Gálatas 1:15 - Nuevo Testamento Toba Sombrero Negro

^15-16 Qalaĝaja Dios jalcote jayem noqopita, qama'le chiyoqo'teguet ca'li maliaĝa ja ñiyiñe, jayem 'yatetelegue qaedi jo'onataĝaneuo'o joñe'me. Uoja'eda jayem yatetonaĝaneguet ñe'me c'oĝot qaedi ja'aqataĝanema ena'uaque gaa'me jiyaĝadipi jena'me aleua da'me onaĝaic 'naqataĝanaĝac jo'ne 'yaĝatetac joñe'me. Ca'li di'yoq da'me dojo' qama'le ja jachoĝoya gamachaqaega qaedi jayem yapaĝaguen,

Nuevo Testamento Toba Sur

¹⁵ Qalaxayi ñi Dios aÿim lca'aguishic co'ollaq saxanaxa da sañiguiñi, souaxat da lta'adaic lauotaxanaqtaic co'ollaq aÿim iÿaxana. Nachi co'ollaq 'eetec de'eda ñimayi,

La'aqtaqa Ñim Lo'onatac 'Enauacna 2013

^15-16 Qalaxaye Ñim Lo'onatac 'Enauacna ỹataqta lta'araic da lauoche da sheeta chegoqchiguiña co'ollaq saxanaxa da ñañiguiñi, qaq nache 'eetai' da aỹem lca'aguishec da yaqto' so'onataxanot. Nataqa'en aỹem ỹachaxana So Llalec yaqto' aỹem sa'axatem na shiỹaxauapi 'enauac na pa'aiguelo ana 'alhua de'era no'on na'axaỹaxac maye na'aqtaguec Somaye. Qaq co'ollaq cheta'ague da huo'o de'era, nache saishet da seuen da huo'o ca aỹem ỹapaxaguen,

Gálatas 1:15 Referans Kwoze

2 Timoteo 1:9

Dios joote qo'mi nec'alaĝatedegue nataq'aen nach'eñe qo'mi yiyaĝanalo qaedi jouaqauelo gaa'me lec'oqo'te jo'ne ja 'nalo'te. Jouaĝat taĝa da'me qat'onataĝanaĝac, mac joñe'me Dios nach'eñe lelnataĝac da'me dojo', qa'a joote qo'mi noqopitalo ca'li maliaĝa ja ye'et jena'me aleua, qama'le qo'mi yamaĝalo joñe'me Cristo Jesús.

Efesios 1:5

qama'le 'uo da'me lamaic da'me namaĝaquena joñe'me c'oĝot Jesucristo qaedi qo'mi ee'teque qo'mi liaqataqa, nach'ena jena'me jenjo' joote en lelnataĝac ca'li yemta.

1 Corintios 1:9

Dios nach'e eta't en yepaquetelegue ga'me jo'ne joote 'yaĝatetac, nataq'aen nach'eñe joñe'me joote ami yiyaĝanalo ca'li qaedi ademii'teguet ñe'me C'oĝot Jesucristo, mach'e Qadejaliaĝanec.

Romanos 1:1

Jayem Pablo lalemaĝajet ñe'me Cristo Jesús, nach'eñe jo'ne jayem yiyaĝana qaedi jayem lamaĝajec, jayem qoyiyota'a qaedi ja'aĝatetac da'me onaĝaic 'laqataĝanaĝac ñe'me Dios, ami janema da'me yamaic.

Hechos 13:2

'Uo jo'me nolo' ca'li cha'li yema'a't, 'nonaĝachidegue ñe'me Jaliaĝanec nataq'aen noqouaqatela'ajalo, qama'le ñe'me Dios Lepaqal t'aqataĝanema jogaa'me, enaac: “Aviyochiya'a ñe'me Bernabé nataq'aen Saulo qa'a 'uo ga'me jen 'lonata'j: qo'che' jiyaĝanalo.”

Hechos 9:15

Qalaĝaja ñe'me Jaliaĝanec enaac: “Oc, qa'a nach'eñe ja'atelegue ñe'me jiyaĝaua qaedi jayem 'yaĝate'tapema ena'uaque ga'me jiyaĝadipi jo'ne uetedalegue jena'me aleua, choqoga'me lejaliaĝanaqa nataq'aen nach'e ena'ama ga'me israelpi.

Romanos 8:30

Qama'le jogaa'me jo'ne chiyoqochiñe liquiyaqapi ñe'me Dios, qama'le nataq'aen yiyaĝanalo jogaa'me; nach'egaua yataqatelo'te q'ae'n; nataq'aen jogaa'me yanema da'me chimadichidiñe, nach'e ena'am netauada'uo da'me 'lonaĝac joñe'me.

Romanos 1:5

Chiyaqayi ñe'me Jesucristo jaconeguet da'me jayem qoyeyala'ac da'me jayem namaĝajec, jayem qoyanec da'me jo'onataĝaneuo'o, qaedi yema jena'me aleua uo'oe gaa'me p'iida'a joñe'me nataq'aen yoqochideta.

Mateo 11:26

Eja da'me dojo', am Taĝadena', qa'a naq'aeta da'me mach'e auepaquetapega.

