Gálatas 1:4 - Nuevo Testamento Toba Sombrero Negro

⁴ Jesucristo nach'e eta't yoqo'cha ñe'me Qadet'a Dios, qama'le yaconeguet da'me leleuaĝa qaedi qoyapalaĝa't naa'me qadoeco, qama'le qo'mi yachiyoĝotedaue jena'me aleua 'me ja no'en da'me qo'mi nec'alaĝatedegue.

Nuevo Testamento Toba Sur

⁴ som nañanguet co'olloxochiyi da nalaataguec, souaxat nam qadasouaxashitpi, da yaqto' qomi' nca'alaxateeguesopa nam qauemsat mayi huetalec ana 'alhua. Qaq ipacchigui da maichi lhuennataxa ñim qadta'a Dios.

La'aqtaqa Ñim Lo'onatac 'Enauacna 2013

⁴ So Jesucristo ỹataqta nache 'eetai' da ỹalaxaguet Ñi Qarta'a maye Lo'onatac 'Enauacna, qataq nañaneguet da nleuaxa yaqto' Ñimaye ỹapalaxat na qarasouaxashetpi qataq qomi' isoueeguesopa nam qauemsat maye huetalec ana 'alhua.

Gálatas 1:4 Referans Kwoze

Mateo 20:28

Qa'a mate mane'e jayem jo'ne yataqachiñe jayem Jiyaĝaua Lec'oĝot, ja ñanaequena qaedi 'uo da'me ñecochaguec, dite da'me ñanaequena qaedi yecochiyalo joga'me jiyaĝadipi 'me jalcote nataq'aen qaedi janema da'me 'yoyaĝac, qaedi ñep'aĝanegueta jogaa'me.

Romanos 4:25

jo'ne qoyemenoue da'me leleuaĝa yajouaĝa't daa'me qadoeco nataq'aen 'niyelaĝajeguem qaedi qo'mi e'n yataqatelo'te.

Gálatas 2:20

qama'le male ja naqayem ta'le mach'e jec'aletaye, dite ñe'me Jesucristo 'me nec'aletaye nach'eñe jayem nec'aletaye q'aen. Qama'le nayi jec'aletaye yajouaĝat da'me jep'iya'a ñe'me Lec'oĝot ñe'me Dios, qa'a ñe'me jayem noqopita nataq'aen najetoue da'me leleuaĝa qaedi jayem nec'alaĝategue.

1 Pedro 2:24

Qa'a nach'eñe ñe'me Cristo jo'ne qo'mi nep'aĝanegueta ca'li yachi'y naa'me qadoeco qama'le ga'me lapat qoyachalegue jaga'me sodoso, qaedi da'me qo'mi male qolaqa'e da'me qadoiquiyaĝac qama'le jouaqaue da'me nec'alaĝa jo'ne ja 'nalegue. Joñe'me Cristo uo'oe ca'li jogaa'me yedidiñe qaedi ami nec'alaĝatedegue.

Tito 2:14

Nach'eñe qo'mi nep'aĝanegueta ca'li yeleu, qaedi qo'mi yachiyoĝotauelo gaa'me ja 'noe'n, nataq'aen qaedi qo'mi yataqachiñe qo'mi yiyo'y, qaedi mach'e qo'mi e'n Dios lec'oqo'tolqa, jo'ne qa'nañaĝatetac da'me jauoqo joda'me 'noota.

2 Corintios 4:4

Da'me onaĝaic 'naqataĝanaĝac qo'mi 'yaĝatema da'me 'lonaĝac ñe'me Cristo, nataq'aen Cristo p'ayet da'me qo'mi yaloĝonalo da'me 'lonaĝac joñe'me Dios. Dojo' 'naqataĝanaĝac ena'am jaga'me coyadaĝanaqate da'me laqaselegaĝac; qalaĝaja gaa'me jo'ne ja p'iida'a ja yaqanate't da'me yec'ate'n, qa'a ñe'me Satanás ja yaje'tema.

1 Timoteo 2:6

jo'ne nemela't qaedi qoyalat ca'li, qama'le naqaeñe chiyaqayi joga'me nec'alaĝac da'me yema da'me qo'mi, nataq'aen joote yaloĝon ca'li uetalegue jaga'me sodoso male yauana jena'me jiyaĝadipi.

