Filipenses 3:1 - Nuevo Testamento Toba Sombrero Negro

¹ Chane'eja, ami yaqaya'olqa, 'noota qom yataqata ami made'tape, yajouaĝat da'me ademii'teguet joñe'me Jaliaĝanec. Yataqata ja jouala da'me ji'iyelaĝatelegue da'me joote jediñe ca'li, qa'a qom naq'aeta da'me ja'uo qama'le yataqata ami qo'yañaqateneque.

Nuevo Testamento Toba Sur

¹ Qaq nagui qami' ÿaqaÿadolqa, qantoñiitapeguec qome so qadataxala'. Qaq aÿim sa ishit da huo'otaq ñasamtapiguiñi da shi'iguelaqtalec de'eda sogote da shiyiñi co'ollaxa, cha'ayi damayi ÿataqta qadviñiqui.

La'aqtaqa Ñim Lo'onatac 'Enauacna 2013

¹ Qaq nagui qami' ỹaqaỹarolqa, qantoñiitapeguec qome da qana'ayeetaua'a So Qarataxala'. Qaq aỹem saishet da huo'otaq ñasamtapiguiñi da she'eguelaxattalec de'era maye sogote da shiyiñi co'ollaxa, cha'aye damaye saỹateeta da ỹataqta qarviñiqui.

Filipenses 3:1 Referans Kwoze

Filipenses 4:4

¡'Noota qom nach'e eta't ami made'tape, da'me ami jo'ne ademii'teguet joñe'me Qadejaliaĝanec! Joote ami ja'aĝatema ca'li, qama'le nayi yitaĝa ñenaĝategue jenjo': ¡yataqata ami made'tape!

Romanos 5:11

Nataq'aen ja jaldata da'me dojo', dite da'me nach'e ena'am 'ñonaĝataĝaye ñe'me Dios yajouaĝat ñe'me Qadejaliaĝanec Jesucristo, qa'a nach'eñe ñe'me Cristo jo'ne chiyaqayi da'me jaconaĝaguet nayi da'me qo'mi qoyadalaĝa't.

Santiago 1:2

Ami yaqaya'olqa, 'noota qom ami made'tapolqa qom ami yovitalo jogaa'me yodapecache jo'ne napiyenataĝanaĝaco,

1 Pedro 4:13

Nach'edata da'me ami made'tape, yajouaĝat da'me nach'e ena'am ami ua'ajopa daa'me lachoĝodeco joñe'me Cristo, qaedi nach'e ena'am najaĝaye da'me adamaiqui qom yataqachiñe di'yoq da'me 'lonaĝa joñe'me da'me yitaĝa novitequena jo' qomle.

1 Ts 5:16

'Noota qom nach'e eta't ami made'tapolqa.

Filipenses 4:8

Ami yaqaya'olqa, jeetapega naq'aeta jenjo' 'yaqatac nayi. 'Noota qom analoqochiñe nale jena'me jenjo' 'noota ladic, chayovida'a da'me jo'ne yataqata qo'nonaĝachigui. Qama'le nach'e eta't auenache'ta da'me eja nataq'aen da'me chimaqachiñe, da'me yataqatelegue nataq'aen da'me ja 'nalegue, da'me onaĝaic nataq'aen da'me qoyiyamaĝaden.

1 Pedro 3:8

Chane'eja, 'noota qom aueñi onolec da'me adelnataĝaqui, choqoda'me joĝodayaqa naa'me adai'lidi', nataq'aen da'me ami qopitaĝanaqataqayaqa, choqoda'me ami choĝodenataĝanaĝayaqa, nataq'aen da'me ja ami 'te 'yoĝodenaĝayaqa.

2 Corintios 13:11

Ami yaqaya'olqa, queda'me nach'e jana'ña ga'me 'yaqatac nayi, jepaquetapega ta'le ami made'tape, aueloyaque da'me liyamaĝac joda'me at'oyaĝaqui. Auacoñiyeguet da'me at'añaĝaqui nataq'aen adaloitapega't da'me adajoĝoqui nataq'aen da'me 'nemaĝac. Ñe'me Dios 'me chiyoqo'ot da'me noqopich'i choqoda'me 'nemaĝac, nach'eñe jo'ne nach'e eta't ami uetauelo.

2 Pedro 3:1

Ami yaqaya'olqa, naajo' yedii's male dos gaa'me nedel 'me ami jamaĝalo. Da'me mach'e 'yamaqatenataĝanaĝac naa'me dos nedel uedaye da'me ami japaĝagueneque, da'me ami jayatenaĝanaĝaneque da'me jo'ne chimaqategue.

Efesios 6:10

Ami yaqaya'olqa jo'ne yataqata ademii'teguet joñe'me Cristo, nach'e eta't a'nañaĝachiyeguet da'me 'lañaĝac joñe'me.

Lucas 1:47

nataq'aen najaqachigui da'me yamaic, yajouaĝat ñe'me Dios mach'e Yec'alaĝaiqui,

Filipenses 3:3

Qa'a mach'e qo'mi jo'ne yataqata qo'mi qoye'n Dios lec'oqo'tepi. Qalaĝaja da'me dojo' ja chiyaqayi da'me ch'e qoyichaĝaye na'me qadapat, dite da'me chiyaqayi joñe'me Dios Lepaqal jo'ne qo'mi uetauelo. Naqaeñe jo'ne qo'mi yaqataĝata'ajalo qaedi 'ñonaĝataĝaye joñe'me Dios nataq'aen e'n qo'mi made'tape jouaĝat da'me jouaqa'tajop joñe'me Jesucristo.

Mateo 5:12

Auacoñiyeguet da'me adamaiqui, 'noota qom ami made'tapolqa, qa'a auacoñiyeguet qomle ga'me anejetenaguequi jo'ne ua'ague di'me piyem; qa'a ca'li maliaĝa ami qayaua, qanach'e naq'aeta da'me qoyecaa'tape jodia'me Dios 'laqataĝanaĝanaqa.

1 Ts 4:1

Qama'le nayi, ami yaqaya'olqa, ami ñachoĝodenoqoto chayovida'a da'me ami jaqataĝalo queda'me jaconaĝa joda'me lañoqotaĝanaĝac ñe'me mach'e Qadejaliaĝanec Jesús, qaedi male yemeda naa'me naajo' noloqo'ote yataqata anichiquitaye, qa'a yataqata aueñi 'noota joga'me at'oyaĝaqui, nataq'aen da'me auauoyi yema joga'me auayachiñe jo'ne ami japaĝaguenaĝaque ca'li, qa'a jena'me jenjo' jo'ne auayachiñe naqaena jena'me yataqata 'yamaqaten joñe'me Dios, jena'me jenjo' jo'ne joote auauoyitac yataqata 'noota.