Gálatas 1:6 - Nuevo Testamento Toba Sombrero Negro

⁶ Dios ami yiyaĝanalo, nataq'aen chiyaqayi ñe'me Cristo da'me ami yaloĝonalo da'me leyalaqataĝanaĝac. Qo'che' yataqachiñe joqoch'em da'me paja'a aĝañiñi da'me auec'achiya ñe'me Dios nataq'aen auacoñiyeguet ga'me 'naqataĝanaĝac jo'ne ja ena'am da'me dojo' 'naqataĝanaĝac 'me onaĝaic.

Nuevo Testamento Toba Sur

⁶ Aÿim ÿataqta lta'adaic da i'aalaxa da qoñiita, yi ÿataqta saqaÿalqo' da qoquiÿa'ai ñi Dios ñim ÿachigoxotchigui da lauotaxanaqtaic da shinaqta so Cristo co'ollaq qami' iÿaxanalo. Ÿataqta sa'aalac da qoquiigue da ÿaqa'a n'aqtaxanaxac mayi qoÿiitega chigaqaigui da nca'alaxa.

La'aqtaqa Ñim Lo'onatac 'Enauacna 2013

⁶ Ñim Lo'onatac 'Enauacna qami' iỹaxanalo qataq chegoqchigui naqa'en So Cristo da qami' ỹachaxanalo da lsoxoyec. Qaq ỹoqo'oye hua'c da sa sa'amaqten da ỹapac saqaỹaloq da qaỹa'axañiiuec da qaralaxayiqui Ñim Lo'onatac 'Enauacna, nache qauacoñiiguet da lỹa na'aqtaxanaxac maye npe'eneguet da no'on na'axaỹaxac.

Gálatas 1:6 Referans Kwoze

2 Corintios 11:4

Qa'a da'me ami nale gamachaqaega ami yovida'alo jo'ne 'yaĝatetac ñe'me Jesús qalaĝaja ja ena'am ga'me joote ami ja'aĝataĝama, qanach'e paja'a 'uo da'me adamaiqui da'me auacoñiyeguet. Ñe'me Dios Lepaqal 'me ja 'nalegue 'me auacoñiyeguet joote ami uetauelo, qalaĝaja auacoñiyeguet nale ga'me nepaqal laqaya jo'ne yaqa'a, nataq'aen 'naqataĝanaĝac laqaya jo'ne ja ena'am ga'me joote auacoñiyeguet.

1 Timoteo 1:3

Yitaĝa am je'elopec joga'me joote am ja'aĝatem quelqaya da'me jajoyi jodi'me aleua Macedonia qama'le jenaac: “Ch'e oue'ta jo' jena'me Éfeso,” qaedi auamaĝalo'te jogaa'me jiyaĝa'u jo'ne ja yataĝalo'te, queda'me ja 'noota ta'le dapaĝaguenataĝatec joga'me ch'e lelnataĝa'j jo'ne yataqachiñe ja no'en.

1 Corintios 4:15

Qa'a nayi queda'me oquiyegue ñe'me Cristo male qayoĝode' gaa'me adajoĝola'chidi', qalaĝaja jaldata da'me 'uo ñe'me onolec jo'ne ena'am ta'le adet'ai. Ena'am ta'le naqayem da'me jayem adet'ai, qa'a nach'ayem ca'li ami ja'aĝatema da'me onaĝaic 'naqataĝanaĝac, chane'eja ami auep'iiya'a joñe'me Jesucristo.

Hechos 15:11

Ja 'noota da'me dojo', qa'a ja'amaqatenaq da'me qadec'alegue nach'edata da'me chiyaqayi da'me lichoĝodenataĝanaĝac ñe'me Qadejaliaĝanec Jesús, qama'le nach'e ena'ama jogaa'me ja judiopi.

Gálatas 5:4

Jogaa'me jo'ne eetedapega Dios yaconegueta queda'me que'teguelo daa'me namaĝajoĝonaĝaco, de'uotedapeguet da'me loqopich'i ñe'me Dios qama'le ja yemetede'eguet ñe'me Cristo.

