Filipenses 3:3 - Nuevo Testamento Toba Sombrero Negro

³ Qa'a mach'e qo'mi jo'ne yataqata qo'mi qoye'n Dios lec'oqo'tepi. Qalaĝaja da'me dojo' ja chiyaqayi da'me ch'e qoyichaĝaye na'me qadapat, dite da'me chiyaqayi joñe'me Dios Lepaqal jo'ne qo'mi uetauelo. Naqaeñe jo'ne qo'mi yaqataĝata'ajalo qaedi 'ñonaĝataĝaye joñe'me Dios nataq'aen e'n qo'mi made'tape jouaĝat da'me jouaqa'tajop joñe'me Jesucristo.

Nuevo Testamento Toba Sur

³ Cha'ayi nam qaÿauo'o n'anaxashit na l'oc mayi ÿataqta 'eesa, nachiqomi' mayi chigoqchigui so Espíritu Santo da ñatamnaqtacot ñi Dios, qataq ÿataqta ñitonaqtapigui' souaxat da qomi' lalamqa'te so Cristo Jesús. Qataq sa ishit da chochi sepi'aqtega cam chochi yi'oqchigui.

La'aqtaqa Ñim Lo'onatac 'Enauacna 2013

³ Cha'aye nam ỹoqta na'añeguishecpi qataq ỹataqta 'eesa, qaq nache qomi' maye chegoqchigui So Saqcha'a La'añaxac Ñim Lo'onatac 'Enauacna maye sho'oxonnaqtac, qataq ỹo'ot da qana'amqaanaxac, cha'aye qomi' lalamaqa'ate So Cristo Jesús, qataq nache saishet da ñaquitaqtega ca choche la'añaxac ca shiỹaxaua.

Filipenses 3:3 Referans Kwoze

Colosenses 2:11

Nataq'aen nach'e ena'am chiyaqayi joñe'me queda'me ami qoyanema ga'me nichaĝajoĝonaĝac, qalaĝaja ja naqaega ga'me nichaĝajoĝonaĝac jo'ne ch'e jiyaĝaua 'lonatac, dite ga'me nichaĝajoĝonaĝac jo'ne ya'uo ñe'me Dios ca'li ami yapetenegueta joñe'me Cristo nataq'aen ami yachiyoĝotauelo joda'me adoecodi'.

Romanos 7:6

Qalaĝaja nayi joote qadeleu, jachiyajaqauelo gaa'me namaĝajoĝonaĝaco jo'ne qo'mi jouaqa'tot da'me 'lañaĝac, naq'aeta da'me qo'mi male uojotedañi qaedi jo'onataĝanoqot ñe'me Dios joda'me dalaĝaic qat'oyaĝac 'me chiyaqayi ñe'me Lepaqal, nataq'aen ja jouaqa'tot ga'me toijec namaĝajoĝonaĝac.

Gálatas 5:25

Ta'le ñe'me Dios Lepaqal yadalaĝat da'me loec da'me qat'oyaĝac, 'noota qom yema joqochaĝa.

Romanos 8:15

Qa'a ami ja ami 'te qoyanema ñe'me nepaqal jo'ne chiyaqayi ta'le ami nelataqa jo'ne yitaĝa ami yauequeteda'ague da'me ami qolanaqayaqa, dite ñe'me Dios Lepaqal jo'ne ami e'n lec'oqo'tolqa ñe'me Dios, qama'le nach'eñe ñe'me Lepaqal da'me jec'otaĝa ñe'me Dios, nale onolqa'tape da'me qo'mi enaac: “Am Taĝadena'.”

Efesios 6:18

Nach'e eta't anetameñetapecot joñe'me Dios; nale aviyaĝañiyot joñe'me, auomachii'ta joñe'me Lepaqal qaedi nach'eñe ami netamenaĝanaĝa'n. Ena'te ami lichiguilo qama'le auajelaĝañilo'te yema ga'me Dios lec'oqo'tepi.