Efesios 2:2

Da'me anejiyaĝauayaĝaqui yataqata ja no'en ca'li, oqui'teguelo gaa'me jiyaĝa'u jo'ne ja 'noe'n, nataq'aen oquitapegue' joñe'me payac lepaqal jo'ne nejaliaĝatelo'te yemeda gaa'me payagodipi, nach'eñe jo'ne 'yañaqate't jogaa'me ja p'iida'a joñe'me Dios.

1 Ts 3:13

Nataq'aen yataqata 'yañaĝachilo jonaa'me adai'lidi', qaedi yataqata ami uauelo joga'me ja 'nalegue, nataq'aen da'me yataqata ami ejoda yataqata qaya'te adoecodi' da'me ami nelotapi'ñalo joñe'me ja 'nalegue mach'e Qadet'a Dios, qom male 'niyelaq joñe'me Qadejaliaĝanec mach'e Jesús qama'le naequetedapegue' yema joga'me Dios lec'oqo'tepi jo'ne ja 'nalo'te. Jaja'a, nach'e naq'aeta da'me dojo'.

Romanos 12:2

Male ena'te oqui'taguelo gaa'me mach'e yepaquetapegalo naa'me noloqo'ote jo'ne ovitauelo; dite da'me auadalaĝachi' gaa'me adelnataĝacodi' qaedi naqaedi da'me dalaĝaic da'me adajoĝoqui qama'le auovidiya'a da'me male auatetoñi da'me loequenataĝanaĝac ñe'me Dios, dojo' yelo'teguet ga'me jo'ne 'noota, gaa'me jo'ne adiyamaĝaqui, ga'me jo'ne yataqatelegue.

Filipenses 4:20

¡Male yataqata qo'nonaĝachigui joñe'me Qadet'a Dios yemeda naa'me noloqo'ote! Jaja'a, nach'e naq'aeta da'me dojo'.

Efesios 5:2

Yataqata adoqopichiyalo naa'me adaqayadi', ena'am ca'li joñe'me Cristo da'me yataqata qo'mi noqopitalo qama'le qo'mi nep'aĝanegueta ca'li, qaedi ena'am ta'le qoyen qadajaqajec, ena'am ga'me 'naĝanaĝate c'oĝot jo'ne qoyachalegue ga'me nec'atoĝonaĝala' nale, nach'eñe jo'ne ena'am joga'me neyoĝoque jo'ne jama nale ga'me laeta, yataqata yiyamaĝaden ñe'me Dios.

Apocalipsis 1:5

qama'le nach'e ena'am chiyoqo'ot joñe'me Jesucristo, nach'eñe jo'ne choqotaĝanaĝaic 'me yataqatelegue, joñe'me jo'ne 'uaechiñe da'me 'niyelaĝajeguem da'me chiyaqauelo gaa'me napa'lpi, qama'le yataqata nejaliaĝatelo'te yema jogaa'me nejaliaĝanaqa jena'me aleua. Nach'eñe jo'ne jalcote da'me qo'mi noqopitalo, Qama'le qo'mi doĝotaĝaneque gaa'me qadoeco Ca'li naliñi jaga'me letauo' da'me qoyalat.

Apocalipsis 5:9

Qama'le 'yotedac jenjo' nalac jo'ne dalaĝaic: “Naqa'am jo'ne aueloteguet qoyen Da'me auacona ga'me nenañejec Qaedi anaqa't jogaa'me 'nanaĝanaqatel, Qa'a naqa'am jo'ne am qoyalat joca'li Qama'le naliñi jana'me adetauo' Da'me aue'n nejetenatac ñe'me Dios Joga'me jiyaĝadipi jo'ne yodapecache naa'me 'loyaĝaco naa'me 'laqataqa, Ena'uac da'me neqomyaĝac Nataq'aen ena'uaque gaa'me noyaqa.

1 Juan 3:16

Jayatenaq da'me jo'ne yataqata noqopich'i qa'a ena'am ta'le noqopich'i ñe'me Jesucristo, ca'li yanegue da'me nejiyaĝauayaĝac da'me qoyalat qa'a jouaĝat qo'mi. Chane'eja, nach'e naq'aeta qo'mi, 'noota qom yecochaĝanaĝanegueta da'me qanejiyaĝauayaĝac jogaa'me qadaqaya'olqa.

1 Juan 2:2

Jesucristo nach'eñe jo'ne nemenegueta ena'uac daa'me qadoeco ca'li yeleu, qaedi naa'me qadoeco male qoyapalaĝa't, nataq'aen ja nach'e qo'mita dite da'me yema gaa'me aleua laje'pi.

