Filipenses 3:2 - Nuevo Testamento Toba Sombrero Negro

² ¡Achiya'agueta gaa'me jiyaĝa'u jo'ne ja yataĝalo'te nale! Yataqata ja no'en da'me 'loyaĝa'j, ena'am ta'le ch'e pioĝodipi, qama'le jetaque ch'e yichaqatapiye joga'me mach'e lapa't.

Nuevo Testamento Toba Sur

² Qaq maxatchaxa, qadvichiÿa'aguet qome na 'eeta'am da lataxac na pioxotpi, qataq i'otta'pe naua qauema, qataq ipelectac na n'oc.

La'aqtaqa Ñim Lo'onatac 'Enauacna 2013

² Qaq maxatchaxa, qarvichiỹa'aguet qome na shiỹaxauapi maye nqaigaxat, qataq ỹo'otta'ape naua qauema, qataq ipelectac na lo'oc.

Filipenses 3:2 Referans Kwoze

2 Corintios 11:13

Qa'a jogaa'me nach'edata da'me pecayaqa 'me eetapela'ajalo namaĝa's, nataq'aen qovinaĝanaĝayaqa jo'ne ch'e nojomaĝaquidi'ña da'me eetapela'ajalo Cristo lamaĝa's.

Tito 1:16

Eetapela'ajalo yateto'n joñe'me Dios, qalaĝaja gaa'me 'lonataqa yaloĝo'n queda'me ja naq'aeta; yataqachiñe quiyaĝanataqayaqa, ja yoqochideta joñe'me Dios nataq'aen ja yaqanate't ta'le yauote gamachaqaega chimaqachiñe.

Apocalipsis 22:15

Qalaĝaja joga'me p'aye nach'ega jo'ne ueteda'a jogaa'me jo'ne jomayaqa, nach'egaua jo'ne yeda'n gaa'me laqaya', choqogaa'me jo'ne 'yetetedac da'me nequejeguetaĝa, qama'le nach'e ena'ama jogaa'me lataĝanaĝayaqa nataq'aen jogaa'me p'iya'alo jogaa'me ch'e nequi'il nataq'aen jogaa'me noqopideta da'me napaĝagueteguet da'me noqovinaĝanaĝac.

Gálatas 5:15

Qalaĝaja qom mach'e ami da'me aueloiquiitapega't nataq'aen a'naĝachela't qama'le achiya'aguet ta'le yovita da'me analachiyapega't.

Filipenses 3:19

Da'me dojo' jiyaĝadipi male ta'teda di'me 'lachaqa' joñe'me payac, nach'edata da'me liqui'yaĝac jo'ne uenateteda'a, qama'le yataqata ni'yoĝodetedapiye da'me ja no'en jo'ne mach'e 'lonataĝanaĝa'j, qa'a yataqata qaya'te lepocoĝo, qama'le yemeda'a da'me ja no'en jo'ne uapi'ña jena'me aleua.

Gálatas 5:6

Qom joqotaĝaguet ñe'me Cristo, male ja p'ajaye da'me joote jaconaĝaguet ga'me 'nanaĝajet 'me nichaĝajoĝonaĝac uotaĝa qom ja naq'aeta. Da'me jo'ne p'ajaye ta'le jep'iyaqa ñe'me Cristo, nataq'aen da'me dojo' qadepi'iyaĝac qo'mi tauelo q'ae'n da'me qadoqopitalo jogaa'me qadaqaya'olqa.

Mateo 7:15

“Achiya'agueta gaa'me qovinaĝanaĝayaqa jo'ne eetapela'ajalo 'yaĝatetedac ñe'me Dios, jo'ne nojomaĝaquidi'ña da'me 'naĝanaĝate 'loyaĝac da'me ami nec'atalo, qalaĝaja naqaegaua yejidi jo'ne diquiya'ape.

Apocalipsis 21:8

Qalaĝaja jogaa'me jo'ne qolanaqaiquipi choqoga'me qoleguetaĝanaĝaiquipi, nataq'aen gaa'me jo'ne qodaqaequeda'a, choqoga'me lataĝanaĝaiquipi nach'e ena'am da'me quejeguetaĝaiquipi nataq'aen gaa'me jo'ne yeda'n gaa'me laqaya', choqogaa'me jo'ne netametot nale ga'me nequi'i, choqoga'me ena'uac joga'me pecaiquipi, yema jogaa'me yovidedeta qomle da'me qoyajaĝadiñgui jaga'me limaĝañi jo'ne uetañgui ga'me dole' let'adaic, jo'ne nach'ega 'me neleuaĝa jo'ne p'ategue.