Romanos 1:9

Ñe'me Dios jo'ne nach'eñe jo'onataĝaneuo'o, qama'le yataqata 'ñañaĝatec da'me japaĝaguenataĝatapec da'me 'laqataĝanaĝac ñe'me C'oĝot, nach'eñe yayaten da'me nach'e eta't ami ñetouetapeque.

Judas 1:20

Qalaĝaja ami yaqaya'olqa, nach'e aueñeta't a'nañaĝachiyec da'me jo'ne ja 'nalegue 'me adepi'i, nataq'aen anajeñe'teguet ñe'me Dios Lepaqal da'me ami yauequeteda'ague joda'me anetamenaĝaqui.

Romanos 15:17

Chane'eja da'me jo'onataĝaneuo'o ñe'me Dios nach'eñe Cristo Jesús chiyaqayi da'me ji'yoĝodetac joñe'me,

Romanos 8:39

uotaĝa ga'me yataqachiñe qayaje'mec, uotaĝa ga'me yataqachiñe qaya'ñgui, uotaĝa gamachaqaega uo'oe laqaya' 'me 'lonataqa ñe'me Dios. ¡Qaya'te qo'mi yaqataqate't da'me loqopich'i jo'ne Dios qo'mi yaloĝonalo 'me chiyaqayi ñe'me Cristo Jesús mach'e Qadejaliaĝanec!

Romanos 9:6

Qalaĝaja ja naqaeda ta'le qaya da'me lajo'viyaĝa'j daa'me 'laqataqa ñe'me Dios jo'ne yanema gaa'me Israel c'oqo'tepi, dite da'me ja eja ta'le yemeda gaa'me lolelaĝaiquipi di'me Israel yataqachiñe c'oqo'te di'me Israel.

2 Corintios 11:18

Qalaĝaja queda'me uo'oe gaa'me qayoĝode' 'naĝatapela'ajalo da'me niyamaĝadetapela'ajalo, qama'le ¿toqoch'e ja nach'e ena'am da'me jayem naq'aeta ga'me ja'uo?

Gálatas 6:16

'Noota qom Dios yanema ga'me 'lemaĝac jogaa'me jo'ne naq'aeta da'me uetedaue, nataq'aen yaloĝonalo da'me lichoĝodenataĝanaĝac gaa'me Dios lec'oqo'tolqa.

Filipenses 1:1

Jayem Pablo nataq'aen ñe'me Timoteo, da'me qo'mi Jesucristo lamaĝa's, yataqata jalcote da'me qadamaic ami qauamaĝalo, da'me ami Filipos laje' jo'ne ademii'teguet joñe'me Jesucristo. Nach'eda da'me qadamaic jo'ne janemaĝama gaa'me jo'ne yelolo'te ga'me Dios lec'oqo'tepi choqogaa'me necochaĝa'u nataq'aen yema ga'me Dios lec'oqo'tepi.

Filipenses 3:12

Ena'te aueñetapega ta'le joote joma't yema naa'me naajo', uotaĝa ta'le joote ja jayem 'te 'nalegue; ja naq'aeta, qama'le nach'edata da'me maliaĝa yataqata jeque'tague joda'me 'noota ladic qaedi yataqata jomataĝan jo' qomle, qa'a nach'eda da'me lelnataĝac joñe'me Jesucristo ca'li 'uaechiñe da'me jayem nec'alaĝategue.

Filipenses 3:14

Qama'le yataqachiñe 'ñañaĝat da'me yataqata ja jaĝañi jenjo' jelo'tegue jo'ne 'yonatac ladic, qaedi joñe'me Dios male jayem yanem joga'me ñomataĝanaqate, nach'ega jo'ne jayem yiyaĝana qaedi jona'ague di'me piyem, jouaĝat da'me yataqata jeme'teguet joñe'me Jesucristo.