1 Pedro 3:18

Qa'a nach'e ena'am ñe'me Cristo 'uo da'me lachoĝodec ca'li yeleu, yajouaĝa't naa'me adoecodi', onolec da'me naloĝola't qama'le ja yitaĝa ta'le di'yoq. Ñe'me jo'ne qaya'te ta'le laviyaĝajet qalaĝaja nach'e ena'am 'uo da'me lachoĝodec q'aen yajouaĝat da'me ami loeco lo'ol, qaedi ami yauegalo joñe'me Dios. Qama'le ja qalaq da'me male pal da'me ch'e nejiyaĝauayaĝac ca'li yeleu, qalaĝaja yitaĝa 'niyelaĝajeguem queda'me 'uo da'me 'loyaĝac jo'ne ja di'yoq 'me qaya'te loiquiaqa'.

Santiago 4:4

¡Ja ami 'te yataqatelo'te! ¿Qo'li ja auayachiñe joda'me qom anoqopicheguet jena'me ua'ña jena'me aleua qama'le nach'e ami jo'ne laute'u joñe'me Dios? Gamachaqaega jo'ne en lelnataĝac da'me noqopita nataq'aen da'me 'yamaqate'n jena'me jo'ne ua'ña jena'me aleua, nach'ega 'viyelaĝaguet da'me en lauteua joñe'me Dios.

Hebreos 6:5

choqoda'me joote yayate'n daa'me onaĝayaqa jo'ne 'laqataqa joñe'me Dios choqoda'me lañoqotaĝanaĝac jo'ne yataqata di'yoqo'tegue qomle,

2 Ts 2:16

Ñe'me Dios jo'ne Qadet'a yataqata qo'mi noqopitalo chayovida'a da'me qo'mi yanema joda'me qat'añaĝac nataq'aen da'me qadeuataqataĝanaĝac jo'ne chiyoqo'ot da'me lichoĝodenataĝanaĝac joñe'me, nataq'aen joñe'me Qadec'alaĝaiqui Jesucristo,

Juan 12:31

Nayi male 'uo da'me nec'ateneguec jena'me aleua laje'pi, male qoyamaĝaye ñe'me jo'ne damaĝajoĝonac jena'me aleua chayovida'a nayi.

Mateo 26:28

qa'a janjo' mach'e laloĝoiqui qoyen jana'me yetauo', nach'ana jo'ne 'nanec queda'me Dios ami ye'tema qaedi male aniyamaĝadeñiyeguet joñe'me. Mach'e yetauo' jo'ne naliñi qomle, nala'alo joga'me jiyaĝadipi jo'ne jalcote, qaedi yiyamaĝatem qomle queda'me male qoyapalaĝa't joda'me loeco.

Hebreos 9:14

Chane'eja qom naq'aeta da'me dojo', qama'le jalcote da'me yaguegue da'me lañoqotaĝanaĝac jaga'me letauo' joñe'me Cristo, qa'a chiyaqayi ñe'me Dios Lepaqal jo'ne nach'e eta't da'me 'uo, ñe'me Cristo mach'e nemenot joñe'me Dios, da'me ena'am ta'le najaqajec jo'ne qaya'te lejepaĝanaĝa. Chane'eja jaga'me letauo' da'me yataqata e'n yoqovite' naa'me mach'e qadai'li, nach'eda da'me jo'ne ja yaqanatet ta'le chiyaqayilo jogaa'me najaqajel toye's, qama'le nayi yataqata jaqanatetaq da'me jo'onataĝanaĝauo'o ñe'me Dios jo'ne nach'e eta't da'me nec'aletaye.

Hebreos 2:5

Qom Dios yadalaĝat jena'me aleua, jena'me jo'ne joote ami ja'aĝatema, qama'le ja nach'egaua gaa'me piyem laje' ta'le qoye'n qadejaliaĝanaqa.

1 Ts 3:11

Qadamaic ta'le Qadet'a Dios nach'eñe choqoñe'me Qadejaliaĝanec mach'e Jesús yataqata qo'mi lecochiyalo qaedi 'uo da'me qat'añaĝac da'me yitaĝa ami jajoĝoguelo qomle choqoda'me ami jejapichaĝalo.

Efesios 6:12

Qa'a ja jeloquiaĝaye gaa'me jiyaĝa'u jo'ne ch'e napat nataq'aen p'inaqa, qa'a gaa'me qadaute'u nach'egaua gaa'me payagodipi jo'ne lejaliaqa' di'me p'ajeguem, nach'egaua jo'ne nejaliaĝatelo'te gaa'me 'nonataqa jo'ne chiyoqodaue ga'me 'lalaĝa.