Apocalipsis 3:9

Auec'achiñe da'me jo'ne je'eteque jogaa'me jo'ne chiyoqodayi da'me lemaĝac ñe'me Satanás, jogaa'me jo'ne pecayaqa da'me eetapela'ajalo nach'egaua jo'ne lec'oqo'tepi joñe'me Dios, qalaĝaja ja naqaegaua: jen qomle da'me ami yec'atalo qaedi yejoidiñe naa'me leliquetel da'me ami dajo'tagueta, qama'le yataqata yayate'n da'me jayem eja da'me ami joqopitalo.

Judas 1:4

Qa'a uo'oe gaa'me jo'ne ch'e ami yeuomaĝanouelo joda'me loqovinaĝanaĝaco qaedi ami tauelo. Nach'egaua jo'ne joote uaqatetelo'te daa'me nedii's jo'ne Dios 'laqataqa joca'li, queda'me joote qoyeloĝonaĝateda'a da'me Dios le'uaĝanaĝanaĝac, nach'egaua ga'me jiyaĝadipi jo'ne yataqachiñe etaĝaloĝoiquipi. Nataq'aen ch'e yacoteguet da'me lichoĝodenataĝanaĝac joñe'me Dios qama'le ena'am ta'le ch'e yayaquiaĝa'n qaedi 'yete'tape naa'me mach'e loeco jo'ne lequejeguetaĝa. Nataq'aen nematedapec joñe'me Qadadipa mach'e Qadejaliaĝanec Jesucristo.

1 Timoteo 1:19

Oquetalegue da'me adepe'e nataq'aen nach'e eta't auen onaĝaic ga'me adelnataĝac, qa'a uo'oe jogaa'me male ja yauote ga'me onaĝaic lelnataĝa'j, qama'le queda'e da'me lepe'e'.

Filipenses 3:3

Qa'a mach'e qo'mi jo'ne yataqata qo'mi qoye'n Dios lec'oqo'tepi. Qalaĝaja da'me dojo' ja chiyaqayi da'me ch'e qoyichaĝaye na'me qadapat, dite da'me chiyaqayi joñe'me Dios Lepaqal jo'ne qo'mi uetauelo. Naqaeñe jo'ne qo'mi yaqataĝata'ajalo qaedi 'ñonaĝataĝaye joñe'me Dios nataq'aen e'n qo'mi made'tape jouaĝat da'me jouaqa'tajop joñe'me Jesucristo.

Gálatas 5:13

Ami yaqaya'olqa, Dios ami yiyaĝanalo qaedi ami uojotedañi. Qalaĝaja ena'te aueñetapela't adoĝochi da'me ami uojotedañi ta'le taue q'aen da'me a'vichi ga'me ja no'en. Dite da'me anecochiyapega't qa'a 'uo da'me adoqopich'ii.

Romanos 2:28

Qa'a ja naqaeda da'me am judío le'ec jo'ne nach'edata netaye ga'me p'aye, nataq'aen da'me nichaĝajoĝonaĝac ja nach'edata da'me p'aye jo'ne netaye na'me ado'oc.

Mateo 7:6

“Ena'te auañema gaa'me pi'o jogaa'me uo'oe jo'ne ja 'nalo'te uotaĝa ta'le auañema gaa'me coochel jogaa'me aneperlas, qa'a jogaa'me ch'e piye'ñelo nataq'aen gaa'me pi'o uotaĝa ami 'viyelaĝalo qama'le ami yauaĝalo'te.

Apocalipsis 2:9

Joote jayaten da'me adachoĝodequi nach'e ena'am jayaten da'me qaya'te adeuoyaĝaqui, mate mane'e ena'am ta'le yataqata ami neuoyaĝadi, qama'le nach'e ena'am jayaten da'me eeta da'me ami dachinataĝalo'te jogaa'me jo'ne eetapela'ajalo lec'oqo'tepi joñe'me Dios. Qalaĝaja nach'egaua jo'ne ja p'etaqadayaqa, dite da'me chiyoqodayi da'me lemaĝac joñe'me Satanás.

2 Pedro 2:22

Qalaĝaja nach'egaua jogaa'me jo'ne tachiguilo da'me eja jo'ne qo'yaĝatetac: “Ga'me pioq 'viyelaĝa ga'me jo'ne mach'e lolaĝat,” qama'le nach'e ena'am: “Jaga'me cooche qom yemta qoyiyo qama'te yitaĝa necouaye ga'me jenal.”

Mateo 24:10

Qomle gaa'me noloqo'ote qayoĝode' gaa'me nematedapec qomle da'me lepe'e', nataq'aen ja neuotena't nataq'aen onolqa'tape p'ayapega't jogaa'me.