesucristo naequena nach'e naq'aeta jiyaĝaua jo'ne yataqatelegue. Ga'me jo'ne naq'aeta, nach'ega qovinaĝanaĝaic nataq'aen nautena joñe'me Cristo.

1 Juan 2:26

Qama'le ami jamaĝalo jenjo' yediijec qaedi ami jaqataĝana'alo jogaa'me jo'ne jetaque ami yoqovi'n.

2 Timoteo 2:18

qama'le joote nepate'n da'me yataqata eja, qama'le nenaĝatetedapegue da'me joote yem da'me 'niyelaĝadijeguem gaa'me jiyaĝa'u, male nach'ena jenjo' 'yaĝatetedac jo'ne joote 'uo da'me en ca'e da'me qadepe'e ladic.

Gálatas 6:17

Chane'eja nayi, chiyoqotelegue da'me male qaya'te gamachaqaega ya'uo yaqalaic, qa'a jena'me yo'oc uo'oe gaa'me yedidiñe jo'ne yaloĝo'n da'me yachoĝodec qa'a jeuaĝayet ñe'me Cristo.

Gálatas 4:17

Jogaa'me jo'ne jetaque ami yepagaqatetapeque da'me oqui'teguelo daa'me namaĝajoĝonaĝaco jo'ne qoyanema jogaa'me judiopi, jogaa'me yaloĝo'n da'me ami nedote'eneque. Qalaĝaja da'me yataqachiñe jetaque ami 'yeteque nach'edata da'me ami 'naĝa't, qa'a jogaa'me ami yepagaqatetapeque da'me ja jayem 'te auenache'ta dite jogaa'me a'uamaqachiñe'.

Gálatas 2:4

Jo'me jojo' yema'a't jouaqataue qa'a uo'oe gaa'me jo'ne ch'e nañoĝotedapiñe da'me tauelo jogaa'me p'etaqadaiquipi qaedi ch'e qo'mi naloqote'n. Naajo' qovinaĝanaĝayaqa jo'ne ch'e yaledeuo nach'edata da'me jetaque doĝotaĝatec da'me qo'mi uojotedañi 'me Cristo qo'mi yejodegue, qama'le jogaa'me jetaque qo'mi yepagaqatetapeque da'me qaedi qolaqa'teguelo yema gaa'me judiopi lamaĝajoĝonaĝaco.

2 Corintios 4:2

Qaya'te gamachaqaega ta'le janomaĝaguet da'me qadepocoĝo, uotaĝa joĝotaqatapiñi ga'me qat'onatac. Ja jauoqo da'me ta'le joqovinaq ga'me jiyaĝadipi uotaĝa jaeyaĝanaq da'me 'laqataĝanaĝac ñe'me Dios. Ja naq'aeta, dite da'me nach'eñe ñe'me Dios qa'naĝatoqo't queda'me onolec da'me eja ñenaĝataĝaye. Qo'che' ena'uaque qo'mi qop'eteque.

Hechos 20:30

Chayovida'a mach'e ami uo'oe qomle gaa'me 'ñedijeguem qama'le dapaĝaguenataĝatec daa'me loqovinaĝanaĝaco qaedi ga'me p'etaqadaiquipi male qodiguelo.

Hechos 13:10

qama'le enapega, enaac: —¡Am qovinaĝanaĝaic, am ja no'en jo'ne payac c'oĝot nataq'aen anautenalo ena'uaque gaa'me jo'ne 'noota! ¿Toqoch'e ja aĝañi da'me auajáĝañi' gaa'me chimadetedegue ladico ñe'me Jaliaĝanec?

Mateo 24:24

Qa'a novi't qom'te gaa'me pecayaqa jo'ne eetapela'ajalo Dios liquiyaqa, nataq'aen gaa'me qovinaĝanaĝayaqa jo'ne eetapela'ajalo Dios 'laqataĝanaĝanaqa; qama'le nach'egaua yauo'oe gaa'me 'lanaqa nataq'aen gaa'me lañoqotaĝanaĝaco jo'ne p'ajodaye qaedi doqovinaĝa'n, da'me jetaque yañoĝo't chayovida'alo gaa'me Dios lec'oqo'tolqa jo'ne mach'e liquiyaqa.

Gálatas 1:6

Dios ami yiyaĝanalo, nataq'aen chiyaqayi ñe'me Cristo da'me ami yaloĝonalo da'me leyalaqataĝanaĝac. Qo'che' yataqachiñe joqoch'em da'me paja'a aĝañiñi da'me auec'achiya ñe'me Dios nataq'aen auacoñiyeguet ga'me 'naqataĝanaĝac jo'ne ja ena'am da'me dojo' 'naqataĝanaĝac 'me onaĝaic.