Filipenses 4:1 - Nuevo Testamento Toba Sombrero Negro

¹ Ami yaqaya'olqa, jalcote da'me ami joqopitalo qama'le yataqata ami ñetonata'n. Yataqata jayem matac, qa'a ena'am ta'le ami yi'yoĝodaqa'te nayi. Chane'eja, ¡ena'te aĝañiñi da'me oqui'tegue joñe'me Qadejaliaĝanec!

Nuevo Testamento Toba Sur

¹ Qaq ÿoqo'oyi qami' ñauochaxa'u ÿaqaÿa't, aÿim ÿataqta huo'o da iyaxa da qami' ñauaneto, cha'ayi qami' mayi nachiqami' qau'ochi da ñitonaxac qataq qami' ÿi'oxode'te. Qaq nachi 'eetai' qome da qoquiitague' so qadataxala', qami' ñauochaxa'u.

La'aqtaqa Ñim Lo'onatac 'Enauacna 2013

¹ Qaq ỹoqo'oye qami' ñauochaxau' ỹaqaỹa't, aỹem ỹataqta huo'o da iyaxa da qami' ñauaneto, cha'aye qami' maye nacheqami' qauo'oche da ñetonaxac, qataq qami' ỹo'oxore'te. Qaq qami' ñauochaxau' nache 'eetai' qome da qoquiitague' So Qarataxala'.

Filipenses 4:1 Referans Kwoze

Filipenses 1:27

Nach'edata da'me yataqata aviyamaĝachetac da'me anejiyaĝauayaĝaqui, oquitapegue' da'me 'laqatac joñe'me Cristo, uotaĝa da'me yitaĝa ami jec'atalo uotaĝa ja naq'aeta, qa'a jetaque jomachiya queda'me nach'e eta't a'nañaĝachela't, yataqata onolec joda'me auauoyi nataq'aen onolec joda'me adeloiquiaĝaqui, nach'eda da'me ademiyalegue da'me adepi'i jo'ne chiyaqayi da'me 'naqataĝanaĝac jo'ne onaĝaic.

1 Corintios 16:13

Jalcote 'noota ta'le a'vicheta't nataq'aen a'nañaĝachiyec da'me oquiyegue da'me napaĝaguenataĝanaĝac jo'ne chiyaqayi ñe'me Dios, nataq'aen ami 'uañaĝayaqa nataq'aen nach'e aueñeta't.

Filipenses 2:16

Ena'te aĝañiñi da'me a'uaĝachetac da'me dojo' 'naqataĝanaĝac, nach'eda jo'ne chiyaqayi da'me 'noyaĝac 'me ja 'naidena'a. Qom oquitague jena'me jenjo' qama'le nach'e eta't jayem aueñi matac, qama'le ga'me nolo' qom yitaĝa 'niyelaq joñe'me Cristo, male jayaten da'me 'yonataĝanaĝac nataq'aen jo'me 'yañaĝac ja ch'e yijamaĝajaye dite da'me yataqata 'uo da'me chiyaqayi.

1 Corintios 15:58

Chane'eja, ami yaqaya'olqa jo'ne jalcote joqopitalo, 'noota qom a'nañaĝachela't, ja ami 'te damichidiñe, nataq'aen nach'e eta't a'vichiye da'me 'lonatac ñe'me Jaliaĝanec, nataq'aen auayachiñe queda'me qom adaloi'ta't da'me a'uonataĝañiuo'o ñe'me Jaliaĝanec qama'le ja yijamaĝajaye.

Filipenses 1:8

Dios joote yayaten da'me yataqata eja da'me ami ñetonata'n, nataq'aen da'me yataqata ami joqopitalo, nach'eda da'me yoqopich'i jo'ne jayem yanem ca'li joñe'me Jesucristo.

Hebreos 10:23

Yataqata 'ñañaĝataq da'me qadeuataqataĝanaĝac jo'ne japaĝaguenataĝanaqatapec nale; ena'te joqoleguetaqatac, qa'a ñe'me Dios yataqata yepaquichigui qomle da'me jo'ne joote qo'mi yaloĝonalo.

Romanos 2:7

Yanem da'me 'loyaĝac 'me ja 'naidena'a jogaa'me jo'ne 'nañaĝadetec da'me yelodaque, da'me 'lonaĝac ñe'me Dios da'me ja yitaĝa pal.

Juan 8:31

Qama'le Jesús t'aqataĝanema jogaa'me judiopi jo'ne naquiaĝata nataq'aen da'me p'iida'a joñe'me, enaac: —Da'me ami, qom nach'e eta't da'me aviyamaĝache'tape naa'me 'yaqataqa, qama'le naqa'ami jo'ne yataqachiñe ami yapaĝaguenataqa;

2 Timoteo 2:1

Am yalecolac, 'noota qom auaconeguet da'me at'añaĝac jo'ne Dios am yanem queda'me ademe'teguet joñe'me Cristo Jesús.

Filipenses 2:26

qa'a joñe'me yataqata ami netonata'n qama'le jalcote da'me lamaic ta'le yitaĝa ami yauanalo. Nataq'aen jalcote joda'me lachitataic joñe'me qa'a joote auayachiñe quelqaya da'me 'uo joda'me lapite'na ca'li.