Efesios 1:11

Da'me 'uo ñe'me Cristo, Dios male en qo'mi liquiyaqa ca'li yemta da'me 'lonataĝanaĝac, qaedi yataqata en qo'mi lec'oqo'te, qaedi male jaconaĝaguet yema joga'me 'yaĝatetac ca'li. Nach'ena jena'me jenjo' Dios lelnataĝac jo'ne qo'mi yanema, nach'eñe jo'ne ja yoqovin joga'me 'laqatac uotaĝa 'lonataĝanaĝac.

Gálatas 6:14

Jayem qamqa'me nach'edata 'uo da'me ñi'yoĝodenaĝac da'me jaconeguet da'me jo'ne chiyaqayi da'me leleuaĝa ñe'me Qadejaliaĝanec Jesucristo. Qa'a jouaĝat da'me leleuaĝa ñe'me, male ja jen 'te p'ajaye ga'me jo'ne jenjo' aleua 'me ja no'en jayem yachalegue. Ena'am da'me jenjo' aleua joote jeleualegue.

Romanos 8:32

Qom Dios ja qo'mi 'te nematapeque, nataq'aen ñe'me mach'e C'oĝot, dite da'me yanoue da'me leleuaĝa qa'a jouaĝat qo'mi, da'me qo'mi yanema ñe'me C'oĝot, ¿qo'li ja nach'e ena'am qo'mi yanema ena'uaque gaa'me uo'oe?

Romanos 8:3

Qa'a ñe'me Dios male ye'et da'me jo'ne ja yañoĝot da'me ye'et da'me namaĝajoĝonaĝac jo'ne chiyoqo'ot di'me Moisés, qa'a da'me lachoĝolaĝac da'me ch'e nejiyaĝauayaĝac qama'le ja yaqanatet ta'le yomat da'me dojo'. Qama'le Dios namaĝaquena ñe'me C'oĝot ena'am da'me lachoĝolaĝac ga'me ch'e jiyaĝaua 'me loeco lo'ol nataq'aen ena'am ta'le nemenec 'me nep'aĝaneguet gaa'me loeco joga'me jiyaĝadipi, nach'eda naq'aeta da'me ena'am q'aen ga'me ch'e jiyaĝaua 'me etaĝaloĝoic chiyaqayi da'me male yolaĝachigui ga'me etaĝaloĝoc.

Romanos 1:7

Dios ami noqopitalo, nataq'aen ami qoyapetenegueta gaa'me Dios lec'oqo'tepi. 'Noota qom Dios mach'e Qadet'a nataq'aen ñe'me Qadejaliaĝanec Jesucristo ami yanema da'me anichoĝodenataguequi nataq'aen da'me at'emaĝaqui.

Juan 10:11

Naqayem jo'ne jayem 'naĝanaĝate nouatoqo't 'me onaĝaic. Ga'me jo'ne onaĝaic 'naĝanaĝate nouatoqo't yanegue da'me 'loyaĝac qaedi nec'alaĝatedegue jogaa'me 'naĝanaĝatelpi;

Juan 6:38

Da'me jayem ja ja'uo ga'me jo'ne mach'e yelnataĝac, qa'a jachiyoĝogue di'me piyem qaedi ja'uo ga'me jo'ne lelnataĝac joñe'me Taĝadena' jo'ne jayem namaĝaquena.

Juan 5:30

“Jayem ja jaqanatet ta'le ja'uo ga'me jo'ne mach'e yelnataĝac, dite ga'me jo'ne jayem yamaĝalegue ñe'me Taĝadena'. Chane'eja nach'e ena'am nalo'taguet da'me mach'e yec'atenaĝanaĝac, qa'a ja ja'aĝatetac da'me ja'uo ga'me jo'ne mach'e yelnataĝac, dite ga'me jo'ne lelnataĝac joñe'me Taĝadena', joñe'me jo'ne jayem namaĝaquena.

Lucas 22:42

Enaac: “Taĝadena', qom a'uamaqaten, qama'le ena'te jayem auedaĝatelegue da'me dojo' yachoĝodec jo'ne yataqata jaqama; qalaĝaja 'noota qom ena'te a'uetoue da'me ena'am ta'le mach'e yoequenataĝanaĝac, dite da'me mach'e adoequenataĝanaĝac.”

