Gálatas 1:22 - Nuevo Testamento Toba Sombrero Negro

²² Jaa'me jaajo' noloqo'ote gaa'me p'etaqadaiquipi jo'ne p'iida'a ñe'me Cristo jo'ne neda'ña di'me Judea maliaĝa jona'li jayem yateto'n.

Nuevo Testamento Toba Sur

²² Qaq nam qadqaÿañicpi mayi i'amaqteetac so Cristo mayi netaña yi 'alhua Judea, namayipi sa ishit co'ollaxa da aÿim ÿauatton.

La'aqtaqa Ñim Lo'onatac 'Enauacna 2013

²² Qaq se'eso na'a'q, nam ỹa'amaqteetac So Cristo maye netaña ye 'alhua Judea, namayepi saxanaxa co'ollaxa da aỹem ỹauatton.

Gálatas 1:22 Referans Kwoze

1 Ts 2:14

Ami yaqaya', ca'li 'uo ga'me adachoĝodequi male ami qoyecaa'tape chiyaqauelo ga'me at'achaqadiaĝauaipi, qama'le nach'e ena'ama uauelo ga'me netamenaĝaiqui ñe'me Dios, jo'ne mach'e loqo'te ñe'me Cristo Jesús, jo'ne neda'ña di'me Judea, jo'ne nach'e ena'ama yataqata qoyecaa'tape ca'li, qalaĝaja ja yaqa'alo joga'me yecaa'tape mach'e layi joga'me judiopi.

Romanos 16:7

Nataq'aen auep'iyeñi' gaa'me mach'e 'yachaqadiaĝa'u Andrónico nataq'aen Junias jo'ne ñecoñetaĝa'u ca'li jonaqataue jaga'me coñetaĝanaĝaiqui, nach'enaua jo'ne di'yo't da'me uetedaue da'me 'lonata'j jogaa'me Cristo lamaĝa's, nach'enaua joote p'iida'a ñe'me Cristo ca'li maliaĝa da'me jayem.

2 Ts 1:1

Mach'e qo'mi Pablo, Silvano nataq'aen Timoteo, yataqata t'adaic jena'me qadamaic ami jamaĝajaĝalo, ami qadaqaya'olqa p'etaqadayaqa jo'ne Tesalónica laje', naqa'ami jo'ne Dios lec'oqo'tepi nataq'aen da'me ademii'teguet ñe'me Qadejaliaĝanec Jesucristo:

1 Ts 1:1

Mach'e qo'mi, jayem Pablo, choqoñe'me Silvano, chayovida'a ñe'me Timoteo, qadamaic ami janemaĝama, da'me ami p'etaqadaiquipi jo'ne at'achaqadi' di'me noic Tesalónica, jo'ne yataqata ademii'teguet ñe'me Dios Qadet'a choqoñe'me Qadejaliaĝanec Jesucristo. 'Noota qom Dios ami yanema da'me anichoĝodenataguequi nataq'aen da'me at'emaĝaqui.

Filipenses 1:1

Jayem Pablo nataq'aen ñe'me Timoteo, da'me qo'mi Jesucristo lamaĝa's, yataqata jalcote da'me qadamaic ami qauamaĝalo, da'me ami Filipos laje' jo'ne ademii'teguet joñe'me Jesucristo. Nach'eda da'me qadamaic jo'ne janemaĝama gaa'me jo'ne yelolo'te ga'me Dios lec'oqo'tepi choqogaa'me necochaĝa'u nataq'aen yema ga'me Dios lec'oqo'tepi.

1 Corintios 1:30

Qalaĝaja nach'eñe ñe'me Dios ami yapetenegueta joñe'me Cristo Jesús, qama'le nach'eñe Cristo qo'mi yanema da'me layatenaĝanaĝac ñe'me Dios. Qama'le da'me Cristo ya'uo ca'li chiyaqayi da'me ena'am ta'le qo'mi e'n yataqatelo'te ñe'me Dios; Cristo qo'mi 'yatetelo'te qaedi maqachaĝa ja qo'mi 'te 'nalo'te nataq'aen qo'mi yaĝayaĝa'n qaedi ja jaĝaue da'me ja no'en.

Hechos 9:31

Chane'eja gaa'me uetedaue ga'me 'naqataĝanaĝac 'me dalaĝaic, yema di'me aleua Judea, Galilea nataq'aen Samaria, 'uo da'me 'lamaĝa'j nataq'aen naqaloĝodetajeguem da'me lepe'e. Yataqatelo'te t'onataĝade'uo ñe'me Jaliaĝanec, nataq'aen queda'me qolecochaĝanaĝanegueta ñe'me Dios Lepaqal jo'ne ja 'nalegue nach'e eta't nichiquetaye ga'me p'etaqadaiquipi.

Romanos 16:3

Auep'iyeñi jañe'me Prisca nataq'aen ñe'me Aquila, nach'enaua yecochaĝa'u da'me qat'onatac da'me jo'onataĝanaĝauo'o ñe'me Cristo Jesús.

Romanos 16:9

Auep'iyeñi ñe'me Urbano mach'e qadecochaĝaua da'me jo'onataĝanaĝauo'o ñe'me Cristo nataq'aen ñe'me Estaquis mach'e jauotec.

Romanos 16:10

Auep'iyeñi ñe'me Apeles, jo'ne joote naqachiñe da'me 'namaqatenataguec da'me 'uo da'me lepe'e ñe'me Cristo; auep'iyeñi ñe'me Aristóbulo nataq'aen jogaa'me jo'ne neteda'ña di'me 'lachaqa' joñe'me.

1 Corintios 7:17

Qalaĝaja, 'noota ta'le onolqa'tape ja yaĝanegue da'me jalchi'ena 'loyaĝac jo'ne Jaliaĝanec yanem nataq'aen nach'edata 'nañaĝatec ga'me Dios yanem ca'li qoyiyaĝana. Naq'aeta da'me japaĝagueneque ena'uaque joga'me p'etaqadaiquipi.