2 Corintios 1:14

naq'aeta da'me lae jo'ne joote qo'mi auayachiñe', queda'me qom 'niyelaq ñe'me Qadejaliaĝanec Jesús, ami male auanomiyeguet da'me qo'mi avi'yoĝodeñi'tape, nach'e naq'aeta da'me qo'mi janomaĝaguet da'me ami ji'yoĝodenaqa'tape.

Hechos 11:23

Ca'li yovita, Bernabé yauana da'me lichoĝodenataĝanaĝac ñe'me Dios jo'ne uetauelo jogaa'me, qama'le jalcote da'me lamaic ñe'me. Noqoteteneque jogaa'me queda'me yataqachiñe yachimaĝachichidiñe naa'me lai'li da'me quetegue ñe'me Jaliaĝanec.

Hechos 2:42

Nataq'aen yataqachiñe 'nañaĝatela'ajalo ca'li da'me yiyamaĝa't da'me lapaĝaguenataĝanaĝa'j jogaa'me Jesús lamaĝa's nataq'aen en lecochaĝanaĝa't ga'me yauata; nataq'aen yema'a't nale yauo'oe gaa'me netamenaĝaco, nataq'aen necolaĝachidiye ga'me pan.

2 Pedro 3:17

Chane'eja, ami yaqaya'olqa, da'me male joote auayachiñe da'me dojo' 'naqataĝanaĝac, 'noota qom yataqata anechilela't, qaedi ja ami 'te yauetegue da'me loqovinaĝanaĝa'j jogaa'me loeco lo'olpi, qama'le ja 'naĝat da'me chimaqachiñe jo'ne ami uetauelo.

Hebreos 4:14

Chane'eja queda'me joote yec'adije'ma di'me piyem ñe'me Qadetaĝayaĝanaĝanec jo'ne napacalegue ena'uac, nach'eñe ñe'me Jesús jo'ne Dios Lec'oĝot, qama'le da'me qo'mi, 'noota qom 'ñañaĝataq da'me qolaqatelegue da'me qadepe'e ladic.

Hebreos 3:14

Qa'a da'me qo'mi, male qo'mi lequiaĝa'u ñe'me Cristo, qom nach'e eta't 'ñañaĝataĝac da'me qadepe'e jo'ne 'uaechiñe 'me qo'mi uetauelo.

2 Ts 2:15

Qama'le nayi, ami yaqaya'olqa, 'noota qom a'nañaĝachela't, ena'te aĝañiñi da'me auep'iiya'a joñe'me Dios, nataq'aen ena'te auapalaĝache'ta joga'me qadapaĝaguenataĝanaĝac uotaĝa ga'me qadediije ca'li ami janemaĝama.

Colosenses 4:12

Ami yamaĝalo lamaic ñe'me Epafras, mach'e lalemaĝajet ñe'me Cristo Jesús; nach'eñe jo'ne ami chiyaqauelo ca'li, qama'le nach'e eta't ami nachoĝodelo'te nale yauo'oe gaa'me netamenaĝaco, qaedi a'nañaĝachiyec da'me ami chimadichidiñe, yataqachiñe anaviquila't da'me qaedi auauoyi joda'me loequenataĝanaĝac joñe'me Dios.

Gálatas 5:1

¡Yataqachiñe eja da'me male qo'mi uojotedañi, qa'a nach'eñe ñe'me Jesucristo qo'mi yejodegue! Chane'eja ena'te oquiya'e da'me dojo' ami qoyejodegue, uotaĝa ta'le a'viyelaqaiya da'me yitaĝa ami lelataqa daa'me namaĝajoĝonaĝaco.

Hechos 14:22

Naa'me naajo' ale'u 'yañaqate'tape joga'me p'etaqadaiquipi nataq'aen 'yelopetapeque da'me 'nañaĝatela'ajalo da'me quetedalegue da'me lepe'e', qama'le yaqateque jogaa'me da'me qoyouetaque da'me naje'tegueta ga'me yodapecache 'me lachitataico, qaedi yaqanate't ta'le tadoue da'me Dios lejaliaĝa.

1 Ts 3:13

Nataq'aen yataqata 'yañaĝachilo jonaa'me adai'lidi', qaedi yataqata ami uauelo joga'me ja 'nalegue, nataq'aen da'me yataqata ami ejoda yataqata qaya'te adoecodi' da'me ami nelotapi'ñalo joñe'me ja 'nalegue mach'e Qadet'a Dios, qom male 'niyelaq joñe'me Qadejaliaĝanec mach'e Jesús qama'le naequetedapegue' yema joga'me Dios lec'oqo'tepi jo'ne ja 'nalo'te. Jaja'a, nach'e naq'aeta da'me dojo'.

Mateo 10:22

Ena'uaque jogaa'me aleua laje' ami qonautenalo qa'a jouaĝat jayem; qalaĝaja ga'me jo'ne 'nañaĝatela't chayovida'a ga'me loiquiaqa' da'me 'loyaĝac, qama'le nach'ega nec'alegue qomle.