1 Pedro 5:10

Qalaĝaja qom yenoĝodegue jogaa'me noloqo'ote da'me 'uo da'me adachoĝodequi qama'le joñe'me Dios male ami 'yañaqateneque, nataq'aen da'me en ami 'uañaĝayaqa choqoda'me ami yanema da'me jo'ne yataqatelegue. Qa'a nach'eñe ñe'me Dios 'uo da'me loqopich'i let'adaic chane'eja ami yiyaĝanalo qaedi ademii'teguet joñe'me Jesucristo qama'le ovitaue da'me jo'ne mach'e 'lonaĝa jo'ne qaya'te loiquiaqa'.

Efesios 3:11

Nach'ena jena'me jenjo' joote jetaque en 'lonataĝanaĝac joñe'me Dios ca'li 'uaechiñe, qama'le nayi da'me novi' joñe'me Qadejaliaĝanec Jesucristo, qama'le en yataqatelegue di'yoq.

Efesios 1:9

qama'le qo'mi yaloĝonalo jena'me jenjo' lelnataĝac jo'ne ja di'yoq ca'li yemta 'uo jena'me jenjo' aleua, ga'me jo'ne jetaque ya'uo 'me chiyaqayi da'me qoyalat ñe'me mach'e Liquiyac.

Gálatas 1:6

Dios ami yiyaĝanalo, nataq'aen chiyaqayi ñe'me Cristo da'me ami yaloĝonalo da'me leyalaqataĝanaĝac. Qo'che' yataqachiñe joqoch'em da'me paja'a aĝañiñi da'me auec'achiya ñe'me Dios nataq'aen auacoñiyeguet ga'me 'naqataĝanaĝac jo'ne ja ena'am da'me dojo' 'naqataĝanaĝac 'me onaĝaic.

1 Corintios 15:10

Qalaĝaja nach'eñe ñe'me Dios jo'ne jayem yichoĝoden, ya'uo da'me qaedi nayi male jayem lamaĝajec joñe'me Cristo, nataq'aen da'me lichoĝodenataĝanaĝac ñe'me Dios 'uo da'me jalayaĝac, qa'a yataqachiñe t'adaic da'me 'yonataĝanaĝac, ja jena'ama gaa'me namaĝa's laqaya'. Qalaĝaja ja mach'e 'yonataĝanaĝac, dite da'me jayem 'yonataĝanaĝan da'me lichoĝodenataĝanaĝac ñe'me Dios.

1 Corintios 1:24

Qalaĝaja gaa'me jo'ne Dios yiyaĝanalo, naqaegaua ga'me judiopi uotaĝa ga'me griegopi, jayatenaq da'me Cristo mach'e lañoqotaĝanaĝac nataq'aen layatenaĝanaĝac ñe'me Dios.

1 Corintios 1:1

Jayem Pablo, jo'ne jayem qoyiyaĝana qaedi jayem lamaĝajec joñe'me Cristo Jesús —naq'aeta da'me mach'e loequenataĝanaĝac joñe'me Dios— choqoñe'me qadaqaya Sóstenes,

Lucas 10:21

Qanach'ega ua'a ca'li, ñe'me Dios Lepaqal najaqachigui q'aen ñe'me Jesús da'me lamaic, qama'le enaac: “Am 'ñonaĝachigui, Taĝadena', Jaliaĝanec di'me p'ajeguem piyem nataq'aen jena'me aleua, qa'a aualoĝonalo dojo' jogaa'me ja t'añi'y gaa'me uo'oe jo'ne auoĝochi'ñejopa gaa'me yatenaĝanaĝayaqa nataq'aen tadenataĝa'n. Eja, Taĝadena', qa'a naq'aeta da'me jo'ne auepaquetapega.

Romanos 9:24

Naq'aeta da'me Dios qo'mi yiyaĝanalo, uo'oe gaa'me chiyaqauelo joga'me judiopi qama'le gaa'me laqaya' chiyaqauelo joga'me jo'ne ja judiopi.

Romanos 8:28

Jayatenaq ñe'me Dios da'me yaqataĝata'ajalo gaa'me uo'oe 'me chiyaqayi ga'me liyamaĝa'j jogaa'me jo'ne noqopideta joñe'me, nach'egaua yiyaĝanalo joca'li joñe'me da'me jetaque nec'alaĝatedegue.

1 Corintios 1:21

Dios yauanalo ga'me aleua laje'pi queda'me ja yacota da'me mach'e layatenaĝanaĝa'j qaedi yateto'n joñe'me, chane'eja ñe'me jetaque t'onataĝana da'me qat'aqataĝanaĝac jo'ne ena'am ta'le chiyoĝojoĝoc qaedi nec'aledegue gaa'me jo'ne p'iida'a.

Gálatas 1:1

Jayem Pablo jo'ne jayem Jesucristo lamaĝajec, jo'ne jayem qoyeladelegue da'me qaedi ja'aĝatetac 'naqataĝanaĝac jo'ne onaĝaic. Qaya'te gamachaqaega ch'e aleua le'ec ta'le jayem yiyaĝana qaedi jayem lamaĝajec, dite nach'eñe ñe'me Jesucristo nataq'aen ñe'me Dios mach'e Let'a jo'ne 'niyelaĝachijeguem ca'li joñe'me.