Romanos 10:3

Qa'a ja auatetoñiyeguet da'me nach'eñe naqaeñe ñe'me Dios da'me e'n yataqatelo'te gaa'me jiyaĝa'u, qama'te aueñetapela't mach'e ami yataqatelo'te. Qama'le naq'aeta da'me ja uetedo'ot da'me jo'ne joote Dios 'yaeñi qaedi qo'mi yataqatelo'te q'ae'n.

1 Timoteo 1:14

Qalaĝaja joñe'me Qadejaliaĝanec yataqachiñe t'adaic ga'me lichoĝodenataĝanaĝac jo'ne jayem yanem, qama'le yataqata 'uo da'me yepe'e jo'ne janem ñe'me, choqoga'me yoqopich'iyaĝac jo'ne onaĝaic, nach'eda jo'ne qo'mi uauelo qom jep'iyaqa joñe'me Qadec'alaĝaiqui Cristo Jesús.

Apocalipsis 22:21

'Noota qom joñe'me Jaliaĝanec Jesús male yecodegue da'me lichoĝodenataĝanaĝac, ami yachalo'te, ena'uaque da'me ami.

2 Timoteo 2:1

Am yalecolac, 'noota qom auaconeguet da'me at'añaĝac jo'ne Dios am yanem queda'me ademe'teguet joñe'me Cristo Jesús.

2 Timoteo 1:9

Dios joote qo'mi nec'alaĝatedegue nataq'aen nach'eñe qo'mi yiyaĝanalo qaedi jouaqauelo gaa'me lec'oqo'te jo'ne ja 'nalo'te. Jouaĝat taĝa da'me qat'onataĝanaĝac, mac joñe'me Dios nach'eñe lelnataĝac da'me dojo', qa'a joote qo'mi noqopitalo ca'li maliaĝa ja ye'et jena'me aleua, qama'le qo'mi yamaĝalo joñe'me Cristo Jesús.

2 Ts 2:14

Dios ami yiyaĝanalo ca'li jouaĝat da'me yataqata auacoñiyeguet jena'me jenjo' onaĝaic 'naqataĝanaĝac jo'ne ami ja'aĝataĝama ca'li, qaedi nataq'aen male oviyaue da'me 'lonaĝac ñe'me Qadejaliaĝanec Jesucristo.

Romanos 5:2

Chane'eja chiyaqayi da'me qadepe'e, ñe'me Jesucristo qo'mi yanema da'me qadadiiuo qaedi jaqanatetaq da'me jec'ataĝa ñe'me Dios, nach'eñe jo'ne yataqata qo'mi yichoĝode'n, qama'le qo'mi t'añidañe nataq'aen ñi'yoĝodenaqatapela't queda'me 'uo da'me qadeuataqataĝanaĝac da'me jouaqaue qomle da'me 'lañaĝac ñe'me Dios.

Juan 9:30

Joñe'me jiyaĝaua 'yategueta: —Yataqachiñe yoĝoja'a da'me dojo' jo'ne auauoyi queda'me toqoch'e ja auayachiñe ga'me jo'ne chiyoĝogue, jojo' jiyaĝaua jo'ne nach'ejo 'me e'n 'youatedegue naa'me 'yae'te.

2 Pedro 1:3

Joñe'me Jesús joote en chiyaqayi da'me mach'e lañoqotaĝanaĝac da'me qo'mi yanema yema ga'me jo'ne youetaque da'me qat'oyaĝac qaedi yataqata qolaqatapegue' joñe'me. Qama'le qo'mi yatetonaĝanaĝaneque joñe'me Qadet'a, nach'eñe jo'ne qo'mi yiyaĝanalo qaedi jaĝaue da'me 'lonaĝac choqoda'me lejaliaĝa jo'ne ja 'nalegue.

1 Pedro 1:15

dite da'me oviyaue qomle da'me adaloi'ta't da'me ami ja 'nalo'te, qa'a joñe'me Dios jo'ne ami yiyaĝanalo yataqachiñe ja 'nalegue.

Marcos 6:6

Chane'eja ñe'me Jesús jalcote da'me yoqoch'em queda'me gaa'me Nazaret laje' ja p'iida'a joñe'me, qama'le yec'atalo gaa'me noyaqolqa jo'ne ja qayapiye, qama'le dapaĝaguenataĝan.

