Gálatas 1:1 - Nuevo Testamento Toba Sombrero Negro

¹ Jayem Pablo jo'ne jayem Jesucristo lamaĝajec, jo'ne jayem qoyeladelegue da'me qaedi ja'aĝatetac 'naqataĝanaĝac jo'ne onaĝaic. Qaya'te gamachaqaega ch'e aleua le'ec ta'le jayem yiyaĝana qaedi jayem lamaĝajec, dite nach'eñe ñe'me Jesucristo nataq'aen ñe'me Dios mach'e Let'a jo'ne 'niyelaĝachijeguem ca'li joñe'me.

Nuevo Testamento Toba Sur

¹ Aÿim Pablo, aÿim lamaxashic so Jesucristo. Qaq sa ishit da aÿim lamaxashic qataq da aÿim ÿideuo ca chochi shiÿaxaua, cha'ayi nachiso so Jesucristo qataq ñim lta'a Dios mayi nca'aleeguesop naq'en somayi da nleuaxa.

La'aqtaqa Ñim Lo'onatac 'Enauacna 2013

^1-3 Qami' ñauochaxauapi ỹaqaỹañicpi maye qaua'amqaanataxañiitac maye qoviita'a na 'alhua Galacia: Aỹem Pablo qataq nam ca'attague' So Cristo maye aỹem hueta'aguet, qami' sequinaqta'ape. Seỹaxaatacot Ñim Lo'onatac 'Enauacna maye Qarta'a qataq So Qarataxala' Jesucristo da ỹataqta qami' ỹauoteque qataq qami' ỹanema ca qarlagaxayiqui. Aỹem namaxashec da sa'axat da no'on na'axaỹaxac: ¡da So Jesucristo mashe qaltaq nca'alec! Qaica ca aỹem ỹamaq nam shiỹaxauapi maye huetalec ana 'alhua, nachaqsota Somaye qataq Ñim Lo'onatac 'Enauacna maye Lta'a Ñim nca'alaxateeguesop da l-leuaxa co'ollaxa.

Gálatas 1:1 Referans Kwoze

1 Corintios 1:1

Jayem Pablo, jo'ne jayem qoyiyaĝana qaedi jayem lamaĝajec joñe'me Cristo Jesús —naq'aeta da'me mach'e loequenataĝanaĝac joñe'me Dios— choqoñe'me qadaqaya Sóstenes,

Apocalipsis 1:5

qama'le nach'e ena'am chiyoqo'ot joñe'me Jesucristo, nach'eñe jo'ne choqotaĝanaĝaic 'me yataqatelegue, joñe'me jo'ne 'uaechiñe da'me 'niyelaĝajeguem da'me chiyaqauelo gaa'me napa'lpi, qama'le yataqata nejaliaĝatelo'te yema jogaa'me nejaliaĝanaqa jena'me aleua. Nach'eñe jo'ne jalcote da'me qo'mi noqopitalo, Qama'le qo'mi doĝotaĝaneque gaa'me qadoeco Ca'li naliñi jaga'me letauo' da'me qoyalat.

Romanos 1:1

Jayem Pablo lalemaĝajet ñe'me Cristo Jesús, nach'eñe jo'ne jayem yiyaĝana qaedi jayem lamaĝajec, jayem qoyiyota'a qaedi ja'aĝatetac da'me onaĝaic 'laqataĝanaĝac ñe'me Dios, ami janema da'me yamaic.

Efesios 3:8

Da'me jayem, ena'am ta'le jayem jaqayi, ja jalo'ogueta gaa'me Dios lec'oqo'tepi laqaya', qalaĝaja Dios yataqata jayem nichoĝodichi'ña, qaedi male ja'aĝatema jena'me jenjo' 'laqatac jo'ne yataqata onaĝaic jogaa'me ja judiopi, ja'aĝa'tape yema jogaa'me Jesucristo lichoĝodenataĝanaĝaco jo'ne yataqata alidaq.

Tito 1:3

Chane'eja ca'li yovita ga'me nolo' jo'ne tachigui q'aen, Dios yaloĝon da'me 'laqataĝanaĝac jo'ne na'yalo q'ae'n jodaa'me lapaĝaguenataĝanaĝaco gaa'me lamaĝa's, dojo' 'naqataĝanaĝac nach'e ena'am jayem qo'yelopec qaedi ja'aĝatetac; naq'aeta da'me jayem yamaĝalegue ñe'me Dios mach'e Qadec'alaĝaiqui.

2 Corintios 1:1

Jayem Pablo 'me jayem lamaĝajec ñe'me Cristo Jesús, qa'a naq'aeta da'me loequenataĝanaĝac ñe'me Dios. Ami jep'iye'tape nayi, nach'e ena'am ñe'me qadaqaya Timoteo, da'me ami qadaqaya' p'etaqadaiquipi jo'ne Dios lec'oqo'tolqa 'me oñiya'ña di'me Corinto, nataq'aen uoja'aegaua qadaqaya' 'me neda'ña di'me aleua jo'ne Acaya.

2 Timoteo 1:1

Mach'e jayem Pablo, Jesucristo lamaĝajec, choqoda'me jayem liquiyac joñe'me Dios, qaedi male ja'aĝat da'me joote yaqataĝañi da'me 'uo joga'me 'noyaĝac ja 'nalegue, ca'li 'yaĝatetac ñe'me Cristo Jesús jo'ne mach'e chiyoqo'ot.