Marcos 10:45

Qa'a mate mane'e jayem jo'ne yataqachiñe Jiyaĝaua Lec'oĝot, ja ñanaequena qaedi 'uo da'me ñecochaguec, dite da'me ñanaequena qaedi yecochiyalo nataq'aen qaedi janema da'me 'yoyaĝac joga'me jiyaĝadipi 'me jalcote, qaedi ñep'aĝanegueta jogaa'me.

Mateo 26:42

Ca'li yitaĝa ec qama'le eetojo' da'me netamenaĝac: “Am Taĝadena', qom ja qoyaqataqaten janjo' yomaĝaiqui queda'me ja ñiyomigui, 'noota qom aua'uo da'me mach'e adoequenataĝanaĝac.”

Mateo 6:9

Nale anetameñi, aueñeetojo': «Am Qadet'a 'me ona'ague di'me Piyem, 'Noota qom qo'nonaĝachigui da'me adenaĝat.

Apocalipsis 7:9

Mane'e ca'li yem da'me dojo' qama'le jauana ga'me jiyaĝadipi let'adaic jo'ne qaya'te yaqanatet ta'le noloqoten, jo'ne qoyachiyoĝotauelo yemeda jogaa'me noyaqa let'adayaqa nataq'aen yodapecache da'me neqomyaĝa'j nataq'aen yodapecache naa'me 'loyaĝaco naa'me 'laqataqa. Qama'le jauanalo da'me nechatetedañe ena'uac da'me dajotauo jaga'me je'onaĝaiqui jo'ne nejaliaĝaiqui, qama'le nach'e ena'ama dajoteda'aguet joñe'me 'Naĝanaĝate Lec'oĝot. Qama'le uo'oe naa'me louo jo'ne pagaĝayaqa nataq'aen da'me yachi'y jaa'me chaic layoqote, onolqa'tape jogaa'me jiyaĝa'u da'me lajoqot'alo.

Romanos 8:27

Nataq'aen ñe'me Dios 'me yec'ate'tape naa'me qadai'li, yayaten ga'me jo'ne 'yaĝatetac ñe'me Lepaqal nale netamelo'te gaa'me Dios lec'oqo'tepi, qa'a da'me nachoĝodenaĝac ñe'me Nepaqal mach'e loequenataĝanaĝac ñe'me Dios.

Lucas 22:19

Yem qama'le yacona ga'me pan; ca'li joote yanem da'me lamaic ñe'me Dios, yecolaĝatapiye gaa'me qama'le yanouelo jogaa'me, enaac: —Jenjo' mach'e laloĝoiqui qoyen jena'me yapat, jo'ne qoyanoue da'me leleuaĝa qa'a jouaĝat ami. Auauoyi da'me dojo' qaedi nach'e eta't jayem auenachetapega.

Mateo 13:22

Nataq'aen ga'me naje'moto ga'me yaĝat da'me qoyaañi, nach'ega jo'ne domachiyalo gaa'me 'naqataqa, qalaĝaja da'me lepitaĝanaĝanaĝaco jena'me aleua nataq'aen joda'me loqovinaĝanaĝaco da'me neuoyaĝac yapadiñe da'me 'naqataĝanaĝac, chane'eja ja yauote jalayaĝac.

1 Corintios 15:3

Qa'a ca'li 'uaechiñe ami janema da'me napaĝaguenataĝanaĝac jo'ne joote jayem qoyanem, nach'eda 'yaĝatetac ñe'me Cristo queda'me yeleu qaedi yapalaĝa't joda'me qadoeco, naq'aeta da'me 'yaĝatetedac gaa'me nedii's jo'ne 'laqatac ñe'me Dios.

Efesios 5:16

Nale 'uo ga'me ladic da'me 'uo ga'me a'vichiye, 'noota qom yataqata a'vichiye jena'me 'noota, qa'a jouaqatauelo naa'me noloqo'ote jo'ne yataqata qalache.

1 Ts 1:3

Nataq'aen queda'me jouaqa'tot joñe'me Qadet'a Dios, nach'e eta't jenataqa'ta joda'me yataqata ja aĝañiñi jena'me jenjo' jo'ne adepi'i, da'me onaĝaic adoqopich'i nataq'aen da'me yataqata ami 'uañaĝayaqa nale te'me 'uo ga'me ami qoyachalo'te jo'ne ja no'en, qa'a jouaĝat da'me yataqata auache'ta joñe'me Jaliaĝanec Jesucristo.