Romanos 8:28

Jayatenaq ñe'me Dios da'me yaqataĝata'ajalo gaa'me uo'oe 'me chiyaqayi ga'me liyamaĝa'j jogaa'me jo'ne noqopideta joñe'me, nach'egaua yiyaĝanalo joca'li joñe'me da'me jetaque nec'alaĝatedegue.

Romanos 8:30

Qama'le jogaa'me jo'ne chiyoqochiñe liquiyaqapi ñe'me Dios, qama'le nataq'aen yiyaĝanalo jogaa'me; nach'egaua yataqatelo'te q'ae'n; nataq'aen jogaa'me yanema da'me chimadichidiñe, nach'e ena'am netauada'uo da'me 'lonaĝac joñe'me.

2 Corintios 2:17

Qo'mi ja naqaeda ta'le jauoqo lajo'vi da'me 'laqataĝanaĝac ñe'me Dios, jo'ne qayoĝode' naq'aeta da'me yauote; ja naq'aeta, dite da'me Dios qo'mi yauanalo queda'me qaya'te jenaq lale'gue da'me ja'aqataĝanaqatac, qa'a nach'eñe ñe'me Dios qo'mi lamaĝa's nataq'aen qa'a yataqachiñe qademe'teguet ñe'me Cristo.

Gálatas 1:7

Qalaĝaja eja queda'me qaya'te 'naqataĝanaĝac laqaya: ñenaĝategue da'me dojo' qa'a uo'oe gaa'me jetaque yaqataqate'n da'me onaĝaic 'naqataĝanaĝac jo'ne 'yaĝatetac ñe'me Jesucristo, qama'le ami yejomaĝana'ape.

Gálatas 1:11

Ami yaqaya'olqa, 'noota qom yataqachiñe auayachiñe da'me qaya'te gamachaqaega jiyaĝaua ta'le yaqanatet da'me 'nedijeguem da'me dojo' onaĝaic 'naqataĝanaĝac jo'ne ami ja'aĝatema.

Gálatas 1:15

Qalaĝaja Dios jalcote jayem noqopita, qama'le chiyoqo'teguet ca'li maliaĝa ja ñiyiñe, jayem 'yatetelegue qaedi jo'onataĝaneuo'o joñe'me. Uoja'eda jayem yatetonaĝaneguet ñe'me c'oĝot qaedi ja'aqataĝanema ena'uaque gaa'me jiyaĝadipi jena'me aleua da'me onaĝaic 'naqataĝanaĝac jo'ne 'yaĝatetac joñe'me. Ca'li di'yoq da'me dojo' qama'le ja jachoĝoya gamachaqaega qaedi jayem yapaĝaguen,

Gálatas 2:5

Qalaĝaja qo'mi ja jauoqo 'te ledaqa' ta'le qo'mi yaue'j jogaa'me, qo'mi jepagaqatapega ta'le ami oquitelegue da'me auoqochiiya da'me yataqatelegue nep'iquinataĝanaĝac jo'ne 'yaĝatetac da'me onaĝaic 'naqataĝanaĝac.

Gálatas 2:7

Jogaa'me yayate'n queda'me Pedro qoyanem da'me 'nelopaguec da'me 'yaĝatetac dojo' onaĝaic 'naqataĝanaĝac 'me qoyanema jogaa'me judiopi, nataq'aen jayem qamqa'me jayem qo'yelopec da'me ja'aqataĝanema ena'uaque gaa'me jo'ne ja judiopi.

Gálatas 2:14

Dojo' eetedapega mach'e naq'aeta da'me lajoĝo'j nautena da'me yataqatelegue nep'iquinataĝanaĝac 'me onaĝaic 'naqataĝanaĝac. Qo'che' jojapegue' ca'li ñe'me Pedro da'me jajoyaqa'agueta gaa'me p'etaqadaiquipi di'me Antioquía qama'le jenapega: “Am, auen at'oyaĝac da'me ena'am ta'le ja am 'te judío le'ec. Qama'le nayi, ¿toqoch'e auepagaqatetapeque jogaa'me ja judiopi qaedi quetede'egue da'me naeda'ac jogaa'me judiopi?”

Gálatas 5:14

Qa'a onolec ga'me lamaĝajoĝonaĝac ñe'me Dios yemata'a't yema gaa'me namaĝajoĝonaĝaco: “Adoqopitalo jogaa'me adaqaya'olqa nach'e naq'aeta na'le anoqopitela't.”