Romanos 10:9

Ta'le na'me anedegaĝat yatetoneguet da'me Jesús mach'e Jaliaĝanec, nataq'aen na'me adelnataĝac p'iya'a da'me Dios 'niyelaĝachijeguem, male auovidalegue da'me nec'alaqataĝanaĝac.

Hechos 22:10

Jachimaĝata da'me jayem: «¿Jach'e ga'me ja'uo, Jaliaĝanec?» Qama'le ñe'me Jaliaĝanec jayem 'yateguet: «Oñijeguem qama'le yitaĝa oc chayovida'a auovita di'me Damasco. Nach'edi qama'le yema am qo'yaĝatem ga'me jo'ne 'noota ta'le aua'uo.»

Hechos 9:6

Oñijeguem qama'le auec'ata ga'me noic, nach'edi ua'a da'me am qo'yaĝatem ga'me aua'uo qomle.”

Apocalipsis 2:8

“Nach'e ena'am auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Esmirna: «Da'me ami jo'ne oñiya'ña di'me Esmirna, ami janema nayi jenjo' 'yaqatac, mach'e jayem jo'ne je'uaechiñe nataq'aen da'me naqayem jo'ne jep'ategue, naqayem jo'ne jeleu ca'li qalaĝaja nayi joote yitaĝa jec'aletaye.

Apocalipsis 1:18

nataq'aen da'me naqayem jo'ne nach'e eta't da'me jec'aletaye: naqayem jo'ne jeleu ca'li, qalaĝaja nayi male nach'e eta't da'me jec'aletaye, qama'le jayem ue'tajop da'me yañoqotaĝanaĝac qaedi 'ñiyelaĝachidijeguem gaa'me joote yele'u, da'me jachiyoĝotedaue di'me napa'lpi necoñetaĝaiqui'.

1 Pedro 1:21

Chiyaqayi joñe'me Cristo, da'me ami male auep'iiya'a ñe'me Dios, 'me 'niyelaĝachijeguem joñe'me, yachiyaqaue di'me napa'lpi 'lachaqa', qama'le yanem da'me 'lonaĝac qaedi male auep'iiya'a joñe'me Dios jo'ne anaquichitapega.

Hebreos 13:20

Joñe'me Dios jo'ne qo'mi yanema da'me 'nemaĝac, qa'a nach'eñe 'me 'niyelaĝachijeguem ñe'me Jesús da'me en chiyaqauelo dia'me napa'lpi, joñe'me Jesús jo'ne 'naĝanaĝate 'nouatoqo't 'me p'ajaye, ñe'me mach'e Qadejaliaĝanec jo'ne joote yomat da'me niyamaqataĝanaĝac jo'ne qaya'te loiquiaqa', yajouaĝat da'me qoyen naliñi jaga'me letauo'.

Gálatas 1:17

uotaĝa ta'le jec'ata di'me Jerusalén qaedi jiyaĝanaque ga'me lelnataĝa'j gaa'me jo'ne joote namaĝa's. Ja naq'aeta, dite da'me paja'a jec'ata di'me aleua jo'ne Arabia; ca'li ji'iyelaq male jec'ata di'me noic jo'ne Damasco.

Romanos 14:9

Qa'a joñe'me Jesucristo yeleu nataq'aen yitaĝa 'niyelaĝajeguem qaedi male naqaeñe joñe'me Lejaliaĝane'j jogaa'me joote yele'u nach'e ena'ama jogaa'me maliaĝa nec'aletedaye.

Juan 20:21

Qama'le Jesús yitaĝa enaac: —¡'Nemaĝac ami uetauelo! Queda'me jayem namaĝaquena ca'li joñe'me Taĝadena', qama'le nach'e ena'am da'me jayem male ami jama'.

Juan 10:30

Ñe'me Taĝadena' nataq'aen jayem, onolec da'me mach'e qat'oyaĝac.

Juan 5:19

Jesús male enaac: “Eja da'me ami ja'aĝatema: jayem jo'ne Lec'oĝot joñe'me Dios, jayem ja jaqanatet ta'le ja'uo ga'me mach'e yelnataĝac; onolec da'me ja'uo da'me jo'ne jauana 'me ye'et ñe'me Taĝadena'. Qama'le yema ga'me jo'ne ye'et joñe'me Taĝadena', nach'e ena'am jayem je'et.

Hechos 3:15

Qama'le naqaeda da'me aualachi ñe'me jo'ne chiyaqayi da'me yataqachiñe qat'oyaĝac. Qalaĝaja Dios chiyoĝotauelo ga'me napa'lpi, qama'le nach'eda dojo' jechoĝotaqatac.

Gálatas 1:15

Qalaĝaja Dios jalcote jayem noqopita, qama'le chiyoqo'teguet ca'li maliaĝa ja ñiyiñe, jayem 'yatetelegue qaedi jo'onataĝaneuo'o joñe'me. Uoja'eda jayem yatetonaĝaneguet ñe'me c'oĝot qaedi ja'aqataĝanema ena'uaque gaa'me jiyaĝadipi jena'me aleua da'me onaĝaic 'naqataĝanaĝac jo'ne 'yaĝatetac joñe'me. Ca'li di'yoq da'me dojo' qama'le ja jachoĝoya gamachaqaega qaedi jayem yapaĝaguen,